sona pi lipu toki ni
sina ken pona e ona kepeken ilo poki Kita
ona li toki e ni: kalama musi sin(a) ^^ A song about transgression, transformation, and love. One of those ones where at the current moment, my best attempts at explaining it further amount to gesturing semi-wildly at the lyrics with copious amounts of nodding and eyebrow-raising. Also puns! We love puns.
kulupu toki la ona li music li pop
sina wile kepeken ona la, o kute e nasin CC-BY-NC-SA-3.0
sina ken lukin e ona lon lipu janusawi.bandcamp.com lon lipu www.youtube.com
sina
o lon e tenpo pimeja
tenpo suno ni la mi kama
moku tan pilin apeja
wile ante wawa li kama
telo suli la mi tawa kala
taso lon ma kin la mi wile tawa
tawa wile ni la mi kala( )ma
lon telo pi lon sin(a)
mi lukin e sin(a)
la mun li tan sin(a)
li kama tawa sin(a)
kama li tawa mi la
mi pana tawa sin(a)
pilin wawa lon insa
o awen ala insa
ona li tan sin(a)
olin pona sin(a)
luka waso sin(a)
sama pilin sin(a)
mi wile e sin(a) sin(a) sin(a) sin(a)
anu mi wile sin(a) sin(a) sin(a) sin(a)
sin a
seli a
o kama lukin
o open
wan tu mute a!
ma sama
sitelen lape mi
li kama lon
noka mi li awen palisa
o luka e mi la ona li sama kon
jan lon li wile
sona pona ike
namako pi lukin ante li mama e ale mi
e ale sin(a)
o lon e tenpo pimeja
wile suno li pini a
mi weka e pilin apeja
li toki e nimi sin(a)
mi lukin e sin(a)
la mun li tan sin(a)
li kama tawa sin(a)
mi wile e sin(a) sin(a) sin(a) sin(a)
anu mi wile sin(a) sin(a) sin(a) sin(a)
jan li kama ken pakala
anu kama ken sewi la
jan li kama wile ala ante
ni la mi o weka e sin(a) tan seme?
telo suli la mi tawa kala
taso lon ma kin la mi wile tawa
tawa wile ni la mi kala( )ma
lon telo pi lon sin(a)
o lon e tenpo pimeja
wile suno li pini a
toki insa mi li sike a
li ken e ale tan sin(a)
tan olin pona sin(a)
tan luka waso sin(a)
sama pilin sin(a) la
mi wile e sin(a) sin(a) sin(a) sin(a)
anu mi wile sin(a) sin(a) sin(a) sin(a)