sona pi lipu toki ni
sina ken pona e ona kepeken ilo poki Kita
sina wile kepeken ona la, o kute e nasin CC-BY-SA 4.0
sina ken lukin e ona lon lipu liputenpo.org lon lipu liputenpo.org lon lipu commons.wikimedia.org
tenpo li tawa suli
tenpo li tawa suli. ken la, sina jo e tenpo sike kama mute. ken la, sina jo e tenpo sike kama tu. sina sona ala e tenpo kama. ni la, o kepeken e tenpo sina.
tenpo mute la, sina lape. tenpo ni li weka. tenpo mute la, sina pali. pali li ike la, tenpo ni li weka. tenpo mute la sina weka e jaki, li pali e moku, li pana e moku tawa soweli tomo sina. ni li ike tawa sina la, tenpo ni li weka.
jan mute li wile taso e tenpo pi esun ala, e tenpo pi pali ala. ni la, o pilin: pali sina li pona ala pona tawa sina? tenpo pali li tenpo suli pi tenpo ale sina. o pali e pali pona, e pali musi.
mi jan lili. tenpo sike mute la, mi lon ma ni. taso tenpo sike mute li mute ala. ken la, sina lon ma ni lon tenpo sike mute mute mute. taso tenpo seme la, sina musi, li lon lon?
mi toki ala e ni: pali li ike. mi toki ala e ni: ale li ike. mi toki e ni: o pilin e ma. o kepeken e tenpo. o kepeken e ale sina.
mi sona e jan mute pi tenpo mute. mama mama mi li jan ni. tenpo mute la, ona li sike e suno. tenpo mute la, ona li pali, li toki, li pilin e ma. ona li pilin e ni: ale mi li pona. mi moli la, ni li ike ala. o pilin: sina moli la, ni li ike anu pona?
ale li pona, o pona, o ale!
