sona pi lipu toki ni
sina ken pona e ona kepeken ilo poki Kita
sina wile kepeken ona la, o kute e nasin CC-BY-SA 4.0
sina ken lukin e ona lon lipu liputenpo.org lon lipu liputenpo.org lon lipu commons.wikimedia.org
o sona e ni: wrote alt text
kulupu esun Patakonija
tenpo pini mute la, jan Ipon Kuwina (Yvon Chuinard) li open e kulupu esun Patakonija. tenpo pini la, jan Ipon Kuwina li tawa sewi lon nena suli. ni la, kulupu esun Patakonija li pali e len tawa ni: jan li tawa sewi lon nena suli.
tenpo sike pini mute la, nanpa wan la, kulupu esun Patakonija li pana e mani tawa kulupu pi pona ma. mani ale la, mani mute li lon ($89,000,000). kama la, ona li toki e ni: o esun ala e len sin, o pona e len pi sin ala!
tenpo sike ni la, jan Ipon Kuwina li pana e kulupu esun ona tawa ma. seme a? lon a! tenpo ni la, kulupu pi pona ma pi esun ala li jo e kulupu esun Patakonija! jan Ipon Kuwina li wile e ni: kulupu esun Patakonija li pana e mani mute tawa pona ma. ma li pilin ike tan ijo mute. ni la, mani tan kulupu esun Patakonija li pona mute tawa ma. tenpo sike wan la, kulupu li pana e mani mute mute ($100,000,000).
