musi pi nasin sitelen Non

mi tawa kepeken tomo kulupu tawa la tawa li wile e tenpo. tawa la mi wile e ijo musi. mi kama sona e musi. mi kama kepeken ona lon tenpo tawa mute. mi kama wile pali e musi ni pi toki pona.

nasin musi li seme? poki lili mute li lon lipu. poki ale li lon poka pi poki ante. musi la mi wile kule e poki mute e poki ale ala. mi wile ni kepeken nasin musi. nanpa li lon selo pi ale poki li toki e nasin.

nanpa li toki e lon pi kulupu poki. nanpa li lon sewi la nanpa li toki e kulupu poki tan sewi tawa anpa. nanpa li lon poka la nanpa li toki e kulupu poki tan poki nanpa tawa poki pi nanpa ala.

nanpa wan li lon la poki wan taso li kulupu li poki kule. nanpa tu li lon la poki tu li kulupu wan li poki kule li lon poka. nanpa mute li lon la poki mute li kulupu wan. ijo ante li suli: kulupu poki wan li ken ala lon selo pi kulupu poki ante. mi pini e kulupu la mi sona e ni: poki li lon poka kulupu la poki ni li poki pi kule ala a. (poki pi kule ala la mi ken sitelen e nimi “ala” lon insa.)

mi sona e nasin ni la mi ken kule e poki.

mi pini e kule e musi la poki kule en poki pi kule ala li sama sitelen. o lukin: ona li sama pilin

musi ni la nimi mute li ken. jan Non (い しだのん) li pali e ona ona li ken musi sitelen Non anu musi sitelen Nono. taso jan ante kin (西尾徹也) li pali e musi pi nasin sama li pana e nimi ante. kin la lipu en ilo li pana e nimi ante. nimi mute a li ken.

sina kin li wile ala wile musi? mi pana e musi ni kepeken sitelen pi toki pona.