o esun e moku Wapa!

tan jan Jami sike #2023 ) #9 ) #26

{"/":{"prev":{"id":"2023/09/nasa-tu-wan","data":{"title":"nasa tu wan","description":null,"authors":["kije Enki"],"proofreaders":null,"date":"2023-09-26T00:00:00.000Z","date-precision":"day","original":{"title":"驫麤～とりぷるばか～","authors":["ラマーズP"]},"tags":["translation","music","vocal synth","vocaloid","utau","hatsune miku","kasane teto","akita neru"],"license":null,"sources":["https://www.youtube.com/watch?v=c25rr2UO5mo","https://vocadb.net/S/531803"],"archives":null,"preprocessing":null,"accessibility-notes":null,"notes":null},"body":"a a a\n\ninsa sina li kama kalama \"mu\"!\n\na mi tawa nanpa mi en ni la \"toki a!\"\ntaso tnepo li kama, mi open pilin lape a!\n\na u a u \n\nmi pali mute, taso mi sina li nasa a\nsama mi jan lili ike\n\nlon la sina jo e sona lili~\n\njan seme li toki a?!\n\nmi ken ala pali pona e ni:\nmi sona ala ijo ali;\nmi ken ala pona e ijo suli,\nni la mi pini e ni a!~\n\nnasa nasa nasa (nasa nasa nasa)\nijo seme li lon la, sina kama tawa ona a? (tawa e sina~)\nmi tawa ma ante sona ala\nlon wile mi a (lon wile mi a)\n\nnasa nasa nasa (nasa nasa nasa)\nsina jo e ijo mute ante lon, anu seme? (mute mute a~)\npilin ike pona, ken la, pilin ante...\nmi pali e ni! (mi pali e ni!)\nmi pana e kule mi tawa sina a!\n\naaa","filePath":"poki/plaintext/2023/09/nasa-tu-wan.md","digest":"9ee00800d40bd334","rendered":{"html":"a a a\ninsa sina li kama kalama “mu”!\na mi tawa nanpa mi en ni la “toki a!”\ntaso tnepo li kama, mi open pilin lape a!\na u a u\nmi pali mute, taso mi sina li nasa a\nsama mi jan lili ike\nlon la sina jo e sona lili~\njan seme li toki a?!\nmi ken ala pali pona e ni:\nmi sona ala ijo ali;\nmi ken ala pona e ijo suli,\nni la mi pini e ni a!~\nnasa nasa nasa (nasa nasa nasa)\nijo seme li lon la, sina kama tawa ona a? (tawa e sina~)\nmi tawa ma ante sona ala\nlon wile mi a (lon wile mi a)\nnasa nasa nasa (nasa nasa nasa)\nsina jo e ijo mute ante lon, anu seme? (mute mute a~)\npilin ike pona, ken la, pilin ante…\nmi pali e ni! (mi pali e ni!)\nmi pana e kule mi tawa sina a!\naaa","metadata":{"headings":[],"localImagePaths":[],"remoteImagePaths":[],"frontmatter":{"title":"nasa tu wan","description":null,"authors":["kije Enki"],"proofreaders":null,"date":"2023-09-26T00:00:00.000Z","date-precision":"day","tags":["translation","music","vocal synth","vocaloid","utau","hatsune miku","kasane teto","akita neru"],"original":{"title":"驫麤～とりぷるばか～","authors":["ラマーズP"]},"license":null,"sources":["https://www.youtube.com/watch?v=c25rr2UO5mo","https://vocadb.net/S/531803"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"poki"},"next":{"id":"2023/09/jan-lawa-lili","data":{"title":"jan lawa lili","description":"A translation of Antoine de Saint-Exupéry's \"The Little Prince\"","authors":["jan Kijon","jan Nikola"],"proofreaders":null,"date":"2023-09-23T00:00:00.000Z","date-precision":"year","original":{"title":"The Little Prince","authors":["Antoine de Saint-Exupéry"]},"tags":["translation","prose","story"],"license":"CC BY-NC-SA 4.0","sources":["https://jan-lawa-lili.gitlab.io/"],"archives":null,"preprocessing":null,"accessibility-notes":null,"notes":"The newer translation"},"body":"# jan lawa lili\n\n## lipu nanpa 1\n\ntenpo pi mi lili la, mi lukin e sitelen pona lon insa pi lipu ni: lipu li pana e lukin pi ma kasi. nimi lipu li “lon pi tenpo pini”. sitelen ni la, akesi linja li moku e soweli wawa. ni li sitelen:\n\n![](https://jan-lawa-lili.gitlab.io/img/jll_2.jpg)\n\nlipu li toki e ni: “akesi linja li moku e soweli la, ona li pakala ala e ona kepeken uta. pini la, ona li ken ala tawa, li lape lon tenpo suli.”\n\nmi toki insa mute tawa lon pi ma kasi. ni la, mi pali e sitelen mi nanpa wan kepeken palisa kule. sitelen mi nanpa wan li lon. ona li sama ni:\n\n![](https://jan-lawa-lili.gitlab.io/img/jll_3.jpg)\n\nmi pana e sitelen pona mi tawa jan suli. mi wile sona e ni: ona li pilin ala pilin monsuta tan sitelen mi?\n\nona li toki: “len lawa li monsuta tawa mi tan seme?”\n\nsitelen mi li len lawa ala. sitelen mi li ni: akesi linja li moku e soweli suli. ni la, mi sitelen e insa akesi tawa ni: jan suli li kama sona. tenpo ale la, jan ante o pana e sona ale tawa ona. sitelen mi nanpa tu li sama ni:\n\n![](https://jan-lawa-lili.gitlab.io/img/jll_4.jpg)\n\njan suli li toki e ni tawa mi: mi o weka e sitelen akesi pi sijelo open e sitelen akesi pi open ala. lon la, mi o sona e sona ma e sona tenpo e sona nanpa e sona toki. ni la, tenpo pi mi lili la, mi weka e pali mi pi sitelen pona. sitelen mi nanpa wan en sitelen mi nanpa tu li ike la, mi wile ala sitelen. jan suli li sona ala. jan lili o pana e sona tawa ona lon tenpo ale la, ni li ike tawa jan lili.\n\nni la, mi o pali e ijo ante. mi kama sona lawa e tomo tawa kon. mi tawa lon ma ale. lon la, sona ma li pona mute tawa mi. mi lukin lili la, mi ken sona e ni: mi lon ma Sonko anu ma Awisona. mi lon ma sin lon tenpo pimeja la, ni li pona mute.\n\ntenpo mute la, mi kama sona e jan suli mute. tenpo mute la, mi lon poka pi jan suli. mi lukin mute e ona. ni la, mi pilin ike tawa ona.\n\ntenpo lili la, mi lon poka pi jan suli pona. mi pana e sitelen nanpa wan tawa ona. mi wile sona e ni: sona pi jan ni li pona ala pona? taso, tenpo ale la, ona li toki: “ni li len lawa.” ni la, mi toki ala e akesi e ma kasi e mun suno tawa ona. mi toki sama ona la, mi toki e ijo pi jan suli: mi toki e musi pi jan suli e nasin lawa e len linja pi anpa lawa. ni la, jan suli li pilin pona tawa mi, li pilin e ni: sona mi li pona.\n\n## lipu nanpa 2\n\nni la, tenpo suli pi lon mi la, mi wan. mi toki lili tawa jan ante. ni li ante lon tenpo pini ni: tomo tawa kon mi li pakala lon ma Sawala pi telo ala. ijo pi ilo wawa ona li pakala. jan pi pona ilo en jan ante li lon ala poka mi la, mi wan o pona e ona. pali ni li ike mute. mi ken ala pona e ona la, mi moli. telo mi li lili la, mi ken awen moku e telo lon tenpo suno luka tu wan taso.\n\ntenpo pimeja nanpa wan la, mi lape lon ko kiwen. mi lon weka mute pi ma tomo. mi wan sama ni: jan li weka e nasin ona lon insa pi telo suli suli la, wan ona li lili; wan mi li suli. ni la, suno li kama la, mi nasa mute tan ni: kalama nasa lili li pini e lape mi. ona li toki:\n\n“sina wile la… o sitelen e soweli len tawa mi!”\n\n“seme!”\n\n“o sitelen e soweli len tawa mi…”\n\nmi sewi lon noka mi kepeken wawa mute sama ni: wawa sewi li utala e mi. mi luka e oko mi. mi lukin pona. mi lukin e jan lili nasa. ona li lukin e mi kepeken pilin suli. mi pali e sitelen ni. sitelen ni li ike lukin; ona li pona lukin. ni li tan ala mi. tenpo pi mi lili la, jan suli li weka e wile sitelen mi. ni la, mi sona ala sitelen. mi sona sitelen e ni taso: akesi pi sijelo open en akesi pi open ala.\n\n![](https://jan-lawa-lili.gitlab.io/img/jll_5.jpg)\n\nmi lukin e ken ala ni la, oko mi li suli tan pilin nasa. o sona e ni: mi lon weka mute pi ma tomo. taso, jan lili ni li sama ala jan weka, li sama ala jan pi pilin lape, li sama ala jan pi wile moku, li sama ala jan pi pilin monsuta. ona li sama ala ni: jan lili li lon ma pi telo ala, lon weka mute pi ma tomo. ken toki li kama tawa mi la, mi toki:\n\n“sina lon ma ni tan seme?”\n\nona li toki sin, kepeken suwi, sama toki pi ijo suli:\n\n“sina wile la… o sitelen e soweli len tawa mi…”\n\nnasa li suli mute la, mi o kute. mi lon weka mute pi ma tomo. ken suli la, moli li kama. taso, nasa mute la, mi kama jo e lipu e ilo sitelen. taso, mi sona e ni: tomo sona li pana taso e sona ma e sona tenpo e sona nanpa e sona toki tawa mi. mi toki (pi ike lili) e ni tawa ona: mi ken ala sitelen. ona li toki:\n\n“ni li lili. o sitelen e soweli len tawa mi.”\n\nmi ken ala sitelen e soweli len la, mi pali e sitelen pi sona mi: akesi linja pi open ala. nasa mute tawa mi la, mi kute e toki ni pi jan lili:\n\n“ala! ala! mi wile ala e ni: soweli suli li lon insa pi akesi linja. akesi li ken moli e jan. soweli suli li suli mute ike. tomo mi li lili lili. mi wile e soweli len. o sitelen e soweli len tawa mi.”\n\nni la, mi sitelen.\n\n![](https://jan-lawa-lili.gitlab.io/img/jll_6.jpg)\n\nona li lukin pona, li toki:\n\n“ala! sijelo ona li pilin ike. o sitelen sin.”\n\nmi sitelen e ni:\n\n![](https://jan-lawa-lili.gitlab.io/img/jll_7.jpg)\n\nona li lukin, li musi lili:\n\n“o lukin pona… ni li soweli len mije. ona li jo e palisa…”\n\nmi sitelen sin. taso, sama sitelen ante la, jan lili li wile ala e ona:\n\n![](https://jan-lawa-lili.gitlab.io/img/jll_8.jpg)\n\n“ona li suli pi tenpo sike mute. mi wile ala e ni: soweli mi li moli lon tenpo lili.”\n\nmi pini wile kepeken tenpo mi tawa sitelen. mi wile open pona e ilo wawa la, mi sitelen ike e ni:\n\n![](https://jan-lawa-lili.gitlab.io/img/jll_9.jpg)\n\nmi toki:\n\n“ni li poki. soweli pi wile sina li lon ona.”\n\nnasa tawa mi la, sinpin ona li kama pona.\n\n“ona li pona mute tawa mi! sina la, soweli len ni li wile e kasi mute ala mute?”\n\n“tan seme?”\n\n“tomo mi li lili lili…”\n\n“ken suli la, mute ala. mi pana e soweli lili tawa sina.”\n\nona li anpa e lawa ona tawa sitelen.\n\n“lili ala… a! ona li kama lape…”\n\nni la, mi kama sona e jan lawa lili.\n\n## lipu nanpa 3\n\nmi kama sona e ni kepeken tenpo suli: ona li tan ma seme. jan lawa lili li toki e wile sona mute tawa mi. taso, tenpo ale la, mi toki e wile sona tawa ona la, ona li toki ala e wile sona mi. ona li toki e ijo ante la, mi kama sona lili kepeken tenpo mute. ni la, ona li lukin e tomo tawa kon mi (mi sitelen ala e ona; sitelen ni li suli mute tawa sona mi). ona li toki:\n\n“ijo ni li seme?”\n\n“ni li ijo ala. ni li tawa lon kon. ni li tomo tawa kon. ni li tomo tawa kon mi.”\n\n![](https://jan-lawa-lili.gitlab.io/img/jll_10.jpg)\n\nmi pana e sona ni tawa ona: mi tawa lon kon. mi pana e sona ni la, mi pilin suli. ni la, ona li toki:\n\n“a! sina anpa tan sewi, anu seme!”\n\nmi toki kepeken pilin lili: “anpa.”\n\n“a! ni li musi…”\n\njan lawa lili li musi. kalama musi ona li kalama pona, li ike mute tawa mi. mi wile e ni: jan li pilin suli tawa ike mi. ona li toki sin:\n\n“ni la, sina kin li kama tan sewi! sina tan mun seme?”\n\nsama suno lili lon pimeja la, toki ona li weka lili e len pi lon nasa ona. mi toki wawa e wile sona tawa ona:\n\n“sina tan mun ante, anu seme?”\n\ntaso, ona li toki ala e ni. ona li tawa suwi e lawa ona, li lukin e tomo tawa kon mi.\n\n“lon la, kepeken ilo ni la, sina ken ala kama tan ma pi weka mute…”\n\nni la, ona li kama pilin mute lon insa lawa ona. tenpo suli li pini la, ona li kama jo e soweli len mi. ona li lukin suli e ona sama ni: ona li ijo pona pi suli mute.\n\nken suli la, sina pilin sama mi tawa toki lili ona pi “mun ante”. mi alasa e sona:\n\n“jan lili o, sina tan seme? ‘tomo sina’ li lon seme? sina wile pana e soweli len mi tawa seme?”\n\nona li toki ala. tenpo lili la, ona li toki e ni:\n\n“poki pi sitelen sina li pona tan ni: tenpo pimeja la, ni li tomo ona.”\n\n“lon. sina pona la, mi pana kin e linja tawa sina. tenpo suno la, sina ken linja e soweli. mi pana kin e palisa.”\n\ntoki mi li ike tawa jan lawa lili:\n\n“sina wile linja e ona tan seme? toki sina li nasa a!”\n\n“sina linja ala e ona la, soweli sina li weka…”\n\njan pona mi li musi sin:\n\n“ona li weka la, ona li tawa seme?”\n\n“ma ale. ona li tawa sinpin…”\n\njan lawa lili li toki kepeken pilin suli:\n\n“ni li ike ala. tomo mi li lili lili!”\n\nona li toki kin, kepeken pilin ike suwi:\n\n“tawa sinpin la, jan li ken ala tawa weka mute…”\n\n## lipu nanpa 4\n\nni la, mi kama sona e ijo suli sin: mun ona li lili sama tomo!\n\nni li nasa ala tawa mi. mi sona e ni: mun suli li lon. nimi ona li mun ma li mun Jupite li mun Masi li mun Wenu. taso mun lili mute mute li lon kin. ona li lili mute la, ni li ken lili lili: jan li lukin e ona kepeken ilo pi lukin mun. jan pi sona mun li lukin e ona la, ona li nimi e ona kepeken nanpa. ken la, ona li pana e nimi “mun nanpa 3251” tawa ona.\n\nmi la, ni li ken suli: mun lili pi jan lawa lili li mun nanpa P 612.\n\n![](https://jan-lawa-lili.gitlab.io/img/jll_11.jpg)\n\ntenpo wan taso la, jan wan li lukin e ona. ona li jan pi sona mun li tan ma Tukije.\n\n![](https://jan-lawa-lili.gitlab.io/img/jll_12.jpg)\n\nona li pana e sona sin ona tawa tenpo kulupu ni: jan pi ma ale li toki e sona mun.\n\ntaso, jan li wile ala kute e ona tan len ona. jan suli li ni.\n\n![](https://jan-lawa-lili.gitlab.io/img/jll_13.jpg)\n\npona tawa mun nanpa P 612 la, jan lawa pi ma Tukije li toki e nasin lawa sin. nasin li ni: jan ale pi ma Tukije o len kepeken len pi ma Elopa. ona li len ala kepeken len ni la, jan lawa li moli e ona. sin la, jan pi ma Tukije li pana e sona pi mun nanpa P 612 tawa jan pi sona mun. tenpo ni la, len ona li pona lukin. ni la, jan ale li kute.\n\n![](https://jan-lawa-lili.gitlab.io/img/jll_14.jpg)\n\nmi toki e mun nanpa P 612, li toki kin e nanpa ona tawa sina la, ni li tan jan suli. nanpa li pona tawa jan suli. sina kama sona e jan pona sin la, sina toki e ni tawa jan suli la, jan suli li wile ala sona e ijo suli. ona li toki ala e ni: “kalama uta ona li sama seme? musi seme li pona tawa ona? ona li kulupu ala kulupu e pipi waso kule tawa musi?” ona li toki e ni: “ona li suli pi tenpo sike seme? mama meli ona li mama e jan lili pi mute seme? mama mije ona li jo e mani pi mute seme?” ni la, jan suli li ken pilin e ni: ona li sona e ona. sina toki e ni tawa jan suli: “mi lukin e tomo. sinpin ona li loje walo. kasi kule li lon lupa ona. waso walo li lon sewi ona…” jan suli li ken ala lukin e ona kepeken lawa taso. sina o toki: “mi lukin e tomo. ona li mani mute mute.” ni la, ona li toki: “pona lukin a!”\n\nkin la, sina toki: “jan lawa lili li lon. mi sona tan ni: ona li pona lukin li wile e soweli len. jan li wile e soweli len la, ona o lon!” pilin pi jan suli la, sina sama jan lili! taso, sina toki e ni: “mun ona li mun lili nanpa P 612”. ni la, pilin ona la, toki sina li lon. ona li toki ala e wile sona sin tawa sina. ni li nasin pi jan suli. o pilin ike ala tawa ona. jan lili o pona tawa ike pi jan suli.\n\ntaso, mi mute li sona e nasin lon. nanpa li lili tawa mi! wile mi la, open pi lipu mi li sama lipu musi suwi pi jan lili. mi wile toki e ni:\n\n“tenpo pini la, jan lawa lili li lon mun lili. ona li wile e jan pona…” jan li sona e nasin lon la, toki ni li pona mute, li toki lon.\n\nwile mi la, lipu mi li suli tawa jan. mi toki e sona ni la, mi pilin ike. tenpo pini mute la, jan pona mi en soweli len ona li weka. mi wile ala e ni: jan lawa lili li weka tan sona mi. mi toki e ona lon lipu ni tan ni. jan pona li weka tan sona sina la, ni li ike. jan ale ala li kama sona e jan pona. kin la, mi ken ante. mi ken kama sama jan suli, li ken pilin pona tawa nanpa taso. ni la, mi kama jo e kule e ilo sitelen tan ni. tenpo ni la, mi suli la, pali sitelen li ike tan ni: mi lili la, mi sitelen taso e akesi linja pi sijelo open e akesi pi open ala! mi alasa e ni: sitelen mi li pona tawa lon. taso, mi sona ala e ni: sitelen mi li pona ala pona? ken la, sitelen wan li pona. ken la, sitelen ante li ike. ken la, suli pi sitelen mi li pakala. sitelen ni pi jan lawa lili li suli ike. sitelen ante li lili ike. mi sona ala e kule pi len ona. ni la, mi alasa, li pakala lili. mi ken pakala e ijo suli kin. taso sina o lukin ala e pakala mi. tenpo ala la, jan pona mi li pana e tan tawa mi. ken la, ona li pilin e ni: mi sama ona. taso, ike la, mi ken ala lukin e soweli len lon insa poki. ken la, mi sama jan suli. ken la, mi kama suli.\n\n## lipu nanpa 5\n\ntenpo suno ale la, mi kama sona e ijo sin tan mun pi jan lawa lili, tan tenpo weka ona, tan tawa ona. sona ni li kama lili lili, tan toki mute. tenpo suno nanpa tu wan la, mi kama sona e ike suli pi kasi Pajopa.\n\nsama tenpo pini la, mi kama sona tan soweli len. ona li toki wawa sama ni: ona li toki insa e ken pi ijo ike suli:\n\n“soweli len li moku ala moku e kasi?”\n\n“moku”.\n\n“a! mi pilin pona.”\n\n![](https://jan-lawa-lili.gitlab.io/img/jll_14.jpg)\n\nmi sona ala e ni: soweli len li moku e kasi la, ni li suli tawa ona tan seme? taso, ona li toki sin:\n\n“ni la, ona li moku kin e kasi Pajopa, anu seme?”\n\nmi toki e ni tawa jan lawa lili: kasi Pajopa li kasi lili ala. lon la, suli pi kasi ni li sama tomo sewi. kin la, ona li kama jo e kulupu pi soweli suli mute la, kulupu ni li ken ala moku e kasi Pajopa wan.\n\nkulupu pi soweli suli li musi tawa jan lawa lili:\n\n“soweli o lon sewi pi soweli ante…”\n\ntaso, ona li toki pi sona pona:\n\n“ona li sin la, kasi Pajopa li lili.”\n\n“lon. taso tan seme la, sina wile e ni: soweli len li moku e kasi Pajopa lili?”\n\nona li toki taso: “a!” ona li pilin e ni: sona ni li nasa ala. ni la, mi pali mute kepeken lawa mi tawa ni: mi kama sona e ike ni.\n\nsama mun ale la, mun pi jan lawa lili li jo e kasi pona e kasi ike. ni la, ona li jo e sike mama pona pi kasi pona e sike mama ike pi kasi ike. taso, jan li ken ala lukin e kasi sike. kasi sike li lape lon insa ma. tenpo pi wile ona la, ona li pini lape. ni la, ona li kama suli li tawa suno. ona li kama kili loje namako anu kasi loje la, ona li ken awen lon ma. taso, ona li kama kasi ike la, jan o weka e ona. mun pi jan lawa lili la, sike mama pi ike suli li lon… ona li kama kasi Pajopa. ma pi mun ni li jo e ona mute mute. kasi Pajopa la, jan li weka ala e ona lon tenpo lili la, ona li awen. jan li ken ala weka e ona. suli ona li lon mun ale. noka ona li kama lon insa ma. mun li lili la, kasi Pajopa li mute la, mun li pakala wawa tan ona.\n\ntenpo ante la, jan lawa lili li toki e ni tawa mi: “nasin pali sina o pona. sina pini lape la, sina pini pona e sijelo sina la, sina o pona e mun. sina lukin la, kasi Pajopa lili en kasi loje li sama mute. tenpo mute la, sina o alasa e kasi Pajopa o weka e ona kepeken tenpo lili. pali ni li pana e pilin lape. taso, ona li kepeken wawa lili.”\n\n![](https://jan-lawa-lili.gitlab.io/img/jll_15.jpg)\n\ntenpo suno ante la, ona li toki e ni tawa mi: mi o pali pona e sitelen mi. ni la, sitelen mi li pana pona e sona pi kasi Pajopa tawa jan lili pi ma mi. “ona li tawa ma ante la, sona ni li pona tawa ona. tenpo lili la, jan li jo e pali pi pini ala la, ona li ken awen. taso, kasi Pajopa la, jan li pali ala lon tenpo ni la, pakala li kama. mi sona e mun. pali li ike tawa jan pi mun ni. ona li weka ala e kasi lili pi mute lili…”\n\n![](https://jan-lawa-lili.gitlab.io/img/jll_16.jpg)\n\nkin la, jan lawa lili li pana e sona pi lukin mun tawa mi. mi sitelen e mun ni. mi wile ala toki sama jan pi pana nasin. taso, jan li sona lili e ike pi kasi Pajopa. jan li tawa mun lili la, ike ni li suli mute la, tenpo ni taso la, mi o toki. mi toki e ni: “jan lili o! kasi Pajopa li ike mute tawa sina!” mi wile pana e sona pi kasi Pajopa tawa jan pona mi. tenpo mute la, sama mi la, ona li kama lon poka pi ike ni, li sona ala e ona. sona ni li suli mute la, mi pali mute mute e sitelen ni. ken la, sina wile sona e ni: sitelen pi kasi Pajopa li pona lukin la, sitelen ante pi lipu ni li ike lukin tan seme? wile mi la, sitelen ale pi lipu mi li pona lukin. taso, mi ken ala. mi sitelen e kasi Pajopa la, ike ni li suli mute tawa mi. ni li pana e wawa tawa mi.\n\n## lipu nanpa 6\n\n![](https://jan-lawa-lili.gitlab.io/img/jll_17.jpg)\n\na! jan lawa lili o, mi kama sona e lon lili sina kepeken tenpo mute. tenpo suli la, ijo wan li pona tawa sina: suwi pi suno weka. tenpo suno nanpa tu tu la, mi kama sona e ni. suno li kama la, sina toki:\n\n“suno weka li pona tawa mi. mi tu o tawa o lukin e suno weka…”\n\n“taso, mi tu o awen…”\n\n“mi o awen tan seme?”\n\n“mi o awen tan ni: suno li weka lon tenpo kama.”\n\nmi toki e ni la, sina pilin nasa mute. sina kama sona la, sina musi tan pilin sina. sina toki:\n\n“mi awen pilin e ni: mi lon tomo mi!”\n\nlon. jan ale li sona e ni: suno li wawa lon ma Mewika la, suno li weka lon ma Kanse. jan li ken tawa ma Kanse kepeken tenpo lili la, ona li ken lukin e suno weka lon tenpo ale. ike la, ma Kanse li lon weka mute. taso, lon mun lili sina la, sina ken tawa lili lili e supa monsi sina. sina wile la, sina ken lukin e suno weka lon tenpo pi wile sina…\n\n“tenpo suno wan la, mi lukin e suno weka mute mute tu wan!”\n\ntenpo poka lili la, sina toki sin:\n\n“a… jan li pilin ike mute la, suno weka li pona mute tawa ona…”\n\n“tenpo pi suno weka mute ni la, sina pilin ike mute, anu seme?” taso, jan lawa lili li toki ala.\n\n## lipu nanpa 7\n\ntenpo suno nanpa luka la, mi kama sona e ijo suli pi jan lawa lili. sin la, mi kama sona tan soweli len. ona li toki wawa e wile sona sin tawa mi. ken la, ona li alasa e sona ni lon tenpo suli lon insa pi lawa ona:\n\n“soweli len li moku e kasi la, ona li moku ala moku e kasi suwi?”\n\n“soweli len li moku e ale.”\n\n“kasi suwi li jo e palisa la, ona li moku ala moku e ona?”\n\n“moku. ona li moku e kasi suwi palisa.”\n\n“taso, kepeken palisa li seme?”\n\nmi sona ala. tenpo ni la, mi pali suli. mi wile sike e sike lili pi ilo wawa mi. mi pilin ike tan ni: pakala pi tomo tawa kon mi li suli lukin. kin la, telo mi li kama lili la, ken pi ike suli li kama.\n\n“kepeken palisa li seme?”\n\njan lawa lili li toki e wile sona la, tenpo ala la, ona li pini toki e ona. sike lili li ike tawa mi la, mi pilin ike la, mi toki e ijo nasa:\n\n“kasi li kepeken ala palisa! palisa li tan ni taso: kasi suwi li ike!”\n\n“a!”\n\nkalama ala li lon. tenpo lili la, ona li toki kepeken pilin ike:\n\n“toki sina li lon ala! kasi suwi li wawa ala. ona li sona lili. ona li alasa e ken pi pilin wawa. pilin ona la, ona li wawa tan palisa…”\n\nmi toki ala. tenpo ni la, mi toki insa: “sike lili li wile ala sike la, mi pakala e ona kepeken ilo.” sin la, jan lawa lili li pini e toki insa mi:\n\n“kasi suwi la, sina pilin ala pilin e…”\n\n“ala! ala! mi pilin ala! mi toki e ijo nasa. mi pali e ijo suli!”\n\nona li lukin nasa e mi.\n\n“ijo suli!”\n\nona li lukin e ni: luka mi li jo e ilo mi, li pimeja jaki. ijo pi pali mi li ike lukin mute tawa ona.\n\n“sina toki sama jan suli!”\n\ntoki ona li pana lili e pilin ike tawa mi. taso, ona li awen pana e pilin ike:\n\n“sina nasa e ale… ale li nasa tawa sina!”\n\nona li pilin utala. ona li tawa e linja lawa jelo ona lon kon.\n\n“mi sona e mun. jan loje wan li lon mun ni. tenpo ala la, ona li pilin e kon pi kasi suwi. tenpo ala la, ona li lukin e mun. tenpo ala la, ona li olin e jan. tenpo ale la, ona li kulupu taso e nanpa. tenpo suno ale la, ona li toki sama sina: ‘mi jan suli! mi jan suli!’ ona li pilin suli mute tan ni. taso, ona li jan ala. ona li kili jaki!”\n\n“ona li seme?”\n\n“kili jaki!”\n\nsinpin ona li walo tan pilin utala.\n\n“tenpo sike mute mute la, kasi suwi ale li pali e palisa. taso tenpo sike mute mute la, soweli len ale li moku e ona. kasi li pali e palisa. taso palisa ona li awen ala e ona. mi alasa sona e ni la, ni li suli ala, anu seme? soweli len li utala e kasi suwi la, ni li suli ala suli sama kulupu nanpa pi jan loje? mi sona e kasi suwi. ona li wan pi ma ale li lon mun mi taso. soweli len lili li sona ala la, ona li ken pakala e ona la, ni li suli ala, anu seme?”\n\n![](https://jan-lawa-lili.gitlab.io/img/jll_18.jpg)\n\nsinpin ona li kama loje. ona li awen toki:\n\n“jan li olin e kasi suwi la, kasi ni li wan pi mun ale la, mun ale li pona tawa ona. ona li ken toki: ‘kasi mi li lon mun wan…’ taso, soweli len li moku e kasi suwi la, ni li sama ni tawa ona: mun ale li kama pimeja! taso ni li suli ala!”\n\nona li ken ala awen toki. ona li pana e telo oko mute. pimeja li lon. mi weka e ilo mi. ilo mi en sike lili en telo en moli li lili tawa mi. lon mun la, lon mun mi la, lon ma la, jan lawa lili li pilin ike, li wile e olin! mi sike luka e jan lawa lili. mi tawa suwi e ona. mi toki: “ike li kama ala tawa kasi suwi sina… tenpo kama la, mi sitelen e len uta tawa soweli sina… mi sitelen e len awen tawa kasi sina… mi…” mi sona ala e ni: mi ken toki e seme? mi pilin e ni: mi pakala… pilin mi la, ona li lon weka mute… ma pi telo oko li ma nasa…\n\n## lipu nanpa 8\n\nmi kama sona e kasi suwi ni kepeken tenpo lili. tenpo pini ale la, kasi suwi mute li lon mun pi jan lawa lili. lipu kasi ona li mute lili. ona li suli ala li ike ala. suno li kama la, ona li open; suno li weka la, ona li pini. taso, kasi suwi pi jan lawa lili li tan sike mama kasi pi ma ante. tenpo ni la, jan lawa lili li lukin pona e kasi sin tan ni: kasi ni li sama ala kasi ante. ken la, ona li kasi Pajopa sin. taso, kasi ni li pini suli li kama mama e kasi suwi. jan lawa lili li lukin e lawa kasi suli li pilin e ni: ona li kama pana e ijo wawa. taso, tenpo suli la, kasi suwi li pona e lukin ona lon tomo laso ona. ona li kama jo e kule pona mute. ona li len e ona kepeken tenpo suli. ona li pali suli e lipu kasi ona. ona li wile ala e ni: ona li open la, lawa ona li ike lukin sama kasi ante. ona li wile e ni taso: ona li kama la, lukin ona li suno e ale a! ni li suli tawa ona: ona li suwi lukin a! nasa la, ona li pona e ona kepeken tenpo suno mute. pini la, tenpo pi suno kama la, ona li open.\n\n![](https://jan-lawa-lili.gitlab.io/img/jll_19.jpg)\n\nona li pali mute e lukin ona. taso, ona li kama toki la, ona li pana e kon lape:\n\n“a! mi pini lape lon tenpo lili… o lukin ala e mi… mi pona lukin ala…”\n\njan lawa lili li ken ala len e pilin ona:\n\n“sina pona lukin mute!”\n\nona li toki suwi: “mi pona lukin, anu seme? kin la, mi kama lon la, suno li kama lon kin…”\n\njan lawa lili li sona e ni: kasi li pilin suli. taso, ona li suwi mute tawa jan lawa lili!\n\nkasi li toki kin: “tenpo ni li tenpo moku, anu seme? sina pona la, sina ken ala ken pana e moku lili tawa mi?”\n\njan lawa lili li pilin nasa li kama jo e ilo telo li telo e ona.\n\n![](https://jan-lawa-lili.gitlab.io/img/jll_20.jpg)\n\nkepeken tenpo lili la, pilin suli ona li pana e pilin ike tawa jan lawa lili. tenpo suno ante la, kasi suwi li lukin e palisa tu tu ona li toki:\n\n“soweli wawa o kama! palisa ona li lili tawa mi!”\n\n![](https://jan-lawa-lili.gitlab.io/img/jll_21.jpg)\n\njan lawa lili li toki: “soweli wawa li lon ala mun mi. kin la, soweli wawa li moku ala e kasi lili.”\n\nona li toki suwi: “mi kasi lili ala.”\n\n“a, mi toki nasa…”\n\n“soweli wawa li lili tawa mi, taso kon tawa li ike mute tawa mi. sina jo ala jo e sinpin lili?”\n\n![](https://jan-lawa-lili.gitlab.io/img/jll_22.jpg)\n\njan lawa lili li toki insa “ona li pilin ike tawa kon tawa… kasi la, ni li ike mute. kasi suwi ni li nasa mute…”\n\n“tenpo pi suno weka la, o tawa e mi lon insa pi tomo lili. tomo sina li lete ike. ma mi li…”\n\n![](https://jan-lawa-lili.gitlab.io/img/jll_23.jpg)\n\ntaso ona li pini e toki ona. ona li sona e ni: tenpo pi kama ona la, ona li sike mama kasi. ona li ken ala sona e ma ante. ona li kama toki e toki pi lon ala; jan lawa lili li sona e ni. kasi li pilin ike tan ni la, ona li pana lili e kon ike tawa ni: jan lawa lili li pilin nasa. ona la, jan lawa lili o pilin sama ni: pakala li tan jan lawa lili.\n\n“sinpin sina li kama ala kama?…”\n\n“mi wile kama jo e ona, taso sina toki tawa mi!”\n\nona li pana kin e kon ike tawa ni: jan lawa lili li awen pilin ike.\n\ntenpo lili la, toki ona li kama lili tawa jan lawa lili. olin ona li wile awen kute, taso ona li ken ala. ona li kute suli e toki nasa ona, li kama pilin ike mute tan ni.\n\ntenpo suno ante la, jan lawa lili li toki tawa mi: “mi o kute ala e ona. jan o kute ala e kasi suwi. o lukin e ona o pilin e kon ona. kasi suwi mi li pana e kon pona tawa mun mi, taso mi ken ala pilin pona tan ni. toki palisa ona li pana e pilin nasa tawa mi. taso toki ni o pana e pilin suwi tawa mi…”\n\nona li toki sin:\n\n“tenpo pini la, mi sona ala! mi o lukin e pali ona. taso, mi kute e toki ona. ona li pana e kon pona tawa mi, li suno e mi. tenpo pini la, mi o weka ala! mi o sona e ni: toki ike ona li len e suwi ona. kasi suwi li nasa mute! taso, mi lili la, mi sona ala e nasin olin.”\n\n## lipu nanpa 9\n\nmi la, jan lawa lili li weka tan mun ona la, ona li kepeken kulupu waso. tenpo pi weka ona li kama la, ona li pona e mun ona. ona li pona e nena seli ona. ona li jo e nena seli tu. nena seli li pona tan ni: jan lawa lili li ken pali e moku kepeken seli ona. ona li jo kin e nena seli pi seli ala. taso, ona li toki: “mi sona ala; ken la, ona li seli!” ona li pona kin e ona. nena li pona la, ona li seli lili kepeken tenpo mute. ona li seli wawa ala. nena seli li seli wawa la, ni li sama seli pi poki seli lon tomo jan. lon la, mun ma la, jan li lili mute li ken ala pona e nena seli ona. nena seli li ike tawa mi mute tan ni.\n\n![](https://jan-lawa-lili.gitlab.io/img/jll_24.jpg)\n\nkin la, jan lawa lili li weka e kasi Pajopa lili kepeken pilin ike suwi. ona li pilin e ni: ken la, ona li kama tawa mun ona lon tenpo ala. taso tenpo ni pi suno kama la, pali ale ni li suwi mute tawa ona. pini la, ona li telo e kasi suwi, li kama pana e tomo lili tawa ona la, ona li wile pana e telo oko.\n\n![](https://jan-lawa-lili.gitlab.io/img/jll_25.jpg)\n\nona li toki tawa kasi: “mi tawa.”\n\ntaso kasi li toki ala.\n\nona li toki sin: “mi tawa.”\n\nkasi li pana e kon ike. taso, ona li pilin lete ala.\n\ntenpo lili la, kasi li toki e ni: “tenpo pini la, mi ike. o pilin ike ala tawa mi. tenpo kama la, o pilin pona.”\n\nni li nasa tawa jan lawa lili: tenpo ni la, kasi li toki ala e pakala pi jan lawa lili. ona li awen jo e tomo lili lon luka ona. ona li sona ala e ni: ona li suwi tan seme?\n\nkasi li toki: “lon la, mi olin e sina. sina sona e ni ala tan mi. ni li lili. taso sina kin li ike, sama mi. o pilin pona… o weka e tomo lili ni. mi wile ala e ona.”\n\n“taso, kon tawa li…”\n\n“mi pilin lete pi mute ala… kon sin pi tenpo pimeja li pona tawa mi. mi kasi.”\n\n“taso, soweli en pipi li…”\n\n“mi wile lukin e pipi waso kule la, mi o pilin lili tawa pipi linja. pipi kule li pona lukin mute. ante la, seme li kama toki tawa mi? sina lon weka. soweli la, mi pilin ike ala. mi jo e palisa mi.”\n\nsuwi la, ona li pana lukin e palisa tu tu ona. ona li toki sin:\n\n“o awen ala. ni li ike tawa mi. sina wile weka. o weka.”\n\nlon la, ona li wile ala e ni: jan lawa lili li lukin e telo oko ona. kasi suwi ni li wile wawa lukin…\n\n## lipu nanpa 10\n\njan lawa lili li lon poka ni: mun 325 en mun 326 en mun 327 en mun 328 en mun 329 en mun 330. open la, ona li tawa mun ni tan ni: ona li alasa e pali, li wile kama sona.\n\nmun nanpa wan la, jan lawa suli li lon. jan lawa suli li jo e len loje e len walo, li lon supa monsi pi jan lawa. supa monsi li jo e namako lili, taso ona li pona lukin mute.\n\n![](https://jan-lawa-lili.gitlab.io/img/jll_26.jpg)\n\nona li lukin e jan lawa lili la, ona li toki “a! jan anpa mi li kama!”\n\njan lawa lili li toki insa:\n\n“ona li sona e mi tan seme? tenpo ala la, ona li lukin e mi!”\n\nona li sona ala e ni: jan lawa suli la, jan ale li jan anpa ona.\n\n“o kama. mi wile lukin pona e sina.” jan lawa suli li pilin suli tan ni: ona li lawa e jan wan.\n\njan lawa lili li lukin e poka ona. taso, ona li ken ala anpa e monsi ona tan ni: len pi jan lawa suli li lon supa pi mun ale. ni la, jan lawa lili li awen. ona li pilin lape la, ona li pana e kon lape.\n\n“jan o pana ala e kon lape lon poka pi jan lawa suli. ni li ike tawa nasin pona. mi lawa e sina: o ni ala.”\n\njan lawa lili li pilin nasa li toki: “mi ken ala. mi tawa mute, li lape ala…”\n\njan lawa suli li toki: “ni la, mi lawa e sina: o pana e kon lape. mi lukin e jan pi kon lape la, ni li lon tenpo sike pini mute. kon lape li namako tawa mi. a! o pana e kon lape sin. ni li toki lawa.”\n\njan lawa lili li loje li toki: “sina toki e ni la, mi pilin lili… mi ken ala…”\n\njan lawa suli li toki “n! n! ni la, mi… mi toki lawa e ni tawa sina: tenpo kama la, o pana e kon lape. tenpo ante la, o…”\n\nona li toki nasa lili li pilin ike.\n\nni li tan ni: wile pi jan lawa suli la, jan ale li awen lon nasin lawa ona. jan li pali ala e toki lawa ona la, ni li ike suli tawa ona. ale li lon anpa ona. taso, ona li pona mute la, ona li toki taso e toki lawa pona.\n\ntenpo mute la, ona li toki: “mi ken toki ‘o ante e sina tawa waso telo’ tawa jan utala mi. taso mi toki e ni la, ona li ni ala la, ona li ike ala; mi ike.”\n\njan lawa lili li toki kepeken pilin lili: “mi ken ala ken anpa e monsi mi?”\n\n“mi toki lawa tawa sina: o anpa e monsi sina.” jan lawa suli li weka e len suli ona kepeken tawa pi pona lukin.\n\njan lawa lili li nasa tan ni: mun ni li lili mute. jan lawa suli li lawa e seme?\n\njan lawa lili li toki: “jan lawa suli o… mi ken ala ken toki e wile sona…”\n\ntenpo lili lili la, jan lawa suli li toki: “mi toki lawa: o toki e wile sona.”\n\n“jan lawa suli o… sina lawa e seme?”\n\njan lawa suli li toki: “mi lawa e ale.”\n\n“sina lawa e ale, anu seme?”\n\njan lawa suli li pana e luka ona tawa mun ona, tawa mun ante, tawa mun suno ale.\n\n“sina lawa e ale ni, anu seme?”\n\njan lawa suli li toki: “ale ni…”\n\nlon la, ale li lon anpa ona. kin la, mun suno ale li lon anpa ona.\n\n“mun suno ale li pali e wile sina, anu seme?”\n\n“pali. mi toki lawa la, ona li pali lon tenpo lili. jan li pali ala e toki lawa mi la, ni li ike suli tawa mi.”\n\nwawa lawa pi jan lawa suli li pana e pilin pi pona wawa tawa jan lawa lili. jan lawa lili li ken lawa sama ni la, ona li ken lukin e suno weka mute mute lon tenpo suno wan. kin la, ona o tawa ala e supa monsi ona! ona li pilin ike lili tan ni: mun lili ona li lon weka. ni la, ona li toki e wile ona tawa jan lawa suli:\n\n“mi wile lukin e suno weka… o pona tawa mi… o toki lawa e ni: suno o weka…”\n\n“mi ken toki ‘o tawa kon lon kasi suwi sama pipi waso kule, o pali e lipu musi, o ante e sina tawa waso telo’ tawa jan utala. taso mi toki e ni la, ona li ni ala la, jan seme li ike? mi anu ona?”\n\njan lawa lili li toki wawa: “sina ike.”\n\n“lon. mi lawa e jan la, lawa mi o ni: jan li ken pali e toki mi. wawa lawa li kama tan sona pona. sina ken toki lawa e ni tawa jan anpa sina: ‘o moli e sina lon ma telo suli!’. sina ni la, jan anpa sina li moli e sina. mi ken lawa tan ni: toki lawa mi li tan sona pona.”\n\njan lawa lili li toki: “taso, sina pana ala pana e suno weka mi…” jan lawa lili li toki e wile sona la, tenpo ala la, ona li pini toki e ona.\n\n“suno weka sina la, sina kama lukin e ona. tenpo kama la, mi toki lawa e ni. taso, nasin lawa mi la, mi o awen lon tenpo ni. mi toki lawa lon tenpo pona taso.”\n\njan lawa lili li wile sona: “tenpo seme li pona?”\n\njan lawa suli li toki “n! n!”, li lukin e ilo pi tenpo mun. “n! n! ni li lon… lon… lon tenpo ni: pimeja li open kama! sina kama sona e ni: ale li pali e toki lawa mi.”\n\njan lawa lili li pana e kon lape. ona li lukin ala e suno weka la, ona li pilin ike. kin la, ona li pilin musi ala.\n\njan lawa lili li toki tawa jan lawa suli: “mi o awen ala. mi tawa!”\n\n“o weka ala”. tenpo pini lili la, jan lawa suli li pilin pona tan ni: jan anpa li lon mun ona. “o weka ala. sina ken lawa lon poka mi!”\n\n“mi lawa e seme?”\n\n“sina lawa la, sina ken… ken ni: sina weka e jan ike!”\n\n“taso, jan ala li lon mun ni!”\n\n“mi tu li sona ala e ni. mi lukin ala e mun mi ale. mi suli pi tenpo sike mute. mun li lili la, tomo tawa li suli li ken ala lon. tawa noka li weka e wawa mi.”\n\n“a! taso, mi lukin e mun ale.” jan lawa lili li lukin tawa poka mun ante. “kin la, jan ala li lon poka ante…”\n\n“ni la, sina kama lawa e sina. ni li pali pi wawa nanpa wan. sina lawa e jan ante la, ni li kepeken wawa lili. sina lawa e sina la, ni li wawa mute. sina ken lawa pona e sina la, sina jan pi sona pona.”\n\njan lawa lili li toki: “mi ken lawa e mi lon ma ale. mi ken ni lon mun ante.”\n\njan lawa suli li toki: “n! n! sona mi la, soweli jaki wan li lon mun mi. tenpo pimeja la, mi ken kute e kalama ona. sina ken lawa e soweli ni. tenpo lili la, sina toki lawa e ni tawa ona: o moli. ni la, ona li moli anu moli ala tan nasin lawa sina. taso, tenpo poka ale la, sina toki e ni tawa soweli: sina moli ala. soweli li wan taso la, ona o awen.”\n\njan lawa lili li toki: “mi wile ala pana e moli. kin la, mi wile tawa.”\n\njan lawa suli li toki: “ala.”\n\njan lawa lili li kama weka. taso, ona li wile ala e ni: jan lawa suli li pilin ike. jan lawa lili li toki:\n\n“jan lawa suli o, sina wile lawa la, sina ken toki e toki lawa pi sona pona tawa mi. sina ken toki e ni tawa mi: mi o weka lon tenpo lili. mi la, tenpo li pona…”\n\njan lawa suli li toki ala la, jan lawa lili li awen lili, li pana e kon lili, li kama weka.\n\njan lawa suli li toki kepeken wawa: “mi pana e pali ni tawa sina: ma ante la, sina toki e pona pi ma mi tawa jan lawa.”\n\nona li suli lukin mute.\n\njan lawa lili li pilin e ni lon tenpo tawa ona: jan suli li nasa mute.\n\n## lipu nanpa 11\n\nmun nanpa tu la, jan pi olin ona li lon.\n\n![](https://jan-lawa-lili.gitlab.io/img/jll_27.jpg)\n\nona li kama lukin e jan lawa lili la, ona li toki “a! jan li kama li olin e mi!”\n\njan pi olin ona li pilin e ni: jan ante ale li olin e ona.\n\njan lawa lili li toki: “toki. len lawa sina li musi.”\n\njan pi olin ona li toki : “mi sewi e ona. jan li pana e kalama luka tawa mi la, mi sewi e ona. ike la, jan ala li tawa mun mi.”\n\njan lawa lili li sona ala e toki ona, li toki: “a?”\n\njan pi olin ona li pana e sona pona:“o utala e luka sina tu.”\n\njan lawa lili li utala e luka ona tu. jan pi olin ona li sewi e len lawa ona kepeken nasin pi suli ala.\n\njan lawa lili li toki insa e ni: “mi toki tawa jan lawa suli la, ni li musi lili; ni li musi suli”. jan lawa lili li utala sin e luka ona tu la, jan pi olin ona li sewi sin e len lawa ona.\n\ntenpo lili la, musi ni li pini musi tawa jan lawa lili.\n\nona li toki: “mi wile e ni: len lawa li tawa anpa. mi o seme tawa ni?”\n\ntaso, jan pi olin ona li kute ala. jan pi olin ona li kute taso e ni: toki li pona mute tawa ona.\n\njan pi olin ona li toki: “sina pilin suli mute tawa mi, anu seme?”\n\n“nimi ‘pilin suli mute’ li seme?”\n\n“jan li pilin suli mute tawa mi la, ona li pilin e ni: jan ante ale pi mun ni li ike li len ike li jo e mani lili li sona lili; mi pona lukin, li len pona, li jo e mani mute li sona mute.”\n\n“taso, sina taso li lon mun ni!”\n\n“o pona tawa mi. o pilin suli mute tawa mi!”\n\njan lawa lili li toki: “mi pilin suli mute tawa sina”. ona li pilin nasa lili. “taso, ni li pona tawa sina tan seme?”\n\njan lawa lili li weka.\n\nona li pilin e ni lon tenpo pi tawa ona: jan suli li nasa mute mute.\n\n## lipu nanpa 12\n\nmun poka li tomo e jan pi telo nasa. jan lawa lili li kama lon mun la, ona li weka lon tenpo lili. taso, tenpo ni li pana e pilin pi ike mute tawa ona.\n\n![](https://jan-lawa-lili.gitlab.io/img/jll_28.jpg)\n\njan lawa lili li toki tawa jan pi telo nasa: \"sina pali e seme lon ni?\". ona li toki ala. sinpin ona la, kulupu poki tu li lon. kulupu wan la, poki li pini. kulupu ante la, telo li lon poki.\n\njan pi telo nasa li toki kepeken pilin ike: “mi moku.”\n\njan lawa lili li toki: “sina moku tan seme?”\n\njan pi telo nasa li toki: “mi wile weka e sona.”\n\ntenpo lili la, jan lawa lili li kama pilin e pilin ike ona. ona li toki: “sina wile weka e sona seme?”\n\n“mi wile weka e sona ni: mi pilin anpa.” jan pi telo nasa li anpa e lawa ona.\n\n“sina pilin anpa tan seme?” jan lawa lili li wile pona e ona.\n\njan pi telo nasa li toki: “mi pilin anpa tan ni: mi moku e telo nasa!” ona li pini e toki ona.\n\nni la, jan lawa lili li weka li pilin nasa.\n\nona li pilin e ni lon tenpo pi tawa ona: lon la, jan suli li nasa mute mute.\n\n## lipu nanpa 13\n\nmun nanpa tu tu li mun pi jan mani. pali ona li suli mute la, jan lawa lili li kama la, ona li sewi ala e lawa.\n\n![](https://jan-lawa-lili.gitlab.io/img/jll_29.jpg)\n\njan lawa lili li toki: “toki. palisa uta sina pi kon kasi li seli ala.”\n\n“wan en wan li tu. tu en wan li tu wan. luka en tu wan li luka tu wan. toki. luka tu wan en luka tu li luka luka luka. luka luka luka en luka tu wan li mute tu wan. tenpo li lili. mi ken ala seli sin e ona. mute tu wan en mute luka tu. a! ale ni li ale ale ale ale ale ale ale mute mute mute luka luka luka tu wan.”\n\n“seme li ale ale ale ale?”\n\n“a? sina awen lon ni, anu seme? ale ale ale mute… mi sona ala… pali mi li suli mute! mi suli; mi ken ala kepeken tenpo mi tawa musi lili. tu en luka li luka tu…”\n\njan lawa lili li toki sin “seme li ale ale ale ale ale ale ale?” ona li toki e wile sona la, tenpo ala la, ona li pini toki e ona.\n\njan mani li sewi e lawa:\n\n“mi lon mun ni lon tenpo sike mute mute luka luka tu tu. tenpo tu wan taso la, ijo li pini e pali mi. tenpo nanpa wan li lon tenpo pini sike nanpa mute tu. pipi li anpa tan ma pi sona ala. ona li kalama ike mute la, mi pakala tu tu e nanpa mi. tenpo nanpa tu li lon tenpo pini sike nanpa luka luka wan, li tan ni: sijelo mi li pilin pakala. mi suli. tenpo nanpa tu wan… li tenpo ni! mi toki e ni: ale ale ale ale…”\n\n“seme li ale ale ale ale?”\n\njan mani li kama sona e ni: ona li ken ala awen pali.\n\n“ijo lili ale ale ale ale. tenpo lili la, jan li lukin e ona lon sewi.”\n\n“pipi ala pipi?”\n\n“ala. ijo lili suno.”\n\n“pipi jelo anu seme?”\n\n“ala a. ijo lili suno li ni: jan pi pali ala li lukin e ona la, ona li sitelen lon lawa ona. taso, mi suli! mi ken ala kepeken tenpo mi tawa sitelen lawa.”\n\n“a! mun suno anu seme?”\n\n“ni. mun suno.”\n\n“sina kepeken mun suno ale ale ale ale tawa seme?”\n\n“ale ale ale ale ale ale ale mute mute mute luka luka luka tu wan. mi jan suli. mi jan nanpa.”\n\n“sina kepeken ona tawa seme?”\n\n“mi kepeken ona tawa seme?”\n\n“lon.”\n\n“mi kepeken ala ona. mi jo e ona.”\n\n“sina jo e mun suno, anu seme?”\n\n“jo.”\n\n“taso, mi lukin e jan lawa suli. ona li…”\n\n“jan lawa suli li jo ala. ona li lawa. lawa en jo li sama ala.”\n\n“sina jo e mun suno la, sina kepeken ona tawa seme?”\n\n“tawa ni: mi jan pi mani mute.”\n\n“sina jo e mani mute la, sina kepeken ona tawa seme?”\n\n“jan li lukin e mun sin la, mi ken esun e ona.”\n\njan lawa lili li toki insa: jan ni li toki sama jan pi telo nasa.”\n\ntaso, ona li awen toki e wile sona:\n\n“nasin seme la, jan li ken kama jo e mun suno?\n\njan mani li toki kepeken pilin ike: “jan seme li jo e ona?”\n\n“mi sona ala. jan ala li jo e ona.”\n\n“ni la, mi jo e ona tan ni: mi wile jo e ona la, mi nanpa wan la, mi jo e ona.”\n\n“ni taso, anu seme?”\n\n“taso. sina lukin e kiwen mani la, jan ala li jo e ona la, sina jo e ona. sina tawa ma la, jan li jo ala e ona la, sina jo e ona. sina toki e toki sin la, sina ken sitelen e ona tawa ni: sina jo e ona. mi jo e mun ale tan ni: tenpo pini la, jan ala li wile jo e ona.”\n\njan lawa lili li toki: “lon. sina kepeken ona tawa seme?”\n\n“mi lawa e ona. mi nanpa e ona, li nanpa sin e ona. pali ni li kepeken wawa mute. taso, mi suli!”\n\nsona ni li pona ala tawa jan lawa lili; ale ni li awen nasa tawa ona.\n\n“mi jo e len la, mi ken pana e ona tawa lawa mi. mi tawa la, mi awen jo e ona. mi jo e kasi suwi la, mi ken kama jo e ona. mi tawa la, mi awen jo e ona. taso, sina ken ala kama jo e mun suno!”\n\n“ala. taso, mi ken pana e ona tawa poki awen.”\n\n“ni li seme?”\n\n“mi sitelen e mute pi mun mi lon lipu. pini la, mi awen e lipu ni lon poki lili, li awen e poki kepeken ilo.”\n\n“ni taso, anu seme?”\n\n“taso!”\n\njan lawa lili li toki insa e ni: “ni li musi, li pona. taso, ni li suli ala.”\n\nijo suli la, pilin pi jan lawa lili en pilin pi jan suli li ante mute.\n\nona li toki sin: “mi jo e kasi suwi. mi telo e ona lon tenpo suno ale. mi jo e nena seli tu wan. mi pona e ona lon tenpo suno mute. mi pona kin e nena seli pi seli ala. mi sona ala; ken la, ona li seli. mi jo e kasi suwi e nena seli la, ni li pona tawa ona. taso, sina pona ala tawa mun suno sina…”\n\njan mani li open e uta, taso ona li sona ala e ni: ona li wile toki e seme. jan lawa lili li weka.\n\njan lawa lili li pilin e ni lon tenpo pi tawa ona: jan suli li nasa wawa.\n\n## lipu nanpa 14\n\nmun nanpa luka li nasa mute. mun ante li suli; mun ni li lili. lili ona li ken tomo taso e palisa suno e jan seli pi palisa suno. jan lawa lili li sona ala e ni: mun ni li jo ala e tomo e jan la, ona li jo e palisa suno e jan seli tawa seme. taso, ona li toki insa e ni:\n\n“ken la, jan seli ni li nasa. taso, jan lawa suli en jan pi olin ona en jan mani en jan pi telo nasa li nasa mute; jan ni li nasa lili. pali ona li nasa ala. ona li seli e palisa suno la, ni li sama ni: ona li mama e mun sin anu kasi suwi sin. ona li pimeja e ona la, mun suno anu kasi suwi li kama lape. pali ni li pona lukin. ni li pona lukin la, ni li pona kin tawa jan.”\n\n![](https://jan-lawa-lili.gitlab.io/img/jll_30.jpg)\n\nona li kama lon mun la, ona li toki tawa jan seli:\n\n“toki! sina pimeja e palisa suno tan seme?”\n\njan seli li toki: “ni li toki lawa. tenpo suno pona.”\n\n“toki lawa ni li seme?”\n\n“ona li ni: mi o pimeja e palisa. tenpo pimeja pona.”\n\nona li seli sin e palisa.\n\n“taso, tenpo ni la, sina seli sin e ona tan seme?”\n\njan seli li toki : “ni li toki lawa.”\n\njan lawa lili li toki : “ni li nasa tawa mi. mi sona ala e ni.”\n\njan seli li toki: “sona li lili. toki lawa li toki lawa. tenpo suno pona.”\n\nona li pimeja e palisa.\n\nona li pona e lawa ona kepeken len lili loje.\n\njan seli li toki: “ni li pali pi ike mute. tenpo weka la, ona li pona. suno li kama la, mi pimeja e palisa suno. suno li weka la, mi seli e palisa suno. mi lape…”\n\n“tenpo ni la, toki lawa li ante ala ante?”\n\njan seli li toki: “ala. ike mute li tan ni! tenpo pini la, mun mi li sike kepeken tenpo suli. tenpo ni la, ona li sike kepeken tenpo lili. toki lawa li ante ala!”\n\njan lawa lili li toki: “a?”\n\n“tenpo ni la, ona li sike kepeken tenpo lili lili la, mi ken ala lape. tenpo ale la, mi pimeja li seli!”\n\n“ni li musi mute! tenpo suno sina li tenpo lili lili!”\n\njan seli li toki: “ni li musi ala. sina en mi li toki la, tenpo mun wan li pini.”\n\n“tenpo mun wan, anu seme?”\n\n“lon. tenpo lili lili mute li tenpo mun wan! tenpo pimeja pona.”\n\nona li seli e palisa.\n\njan lawa lili li lukin e jan ni. ona li pilin pona tawa ona tan ni: ona li pali pona e toki lawa. jan lawa lili li sona e ni: tenpo pini la, ona li tawa lili lili e supa monsi ona la, ona li kama lukin e suno weka lon tomo ona. ona li wile pona tawa jan pona ona:\n\n“sina wile la… mi sona e nasin. tenpo pi wile sina la, sina kepeken nasin mi la, sina ken awen…”\n\n“tenpo ale la, mi wile awen.”\n\nlon la, ni li ken: jan li pali pona, taso ona li ken wile ala pali.\n\njan lawa lili li awen toki:\n\n“mun sina li lili. sina tawa lili la, sina sike e ona. sina tawa kepeken tenpo suli la, sina awen lon suno. sina wile awen la, o tawa. tenpo suno li tenpo pi wile sina.”\n\njan seli li toki: “ni li pona ala tawa mi. lape taso li pona tawa mi.”\n\n“jan lawa lili li toki: ni li ike.”\n\n“jan seli li toki: ni li ike. tenpo suno pona.”\n\nona li pimeja e palisa.\n\njan lawa lili li weka, li toki insa: “ken suli la, jan ale ante li pilin e ni: jan ni li suli ala, li ike. jan lawa suli en jan pi olin ona en jan pi telo nasa en jan mani. taso, ona taso li nasa ala tawa mi. ken la, ni li tan ni: ona li pona tawa jan ante, tawa ona taso ala.”\n\nona li pana e kon lili. ona li toki kin:\n\n“ona taso la, mi wile lon poka ona. taso, mun ona li lili mute. ona li ken ala tomo e jan tu…”\n\njan lawa lili li sona li wile ala toki insa e ni: ona li wile ala weka la, ni li tan pona mun; mun ni la, suno weka mute mute mute li lon tenpo lili!\n\n## lipu nanpa 15\n\n![](https://jan-lawa-lili.gitlab.io/img/jll_31.jpg)\n\nmun nanpa luka wan li suli mute. mun ni li tomo e jan suli. ona li suli pi tenpo sike mute li sitelen e lipu suli.\n\nona li lukin e jan lawa lili la, ona li toki: “a! jan tawa li kama!”.\n\njan lawa lili li awen e monsi ona lon supa pali, li pilin lape. ona li tawa mute a!\n\njan suli li toki: “sina tan seme?”\n\n“lipu suli ni li seme? sina pali e seme lon mun ni?”\n\njan suli li toki: “mi jan pi sona ma.”\n\n“jan pi sona ma li seme?”\n\n“jan pi sona ma li sona e telo suli e telo linja e ma tomo e ma nena e ma pi telo ala.”\n\njan lawa lili li toki: “ni li sona pona. pali ni li pali pona a!” jan lawa lili li lukin tawa poka ona tawa mun. mun ante li pona lukin lili; mun ni li pona lukin suli.\n\n“mun sina li pona lukin. ona li jo ala jo e telo suli?”\n\njan pi sona ma li toki: “mi ken ala sona.”\n\n“a!” jan lawa lili li pilin ike. “ona li jo ala jo e ma nena?”\n\n“mi ken ala sona.”\n\n“ona li jo ala jo e ma tomo e telo linja e ma pi telo ala?”\n\n“mi ken ala sona kin.”\n\n“taso, sina jan pi sona ma!”\n\n“lon. taso, mi jan tawa ala. mi wile e jan tawa. jan pi sona ma li tawa ala, li lukin ala e ma tomo e telo linja e ma nena e telo suli e telo suli suli. jan pi sona ma li suli la, ona li ken ala musi. ona li awen lon supa pali ona. taso, jan tawa li tawa supa pali ona. jan pi sona ma li toki tawa jan tawa, li sitelen e toki ona. toki ona li pona la, ona li alasa e ni: jan tawa li pona ala pona.”\n\n“sina alasa e ni tan seme?”\n\n“jan tawa li toki e lon ala la, ni li pakala mute tawa lipu pi sona ma. kin la, ni li pakala sama: jan tawa li moku mute e telo nasa.”\n\njan lawa lili li toki: “ni li tan seme?”\n\n“jan pi telo nasa li lukin tu. ma li jo e nena wan la, jan pi sona ma li sitelen e nena tu.”\n\n“mi sona e jan. jan ni li jan tawa la, ona li jan tawa ike.”\n\n“ken. jan pi sona ma li pilin pona tawa jan tawa la, ona li alasa e ni: ma sin pi jan tawa li pona ala pona.”\n\n“ona li lukin e ma sin, anu seme?”\n\n“ala. ni li pali suli, li ike mute. ona li toki e wile ni tawa jan tawa: o pana e ijo pi ma sin. ken la, jan tawa li toki e ma nena sin la, ona li wile pana e kiwen suli tan ma ni.”\n\ntenpo ni la, jan pi sona ma li pilin pona mute.\n\n“o! sina tawa tan ma weka! sina jan tawa! o toki e mun sina tawa mi!”\n\njan pi sona ma li open e lipu ona, li kama jo e ilo sitelen lili. tenpo nanpa wan la, jan tawa li toki la, jan pi sona ma li sitelen e toki ona kepeken ilo sitelen lili. jan tawa li pana e ijo pi ma sin la, jan pi sona ma li ken kepeken e ilo sitelen suli.\n\n“o toki.”\n\n“a! mun mi li namako ala. ale li lili. mi jo e nena seli tu wan. nena seli tu li seli. nena seli wan li seli ala. taso, ken la, ona li seli.”\n\njan pi sona ma li toki: “ken la, ona li seli.”\n\n“mi jo kin e kasi suwi.”\n\n“jan pi sona ma li sitelen ala e kasi suwi.”\n\n“tan seme a! kasi suwi li pona lukin mute!”\n\n“kasi li ijo pi tenpo lili.”\n\n“nimi ‘ijo pi tenpo lili’ li seme?”\n\n“lipu pi sona ma li suli; lipu ante li lili. ona li awen pona lon tenpo ale. nena li tawa ala. telo suli suli li weka ala e telo ona. mi sitelen e ijo la, ijo li ijo pi tenpo ale.”\n\njan lawa lili li pini e toki ona: “taso, nena seli pi seli ala li ken kama seli sin! nimi ‘ijo pi tenpo lili’ li seme?”\n\n“nena li seli ala seli la, ni li lili tawa jan pi sona ma. mi la, ni li suli: nena suli li lon. ni li ante ala.”\n\njan lawa lili li toki sin: “taso, nimi ‘ijo pi tenpo lili’ li seme?” tenpo ala la, ona li weka e wile sona ona.\n\n“nimi ‘ijo pi tenpo lili’ li ni: tenpo kama la, ona li weka.”\n\n“tenpo kama la, kasi suwi mi li weka ala weka?”\n\n“weka kin.”\n\njan lawa lili li toki insa: “kasi mi li ijo pi tenpo lili. kin la, ma ale li ike tawa ona la, ona li jo e palisa tu tu taso! mi weka e ona! ona li taso lon tomo mi!”\n\ntenpo ni li tenpo nanpa wan ni: jan lawa lili li pilin ike tan weka ona. taso, pilin wawa ona li kama sin. ona li toki:\n\n“sina la, mi o tawa mun seme?”\n\njan pi sona ma li toki: “o tawa mun ma. ona li pona tawa jan mute.”\n\njan lawa lili li weka la, kasi suwi ona li lon lawa ona.\n\n## lipu nanpa 16\n\nni la, mun nanpa luka tu li mun ma.\n\nmun ma li mun lili ala! mute li lon ona: jan lawa suli mute (nanpa ni li jo kin e jan lawa suli pi ma Apika), en jan mute mute pi sona ma, en jan mani mute mute, en jan mute mute pi telo nasa, en jan mute mute pi olin ona. jan suli mute mute mute li lon ona.\n\nmi wile pana e suli pi mun ma tawa sona sina la, mi ken toki e ni: tenpo weka la, jan li jo ala e wawa suno la, jan seli mute mute mute o pali lon ma suli ale pi mun ma.\n\nsina lon sewi la, sina lukin e jan seli ale pi mun ma la, ni li pona lukin. lukin la, pali pi jan seli li sama tawa musi. nanpa wan la, jan seli pi ma Nusilen en jan seli pi ma Oselija li seli e palisa suno ona. ona li pini seli la, ona li kama lape. tenpo poka pi tawa musi la, jan seli pi ma Sonko en jan seli pi ma Sipi li seli, li tawa. ni la, jan seli pi ma Losi en jan seli pi ma Palata en jan seli pi ma poka li kama. tenpo poka la, jan pi ma Apika en jan pi ma Elopa li kama. pini la, jan pi ma Amelika seli li kama. pini la, jan pi ma Amelika lete li kama. tenpo ala la, ona li pakala e nasin pi tawa musi. ona li pona lukin mute.\n\nlon poka sewi pi mun ma la, jan seli li wan. jan sama ona li lon poka anpa pi mun ma, li wan. ona tu li pali lili lili, li lape lon tenpo mute. tenpo sike la, ona li pali lon tenpo tu taso!\n\n## lipu nanpa 17\n\nsina wile musi la, sina ken toki lili e lon ala. mi toki e jan seli tawa sina la, mi toki lili e lon ala. ken la, jan li sona ala e mun mi la, ona li kama sona ike tan mi. supa pi mun ma la, jan li lili. jan ale pi mun ma li lon poka la, ona li ken lon ma lili lon insa pi telo suli suli.\n\nsina toki e ni tawa jan suli la, ona li pilin e ni: toki sina li lon ala; sijelo ona li suli; ona li suli sama kasi Pajopa. o toki e ni tawa ona: ona o lukin e nanpa pi toki sina. nanpa li pona tawa jan suli. taso, o weka ala e tenpo sina tawa nanpa ni. ni li pona ala. sina sona e ni: toki mi li lon.\n\njan lawa lili li lon mun ma la, ona li pilin nasa tan ni: ona li lukin ala e jan. ona li pilin: “ken la, mi lon mun ante.” tenpo ni la, linja sike jelo li tawa lili lon ma.\n\n![](https://jan-lawa-lili.gitlab.io/img/jll_32.jpg)\n\njan lawa lili li sona ala e ni: ona li seme. taso, jan lawa lili li toki: “toki.”\n\nakesi linja li toki: “toki.”\n\njan lawa lili li toki: “mi lon mun seme?”\n\nakesi linja li toki: “sina lon mun ma lon ma Apika.”\n\n“a!… jan ala li lon mun ni anu seme?”\n\nakesi linja li toki: “sina lon ma pi telo ala. jan ala li lon ma ni. mun ma li suli.”\n\njan lawa lili li kama lon kiwen, li lukin tawa sewi:\n\n“mi pilin e ni: mun suno li suno tan seme? ken la, ona li suno tan ni: jan ale li ken sona e nasin pi mun suno ona. o lukin e mun mi. ona li lon sewi mi… taso, ona li lon weka mute a!”\n\n“mun sina li pona lukin. sina tawa ma ni tan seme?”\n\n“mi pilin ike tan kasi suwi.”\n\nakesi linja li pana e “a!”\n\nni la, ona tu li toki ala.\n\n![](https://jan-lawa-lili.gitlab.io/img/jll_33.jpg)\n\njan lawa lili li toki: “jan li lon seme? mi lon ma pi telo ala la, mi pilin taso…”\n\nakesi linja li toki kin: “sina lon tomo jan la, sina pilin taso kin.”\n\njan lawa lili li lukin e akesi kepeken tenpo suli.\n\ntenpo poka la, ona li toki: “sina akesi musi, li linja sama palisa pi luka jan…”\n\nakesi linja li toki: “palisa luka pi jan lawa suli li wawa ala; mi wawa.”\n\njan lawa lili li musi.\n\n“sina wawa ala… sina jo ala e noka… sina ken ala tawa…”\n\n“mi ken tawa mute e sina. tomo tawa telo li ken tawa lili e sina; mi ken tawa e sina tawa ma weka.”\n\nona li sike e noka pi jan lawa lili sama sike luka pi mani mute.\n\n“mi uta e jan la, mi pana e ona tawa ma pi kama ona. taso, ike li lon ala sina. sina tan mun suno…”\n\njan lawa lili li toki ala.\n\nakesi li toki: “mi pilin ike tawa sina. mun ma li kiwen. sina wawa ala. sina wile tawa mun sina la, mi ken…”\n\n“a! mi sona kin e toki sina. taso, sina toki kepeken toki len lon tenpo ale tan seme?”\n\n“toki len la, mi weka e len ale.”\n\nona tu li toki ala.\n\n## lipu nanpa 18\n\n![](https://jan-lawa-lili.gitlab.io/img/jll_34.jpg)\n\njan lawa lili li tawa lon ma pi telo ala, li lukin e kasi suwi wan taso. kasi suwi li jo e lipu kasi pi mute lili. kasi suwi li lili lili.\n\njan lawa lili li toki: “toki.”\n\nkasi suwi li toki: “toki.”\n\njan lawa lili li toki e wile sona: “jan li lon seme?”\n\ntenpo pini wan la, kasi li lukin e tomo tawa pi kulupu jan.\n\n“jan, anu seme? mi la, jan pi mute lili lili li lon. tenpo pini mute la, mi lukin e ona. taso, mi sona ala e ni: ona li lon seme. kon li tawa e ona. ona li jo ala e noka kasi. ni li ike tawa ona.”\n\njan lawa lili li toki: “mi tawa.”\n\nkasi suwi li toki: “tawa pona.”\n\n## lipu nanpa 19\n\njan lawa lili li tawa sewi pi nena suli. tenpo pini la, ona li sona taso e nena seli ona. nena ona li lili sama noka ona. kin la, nena seli pi seli ala li supa monsi tawa ona. ona li toki insa e ni: “mi lon nena suli la, mi ken lukin e ma ale, e jan ale.” taso, ona li lukin taso e kiwen palisa.\n\n![](https://jan-lawa-lili.gitlab.io/img/jll_35.jpg)\n\nona li toki: “toki.”\n\nkalama weka li toki: “toki…toki…toki…”\n\njan lawa lili li toki “sina seme?”\n\nkalama weka li toki “sina seme…sina seme…sina seme…”\n\njan lawa lili li toki “o jan pona mi. mi pilin taso!”\n\nkalama weka li toki “mi pilin taso…mi pilin taso…mi pilin taso…”\n\nona li pilin: “ni li mun nasa a! ma ni li jo ala e telo li palisa mute li suwi ala. kin la, jan pi ma ni li sona pona ala. ona li toki taso e toki sama mi… tenpo weka la, lon tomo mi la, mi jo e kasi suwi. ona li open e toki ale!”\n\n## lipu nanpa 20\n\njan lawa lili li tawa lon tenpo suli la, ona li tawa lon ko kiwen, lon kiwen suli, lon ko lete walo. pona tawa ona la, ona li lukin e nasin. nasin ale li nasin tawa tomo jan.\n\n“toki!”\n\nona li awen lon ma pi kasi loje.\n\nkasi loje li toki: “toki!”\n\njan lawa lili li lukin e ona. ona ale en kasi suwi ona li sama lukin.\n\nona li nasa wawa, li toki: “sina seme?”\n\nkasi loje li toki: “mi mute li kasi loje.”\n\njan lawa lili li toki: “a!”\n\nni la, ona li pilin ike mute. kasi suwi ona li toki e ni tawa ona: ona li wan lon mun ale. taso, ma ni la, kasi suwi mute mute li lon, li sama ona!\n\n![](https://jan-lawa-lili.gitlab.io/img/jll_36.jpg)\n\nona li pilin e ni: “kasi mi li lukin e ni la, ona li pilin ike mute… ni la, ona li pana e kon ike mute, li ni: lukin la, ona li sama moli. ona li ken ni tawa ni: ona li wile ala pilin lili. ona li ni la, mi o pona e ona. mi pali ala e ni la, ona li moli lon tawa ni: ona li wile pana e pilin ike tawa mi…”\n\njan lawa lili li pilin kin: “tenpo weka la, mi pilin e ni: mi jo e kasi suwi wan. tenpo ni la, mi sona e ni: mi jo e kasi loje lili. mi jo e ni, e nena tu wan lili. ken la, nena seli pi seli ala li seli ala lon tenpo ale… ni la, mi jan lawa pi suli ala…”. ona li anpa lon supa kasi li pana e telo oko.\n\n![](https://jan-lawa-lili.gitlab.io/img/jll_37.jpg)\n\n## lipu nanpa 21\n\n![](https://jan-lawa-lili.gitlab.io/img/jll_38.jpg)\n\ntenpo ni la, soweli loje li kama.\n\nsoweli loje li toki: “toki!”\n\njan lawa lili li toki “toki”, li lukin tawa monsi ona. taso, ona li lukin e ala.\n\n“mi lon anpa pi kasi kili.”\n\njan lawa lili li toki: “sina seme? sina pona lukin mute…”\n\nsoweli loje li toki: “mi soweli loje.”\n\njan lawa lili li toki: “o kama musi lon poka mi. mi pilin ike mute…”\n\nsoweli loje li toki: “mi ken ala musi lon poka sina. mi soweli pi linja ala.”\n\njan lawa lili li toki: “a! mi pakala.”\n\nona li toki insa, li toki kin:\n\n“toki sina la, nimi ‘linja’ li seme?”\n\nsoweli loje li toki: “sina tan ma ante. sina alasa e seme?”\n\njan lawa lili li toki: “mi alasa e jan. nimi ‘linja’ li seme?”\n\nsoweli loje li toki: “jan li jo e ilo moli, li alasa e soweli. ni li ike! taso, ona li jo e waso moku. ni li pona taso ona. sina alasa ala alasa e waso moku?”\n\njan lawa lili li toki: “alasa ala. mi alasa e jan pona. nimi ‘linja’ li seme?”\n\nsoweli loje li toki: “tenpo suli la, jan li weka e sona ni. nimi ‘linja’ li ni: sina linja e jan la, jan li kama pona tawa sina.”\n\n“‘jan li kama pona tawa mi’, anu seme?”\n\nsoweli loje li toki: “lon. tenpo ni la, sina jan lili sama jan lili ale tawa mi. sina pona ala tawa mi. kin la, mi pona ala tawa sina. mi soweli loje sama soweli loje ale tawa sina. taso, sina linja e mi la, ni li kama: sina kama wile e mi; mi kama wile e sina. sina wan lon mun ale tawa mi; mi wan lon mun ale tawa sina…”\n\njan lawa lili li toki: “a! mi kama sona. mi sona e kasi loje… ken la, ona li linja e mi…”\n\nsoweli loje li toki: “ken. ijo mute pi ante suli li lon mun ma.”\n\njan lawa lili li toki: “a! ona li lon ala mun ma.” ni li ijo sin tawa soweli:\n\n![](https://jan-lawa-lili.gitlab.io/img/jll_39.jpg)\n\n“ni li lon mun ante, anu seme?”\n\n“lon.”\n\n“a! jan alasa li lon ala lon mun ni?”\n\n“lon ala.”\n\n“a, pona a! waso moku li lon ala lon mun ni?”\n\n“lon ala.”\n\nsoweli li pana e kon lili: “ala li pona ale”\n\nsoweli loje li toki kin:\n\n“tenpo ale la, ale li sama tawa mi. mi alasa e waso moku. jan li alasa e mi. jan wan li sama jan ale la, waso moku wan li sama waso moku ale la, mi pilin lape lili. taso, sina linja e mi la, lon mi li suno. ni la, mi sona e kalama noka pona. kalama noka pi jan ante li lon la, mi pilin ike, li wile len lon anpa ma. kalama noka sina li sama kalama musi, li pali e ni: mi wile weka tan len mi. kin la, o lukin! sina lukin ala lukin e ma kasi pan ni? mi moku ala e pan. kasi pan li lili tawa mi. mi pilin ala tawa ma kasi pan. ni li ike! taso, linja lawa sina li jelo sama ona. sina linja e mi la, ni li kama pona. mi lukin e kasi pan la, sina lon lawa mi. ni la, mi olin e kalama ni: kon li tawa lon kasi pan…”\n\ntenpo mute la, soweli loje li toki ala, li lukin e jan lawa lili.\n\n“sina wile la… o linja e mi!”\n\njan lawa lili li toki: “mi wile. taso, tenpo mi li lili. mi wile sona e jan pona, li wile kama sona e mute.”\n\n“sina ken sona e ijo kepeken nasin wan taso: sina linja e ona. tenpo ni la, tenpo pi jan ale li lili la, jan li sona e ijo ala. ona li kama jo e ale kepeken esun. taso, esun pi jan pona li lon ala la, jan ala li jan pona ona. sina wile e jan pona la, o linja e mi!”\n\n“mi pali e seme tawa ni?”\n\n“ni li wile e tenpo mute. open la, o awen lon supa anpa kasi lon weka mi. mi kama lukin lili e sina. ni la, o toki ala. toki li mama e ijo ike. taso, tenpo suno ale la, sina ken tawa lili tawa mi…”\n\ntenpo suno poka la, jan lawa lili li kama.\n\n“tenpo kama la, o kama lon tenpo sama pi tenpo suno ale. ken la, sina kama lon tenpo nanpa tu tu la, mi pilin pona lon tenpo nanpa tu wan. tenpo nanpa tu tu li kama kama la, mi pilin wawa, li wile lukin e sina. mi kama sona e ni: olin li lon la, pilin ike li lon kin! taso, sina kama lon tenpo pi sama ala la, mi sona ala e ni: tenpo seme la, pilin mi li ken wawa. mi tu li wile e pali pi tenpo sike.”\n\n“‘pali pi tenpo sike’ li seme?”\n\nsoweli loje li toki: “tenpo mute la, jan li weka e sona ni. ijo ni li pali e ni: tenpo wan li sama ala tenpo ante. jan alasa li jo e pali pi tenpo sike. tenpo suno sama pi tenpo mun ale la, ona li tawa musi lon poka meli pi ma tomo ona. tenpo suno ni li pona mute tawa mi! mi ken tawa mute. jan alasa li tawa musi lon tenpo pi sama ala la, tenpo suno ale li sama tawa mi. ni li lon la, tenpo ala li tenpo lape tawa mi.”\n\n![](https://jan-lawa-lili.gitlab.io/img/jll_40.jpg)\n\nni ale la, jan lawa lili li linja e soweli loje. tenpo weka pi jan lawa lili li kama la, soweli loje li toki:\n\n“a! mi pana e telo oko!”\n\njan lawa lili li toki: “ni li tan sina. mi wile ala e ni: sina pilin ike. taso, sina wile e ni: mi linja e sina!”\n\nsoweli loje li toki: “mi sona.”\n\njan lawa lili li toki: “taso, sina pana e telo oko!”\n\nsoweli loje li toki “mi sona.”\n\n“ni la, ale ni li ike tawa sina!”\n\nsoweli loje li toki: “ala. ni li pona tawa mi: tenpo kama la, kule pi kasi pan li pona tawa mi.”\n\nona li toki sin:\n\n“o tawa, o lukin sin e kasi loje mute. tenpo ni la, sina sona e ni: kasi suwi sina li wan lon mun ale. pini la, o toki e ni tawa mi: ‘mi tawa’. tenpo ni la, mi pana e toki suli tawa sina.”\n\njan lawa lili li weka, li tawa kasi loje mute.\n\n“sina sama ala kasi mi. jan ala li linja e sina; sina linja e jan ala. sina sama soweli loje pi tenpo weka. ona li sama soweli loje ale. tenpo ni la, ona li jan pona mi la, ona li wan lon ma ale.”\n\nni la, kasi loje mute li pilin lili.\n\nona li toki sin: “sina pona lukin, taso, sina suli ala. jan ala li wile moli tawa awen sina. lon la, sina en kasi mi li sama lukin tawa jan ante. taso, sina mute li lili; ona li suli tan ni: mi telo e ona taso. mi awen e ona taso kepeken poki. mi moli e pipi linja tawa ona taso (taso, mi moli ala e pipi ni: pipi linja pi mute lili li kama pipi waso). mi kute e toki ike pi ona taso, e toki suli pi ona taso. tenpo lili la, mi kute e toki ala pi ona taso. ona li suli tawa mi tan ni: ona li kasi mi.”\n\njan lawa lili li tawa soweli loje.\n\nona li toki: “mi tawa…”\n\nsoweli loje li toki: “tawa pona. tenpo ni la, mi toki e ijo suli mi. ijo suli mi li sona pona lili: pilin taso li ken lukin pona. oko li ken ala lukin e ijo suli.”\n\n“oko li ken ala lukin e ijo suli.” jan lawa lili li toki kin tan ni: ona li wile awen e sona ni.\n\n“kasi loje sina li suli tan ni: sina weka e tenpo sina tawa ona.”\n\n“mi weka e tenpo mi tawa ona…” jan lawa lili li toki kin tan ni: ona li wile awen e sona ni.\n\nsoweli loje li toki: “jan li weka e sona pona ni. o weka ala e ona. sina linja e ijo la, sina o awen pali e pona ona lon tenpo ale. sina o awen pali e pona pi kasi loje sina…”\n\n“mi o awen pali e pona pi kasi loje mi…” jan lawa lili li toki kin tan ni: ona li wile awen e sona ni.\n\n## lipu nanpa 22\n\njan lawa lili li toki: “toki!”\n\njan pali pi tomo tawa linja li toki: “toki!”\n\njan lawa lili li toki: “sina pali e seme?”\n\njan pali li toki: “mi kulupu e jan tawa. jan tawa li kepeken tomo tawa linja. mi pana e tomo tawa linja tawa nasin ni, anu nasin ante.”\n\ntenpo ni la, tomo tawa linja li kama. ona li kalama wawa sama wawa sewi, li pana e wawa tawa tomo pi jan pali.\n\njan lawa lili li toki: “jan ni li wile tawa kepeken tenpo lili lili. ona li alasa e seme?”\n\njan pali li toki: “jan ala li sona. jan lawa pi tomo tawa linja li sona ala kin.”\n\nkalama wawa pi tomo tawa linja nanpa tu li kama tan nasin ante.\n\njan lawa lili li toki: “ona li weka lon tenpo lili la, ona li kama kin lon tenpo lili, anu seme?”\n\njan pali li toki: “ni li jan ante. tomo wan li weka la, tomo ante li kama.”\n\n“jan tawa ni li lon ma ona la, ma li ike tawa ona, anu seme?”\n\njan pali li toki: “tenpo ale la, jan li lon ma la, ma li ike tawa ona.”\n\nkalama wawa pi tomo tawa linja nanpa tu wan li kama.\n\njan lawa lili li toki: “jan pi tomo ni li alasa e tomo tawa linja nanpa wan, anu seme?”\n\n“jan ni li alasa ala. lon insa la, jan li lape. ona li lape ala la, ona li pana e kon lape. jan lili taso li pana e nena lawa ona lon lupa pi tomo tawa.”\n\njan lawa lili li toki: “jan lili taso li sona e alasa ona. ona li weka e tenpo ona ale tawa ni: ona li musi kepeken ijo musi pi jan lili. ijo musi ona li kama suli mute tawa ona. jan suli li weka e ijo musi la, jan lili li pana e telo oko.”\n\njan pali li toki: “ale li pona tawa jan lili…”\n\n## lipu nanpa 23\n\njan lawa lili li toki “toki!”\n\njan esun li toki “toki!” jan esun li esun e moku ilo ni: tenpo suno pi mute lili la, sina moku e moku ilo ona wan. ni li weka e wile sina pi moku telo.\n\njan lawa lili li toki: “sina esun e ni tan seme?”\n\njan esun li toki: “moku ilo ni li pona tawa tenpo sina. jan sona li kama sona e ni kepeken nanpa: sina moku e ona la, tenpo sina li kama suli pi mute mute mute luka luka tu wan.”\n\n“mi pali e seme kepeken tenpo sin ni?”\n\n“sina ken pali e wile sina…”\n\njan lawa lili li toki: “tenpo mi li suli sama ni la, mi tawa ilo telo kepeken tenpo suwi…”\n\n![](https://jan-lawa-lili.gitlab.io/img/jll_41.jpg)\n\n## lipu nanpa 24\n\nmi lon ma pi telo ala la, tenpo suno luka tu wan li pini. jan lawa lili li toki e toki pi jan esun tawa mi la, mi moku e pini pi telo ale mi.\n\nmi toki: “a! toki sina li pona mute! taso, mi pini ala pona e tomo tawa kon mi. mi jo ala e telo. mi ken tawa ilo telo kepeken tenpo suwi la, mi kin li pilin pona mute!”\n\n“soweli loje mi li…”\n\n“jan lili o, soweli loje li lili lon tenpo ni!”\n\n“tan seme?”\n\n“telo li lon ala la, mi tu li kama moli…”\n\ntoki mi li nasa tawa ona. ona li toki:\n\n“jan pona li pona lon tenpo ale. moli li kama la, ona li pona kin. mi pilin pona tan ni: mi sona e soweli loje pona…”\n\nmi toki insa e ni: “ona li sona ala e ike suli pi tenpo ni. ona li moku lon tenpo ala. ona li wile e suno lili taso…”\n\nona li lukin e mi la, ona li sona e pilin mi. ona li toki:\n\n“mi wile e telo kin… mi tu o alasa e lupa telo…”\n\nike la, mi sona e ni: mi alasa e lupa telo lon ma pi telo ala la, ni li nasa mute. ma ni li suli mute. taso, mi tu li open tawa.\n\ntenpo suli la, mi tu li tawa. toki ala li lon. pimeja li kama la, mun suno li kama. sijelo mi li pilin nasa tan telo ala la, mi lukin e mun suno sama ni: ona li lon ala, li lon lawa mi taso. toki pi jan lawa lili li tawa musi lon lawa mi.\n\nmi toki: “ni la, sina wile moku e telo kin, anu seme?”\n\ntaso, ona li toki ala tawa wile sona mi. ona li toki taso:\n\n“telo li pona tawa pilin kin…”\n\nmi sona ala e toki ona. taso, mi toki ala… mi sona e ni: mi o toki ala e wile sona mi tawa ona.\n\njan lawa lili li kama pilin lape, li awen. mi awen kin lon poka ona. tenpo suli la, mi tu li toki ala. ona li toki:\n\n“mun li pona lukin tan ni: kasi suwi li lon mun wan. taso, jan li ken ala lukin e ona…”\n\nmi toki: “lon.” mi toki ala, li lukin e ni: mun li suno e nena pi ko kiwen.\n\nona li toki kin: “ma pi telo ala li pona lukin…”\n\ntoki ona li lon. tenpo ale la, ma pi telo ala li pona tawa mi. sina awen lon nena pi ko kiwen. sina lukin e ala. sina kute e kalama ala. taso, lon kalama ala la, pilin suno li lon…\n\nona li toki kin: “ma pi telo ala li pona lukin tan ni kin: sina lukin pona la, lupa telo li lon…”\n\nnasa la, mi kama sona e pilin suno pi ma ni. tenpo pi mi lili la, tomo mi li ni: jan li pali e tomo lon tenpo pini suli. jan li toki e ni: ijo suli pi mani mute li lon anpa tomo. lon la, jan ala li kama jo e ijo ni. ken la, jan ala li alasa e ijo ni. taso, ijo suli ni li pana e pilin pona tawa tomo. lon pilin pi tomo mi la, ijo suli li awen…\n\nmi toki tawa jan lawa lili: “lon. tomo mi anu mun suno anu ma pi telo ala la, oko li ken ala lukin e pona ale ona a!”\n\n“ni li pona tawa mi: sina pilin sama soweli loje mi.”\n\njan lawa lili li kama lape la, mi kama jo e ona lon luka mi, li tawa kin. mi lukin e ona la, pilin mute li lon sijelo mi. mi pilin e ni: mi jo e ijo suli pi wawa lili. lon ma la, ale li wawa; ona li lili. suno mun la, mi lukin e sinpin walo ona e oko pini ona. linja lawa ona li tawa lon kon. mi toki insa: “mi lukin e selo taso. oko mi li ken ala lukin e pona ona pi suli nanpa wan…”\n\nuta ona li open lili, li sama uta lili pi pilin pona. mi toki insa kin: “mi lukin e jan lawa lili lape la, pilin mute li lon sijelo mi tan ni: ona li olin e kasi suwi. kasi suwi li pana e pilin suno lon lawa ona. pilin suno li sama seli pi ilo suno. ona li lape la, pilin li awen…” ni la, mi kama pilin e ni: ona li wawa pi lili mute. jan o awen e ilo suno; kon li ken moli e ona…\n\nmi awen tawa la, mi lukin e lupa telo lon tenpo pi suno kama.\n\n## lipu nanpa 25\n\njan lawa lili li toki: “jan li lon tomo tawa linja, taso ona li sona ala e ni: ona li alasa e seme? ni la, pilin ona li kama wawa la, ona li tawa wawa, li tawa sike.”\n\nona li toki kin:\n\n“ona o weka ala e wawa ona tawa ni.”\n\nlupa telo li lon sinpin pi mi tu la, ona li sama ala lupa telo ante pi ma Sawala. lupa telo pi ma Sawala li lupa lili lon insa pi ko kiwen. lupa telo ni li sama lupa telo pi ma tomo. taso, ma tomo li lon ala. mi pilin e ni: ni li lon lawa mi taso.\n\nmi toki e ni tawa jan lawa lili: “ni li nasa. ilo ale pi lupa telo li lon: ilo sike en poki telo en linja li lon…”\n\njan lawa lili li musi, li kama jo e linja, li open kepeken ilo sike. ilo sike li pana e kalama sama ni: kon li lili lon tenpo suli la, ilo pi sona kon li awen mute; kon li kama la, ona li open pali, li pana e kalama ike.\n\njan lawa lili li toki: “sina kute ala kute? lupa telo ni li pini e lape ona tan mi tu. ona li pana e kalama musi.”\n\n![](https://jan-lawa-lili.gitlab.io/img/jll_42.jpg)\n\nmi wile ala e ni: ona li kepeken wawa ale ona.\n\n“mi o pali e ni. poki li suli mute tawa sina.”\n\nkepeken tenpo suli la, mi sewi e poki telo. mi pana e ona tawa poka pi lupa telo; mi wile e ni: ona li awen lon ni. kute mi la, ilo sike li awen pana e kalama musi ona. telo li awen tawa lili la, mi lukin e ni: suno li tawa lili lon telo.\n\njan lawa lili li toki: “mi wile mute e telo ni. o pana e ona tawa mi…”\n\nni la, mi kama sona e alasa ona!\n\nmi sewi e poki telo tawa uta ona. ona li moku. oko ona li pini. moku ni li suwi. suwi li suli sama suwi pi tenpo musi. telo li suwi tan ni: ona li kama lon tan tawa pi mi tu lon anpa pi mun suno mute, tan kalama musi pi ilo sike, tan wawa pi luka mi. ona li pona tawa pilin, sama ni: jan pona li pana e ijo pona tawa sina. mi lili la, tenpo pi jan sewi Jesu lili la, suno lili li lon kasi. jan pi tomo sewi li pana e kalama musi pona lon tenpo pimeja. jan ale li pilin pona la, uta ona li suwi. ijo ale ni la, jan li pana e ijo pona tawa mi la, ijo ni li pana e pilin suno.\n\njan lawa lili li toki: “jan pi mun sina li pali e ni: ma kasi ona li jo e kasi loje mute mute… taso, ni li pini ala e alasa ona…”\n\nmi toki: “lon… alasa li pini ala…”\n\n“taso, ijo pi alasa ona li ken lon kasi wan, anu telo lili…”\n\njan lawa lili li toki kin:\n\n“oko li ken ala lukin. jan o alasa kepeken pilin.”\n\nmi moku e telo. mi insa e kon. suno li kama la, kule pi ko kiwen li jelo sama ko suwi pi pipi jelo. kule ni li pana e pilin pona tawa mi. ni la, mi pilin ike tan seme?\n\njan lawa lili li kama lon poka mi, li toki suwi: “sina toki lon tenpo pini la, o pali lon tenpo ni.”\n\n“mi toki e seme?”\n\n“sina sona… soweli len mi o jo e len uta… mi o awen pali e pona pi kasi loje mi!”\n\nmi kama jo e sitelen ale mi. jan lawa lili li lukin e sitelen li musi:\n\n“lukin la, kasi Pajopa sina li sama kili…”\n\n“a!”\n\nmi la, sitelen mi pi kasi Pajopa li pona lukin!\n\n“soweli loje sina la… kute ona la… ona li sama palisa lawa… kin la, ona li suli ike!”\n\nona li musi sin.\n\nmi toki: “jan lili o, sina ike tawa mi. mi sona sitelen e ni taso: akesi pi sijelo open en akesi pi open ala.”\n\n“a! sitelen sina li pona. jan lili li sona.”\n\nmi sitelen e len uta tawa soweli len ona. mi pana e sitelen tawa ona la, pilin mi li pakala lili:\n\n“sina kama pali e ijo mute, anu seme? mi sona ala e ale…”\n\ntaso, ona li toki ala e wile sona mi. ona li toki:\n\n“o sona… mi tawa mun ma lon tenpo pini la… tenpo kama lili la, tenpo pi suno sike wan li pini.”\n\nkalama ala li lon. ona li toki sin:\n\n“mi anpa tan sewi la, mi lon poka pi ma ni…”\n\nsinpin ona li kama loje.\n\nsin la, mi kama pilin e ike nasa. mi sona ala e ni: pilin ni li tan seme. taso, wile sona sin li kama tawa mi:\n\n“mi kama sona e sina lon tenpo suno pini luka tu wan. sina wan, li lon weka mute pi ma tomo la, ni li tan ala nasa! sina tawa ma pi anpa sina, anu seme?”\n\nsinpin ona li kama loje sin. tenpo ala la, ona li toki e wile sona mi. taso, sinpin li kama loje la, ni li pana e sona “ni li lon”, anu seme?\n\nmi toki “a! mi pilin monsuta…”\n\ntaso, ona li toki:\n\n“sina o pali. o tawa ilo wawa sina. mi awen lon ma ni. tenpo pimeja kama la, o tawa ma ni…”\n\ntaso, ni li weka ala e pilin ike mi. mi sona e toki pi soweli loje. jan li linja e sina la, sina ken pana e telo oko lili tan ni…\n\n## lipu nanpa 26\n\nsinpin kiwen li lon poka pi lupa telo. mi kama tan pali mi lon tenpo pimeja kama la, mi lukin e ni lon weka mi: jan lawa lili mi li lon sewi sinpin. noka ona li lon kon. mi kute e toki ona:\n\n“sina sona ala, anu seme? ni li ma sama ala! ma li lon poka!”\n\nken suli la, kalama uta ante li toki. mi sona e ni tan ni: jan lawa lili li toki sin.\n\n“lon! tenpo li pona! taso, ma li sama ala…!”\n\nmi awen tawa sinpin kiwen. mi lukin e jan ante ala, li kute e jan ante ala. taso, jan lawa lili li toki sin:\n\n“… lon. o alasa e ni: lupa linja li lon ko kiwen tan noka mi. o tawa ni, o awen lon ni. tenpo pimeja la, mi kama.”\n\nmi lon poka pi sinpin kiwen la, mi awen lukin e ala.\n\njan lawa lili li toki sin:\n\n“telo moli sina li pona ala pona? mi pilin ike lon tenpo lili lili tan ona, anu seme?”\n\nmi pini tawa. pilin mi li pakala lili. taso, mi sona ala e ni: seme li lon? jan lawa lili li toki:\n\n“o weka… mi wile anpa!”\n\n![](https://jan-lawa-lili.gitlab.io/img/jll_43.jpg)\n\nmi lukin tawa anpa sinpin la, mi lukin e ike wawa! lon ni la, akesi linja jelo li lukin e jan lawa lili. akesi ni li ken moli e sina kepeken tenpo lili lili. mi alasa e ilo moli mi lon len mi, li kama tawa wawa. taso, mi pana e kalama mute la, akesi li kama weka. ona li anpa suwi lon ko kiwen sama telo, li tawa lon poka kiwen kepeken wawa lili.\n\nmi kama lon sinpin la, jan lawa lili li anpa tawa luka mi. ona li walo mute, sama ko pi telo lete.\n\n“ike mute a! sina toki tawa akesi linja!”\n\ntenpo ale la, ona li jo e len jelo pi anpa lawa. mi weka e ona. mi telo e sinpin ona, li pana e telo tawa uta ona. tenpo ni la, mi wile ala toki e wile sona mi. ona li lukin e mi kepeken pilin suli. ona li pana e luka ona lon sike pi lawa mi. lon sijelo mi la, pilin ona li pali wawa sama ni: waso li kama moli tan ilo moli pi jan alasa. ona li toki:\n\n“sina pona e ilo sina la, ni li pona tawa mi. sina ken tawa tomo sina…”\n\n“sina sona e ni kepeken nasin seme?”\n\nmi kama la, mi wile toki e ni tawa ona: tenpo pini la, tomo tawa kon mi li ike lukin mute, taso mi pona e ona!\n\nona li toki ala e wile sona mi, taso ona li toki kin:\n\n“mi sama. mi tawa tomo mi lon tenpo suno ni…”\n\nona li toki kepeken pilin ike:\n\n“tomo sina li lon weka lili; tomo mi li lon weka mute… tawa mi li wile e wawa mute…”\n\nmi pilin e ni: ale pi tenpo ni li suli. luka mi li jo e ona kepeken wawa, sama ni: ona li jan lili lili. taso, pilin mi la, sijelo ona li sama telo, li anpa tawa lupa pimeja. mi ken ala jo e ona…\n\nlukin ona li suli, li lon weka mute.\n\n“mi jo e soweli len sina. mi jo e poki pi soweli len. mi jo e len uta…”\n\nona li pana e uta pi pilin pona, kepeken pilin ike lili.\n\nmi awen lon tenpo mute. sijelo ona li lete, taso ona li kama seli kepeken tenpo mute.\n\n“jan lili o, sina pilin monsuta…”\n\nlon la, ona li pilin monsuta! taso, ona li musi lili:\n\n“tenpo ni la, mi pilin monsuta lili; tenpo pi kama pimeja la, mi pilin monsuta mute…”\n\nsin la, sijelo mi li kama pilin lete. mi sona e ni: mi ken ala pona e ijo kama. mi kama sona e ni: mi ken ala kute e kalama musi ona la, ni li ike mute mute tawa mi. kalama ona li sama ni tawa mi: telo li lon ma pi telo ala.\n\n“jan lili o, mi wile awen kute e kalama musi sina…”\n\ntaso, ona li toki:\n\n“tenpo pimeja kama li tenpo ni: mi lon mun ma la, tenpo pi suno sike wan li pini. mun mi li kama lon sewi pi ma ni…”\n\n“jan lili o, akesi linja en tawa en mun suno la… ike ale ni li lon ala. mi lape taso, anu seme?”\n\ntaso ona li toki ala e wile sona mi. ona li toki:\n\n“oko li ken ala lukin e ijo suli.”\n\n“mi sona…”\n\n“kasi suwi la, ni li sama. sina olin e kasi la, kasi li lon mun suno la, sina lukin tawa sewi la, pilin suwi li lon. mun suno ale li kasi suwi.”\n\n“mi sona…”\n\n“telo la, ni li sama. sina pana e telo tawa mi. telo ni li sama kalama musi tawa mi, tan ilo sike tan linja… sina sona… ona li pona.”\n\n“mi sona…”\n\n“o lukin e mun suno ale lon tenpo pimeja. tomo mi li lili mute la, mi ken ala pana lukin e ona tawa sina. taso, ni li pona. sina la, mun mi li lon mun ale. ni la, sina lukin e mun suno ale la, sina pilin pona…sama jan pona la, mun suno ale li pona tawa sina. kin la, mi pana e ijo pona tawa sina.”\n\nona li kalama musi kin.\n\n“a! jan lili o, jan lili o, kalama musi ni li pona tawa mi!”\n\n“lon la, mi pana e ni tawa sina… ni li sama telo…”\n\n“sina toki e seme?”\n\n“mun suno li ijo ante tawa jan ante. jan tawa la, mun suno li pana e nasin. jan ante la, mun suno li suno lili taso. jan sona la, mun suno li nasin pi kama sona. jan mani mi la, mun suno li mani mute. taso jan ni la, mun suno ale li toki ala. tenpo kama la, mun sina li sama ala mun pi jan ale…”\n\n“sina toki e seme?”\n\n“tenpo pimeja la, sina lukin e sewi la, sina sona e ni: mi lon mun wan. mi kalama musi lon mun wan la, ni li sama ni tawa sina: mun suno ale li kalama musi. sina taso la, mun li ken kalama musi!”\n\nona li kalama musi sin.\n\n“tenpo kama la, pilin ike sina pi weka mi li weka (tenpo ale la, pilin ike li weka). ni la, sina kama pilin pona tan ni: sina sona e mi. tenpo ale la, sina awen jan pona mi. sina wile kalama musi lon poka mi. tenpo lili la, sina kama open e lupa tomo sina tawa ni: sina wile musi… jan pona sina li lukin e ni: sina lukin e sewi li kalama musi. ni li nasa tawa ona la, sina toki e ni: ‘mun suno li musi tawa mi!’ kin la, ona li pilin e ni: sina nasa mute. mi pana e ijo musi pi ike lili tawa sina…”\n\nona li kalama musi sin.\n\n“ni li sama ni: mi pana ala e mun tawa sina. mi pana e ilo pi kalama musi…”\n\nona li kalama musi sin. pini musi la, ona li kama pilin suli:\n\n“tenpo pimeja ni la… sina sona… o kama ala.”\n\n“mi weka ala.”\n\n“sina lukin e mi la, sina pilin sama ni: mi pilin ike, li moli. ni li nasin. o lukin ala e ni… ni li pona ala…”\n\n“mi weka ala.”\n\ntaso, ni li ike tawa ona.\n\n“mi toki e ni la… o kama ala tan akesi kin. ona o uta ala e sina… akesi li ike. ona li ken uta e jan tawa ni: ni li musi tawa ona…”\n\n“mi weka ala.”\n\ntaso, pilin ona li kama pona lili:\n\n“lon la, akesi linja li uta e jan wan la, ona li jo ala e telo moli tawa uta nanpa tu…”\n\ntenpo pimeja ni la, mi sona ala e weka ona. ona li weka kepeken kalama ala. mi tawa ona la, mi kama lon poka ona la, ona li tawa kepeken wawa suli. ona li toki e ni taso:\n\n“a! sina lon…”\n\nona li kama jo e luka mi lon luka ona. taso, ona li toki kin kepeken pilin ike:\n\n“sina kama la, ni li ike mute. sina kama pilin ike. sina lukin la, sina pilin e ni: mi moli. taso, mi moli ala…”\n\nmi toki ala.\n\n![](https://jan-lawa-lili.gitlab.io/img/jll_44.jpg)\n\n“sina sona. tawa mi li suli. sijelo ni li ken ala tawa. suli ona li ike.”\n\nmi toki ala.\n\n“ona li kama sama selo kasi. selo kasi li ike ala tawa jan…”\n\nmi toki ala.\n\ntenpo ni la, pilin pona ona li kama weka. taso, ona li toki kin:\n\n“tenpo kama li pona. mi kin li lukin e mun suno. mun suno ale li lupa telo tawa mi. mun suno ale li pana e telo tawa mi…”\n\nmi toki ala.\n\n“ni li kama musi mute! mun suno ale li ilo mute mute pi kalama musi tawa sina. mun suno ale li ilo telo mute mute tawa mi.”\n\ntenpo ni la, ona li toki ala kin tan ni: ona li pana e telo oko.\n\n“tawa li pini lon ni. o awen; mi taso li tawa.”\n\nona li anpa lon ma tan ni: ona li pilin monsuta.\n\n![](https://jan-lawa-lili.gitlab.io/img/jll_45.jpg)\n\nona li toki sin:\n\n“sina sona… kasi loje mi… mi o awen pali e pona ona! kin la, ona li wawa ala! kin la, ona li sona lili. ona li jo taso e palisa lili tu tu tawa awen ona…”\n\nmi anpa lon ma tan ni: mi ken ala awen lon noka mi. ona li toki:\n\n“a… ni li pini…”\n\ntenpo lili la, ona li awen li sewi lon noka ona. ona li tawa lili. mi ken ala tawa.\n\nlinja jelo li suno lili lon poka pi noka ona. tenpo lili la, ona li awen. ona li kalama uta ala. ona li anpa sama kasi suli kepeken wawa lili. ni li pana ala e kalama, tan ko kiwen.\n\n## lipu nanpa 27\n\ntenpo sike luka wan li weka… tenpo ala la, mi toki e ale ni. jan pona mi li lukin e mi li pilin pona tan ni: mi moli ala. mi pilin ike, taso, mi toki e ni tawa ona: “mi pilin lape taso…”\n\ntenpo ni la, pilin ike mi li kama pona lili. taso, mi pilin ike kin. taso, mi sona e ni: ona li kama lon mun ona. mi sona tan ni: tenpo pi suno kama la, mi alasa e sijelo ona, li lukin ala e ona. sijelo ona li suli ala… kin la, tenpo pimeja la, kute sewi li pona tawa mi. ni li sama ilo pi kalama musi mute mute mute.\n\ntenpo ni la, ijo suli pi nasa mute li lon. mi sitelen e len uta tawa jan lawa lili la, mi pana ala e linja lon ona! ona li ken ala linja e len lon uta pi soweli len. mi toki insa e ni: “mun ona la, seme li lon? ken la, soweli len li moku e kasi suwi…”\n\ntenpo ante la, mi pilin e ni: “ala a! tenpo pimeja ale la, jan lawa lili li awen e kasi ona lon insa pi tomo lili. kin la, ona li lukin e soweli len…” ni la, mi pilin pona. mun ale li kalama musi kepeken pilin suwi.\n\ntenpo ante la, mi toki insa: “taso sina lukin ala lon tenpo wan taso la, ike li ken kama! ken la, ona li weka e sona, li pana ala e tomo lili. ken ante la, soweli len li weka kepeken kalama lili lon tenpo pimeja…” ni la, ilo ale pi kalama musi li ante tawa telo oko!…\n\n![](https://jan-lawa-lili.gitlab.io/img/jll_46.jpg)\n\nni li ijo len suli. sama mi la, sina olin e jan lawa lili la, pilin ale li ken ante tan ni: soweli len li moku ala moku e kasi loje lon ma ante…\n\no lukin e sewi. o toki e ni tawa sina: soweli len li moku ala moku e kasi suwi? ni la, sina kama pilin e ni: ale li ante.\n\ntenpo ala la, jan suli li ken sona e suli pi ijo ni!\n\nmi la, sitelen ma ni li pona lukin mute, li pana e pilin ike mute. ona li sama sitelen pi lipu ante. taso mi sitelen sin e ona tawa ni: sina lukin pona e ona. ma ni la, jan lawa lili li kama lon mun ma li weka.\n\n![](https://jan-lawa-lili.gitlab.io/img/jll_47.jpg)\n\no lukin pona e sitelen ma ni tawa ni: sina tawa lon ma Apika lon ma pi telo ala la, sina lukin e ma ni la, sina sona e ona. kin la, sina lon ma ni la, o tawa wawa ala. o awen lon tenpo lili lon anpa pi mun suno ona! tenpo ni la, jan lili li kama tawa sina la, ona li kalama musi la, linja lawa ona li jelo la, ona li toki ala e wile sona sina la, sina sona e ona. o pona a! o pona e pilin ike mi; o toki e ni tawa mi: ona li kama sin…\n\n**pini**","filePath":"poki/plaintext/2023/09/jan-lawa-lili.md","digest":"bc00bda0a3295a23","rendered":{"html":"<h1 id=\"jan-lawa-lili\">jan lawa lili</h1>\n<h2 id=\"lipu-nanpa-1\">lipu nanpa 1</h2>\ntenpo pi mi lili la, mi lukin e sitelen pona lon insa pi lipu ni: lipu li pana e lukin pi ma kasi. nimi lipu li “lon pi tenpo pini”. sitelen ni la, akesi linja li moku e soweli wawa. ni li sitelen:\n<img src=\"https://jan-lawa-lili.gitlab.io/img/jll_2.jpg\" alt=\"\">\nlipu li toki e ni: “akesi linja li moku e soweli la, ona li pakala ala e ona kepeken uta. pini la, ona li ken ala tawa, li lape lon tenpo suli.”\nmi toki insa mute tawa lon pi ma kasi. ni la, mi pali e sitelen mi nanpa wan kepeken palisa kule. sitelen mi nanpa wan li lon. ona li sama ni:\n<img src=\"https://jan-lawa-lili.gitlab.io/img/jll_3.jpg\" alt=\"\">\nmi pana e sitelen pona mi tawa jan suli. mi wile sona e ni: ona li pilin ala pilin monsuta tan sitelen mi?\nona li toki: “len lawa li monsuta tawa mi tan seme?”\nsitelen mi li len lawa ala. sitelen mi li ni: akesi linja li moku e soweli suli. ni la, mi sitelen e insa akesi tawa ni: jan suli li kama sona. tenpo ale la, jan ante o pana e sona ale tawa ona. sitelen mi nanpa tu li sama ni:\n<img src=\"https://jan-lawa-lili.gitlab.io/img/jll_4.jpg\" alt=\"\">\njan suli li toki e ni tawa mi: mi o weka e sitelen akesi pi sijelo open e sitelen akesi pi open ala. lon la, mi o sona e sona ma e sona tenpo e sona nanpa e sona toki. ni la, tenpo pi mi lili la, mi weka e pali mi pi sitelen pona. sitelen mi nanpa wan en sitelen mi nanpa tu li ike la, mi wile ala sitelen. jan suli li sona ala. jan lili o pana e sona tawa ona lon tenpo ale la, ni li ike tawa jan lili.\nni la, mi o pali e ijo ante. mi kama sona lawa e tomo tawa kon. mi tawa lon ma ale. lon la, sona ma li pona mute tawa mi. mi lukin lili la, mi ken sona e ni: mi lon ma Sonko anu ma Awisona. mi lon ma sin lon tenpo pimeja la, ni li pona mute.\ntenpo mute la, mi kama sona e jan suli mute. tenpo mute la, mi lon poka pi jan suli. mi lukin mute e ona. ni la, mi pilin ike tawa ona.\ntenpo lili la, mi lon poka pi jan suli pona. mi pana e sitelen nanpa wan tawa ona. mi wile sona e ni: sona pi jan ni li pona ala pona? taso, tenpo ale la, ona li toki: “ni li len lawa.” ni la, mi toki ala e akesi e ma kasi e mun suno tawa ona. mi toki sama ona la, mi toki e ijo pi jan suli: mi toki e musi pi jan suli e nasin lawa e len linja pi anpa lawa. ni la, jan suli li pilin pona tawa mi, li pilin e ni: sona mi li pona.\n<h2 id=\"lipu-nanpa-2\">lipu nanpa 2</h2>\nni la, tenpo suli pi lon mi la, mi wan. mi toki lili tawa jan ante. ni li ante lon tenpo pini ni: tomo tawa kon mi li pakala lon ma Sawala pi telo ala. ijo pi ilo wawa ona li pakala. jan pi pona ilo en jan ante li lon ala poka mi la, mi wan o pona e ona. pali ni li ike mute. mi ken ala pona e ona la, mi moli. telo mi li lili la, mi ken awen moku e telo lon tenpo suno luka tu wan taso.\ntenpo pimeja nanpa wan la, mi lape lon ko kiwen. mi lon weka mute pi ma tomo. mi wan sama ni: jan li weka e nasin ona lon insa pi telo suli suli la, wan ona li lili; wan mi li suli. ni la, suno li kama la, mi nasa mute tan ni: kalama nasa lili li pini e lape mi. ona li toki:\n“sina wile la… o sitelen e soweli len tawa mi!”\n“seme!”\n“o sitelen e soweli len tawa mi…”\nmi sewi lon noka mi kepeken wawa mute sama ni: wawa sewi li utala e mi. mi luka e oko mi. mi lukin pona. mi lukin e jan lili nasa. ona li lukin e mi kepeken pilin suli. mi pali e sitelen ni. sitelen ni li ike lukin; ona li pona lukin. ni li tan ala mi. tenpo pi mi lili la, jan suli li weka e wile sitelen mi. ni la, mi sona ala sitelen. mi sona sitelen e ni taso: akesi pi sijelo open en akesi pi open ala.\n<img src=\"https://jan-lawa-lili.gitlab.io/img/jll_5.jpg\" alt=\"\">\nmi lukin e ken ala ni la, oko mi li suli tan pilin nasa. o sona e ni: mi lon weka mute pi ma tomo. taso, jan lili ni li sama ala jan weka, li sama ala jan pi pilin lape, li sama ala jan pi wile moku, li sama ala jan pi pilin monsuta. ona li sama ala ni: jan lili li lon ma pi telo ala, lon weka mute pi ma tomo. ken toki li kama tawa mi la, mi toki:\n“sina lon ma ni tan seme?”\nona li toki sin, kepeken suwi, sama toki pi ijo suli:\n“sina wile la… o sitelen e soweli len tawa mi…”\nnasa li suli mute la, mi o kute. mi lon weka mute pi ma tomo. ken suli la, moli li kama. taso, nasa mute la, mi kama jo e lipu e ilo sitelen. taso, mi sona e ni: tomo sona li pana taso e sona ma e sona tenpo e sona nanpa e sona toki tawa mi. mi toki (pi ike lili) e ni tawa ona: mi ken ala sitelen. ona li toki:\n“ni li lili. o sitelen e soweli len tawa mi.”\nmi ken ala sitelen e soweli len la, mi pali e sitelen pi sona mi: akesi linja pi open ala. nasa mute tawa mi la, mi kute e toki ni pi jan lili:\n“ala! ala! mi wile ala e ni: soweli suli li lon insa pi akesi linja. akesi li ken moli e jan. soweli suli li suli mute ike. tomo mi li lili lili. mi wile e soweli len. o sitelen e soweli len tawa mi.”\nni la, mi sitelen.\n<img src=\"https://jan-lawa-lili.gitlab.io/img/jll_6.jpg\" alt=\"\">\nona li lukin pona, li toki:\n“ala! sijelo ona li pilin ike. o sitelen sin.”\nmi sitelen e ni:\n<img src=\"https://jan-lawa-lili.gitlab.io/img/jll_7.jpg\" alt=\"\">\nona li lukin, li musi lili:\n“o lukin pona… ni li soweli len mije. ona li jo e palisa…”\nmi sitelen sin. taso, sama sitelen ante la, jan lili li wile ala e ona:\n<img src=\"https://jan-lawa-lili.gitlab.io/img/jll_8.jpg\" alt=\"\">\n“ona li suli pi tenpo sike mute. mi wile ala e ni: soweli mi li moli lon tenpo lili.”\nmi pini wile kepeken tenpo mi tawa sitelen. mi wile open pona e ilo wawa la, mi sitelen ike e ni:\n<img src=\"https://jan-lawa-lili.gitlab.io/img/jll_9.jpg\" alt=\"\">\nmi toki:\n“ni li poki. soweli pi wile sina li lon ona.”\nnasa tawa mi la, sinpin ona li kama pona.\n“ona li pona mute tawa mi! sina la, soweli len ni li wile e kasi mute ala mute?”\n“tan seme?”\n“tomo mi li lili lili…”\n“ken suli la, mute ala. mi pana e soweli lili tawa sina.”\nona li anpa e lawa ona tawa sitelen.\n“lili ala… a! ona li kama lape…”\nni la, mi kama sona e jan lawa lili.\n<h2 id=\"lipu-nanpa-3\">lipu nanpa 3</h2>\nmi kama sona e ni kepeken tenpo suli: ona li tan ma seme. jan lawa lili li toki e wile sona mute tawa mi. taso, tenpo ale la, mi toki e wile sona tawa ona la, ona li toki ala e wile sona mi. ona li toki e ijo ante la, mi kama sona lili kepeken tenpo mute. ni la, ona li lukin e tomo tawa kon mi (mi sitelen ala e ona; sitelen ni li suli mute tawa sona mi). ona li toki:\n“ijo ni li seme?”\n“ni li ijo ala. ni li tawa lon kon. ni li tomo tawa kon. ni li tomo tawa kon mi.”\n<img src=\"https://jan-lawa-lili.gitlab.io/img/jll_10.jpg\" alt=\"\">\nmi pana e sona ni tawa ona: mi tawa lon kon. mi pana e sona ni la, mi pilin suli. ni la, ona li toki:\n“a! sina anpa tan sewi, anu seme!”\nmi toki kepeken pilin lili: “anpa.”\n“a! ni li musi…”\njan lawa lili li musi. kalama musi ona li kalama pona, li ike mute tawa mi. mi wile e ni: jan li pilin suli tawa ike mi. ona li toki sin:\n“ni la, sina kin li kama tan sewi! sina tan mun seme?”\nsama suno lili lon pimeja la, toki ona li weka lili e len pi lon nasa ona. mi toki wawa e wile sona tawa ona:\n“sina tan mun ante, anu seme?”\ntaso, ona li toki ala e ni. ona li tawa suwi e lawa ona, li lukin e tomo tawa kon mi.\n“lon la, kepeken ilo ni la, sina ken ala kama tan ma pi weka mute…”\nni la, ona li kama pilin mute lon insa lawa ona. tenpo suli li pini la, ona li kama jo e soweli len mi. ona li lukin suli e ona sama ni: ona li ijo pona pi suli mute.\nken suli la, sina pilin sama mi tawa toki lili ona pi “mun ante”. mi alasa e sona:\n“jan lili o, sina tan seme? ‘tomo sina’ li lon seme? sina wile pana e soweli len mi tawa seme?”\nona li toki ala. tenpo lili la, ona li toki e ni:\n“poki pi sitelen sina li pona tan ni: tenpo pimeja la, ni li tomo ona.”\n“lon. sina pona la, mi pana kin e linja tawa sina. tenpo suno la, sina ken linja e soweli. mi pana kin e palisa.”\ntoki mi li ike tawa jan lawa lili:\n“sina wile linja e ona tan seme? toki sina li nasa a!”\n“sina linja ala e ona la, soweli sina li weka…”\njan pona mi li musi sin:\n“ona li weka la, ona li tawa seme?”\n“ma ale. ona li tawa sinpin…”\njan lawa lili li toki kepeken pilin suli:\n“ni li ike ala. tomo mi li lili lili!”\nona li toki kin, kepeken pilin ike suwi:\n“tawa sinpin la, jan li ken ala tawa weka mute…”\n<h2 id=\"lipu-nanpa-4\">lipu nanpa 4</h2>\nni la, mi kama sona e ijo suli sin: mun ona li lili sama tomo!\nni li nasa ala tawa mi. mi sona e ni: mun suli li lon. nimi ona li mun ma li mun Jupite li mun Masi li mun Wenu. taso mun lili mute mute li lon kin. ona li lili mute la, ni li ken lili lili: jan li lukin e ona kepeken ilo pi lukin mun. jan pi sona mun li lukin e ona la, ona li nimi e ona kepeken nanpa. ken la, ona li pana e nimi “mun nanpa 3251” tawa ona.\nmi la, ni li ken suli: mun lili pi jan lawa lili li mun nanpa P 612.\n<img src=\"https://jan-lawa-lili.gitlab.io/img/jll_11.jpg\" alt=\"\">\ntenpo wan taso la, jan wan li lukin e ona. ona li jan pi sona mun li tan ma Tukije.\n<img src=\"https://jan-lawa-lili.gitlab.io/img/jll_12.jpg\" alt=\"\">\nona li pana e sona sin ona tawa tenpo kulupu ni: jan pi ma ale li toki e sona mun.\ntaso, jan li wile ala kute e ona tan len ona. jan suli li ni.\n<img src=\"https://jan-lawa-lili.gitlab.io/img/jll_13.jpg\" alt=\"\">\npona tawa mun nanpa P 612 la, jan lawa pi ma Tukije li toki e nasin lawa sin. nasin li ni: jan ale pi ma Tukije o len kepeken len pi ma Elopa. ona li len ala kepeken len ni la, jan lawa li moli e ona. sin la, jan pi ma Tukije li pana e sona pi mun nanpa P 612 tawa jan pi sona mun. tenpo ni la, len ona li pona lukin. ni la, jan ale li kute.\n<img src=\"https://jan-lawa-lili.gitlab.io/img/jll_14.jpg\" alt=\"\">\nmi toki e mun nanpa P 612, li toki kin e nanpa ona tawa sina la, ni li tan jan suli. nanpa li pona tawa jan suli. sina kama sona e jan pona sin la, sina toki e ni tawa jan suli la, jan suli li wile ala sona e ijo suli. ona li toki ala e ni: “kalama uta ona li sama seme? musi seme li pona tawa ona? ona li kulupu ala kulupu e pipi waso kule tawa musi?” ona li toki e ni: “ona li suli pi tenpo sike seme? mama meli ona li mama e jan lili pi mute seme? mama mije ona li jo e mani pi mute seme?” ni la, jan suli li ken pilin e ni: ona li sona e ona. sina toki e ni tawa jan suli: “mi lukin e tomo. sinpin ona li loje walo. kasi kule li lon lupa ona. waso walo li lon sewi ona…” jan suli li ken ala lukin e ona kepeken lawa taso. sina o toki: “mi lukin e tomo. ona li mani mute mute.” ni la, ona li toki: “pona lukin a!”\nkin la, sina toki: “jan lawa lili li lon. mi sona tan ni: ona li pona lukin li wile e soweli len. jan li wile e soweli len la, ona o lon!” pilin pi jan suli la, sina sama jan lili! taso, sina toki e ni: “mun ona li mun lili nanpa P 612”. ni la, pilin ona la, toki sina li lon. ona li toki ala e wile sona sin tawa sina. ni li nasin pi jan suli. o pilin ike ala tawa ona. jan lili o pona tawa ike pi jan suli.\ntaso, mi mute li sona e nasin lon. nanpa li lili tawa mi! wile mi la, open pi lipu mi li sama lipu musi suwi pi jan lili. mi wile toki e ni:\n“tenpo pini la, jan lawa lili li lon mun lili. ona li wile e jan pona…” jan li sona e nasin lon la, toki ni li pona mute, li toki lon.\nwile mi la, lipu mi li suli tawa jan. mi toki e sona ni la, mi pilin ike. tenpo pini mute la, jan pona mi en soweli len ona li weka. mi wile ala e ni: jan lawa lili li weka tan sona mi. mi toki e ona lon lipu ni tan ni. jan pona li weka tan sona sina la, ni li ike. jan ale ala li kama sona e jan pona. kin la, mi ken ante. mi ken kama sama jan suli, li ken pilin pona tawa nanpa taso. ni la, mi kama jo e kule e ilo sitelen tan ni. tenpo ni la, mi suli la, pali sitelen li ike tan ni: mi lili la, mi sitelen taso e akesi linja pi sijelo open e akesi pi open ala! mi alasa e ni: sitelen mi li pona tawa lon. taso, mi sona ala e ni: sitelen mi li pona ala pona? ken la, sitelen wan li pona. ken la, sitelen ante li ike. ken la, suli pi sitelen mi li pakala. sitelen ni pi jan lawa lili li suli ike. sitelen ante li lili ike. mi sona ala e kule pi len ona. ni la, mi alasa, li pakala lili. mi ken pakala e ijo suli kin. taso sina o lukin ala e pakala mi. tenpo ala la, jan pona mi li pana e tan tawa mi. ken la, ona li pilin e ni: mi sama ona. taso, ike la, mi ken ala lukin e soweli len lon insa poki. ken la, mi sama jan suli. ken la, mi kama suli.\n<h2 id=\"lipu-nanpa-5\">lipu nanpa 5</h2>\ntenpo suno ale la, mi kama sona e ijo sin tan mun pi jan lawa lili, tan tenpo weka ona, tan tawa ona. sona ni li kama lili lili, tan toki mute. tenpo suno nanpa tu wan la, mi kama sona e ike suli pi kasi Pajopa.\nsama tenpo pini la, mi kama sona tan soweli len. ona li toki wawa sama ni: ona li toki insa e ken pi ijo ike suli:\n“soweli len li moku ala moku e kasi?”\n“moku”.\n“a! mi pilin pona.”\n<img src=\"https://jan-lawa-lili.gitlab.io/img/jll_14.jpg\" alt=\"\">\nmi sona ala e ni: soweli len li moku e kasi la, ni li suli tawa ona tan seme? taso, ona li toki sin:\n“ni la, ona li moku kin e kasi Pajopa, anu seme?”\nmi toki e ni tawa jan lawa lili: kasi Pajopa li kasi lili ala. lon la, suli pi kasi ni li sama tomo sewi. kin la, ona li kama jo e kulupu pi soweli suli mute la, kulupu ni li ken ala moku e kasi Pajopa wan.\nkulupu pi soweli suli li musi tawa jan lawa lili:\n“soweli o lon sewi pi soweli ante…”\ntaso, ona li toki pi sona pona:\n“ona li sin la, kasi Pajopa li lili.”\n“lon. taso tan seme la, sina wile e ni: soweli len li moku e kasi Pajopa lili?”\nona li toki taso: “a!” ona li pilin e ni: sona ni li nasa ala. ni la, mi pali mute kepeken lawa mi tawa ni: mi kama sona e ike ni.\nsama mun ale la, mun pi jan lawa lili li jo e kasi pona e kasi ike. ni la, ona li jo e sike mama pona pi kasi pona e sike mama ike pi kasi ike. taso, jan li ken ala lukin e kasi sike. kasi sike li lape lon insa ma. tenpo pi wile ona la, ona li pini lape. ni la, ona li kama suli li tawa suno. ona li kama kili loje namako anu kasi loje la, ona li ken awen lon ma. taso, ona li kama kasi ike la, jan o weka e ona. mun pi jan lawa lili la, sike mama pi ike suli li lon… ona li kama kasi Pajopa. ma pi mun ni li jo e ona mute mute. kasi Pajopa la, jan li weka ala e ona lon tenpo lili la, ona li awen. jan li ken ala weka e ona. suli ona li lon mun ale. noka ona li kama lon insa ma. mun li lili la, kasi Pajopa li mute la, mun li pakala wawa tan ona.\ntenpo ante la, jan lawa lili li toki e ni tawa mi: “nasin pali sina o pona. sina pini lape la, sina pini pona e sijelo sina la, sina o pona e mun. sina lukin la, kasi Pajopa lili en kasi loje li sama mute. tenpo mute la, sina o alasa e kasi Pajopa o weka e ona kepeken tenpo lili. pali ni li pana e pilin lape. taso, ona li kepeken wawa lili.”\n<img src=\"https://jan-lawa-lili.gitlab.io/img/jll_15.jpg\" alt=\"\">\ntenpo suno ante la, ona li toki e ni tawa mi: mi o pali pona e sitelen mi. ni la, sitelen mi li pana pona e sona pi kasi Pajopa tawa jan lili pi ma mi. “ona li tawa ma ante la, sona ni li pona tawa ona. tenpo lili la, jan li jo e pali pi pini ala la, ona li ken awen. taso, kasi Pajopa la, jan li pali ala lon tenpo ni la, pakala li kama. mi sona e mun. pali li ike tawa jan pi mun ni. ona li weka ala e kasi lili pi mute lili…”\n<img src=\"https://jan-lawa-lili.gitlab.io/img/jll_16.jpg\" alt=\"\">\nkin la, jan lawa lili li pana e sona pi lukin mun tawa mi. mi sitelen e mun ni. mi wile ala toki sama jan pi pana nasin. taso, jan li sona lili e ike pi kasi Pajopa. jan li tawa mun lili la, ike ni li suli mute la, tenpo ni taso la, mi o toki. mi toki e ni: “jan lili o! kasi Pajopa li ike mute tawa sina!” mi wile pana e sona pi kasi Pajopa tawa jan pona mi. tenpo mute la, sama mi la, ona li kama lon poka pi ike ni, li sona ala e ona. sona ni li suli mute la, mi pali mute mute e sitelen ni. ken la, sina wile sona e ni: sitelen pi kasi Pajopa li pona lukin la, sitelen ante pi lipu ni li ike lukin tan seme? wile mi la, sitelen ale pi lipu mi li pona lukin. taso, mi ken ala. mi sitelen e kasi Pajopa la, ike ni li suli mute tawa mi. ni li pana e wawa tawa mi.\n<h2 id=\"lipu-nanpa-6\">lipu nanpa 6</h2>\n<img src=\"https://jan-lawa-lili.gitlab.io/img/jll_17.jpg\" alt=\"\">\na! jan lawa lili o, mi kama sona e lon lili sina kepeken tenpo mute. tenpo suli la, ijo wan li pona tawa sina: suwi pi suno weka. tenpo suno nanpa tu tu la, mi kama sona e ni. suno li kama la, sina toki:\n“suno weka li pona tawa mi. mi tu o tawa o lukin e suno weka…”\n“taso, mi tu o awen…”\n“mi o awen tan seme?”\n“mi o awen tan ni: suno li weka lon tenpo kama.”\nmi toki e ni la, sina pilin nasa mute. sina kama sona la, sina musi tan pilin sina. sina toki:\n“mi awen pilin e ni: mi lon tomo mi!”\nlon. jan ale li sona e ni: suno li wawa lon ma Mewika la, suno li weka lon ma Kanse. jan li ken tawa ma Kanse kepeken tenpo lili la, ona li ken lukin e suno weka lon tenpo ale. ike la, ma Kanse li lon weka mute. taso, lon mun lili sina la, sina ken tawa lili lili e supa monsi sina. sina wile la, sina ken lukin e suno weka lon tenpo pi wile sina…\n“tenpo suno wan la, mi lukin e suno weka mute mute tu wan!”\ntenpo poka lili la, sina toki sin:\n“a… jan li pilin ike mute la, suno weka li pona mute tawa ona…”\n“tenpo pi suno weka mute ni la, sina pilin ike mute, anu seme?” taso, jan lawa lili li toki ala.\n<h2 id=\"lipu-nanpa-7\">lipu nanpa 7</h2>\ntenpo suno nanpa luka la, mi kama sona e ijo suli pi jan lawa lili. sin la, mi kama sona tan soweli len. ona li toki wawa e wile sona sin tawa mi. ken la, ona li alasa e sona ni lon tenpo suli lon insa pi lawa ona:\n“soweli len li moku e kasi la, ona li moku ala moku e kasi suwi?”\n“soweli len li moku e ale.”\n“kasi suwi li jo e palisa la, ona li moku ala moku e ona?”\n“moku. ona li moku e kasi suwi palisa.”\n“taso, kepeken palisa li seme?”\nmi sona ala. tenpo ni la, mi pali suli. mi wile sike e sike lili pi ilo wawa mi. mi pilin ike tan ni: pakala pi tomo tawa kon mi li suli lukin. kin la, telo mi li kama lili la, ken pi ike suli li kama.\n“kepeken palisa li seme?”\njan lawa lili li toki e wile sona la, tenpo ala la, ona li pini toki e ona. sike lili li ike tawa mi la, mi pilin ike la, mi toki e ijo nasa:\n“kasi li kepeken ala palisa! palisa li tan ni taso: kasi suwi li ike!”\n“a!”\nkalama ala li lon. tenpo lili la, ona li toki kepeken pilin ike:\n“toki sina li lon ala! kasi suwi li wawa ala. ona li sona lili. ona li alasa e ken pi pilin wawa. pilin ona la, ona li wawa tan palisa…”\nmi toki ala. tenpo ni la, mi toki insa: “sike lili li wile ala sike la, mi pakala e ona kepeken ilo.” sin la, jan lawa lili li pini e toki insa mi:\n“kasi suwi la, sina pilin ala pilin e…”\n“ala! ala! mi pilin ala! mi toki e ijo nasa. mi pali e ijo suli!”\nona li lukin nasa e mi.\n“ijo suli!”\nona li lukin e ni: luka mi li jo e ilo mi, li pimeja jaki. ijo pi pali mi li ike lukin mute tawa ona.\n“sina toki sama jan suli!”\ntoki ona li pana lili e pilin ike tawa mi. taso, ona li awen pana e pilin ike:\n“sina nasa e ale… ale li nasa tawa sina!”\nona li pilin utala. ona li tawa e linja lawa jelo ona lon kon.\n“mi sona e mun. jan loje wan li lon mun ni. tenpo ala la, ona li pilin e kon pi kasi suwi. tenpo ala la, ona li lukin e mun. tenpo ala la, ona li olin e jan. tenpo ale la, ona li kulupu taso e nanpa. tenpo suno ale la, ona li toki sama sina: ‘mi jan suli! mi jan suli!’ ona li pilin suli mute tan ni. taso, ona li jan ala. ona li kili jaki!”\n“ona li seme?”\n“kili jaki!”\nsinpin ona li walo tan pilin utala.\n“tenpo sike mute mute la, kasi suwi ale li pali e palisa. taso tenpo sike mute mute la, soweli len ale li moku e ona. kasi li pali e palisa. taso palisa ona li awen ala e ona. mi alasa sona e ni la, ni li suli ala, anu seme? soweli len li utala e kasi suwi la, ni li suli ala suli sama kulupu nanpa pi jan loje? mi sona e kasi suwi. ona li wan pi ma ale li lon mun mi taso. soweli len lili li sona ala la, ona li ken pakala e ona la, ni li suli ala, anu seme?”\n<img src=\"https://jan-lawa-lili.gitlab.io/img/jll_18.jpg\" alt=\"\">\nsinpin ona li kama loje. ona li awen toki:\n“jan li olin e kasi suwi la, kasi ni li wan pi mun ale la, mun ale li pona tawa ona. ona li ken toki: ‘kasi mi li lon mun wan…’ taso, soweli len li moku e kasi suwi la, ni li sama ni tawa ona: mun ale li kama pimeja! taso ni li suli ala!”\nona li ken ala awen toki. ona li pana e telo oko mute. pimeja li lon. mi weka e ilo mi. ilo mi en sike lili en telo en moli li lili tawa mi. lon mun la, lon mun mi la, lon ma la, jan lawa lili li pilin ike, li wile e olin! mi sike luka e jan lawa lili. mi tawa suwi e ona. mi toki: “ike li kama ala tawa kasi suwi sina… tenpo kama la, mi sitelen e len uta tawa soweli sina… mi sitelen e len awen tawa kasi sina… mi…” mi sona ala e ni: mi ken toki e seme? mi pilin e ni: mi pakala… pilin mi la, ona li lon weka mute… ma pi telo oko li ma nasa…\n<h2 id=\"lipu-nanpa-8\">lipu nanpa 8</h2>\nmi kama sona e kasi suwi ni kepeken tenpo lili. tenpo pini ale la, kasi suwi mute li lon mun pi jan lawa lili. lipu kasi ona li mute lili. ona li suli ala li ike ala. suno li kama la, ona li open; suno li weka la, ona li pini. taso, kasi suwi pi jan lawa lili li tan sike mama kasi pi ma ante. tenpo ni la, jan lawa lili li lukin pona e kasi sin tan ni: kasi ni li sama ala kasi ante. ken la, ona li kasi Pajopa sin. taso, kasi ni li pini suli li kama mama e kasi suwi. jan lawa lili li lukin e lawa kasi suli li pilin e ni: ona li kama pana e ijo wawa. taso, tenpo suli la, kasi suwi li pona e lukin ona lon tomo laso ona. ona li kama jo e kule pona mute. ona li len e ona kepeken tenpo suli. ona li pali suli e lipu kasi ona. ona li wile ala e ni: ona li open la, lawa ona li ike lukin sama kasi ante. ona li wile e ni taso: ona li kama la, lukin ona li suno e ale a! ni li suli tawa ona: ona li suwi lukin a! nasa la, ona li pona e ona kepeken tenpo suno mute. pini la, tenpo pi suno kama la, ona li open.\n<img src=\"https://jan-lawa-lili.gitlab.io/img/jll_19.jpg\" alt=\"\">\nona li pali mute e lukin ona. taso, ona li kama toki la, ona li pana e kon lape:\n“a! mi pini lape lon tenpo lili… o lukin ala e mi… mi pona lukin ala…”\njan lawa lili li ken ala len e pilin ona:\n“sina pona lukin mute!”\nona li toki suwi: “mi pona lukin, anu seme? kin la, mi kama lon la, suno li kama lon kin…”\njan lawa lili li sona e ni: kasi li pilin suli. taso, ona li suwi mute tawa jan lawa lili!\nkasi li toki kin: “tenpo ni li tenpo moku, anu seme? sina pona la, sina ken ala ken pana e moku lili tawa mi?”\njan lawa lili li pilin nasa li kama jo e ilo telo li telo e ona.\n<img src=\"https://jan-lawa-lili.gitlab.io/img/jll_20.jpg\" alt=\"\">\nkepeken tenpo lili la, pilin suli ona li pana e pilin ike tawa jan lawa lili. tenpo suno ante la, kasi suwi li lukin e palisa tu tu ona li toki:\n“soweli wawa o kama! palisa ona li lili tawa mi!”\n<img src=\"https://jan-lawa-lili.gitlab.io/img/jll_21.jpg\" alt=\"\">\njan lawa lili li toki: “soweli wawa li lon ala mun mi. kin la, soweli wawa li moku ala e kasi lili.”\nona li toki suwi: “mi kasi lili ala.”\n“a, mi toki nasa…”\n“soweli wawa li lili tawa mi, taso kon tawa li ike mute tawa mi. sina jo ala jo e sinpin lili?”\n<img src=\"https://jan-lawa-lili.gitlab.io/img/jll_22.jpg\" alt=\"\">\njan lawa lili li toki insa “ona li pilin ike tawa kon tawa… kasi la, ni li ike mute. kasi suwi ni li nasa mute…”\n“tenpo pi suno weka la, o tawa e mi lon insa pi tomo lili. tomo sina li lete ike. ma mi li…”\n<img src=\"https://jan-lawa-lili.gitlab.io/img/jll_23.jpg\" alt=\"\">\ntaso ona li pini e toki ona. ona li sona e ni: tenpo pi kama ona la, ona li sike mama kasi. ona li ken ala sona e ma ante. ona li kama toki e toki pi lon ala; jan lawa lili li sona e ni. kasi li pilin ike tan ni la, ona li pana lili e kon ike tawa ni: jan lawa lili li pilin nasa. ona la, jan lawa lili o pilin sama ni: pakala li tan jan lawa lili.\n“sinpin sina li kama ala kama?…”\n“mi wile kama jo e ona, taso sina toki tawa mi!”\nona li pana kin e kon ike tawa ni: jan lawa lili li awen pilin ike.\ntenpo lili la, toki ona li kama lili tawa jan lawa lili. olin ona li wile awen kute, taso ona li ken ala. ona li kute suli e toki nasa ona, li kama pilin ike mute tan ni.\ntenpo suno ante la, jan lawa lili li toki tawa mi: “mi o kute ala e ona. jan o kute ala e kasi suwi. o lukin e ona o pilin e kon ona. kasi suwi mi li pana e kon pona tawa mun mi, taso mi ken ala pilin pona tan ni. toki palisa ona li pana e pilin nasa tawa mi. taso toki ni o pana e pilin suwi tawa mi…”\nona li toki sin:\n“tenpo pini la, mi sona ala! mi o lukin e pali ona. taso, mi kute e toki ona. ona li pana e kon pona tawa mi, li suno e mi. tenpo pini la, mi o weka ala! mi o sona e ni: toki ike ona li len e suwi ona. kasi suwi li nasa mute! taso, mi lili la, mi sona ala e nasin olin.”\n<h2 id=\"lipu-nanpa-9\">lipu nanpa 9</h2>\nmi la, jan lawa lili li weka tan mun ona la, ona li kepeken kulupu waso. tenpo pi weka ona li kama la, ona li pona e mun ona. ona li pona e nena seli ona. ona li jo e nena seli tu. nena seli li pona tan ni: jan lawa lili li ken pali e moku kepeken seli ona. ona li jo kin e nena seli pi seli ala. taso, ona li toki: “mi sona ala; ken la, ona li seli!” ona li pona kin e ona. nena li pona la, ona li seli lili kepeken tenpo mute. ona li seli wawa ala. nena seli li seli wawa la, ni li sama seli pi poki seli lon tomo jan. lon la, mun ma la, jan li lili mute li ken ala pona e nena seli ona. nena seli li ike tawa mi mute tan ni.\n<img src=\"https://jan-lawa-lili.gitlab.io/img/jll_24.jpg\" alt=\"\">\nkin la, jan lawa lili li weka e kasi Pajopa lili kepeken pilin ike suwi. ona li pilin e ni: ken la, ona li kama tawa mun ona lon tenpo ala. taso tenpo ni pi suno kama la, pali ale ni li suwi mute tawa ona. pini la, ona li telo e kasi suwi, li kama pana e tomo lili tawa ona la, ona li wile pana e telo oko.\n<img src=\"https://jan-lawa-lili.gitlab.io/img/jll_25.jpg\" alt=\"\">\nona li toki tawa kasi: “mi tawa.”\ntaso kasi li toki ala.\nona li toki sin: “mi tawa.”\nkasi li pana e kon ike. taso, ona li pilin lete ala.\ntenpo lili la, kasi li toki e ni: “tenpo pini la, mi ike. o pilin ike ala tawa mi. tenpo kama la, o pilin pona.”\nni li nasa tawa jan lawa lili: tenpo ni la, kasi li toki ala e pakala pi jan lawa lili. ona li awen jo e tomo lili lon luka ona. ona li sona ala e ni: ona li suwi tan seme?\nkasi li toki: “lon la, mi olin e sina. sina sona e ni ala tan mi. ni li lili. taso sina kin li ike, sama mi. o pilin pona… o weka e tomo lili ni. mi wile ala e ona.”\n“taso, kon tawa li…”\n“mi pilin lete pi mute ala… kon sin pi tenpo pimeja li pona tawa mi. mi kasi.”\n“taso, soweli en pipi li…”\n“mi wile lukin e pipi waso kule la, mi o pilin lili tawa pipi linja. pipi kule li pona lukin mute. ante la, seme li kama toki tawa mi? sina lon weka. soweli la, mi pilin ike ala. mi jo e palisa mi.”\nsuwi la, ona li pana lukin e palisa tu tu ona. ona li toki sin:\n“o awen ala. ni li ike tawa mi. sina wile weka. o weka.”\nlon la, ona li wile ala e ni: jan lawa lili li lukin e telo oko ona. kasi suwi ni li wile wawa lukin…\n<h2 id=\"lipu-nanpa-10\">lipu nanpa 10</h2>\njan lawa lili li lon poka ni: mun 325 en mun 326 en mun 327 en mun 328 en mun 329 en mun 330. open la, ona li tawa mun ni tan ni: ona li alasa e pali, li wile kama sona.\nmun nanpa wan la, jan lawa suli li lon. jan lawa suli li jo e len loje e len walo, li lon supa monsi pi jan lawa. supa monsi li jo e namako lili, taso ona li pona lukin mute.\n<img src=\"https://jan-lawa-lili.gitlab.io/img/jll_26.jpg\" alt=\"\">\nona li lukin e jan lawa lili la, ona li toki “a! jan anpa mi li kama!”\njan lawa lili li toki insa:\n“ona li sona e mi tan seme? tenpo ala la, ona li lukin e mi!”\nona li sona ala e ni: jan lawa suli la, jan ale li jan anpa ona.\n“o kama. mi wile lukin pona e sina.” jan lawa suli li pilin suli tan ni: ona li lawa e jan wan.\njan lawa lili li lukin e poka ona. taso, ona li ken ala anpa e monsi ona tan ni: len pi jan lawa suli li lon supa pi mun ale. ni la, jan lawa lili li awen. ona li pilin lape la, ona li pana e kon lape.\n“jan o pana ala e kon lape lon poka pi jan lawa suli. ni li ike tawa nasin pona. mi lawa e sina: o ni ala.”\njan lawa lili li pilin nasa li toki: “mi ken ala. mi tawa mute, li lape ala…”\njan lawa suli li toki: “ni la, mi lawa e sina: o pana e kon lape. mi lukin e jan pi kon lape la, ni li lon tenpo sike pini mute. kon lape li namako tawa mi. a! o pana e kon lape sin. ni li toki lawa.”\njan lawa lili li loje li toki: “sina toki e ni la, mi pilin lili… mi ken ala…”\njan lawa suli li toki “n! n! ni la, mi… mi toki lawa e ni tawa sina: tenpo kama la, o pana e kon lape. tenpo ante la, o…”\nona li toki nasa lili li pilin ike.\nni li tan ni: wile pi jan lawa suli la, jan ale li awen lon nasin lawa ona. jan li pali ala e toki lawa ona la, ni li ike suli tawa ona. ale li lon anpa ona. taso, ona li pona mute la, ona li toki taso e toki lawa pona.\ntenpo mute la, ona li toki: “mi ken toki ‘o ante e sina tawa waso telo’ tawa jan utala mi. taso mi toki e ni la, ona li ni ala la, ona li ike ala; mi ike.”\njan lawa lili li toki kepeken pilin lili: “mi ken ala ken anpa e monsi mi?”\n“mi toki lawa tawa sina: o anpa e monsi sina.” jan lawa suli li weka e len suli ona kepeken tawa pi pona lukin.\njan lawa lili li nasa tan ni: mun ni li lili mute. jan lawa suli li lawa e seme?\njan lawa lili li toki: “jan lawa suli o… mi ken ala ken toki e wile sona…”\ntenpo lili lili la, jan lawa suli li toki: “mi toki lawa: o toki e wile sona.”\n“jan lawa suli o… sina lawa e seme?”\njan lawa suli li toki: “mi lawa e ale.”\n“sina lawa e ale, anu seme?”\njan lawa suli li pana e luka ona tawa mun ona, tawa mun ante, tawa mun suno ale.\n“sina lawa e ale ni, anu seme?”\njan lawa suli li toki: “ale ni…”\nlon la, ale li lon anpa ona. kin la, mun suno ale li lon anpa ona.\n“mun suno ale li pali e wile sina, anu seme?”\n“pali. mi toki lawa la, ona li pali lon tenpo lili. jan li pali ala e toki lawa mi la, ni li ike suli tawa mi.”\nwawa lawa pi jan lawa suli li pana e pilin pi pona wawa tawa jan lawa lili. jan lawa lili li ken lawa sama ni la, ona li ken lukin e suno weka mute mute lon tenpo suno wan. kin la, ona o tawa ala e supa monsi ona! ona li pilin ike lili tan ni: mun lili ona li lon weka. ni la, ona li toki e wile ona tawa jan lawa suli:\n“mi wile lukin e suno weka… o pona tawa mi… o toki lawa e ni: suno o weka…”\n“mi ken toki ‘o tawa kon lon kasi suwi sama pipi waso kule, o pali e lipu musi, o ante e sina tawa waso telo’ tawa jan utala. taso mi toki e ni la, ona li ni ala la, jan seme li ike? mi anu ona?”\njan lawa lili li toki wawa: “sina ike.”\n“lon. mi lawa e jan la, lawa mi o ni: jan li ken pali e toki mi. wawa lawa li kama tan sona pona. sina ken toki lawa e ni tawa jan anpa sina: ‘o moli e sina lon ma telo suli!’. sina ni la, jan anpa sina li moli e sina. mi ken lawa tan ni: toki lawa mi li tan sona pona.”\njan lawa lili li toki: “taso, sina pana ala pana e suno weka mi…” jan lawa lili li toki e wile sona la, tenpo ala la, ona li pini toki e ona.\n“suno weka sina la, sina kama lukin e ona. tenpo kama la, mi toki lawa e ni. taso, nasin lawa mi la, mi o awen lon tenpo ni. mi toki lawa lon tenpo pona taso.”\njan lawa lili li wile sona: “tenpo seme li pona?”\njan lawa suli li toki “n! n!”, li lukin e ilo pi tenpo mun. “n! n! ni li lon… lon… lon tenpo ni: pimeja li open kama! sina kama sona e ni: ale li pali e toki lawa mi.”\njan lawa lili li pana e kon lape. ona li lukin ala e suno weka la, ona li pilin ike. kin la, ona li pilin musi ala.\njan lawa lili li toki tawa jan lawa suli: “mi o awen ala. mi tawa!”\n“o weka ala”. tenpo pini lili la, jan lawa suli li pilin pona tan ni: jan anpa li lon mun ona. “o weka ala. sina ken lawa lon poka mi!”\n“mi lawa e seme?”\n“sina lawa la, sina ken… ken ni: sina weka e jan ike!”\n“taso, jan ala li lon mun ni!”\n“mi tu li sona ala e ni. mi lukin ala e mun mi ale. mi suli pi tenpo sike mute. mun li lili la, tomo tawa li suli li ken ala lon. tawa noka li weka e wawa mi.”\n“a! taso, mi lukin e mun ale.” jan lawa lili li lukin tawa poka mun ante. “kin la, jan ala li lon poka ante…”\n“ni la, sina kama lawa e sina. ni li pali pi wawa nanpa wan. sina lawa e jan ante la, ni li kepeken wawa lili. sina lawa e sina la, ni li wawa mute. sina ken lawa pona e sina la, sina jan pi sona pona.”\njan lawa lili li toki: “mi ken lawa e mi lon ma ale. mi ken ni lon mun ante.”\njan lawa suli li toki: “n! n! sona mi la, soweli jaki wan li lon mun mi. tenpo pimeja la, mi ken kute e kalama ona. sina ken lawa e soweli ni. tenpo lili la, sina toki lawa e ni tawa ona: o moli. ni la, ona li moli anu moli ala tan nasin lawa sina. taso, tenpo poka ale la, sina toki e ni tawa soweli: sina moli ala. soweli li wan taso la, ona o awen.”\njan lawa lili li toki: “mi wile ala pana e moli. kin la, mi wile tawa.”\njan lawa suli li toki: “ala.”\njan lawa lili li kama weka. taso, ona li wile ala e ni: jan lawa suli li pilin ike. jan lawa lili li toki:\n“jan lawa suli o, sina wile lawa la, sina ken toki e toki lawa pi sona pona tawa mi. sina ken toki e ni tawa mi: mi o weka lon tenpo lili. mi la, tenpo li pona…”\njan lawa suli li toki ala la, jan lawa lili li awen lili, li pana e kon lili, li kama weka.\njan lawa suli li toki kepeken wawa: “mi pana e pali ni tawa sina: ma ante la, sina toki e pona pi ma mi tawa jan lawa.”\nona li suli lukin mute.\njan lawa lili li pilin e ni lon tenpo tawa ona: jan suli li nasa mute.\n<h2 id=\"lipu-nanpa-11\">lipu nanpa 11</h2>\nmun nanpa tu la, jan pi olin ona li lon.\n<img src=\"https://jan-lawa-lili.gitlab.io/img/jll_27.jpg\" alt=\"\">\nona li kama lukin e jan lawa lili la, ona li toki “a! jan li kama li olin e mi!”\njan pi olin ona li pilin e ni: jan ante ale li olin e ona.\njan lawa lili li toki: “toki. len lawa sina li musi.”\njan pi olin ona li toki : “mi sewi e ona. jan li pana e kalama luka tawa mi la, mi sewi e ona. ike la, jan ala li tawa mun mi.”\njan lawa lili li sona ala e toki ona, li toki: “a?”\njan pi olin ona li pana e sona pona:“o utala e luka sina tu.”\njan lawa lili li utala e luka ona tu. jan pi olin ona li sewi e len lawa ona kepeken nasin pi suli ala.\njan lawa lili li toki insa e ni: “mi toki tawa jan lawa suli la, ni li musi lili; ni li musi suli”. jan lawa lili li utala sin e luka ona tu la, jan pi olin ona li sewi sin e len lawa ona.\ntenpo lili la, musi ni li pini musi tawa jan lawa lili.\nona li toki: “mi wile e ni: len lawa li tawa anpa. mi o seme tawa ni?”\ntaso, jan pi olin ona li kute ala. jan pi olin ona li kute taso e ni: toki li pona mute tawa ona.\njan pi olin ona li toki: “sina pilin suli mute tawa mi, anu seme?”\n“nimi ‘pilin suli mute’ li seme?”\n“jan li pilin suli mute tawa mi la, ona li pilin e ni: jan ante ale pi mun ni li ike li len ike li jo e mani lili li sona lili; mi pona lukin, li len pona, li jo e mani mute li sona mute.”\n“taso, sina taso li lon mun ni!”\n“o pona tawa mi. o pilin suli mute tawa mi!”\njan lawa lili li toki: “mi pilin suli mute tawa sina”. ona li pilin nasa lili. “taso, ni li pona tawa sina tan seme?”\njan lawa lili li weka.\nona li pilin e ni lon tenpo pi tawa ona: jan suli li nasa mute mute.\n<h2 id=\"lipu-nanpa-12\">lipu nanpa 12</h2>\nmun poka li tomo e jan pi telo nasa. jan lawa lili li kama lon mun la, ona li weka lon tenpo lili. taso, tenpo ni li pana e pilin pi ike mute tawa ona.\n<img src=\"https://jan-lawa-lili.gitlab.io/img/jll_28.jpg\" alt=\"\">\njan lawa lili li toki tawa jan pi telo nasa: “sina pali e seme lon ni?”. ona li toki ala. sinpin ona la, kulupu poki tu li lon. kulupu wan la, poki li pini. kulupu ante la, telo li lon poki.\njan pi telo nasa li toki kepeken pilin ike: “mi moku.”\njan lawa lili li toki: “sina moku tan seme?”\njan pi telo nasa li toki: “mi wile weka e sona.”\ntenpo lili la, jan lawa lili li kama pilin e pilin ike ona. ona li toki: “sina wile weka e sona seme?”\n“mi wile weka e sona ni: mi pilin anpa.” jan pi telo nasa li anpa e lawa ona.\n“sina pilin anpa tan seme?” jan lawa lili li wile pona e ona.\njan pi telo nasa li toki: “mi pilin anpa tan ni: mi moku e telo nasa!” ona li pini e toki ona.\nni la, jan lawa lili li weka li pilin nasa.\nona li pilin e ni lon tenpo pi tawa ona: lon la, jan suli li nasa mute mute.\n<h2 id=\"lipu-nanpa-13\">lipu nanpa 13</h2>\nmun nanpa tu tu li mun pi jan mani. pali ona li suli mute la, jan lawa lili li kama la, ona li sewi ala e lawa.\n<img src=\"https://jan-lawa-lili.gitlab.io/img/jll_29.jpg\" alt=\"\">\njan lawa lili li toki: “toki. palisa uta sina pi kon kasi li seli ala.”\n“wan en wan li tu. tu en wan li tu wan. luka en tu wan li luka tu wan. toki. luka tu wan en luka tu li luka luka luka. luka luka luka en luka tu wan li mute tu wan. tenpo li lili. mi ken ala seli sin e ona. mute tu wan en mute luka tu. a! ale ni li ale ale ale ale ale ale ale mute mute mute luka luka luka tu wan.”\n“seme li ale ale ale ale?”\n“a? sina awen lon ni, anu seme? ale ale ale mute… mi sona ala… pali mi li suli mute! mi suli; mi ken ala kepeken tenpo mi tawa musi lili. tu en luka li luka tu…”\njan lawa lili li toki sin “seme li ale ale ale ale ale ale ale?” ona li toki e wile sona la, tenpo ala la, ona li pini toki e ona.\njan mani li sewi e lawa:\n“mi lon mun ni lon tenpo sike mute mute luka luka tu tu. tenpo tu wan taso la, ijo li pini e pali mi. tenpo nanpa wan li lon tenpo pini sike nanpa mute tu. pipi li anpa tan ma pi sona ala. ona li kalama ike mute la, mi pakala tu tu e nanpa mi. tenpo nanpa tu li lon tenpo pini sike nanpa luka luka wan, li tan ni: sijelo mi li pilin pakala. mi suli. tenpo nanpa tu wan… li tenpo ni! mi toki e ni: ale ale ale ale…”\n“seme li ale ale ale ale?”\njan mani li kama sona e ni: ona li ken ala awen pali.\n“ijo lili ale ale ale ale. tenpo lili la, jan li lukin e ona lon sewi.”\n“pipi ala pipi?”\n“ala. ijo lili suno.”\n“pipi jelo anu seme?”\n“ala a. ijo lili suno li ni: jan pi pali ala li lukin e ona la, ona li sitelen lon lawa ona. taso, mi suli! mi ken ala kepeken tenpo mi tawa sitelen lawa.”\n“a! mun suno anu seme?”\n“ni. mun suno.”\n“sina kepeken mun suno ale ale ale ale tawa seme?”\n“ale ale ale ale ale ale ale mute mute mute luka luka luka tu wan. mi jan suli. mi jan nanpa.”\n“sina kepeken ona tawa seme?”\n“mi kepeken ona tawa seme?”\n“lon.”\n“mi kepeken ala ona. mi jo e ona.”\n“sina jo e mun suno, anu seme?”\n“jo.”\n“taso, mi lukin e jan lawa suli. ona li…”\n“jan lawa suli li jo ala. ona li lawa. lawa en jo li sama ala.”\n“sina jo e mun suno la, sina kepeken ona tawa seme?”\n“tawa ni: mi jan pi mani mute.”\n“sina jo e mani mute la, sina kepeken ona tawa seme?”\n“jan li lukin e mun sin la, mi ken esun e ona.”\njan lawa lili li toki insa: jan ni li toki sama jan pi telo nasa.”\ntaso, ona li awen toki e wile sona:\n“nasin seme la, jan li ken kama jo e mun suno?\njan mani li toki kepeken pilin ike: “jan seme li jo e ona?”\n“mi sona ala. jan ala li jo e ona.”\n“ni la, mi jo e ona tan ni: mi wile jo e ona la, mi nanpa wan la, mi jo e ona.”\n“ni taso, anu seme?”\n“taso. sina lukin e kiwen mani la, jan ala li jo e ona la, sina jo e ona. sina tawa ma la, jan li jo ala e ona la, sina jo e ona. sina toki e toki sin la, sina ken sitelen e ona tawa ni: sina jo e ona. mi jo e mun ale tan ni: tenpo pini la, jan ala li wile jo e ona.”\njan lawa lili li toki: “lon. sina kepeken ona tawa seme?”\n“mi lawa e ona. mi nanpa e ona, li nanpa sin e ona. pali ni li kepeken wawa mute. taso, mi suli!”\nsona ni li pona ala tawa jan lawa lili; ale ni li awen nasa tawa ona.\n“mi jo e len la, mi ken pana e ona tawa lawa mi. mi tawa la, mi awen jo e ona. mi jo e kasi suwi la, mi ken kama jo e ona. mi tawa la, mi awen jo e ona. taso, sina ken ala kama jo e mun suno!”\n“ala. taso, mi ken pana e ona tawa poki awen.”\n“ni li seme?”\n“mi sitelen e mute pi mun mi lon lipu. pini la, mi awen e lipu ni lon poki lili, li awen e poki kepeken ilo.”\n“ni taso, anu seme?”\n“taso!”\njan lawa lili li toki insa e ni: “ni li musi, li pona. taso, ni li suli ala.”\nijo suli la, pilin pi jan lawa lili en pilin pi jan suli li ante mute.\nona li toki sin: “mi jo e kasi suwi. mi telo e ona lon tenpo suno ale. mi jo e nena seli tu wan. mi pona e ona lon tenpo suno mute. mi pona kin e nena seli pi seli ala. mi sona ala; ken la, ona li seli. mi jo e kasi suwi e nena seli la, ni li pona tawa ona. taso, sina pona ala tawa mun suno sina…”\njan mani li open e uta, taso ona li sona ala e ni: ona li wile toki e seme. jan lawa lili li weka.\njan lawa lili li pilin e ni lon tenpo pi tawa ona: jan suli li nasa wawa.\n<h2 id=\"lipu-nanpa-14\">lipu nanpa 14</h2>\nmun nanpa luka li nasa mute. mun ante li suli; mun ni li lili. lili ona li ken tomo taso e palisa suno e jan seli pi palisa suno. jan lawa lili li sona ala e ni: mun ni li jo ala e tomo e jan la, ona li jo e palisa suno e jan seli tawa seme. taso, ona li toki insa e ni:\n“ken la, jan seli ni li nasa. taso, jan lawa suli en jan pi olin ona en jan mani en jan pi telo nasa li nasa mute; jan ni li nasa lili. pali ona li nasa ala. ona li seli e palisa suno la, ni li sama ni: ona li mama e mun sin anu kasi suwi sin. ona li pimeja e ona la, mun suno anu kasi suwi li kama lape. pali ni li pona lukin. ni li pona lukin la, ni li pona kin tawa jan.”\n<img src=\"https://jan-lawa-lili.gitlab.io/img/jll_30.jpg\" alt=\"\">\nona li kama lon mun la, ona li toki tawa jan seli:\n“toki! sina pimeja e palisa suno tan seme?”\njan seli li toki: “ni li toki lawa. tenpo suno pona.”\n“toki lawa ni li seme?”\n“ona li ni: mi o pimeja e palisa. tenpo pimeja pona.”\nona li seli sin e palisa.\n“taso, tenpo ni la, sina seli sin e ona tan seme?”\njan seli li toki : “ni li toki lawa.”\njan lawa lili li toki : “ni li nasa tawa mi. mi sona ala e ni.”\njan seli li toki: “sona li lili. toki lawa li toki lawa. tenpo suno pona.”\nona li pimeja e palisa.\nona li pona e lawa ona kepeken len lili loje.\njan seli li toki: “ni li pali pi ike mute. tenpo weka la, ona li pona. suno li kama la, mi pimeja e palisa suno. suno li weka la, mi seli e palisa suno. mi lape…”\n“tenpo ni la, toki lawa li ante ala ante?”\njan seli li toki: “ala. ike mute li tan ni! tenpo pini la, mun mi li sike kepeken tenpo suli. tenpo ni la, ona li sike kepeken tenpo lili. toki lawa li ante ala!”\njan lawa lili li toki: “a?”\n“tenpo ni la, ona li sike kepeken tenpo lili lili la, mi ken ala lape. tenpo ale la, mi pimeja li seli!”\n“ni li musi mute! tenpo suno sina li tenpo lili lili!”\njan seli li toki: “ni li musi ala. sina en mi li toki la, tenpo mun wan li pini.”\n“tenpo mun wan, anu seme?”\n“lon. tenpo lili lili mute li tenpo mun wan! tenpo pimeja pona.”\nona li seli e palisa.\njan lawa lili li lukin e jan ni. ona li pilin pona tawa ona tan ni: ona li pali pona e toki lawa. jan lawa lili li sona e ni: tenpo pini la, ona li tawa lili lili e supa monsi ona la, ona li kama lukin e suno weka lon tomo ona. ona li wile pona tawa jan pona ona:\n“sina wile la… mi sona e nasin. tenpo pi wile sina la, sina kepeken nasin mi la, sina ken awen…”\n“tenpo ale la, mi wile awen.”\nlon la, ni li ken: jan li pali pona, taso ona li ken wile ala pali.\njan lawa lili li awen toki:\n“mun sina li lili. sina tawa lili la, sina sike e ona. sina tawa kepeken tenpo suli la, sina awen lon suno. sina wile awen la, o tawa. tenpo suno li tenpo pi wile sina.”\njan seli li toki: “ni li pona ala tawa mi. lape taso li pona tawa mi.”\n“jan lawa lili li toki: ni li ike.”\n“jan seli li toki: ni li ike. tenpo suno pona.”\nona li pimeja e palisa.\njan lawa lili li weka, li toki insa: “ken suli la, jan ale ante li pilin e ni: jan ni li suli ala, li ike. jan lawa suli en jan pi olin ona en jan pi telo nasa en jan mani. taso, ona taso li nasa ala tawa mi. ken la, ni li tan ni: ona li pona tawa jan ante, tawa ona taso ala.”\nona li pana e kon lili. ona li toki kin:\n“ona taso la, mi wile lon poka ona. taso, mun ona li lili mute. ona li ken ala tomo e jan tu…”\njan lawa lili li sona li wile ala toki insa e ni: ona li wile ala weka la, ni li tan pona mun; mun ni la, suno weka mute mute mute li lon tenpo lili!\n<h2 id=\"lipu-nanpa-15\">lipu nanpa 15</h2>\n<img src=\"https://jan-lawa-lili.gitlab.io/img/jll_31.jpg\" alt=\"\">\nmun nanpa luka wan li suli mute. mun ni li tomo e jan suli. ona li suli pi tenpo sike mute li sitelen e lipu suli.\nona li lukin e jan lawa lili la, ona li toki: “a! jan tawa li kama!”.\njan lawa lili li awen e monsi ona lon supa pali, li pilin lape. ona li tawa mute a!\njan suli li toki: “sina tan seme?”\n“lipu suli ni li seme? sina pali e seme lon mun ni?”\njan suli li toki: “mi jan pi sona ma.”\n“jan pi sona ma li seme?”\n“jan pi sona ma li sona e telo suli e telo linja e ma tomo e ma nena e ma pi telo ala.”\njan lawa lili li toki: “ni li sona pona. pali ni li pali pona a!” jan lawa lili li lukin tawa poka ona tawa mun. mun ante li pona lukin lili; mun ni li pona lukin suli.\n“mun sina li pona lukin. ona li jo ala jo e telo suli?”\njan pi sona ma li toki: “mi ken ala sona.”\n“a!” jan lawa lili li pilin ike. “ona li jo ala jo e ma nena?”\n“mi ken ala sona.”\n“ona li jo ala jo e ma tomo e telo linja e ma pi telo ala?”\n“mi ken ala sona kin.”\n“taso, sina jan pi sona ma!”\n“lon. taso, mi jan tawa ala. mi wile e jan tawa. jan pi sona ma li tawa ala, li lukin ala e ma tomo e telo linja e ma nena e telo suli e telo suli suli. jan pi sona ma li suli la, ona li ken ala musi. ona li awen lon supa pali ona. taso, jan tawa li tawa supa pali ona. jan pi sona ma li toki tawa jan tawa, li sitelen e toki ona. toki ona li pona la, ona li alasa e ni: jan tawa li pona ala pona.”\n“sina alasa e ni tan seme?”\n“jan tawa li toki e lon ala la, ni li pakala mute tawa lipu pi sona ma. kin la, ni li pakala sama: jan tawa li moku mute e telo nasa.”\njan lawa lili li toki: “ni li tan seme?”\n“jan pi telo nasa li lukin tu. ma li jo e nena wan la, jan pi sona ma li sitelen e nena tu.”\n“mi sona e jan. jan ni li jan tawa la, ona li jan tawa ike.”\n“ken. jan pi sona ma li pilin pona tawa jan tawa la, ona li alasa e ni: ma sin pi jan tawa li pona ala pona.”\n“ona li lukin e ma sin, anu seme?”\n“ala. ni li pali suli, li ike mute. ona li toki e wile ni tawa jan tawa: o pana e ijo pi ma sin. ken la, jan tawa li toki e ma nena sin la, ona li wile pana e kiwen suli tan ma ni.”\ntenpo ni la, jan pi sona ma li pilin pona mute.\n“o! sina tawa tan ma weka! sina jan tawa! o toki e mun sina tawa mi!”\njan pi sona ma li open e lipu ona, li kama jo e ilo sitelen lili. tenpo nanpa wan la, jan tawa li toki la, jan pi sona ma li sitelen e toki ona kepeken ilo sitelen lili. jan tawa li pana e ijo pi ma sin la, jan pi sona ma li ken kepeken e ilo sitelen suli.\n“o toki.”\n“a! mun mi li namako ala. ale li lili. mi jo e nena seli tu wan. nena seli tu li seli. nena seli wan li seli ala. taso, ken la, ona li seli.”\njan pi sona ma li toki: “ken la, ona li seli.”\n“mi jo kin e kasi suwi.”\n“jan pi sona ma li sitelen ala e kasi suwi.”\n“tan seme a! kasi suwi li pona lukin mute!”\n“kasi li ijo pi tenpo lili.”\n“nimi ‘ijo pi tenpo lili’ li seme?”\n“lipu pi sona ma li suli; lipu ante li lili. ona li awen pona lon tenpo ale. nena li tawa ala. telo suli suli li weka ala e telo ona. mi sitelen e ijo la, ijo li ijo pi tenpo ale.”\njan lawa lili li pini e toki ona: “taso, nena seli pi seli ala li ken kama seli sin! nimi ‘ijo pi tenpo lili’ li seme?”\n“nena li seli ala seli la, ni li lili tawa jan pi sona ma. mi la, ni li suli: nena suli li lon. ni li ante ala.”\njan lawa lili li toki sin: “taso, nimi ‘ijo pi tenpo lili’ li seme?” tenpo ala la, ona li weka e wile sona ona.\n“nimi ‘ijo pi tenpo lili’ li ni: tenpo kama la, ona li weka.”\n“tenpo kama la, kasi suwi mi li weka ala weka?”\n“weka kin.”\njan lawa lili li toki insa: “kasi mi li ijo pi tenpo lili. kin la, ma ale li ike tawa ona la, ona li jo e palisa tu tu taso! mi weka e ona! ona li taso lon tomo mi!”\ntenpo ni li tenpo nanpa wan ni: jan lawa lili li pilin ike tan weka ona. taso, pilin wawa ona li kama sin. ona li toki:\n“sina la, mi o tawa mun seme?”\njan pi sona ma li toki: “o tawa mun ma. ona li pona tawa jan mute.”\njan lawa lili li weka la, kasi suwi ona li lon lawa ona.\n<h2 id=\"lipu-nanpa-16\">lipu nanpa 16</h2>\nni la, mun nanpa luka tu li mun ma.\nmun ma li mun lili ala! mute li lon ona: jan lawa suli mute (nanpa ni li jo kin e jan lawa suli pi ma Apika), en jan mute mute pi sona ma, en jan mani mute mute, en jan mute mute pi telo nasa, en jan mute mute pi olin ona. jan suli mute mute mute li lon ona.\nmi wile pana e suli pi mun ma tawa sona sina la, mi ken toki e ni: tenpo weka la, jan li jo ala e wawa suno la, jan seli mute mute mute o pali lon ma suli ale pi mun ma.\nsina lon sewi la, sina lukin e jan seli ale pi mun ma la, ni li pona lukin. lukin la, pali pi jan seli li sama tawa musi. nanpa wan la, jan seli pi ma Nusilen en jan seli pi ma Oselija li seli e palisa suno ona. ona li pini seli la, ona li kama lape. tenpo poka pi tawa musi la, jan seli pi ma Sonko en jan seli pi ma Sipi li seli, li tawa. ni la, jan seli pi ma Losi en jan seli pi ma Palata en jan seli pi ma poka li kama. tenpo poka la, jan pi ma Apika en jan pi ma Elopa li kama. pini la, jan pi ma Amelika seli li kama. pini la, jan pi ma Amelika lete li kama. tenpo ala la, ona li pakala e nasin pi tawa musi. ona li pona lukin mute.\nlon poka sewi pi mun ma la, jan seli li wan. jan sama ona li lon poka anpa pi mun ma, li wan. ona tu li pali lili lili, li lape lon tenpo mute. tenpo sike la, ona li pali lon tenpo tu taso!\n<h2 id=\"lipu-nanpa-17\">lipu nanpa 17</h2>\nsina wile musi la, sina ken toki lili e lon ala. mi toki e jan seli tawa sina la, mi toki lili e lon ala. ken la, jan li sona ala e mun mi la, ona li kama sona ike tan mi. supa pi mun ma la, jan li lili. jan ale pi mun ma li lon poka la, ona li ken lon ma lili lon insa pi telo suli suli.\nsina toki e ni tawa jan suli la, ona li pilin e ni: toki sina li lon ala; sijelo ona li suli; ona li suli sama kasi Pajopa. o toki e ni tawa ona: ona o lukin e nanpa pi toki sina. nanpa li pona tawa jan suli. taso, o weka ala e tenpo sina tawa nanpa ni. ni li pona ala. sina sona e ni: toki mi li lon.\njan lawa lili li lon mun ma la, ona li pilin nasa tan ni: ona li lukin ala e jan. ona li pilin: “ken la, mi lon mun ante.” tenpo ni la, linja sike jelo li tawa lili lon ma.\n<img src=\"https://jan-lawa-lili.gitlab.io/img/jll_32.jpg\" alt=\"\">\njan lawa lili li sona ala e ni: ona li seme. taso, jan lawa lili li toki: “toki.”\nakesi linja li toki: “toki.”\njan lawa lili li toki: “mi lon mun seme?”\nakesi linja li toki: “sina lon mun ma lon ma Apika.”\n“a!… jan ala li lon mun ni anu seme?”\nakesi linja li toki: “sina lon ma pi telo ala. jan ala li lon ma ni. mun ma li suli.”\njan lawa lili li kama lon kiwen, li lukin tawa sewi:\n“mi pilin e ni: mun suno li suno tan seme? ken la, ona li suno tan ni: jan ale li ken sona e nasin pi mun suno ona. o lukin e mun mi. ona li lon sewi mi… taso, ona li lon weka mute a!”\n“mun sina li pona lukin. sina tawa ma ni tan seme?”\n“mi pilin ike tan kasi suwi.”\nakesi linja li pana e “a!”\nni la, ona tu li toki ala.\n<img src=\"https://jan-lawa-lili.gitlab.io/img/jll_33.jpg\" alt=\"\">\njan lawa lili li toki: “jan li lon seme? mi lon ma pi telo ala la, mi pilin taso…”\nakesi linja li toki kin: “sina lon tomo jan la, sina pilin taso kin.”\njan lawa lili li lukin e akesi kepeken tenpo suli.\ntenpo poka la, ona li toki: “sina akesi musi, li linja sama palisa pi luka jan…”\nakesi linja li toki: “palisa luka pi jan lawa suli li wawa ala; mi wawa.”\njan lawa lili li musi.\n“sina wawa ala… sina jo ala e noka… sina ken ala tawa…”\n“mi ken tawa mute e sina. tomo tawa telo li ken tawa lili e sina; mi ken tawa e sina tawa ma weka.”\nona li sike e noka pi jan lawa lili sama sike luka pi mani mute.\n“mi uta e jan la, mi pana e ona tawa ma pi kama ona. taso, ike li lon ala sina. sina tan mun suno…”\njan lawa lili li toki ala.\nakesi li toki: “mi pilin ike tawa sina. mun ma li kiwen. sina wawa ala. sina wile tawa mun sina la, mi ken…”\n“a! mi sona kin e toki sina. taso, sina toki kepeken toki len lon tenpo ale tan seme?”\n“toki len la, mi weka e len ale.”\nona tu li toki ala.\n<h2 id=\"lipu-nanpa-18\">lipu nanpa 18</h2>\n<img src=\"https://jan-lawa-lili.gitlab.io/img/jll_34.jpg\" alt=\"\">\njan lawa lili li tawa lon ma pi telo ala, li lukin e kasi suwi wan taso. kasi suwi li jo e lipu kasi pi mute lili. kasi suwi li lili lili.\njan lawa lili li toki: “toki.”\nkasi suwi li toki: “toki.”\njan lawa lili li toki e wile sona: “jan li lon seme?”\ntenpo pini wan la, kasi li lukin e tomo tawa pi kulupu jan.\n“jan, anu seme? mi la, jan pi mute lili lili li lon. tenpo pini mute la, mi lukin e ona. taso, mi sona ala e ni: ona li lon seme. kon li tawa e ona. ona li jo ala e noka kasi. ni li ike tawa ona.”\njan lawa lili li toki: “mi tawa.”\nkasi suwi li toki: “tawa pona.”\n<h2 id=\"lipu-nanpa-19\">lipu nanpa 19</h2>\njan lawa lili li tawa sewi pi nena suli. tenpo pini la, ona li sona taso e nena seli ona. nena ona li lili sama noka ona. kin la, nena seli pi seli ala li supa monsi tawa ona. ona li toki insa e ni: “mi lon nena suli la, mi ken lukin e ma ale, e jan ale.” taso, ona li lukin taso e kiwen palisa.\n<img src=\"https://jan-lawa-lili.gitlab.io/img/jll_35.jpg\" alt=\"\">\nona li toki: “toki.”\nkalama weka li toki: “toki…toki…toki…”\njan lawa lili li toki “sina seme?”\nkalama weka li toki “sina seme…sina seme…sina seme…”\njan lawa lili li toki “o jan pona mi. mi pilin taso!”\nkalama weka li toki “mi pilin taso…mi pilin taso…mi pilin taso…”\nona li pilin: “ni li mun nasa a! ma ni li jo ala e telo li palisa mute li suwi ala. kin la, jan pi ma ni li sona pona ala. ona li toki taso e toki sama mi… tenpo weka la, lon tomo mi la, mi jo e kasi suwi. ona li open e toki ale!”\n<h2 id=\"lipu-nanpa-20\">lipu nanpa 20</h2>\njan lawa lili li tawa lon tenpo suli la, ona li tawa lon ko kiwen, lon kiwen suli, lon ko lete walo. pona tawa ona la, ona li lukin e nasin. nasin ale li nasin tawa tomo jan.\n“toki!”\nona li awen lon ma pi kasi loje.\nkasi loje li toki: “toki!”\njan lawa lili li lukin e ona. ona ale en kasi suwi ona li sama lukin.\nona li nasa wawa, li toki: “sina seme?”\nkasi loje li toki: “mi mute li kasi loje.”\njan lawa lili li toki: “a!”\nni la, ona li pilin ike mute. kasi suwi ona li toki e ni tawa ona: ona li wan lon mun ale. taso, ma ni la, kasi suwi mute mute li lon, li sama ona!\n<img src=\"https://jan-lawa-lili.gitlab.io/img/jll_36.jpg\" alt=\"\">\nona li pilin e ni: “kasi mi li lukin e ni la, ona li pilin ike mute… ni la, ona li pana e kon ike mute, li ni: lukin la, ona li sama moli. ona li ken ni tawa ni: ona li wile ala pilin lili. ona li ni la, mi o pona e ona. mi pali ala e ni la, ona li moli lon tawa ni: ona li wile pana e pilin ike tawa mi…”\njan lawa lili li pilin kin: “tenpo weka la, mi pilin e ni: mi jo e kasi suwi wan. tenpo ni la, mi sona e ni: mi jo e kasi loje lili. mi jo e ni, e nena tu wan lili. ken la, nena seli pi seli ala li seli ala lon tenpo ale… ni la, mi jan lawa pi suli ala…”. ona li anpa lon supa kasi li pana e telo oko.\n<img src=\"https://jan-lawa-lili.gitlab.io/img/jll_37.jpg\" alt=\"\">\n<h2 id=\"lipu-nanpa-21\">lipu nanpa 21</h2>\n<img src=\"https://jan-lawa-lili.gitlab.io/img/jll_38.jpg\" alt=\"\">\ntenpo ni la, soweli loje li kama.\nsoweli loje li toki: “toki!”\njan lawa lili li toki “toki”, li lukin tawa monsi ona. taso, ona li lukin e ala.\n“mi lon anpa pi kasi kili.”\njan lawa lili li toki: “sina seme? sina pona lukin mute…”\nsoweli loje li toki: “mi soweli loje.”\njan lawa lili li toki: “o kama musi lon poka mi. mi pilin ike mute…”\nsoweli loje li toki: “mi ken ala musi lon poka sina. mi soweli pi linja ala.”\njan lawa lili li toki: “a! mi pakala.”\nona li toki insa, li toki kin:\n“toki sina la, nimi ‘linja’ li seme?”\nsoweli loje li toki: “sina tan ma ante. sina alasa e seme?”\njan lawa lili li toki: “mi alasa e jan. nimi ‘linja’ li seme?”\nsoweli loje li toki: “jan li jo e ilo moli, li alasa e soweli. ni li ike! taso, ona li jo e waso moku. ni li pona taso ona. sina alasa ala alasa e waso moku?”\njan lawa lili li toki: “alasa ala. mi alasa e jan pona. nimi ‘linja’ li seme?”\nsoweli loje li toki: “tenpo suli la, jan li weka e sona ni. nimi ‘linja’ li ni: sina linja e jan la, jan li kama pona tawa sina.”\n“‘jan li kama pona tawa mi’, anu seme?”\nsoweli loje li toki: “lon. tenpo ni la, sina jan lili sama jan lili ale tawa mi. sina pona ala tawa mi. kin la, mi pona ala tawa sina. mi soweli loje sama soweli loje ale tawa sina. taso, sina linja e mi la, ni li kama: sina kama wile e mi; mi kama wile e sina. sina wan lon mun ale tawa mi; mi wan lon mun ale tawa sina…”\njan lawa lili li toki: “a! mi kama sona. mi sona e kasi loje… ken la, ona li linja e mi…”\nsoweli loje li toki: “ken. ijo mute pi ante suli li lon mun ma.”\njan lawa lili li toki: “a! ona li lon ala mun ma.” ni li ijo sin tawa soweli:\n<img src=\"https://jan-lawa-lili.gitlab.io/img/jll_39.jpg\" alt=\"\">\n“ni li lon mun ante, anu seme?”\n“lon.”\n“a! jan alasa li lon ala lon mun ni?”\n“lon ala.”\n“a, pona a! waso moku li lon ala lon mun ni?”\n“lon ala.”\nsoweli li pana e kon lili: “ala li pona ale”\nsoweli loje li toki kin:\n“tenpo ale la, ale li sama tawa mi. mi alasa e waso moku. jan li alasa e mi. jan wan li sama jan ale la, waso moku wan li sama waso moku ale la, mi pilin lape lili. taso, sina linja e mi la, lon mi li suno. ni la, mi sona e kalama noka pona. kalama noka pi jan ante li lon la, mi pilin ike, li wile len lon anpa ma. kalama noka sina li sama kalama musi, li pali e ni: mi wile weka tan len mi. kin la, o lukin! sina lukin ala lukin e ma kasi pan ni? mi moku ala e pan. kasi pan li lili tawa mi. mi pilin ala tawa ma kasi pan. ni li ike! taso, linja lawa sina li jelo sama ona. sina linja e mi la, ni li kama pona. mi lukin e kasi pan la, sina lon lawa mi. ni la, mi olin e kalama ni: kon li tawa lon kasi pan…”\ntenpo mute la, soweli loje li toki ala, li lukin e jan lawa lili.\n“sina wile la… o linja e mi!”\njan lawa lili li toki: “mi wile. taso, tenpo mi li lili. mi wile sona e jan pona, li wile kama sona e mute.”\n“sina ken sona e ijo kepeken nasin wan taso: sina linja e ona. tenpo ni la, tenpo pi jan ale li lili la, jan li sona e ijo ala. ona li kama jo e ale kepeken esun. taso, esun pi jan pona li lon ala la, jan ala li jan pona ona. sina wile e jan pona la, o linja e mi!”\n“mi pali e seme tawa ni?”\n“ni li wile e tenpo mute. open la, o awen lon supa anpa kasi lon weka mi. mi kama lukin lili e sina. ni la, o toki ala. toki li mama e ijo ike. taso, tenpo suno ale la, sina ken tawa lili tawa mi…”\ntenpo suno poka la, jan lawa lili li kama.\n“tenpo kama la, o kama lon tenpo sama pi tenpo suno ale. ken la, sina kama lon tenpo nanpa tu tu la, mi pilin pona lon tenpo nanpa tu wan. tenpo nanpa tu tu li kama kama la, mi pilin wawa, li wile lukin e sina. mi kama sona e ni: olin li lon la, pilin ike li lon kin! taso, sina kama lon tenpo pi sama ala la, mi sona ala e ni: tenpo seme la, pilin mi li ken wawa. mi tu li wile e pali pi tenpo sike.”\n“‘pali pi tenpo sike’ li seme?”\nsoweli loje li toki: “tenpo mute la, jan li weka e sona ni. ijo ni li pali e ni: tenpo wan li sama ala tenpo ante. jan alasa li jo e pali pi tenpo sike. tenpo suno sama pi tenpo mun ale la, ona li tawa musi lon poka meli pi ma tomo ona. tenpo suno ni li pona mute tawa mi! mi ken tawa mute. jan alasa li tawa musi lon tenpo pi sama ala la, tenpo suno ale li sama tawa mi. ni li lon la, tenpo ala li tenpo lape tawa mi.”\n<img src=\"https://jan-lawa-lili.gitlab.io/img/jll_40.jpg\" alt=\"\">\nni ale la, jan lawa lili li linja e soweli loje. tenpo weka pi jan lawa lili li kama la, soweli loje li toki:\n“a! mi pana e telo oko!”\njan lawa lili li toki: “ni li tan sina. mi wile ala e ni: sina pilin ike. taso, sina wile e ni: mi linja e sina!”\nsoweli loje li toki: “mi sona.”\njan lawa lili li toki: “taso, sina pana e telo oko!”\nsoweli loje li toki “mi sona.”\n“ni la, ale ni li ike tawa sina!”\nsoweli loje li toki: “ala. ni li pona tawa mi: tenpo kama la, kule pi kasi pan li pona tawa mi.”\nona li toki sin:\n“o tawa, o lukin sin e kasi loje mute. tenpo ni la, sina sona e ni: kasi suwi sina li wan lon mun ale. pini la, o toki e ni tawa mi: ‘mi tawa’. tenpo ni la, mi pana e toki suli tawa sina.”\njan lawa lili li weka, li tawa kasi loje mute.\n“sina sama ala kasi mi. jan ala li linja e sina; sina linja e jan ala. sina sama soweli loje pi tenpo weka. ona li sama soweli loje ale. tenpo ni la, ona li jan pona mi la, ona li wan lon ma ale.”\nni la, kasi loje mute li pilin lili.\nona li toki sin: “sina pona lukin, taso, sina suli ala. jan ala li wile moli tawa awen sina. lon la, sina en kasi mi li sama lukin tawa jan ante. taso, sina mute li lili; ona li suli tan ni: mi telo e ona taso. mi awen e ona taso kepeken poki. mi moli e pipi linja tawa ona taso (taso, mi moli ala e pipi ni: pipi linja pi mute lili li kama pipi waso). mi kute e toki ike pi ona taso, e toki suli pi ona taso. tenpo lili la, mi kute e toki ala pi ona taso. ona li suli tawa mi tan ni: ona li kasi mi.”\njan lawa lili li tawa soweli loje.\nona li toki: “mi tawa…”\nsoweli loje li toki: “tawa pona. tenpo ni la, mi toki e ijo suli mi. ijo suli mi li sona pona lili: pilin taso li ken lukin pona. oko li ken ala lukin e ijo suli.”\n“oko li ken ala lukin e ijo suli.” jan lawa lili li toki kin tan ni: ona li wile awen e sona ni.\n“kasi loje sina li suli tan ni: sina weka e tenpo sina tawa ona.”\n“mi weka e tenpo mi tawa ona…” jan lawa lili li toki kin tan ni: ona li wile awen e sona ni.\nsoweli loje li toki: “jan li weka e sona pona ni. o weka ala e ona. sina linja e ijo la, sina o awen pali e pona ona lon tenpo ale. sina o awen pali e pona pi kasi loje sina…”\n“mi o awen pali e pona pi kasi loje mi…” jan lawa lili li toki kin tan ni: ona li wile awen e sona ni.\n<h2 id=\"lipu-nanpa-22\">lipu nanpa 22</h2>\njan lawa lili li toki: “toki!”\njan pali pi tomo tawa linja li toki: “toki!”\njan lawa lili li toki: “sina pali e seme?”\njan pali li toki: “mi kulupu e jan tawa. jan tawa li kepeken tomo tawa linja. mi pana e tomo tawa linja tawa nasin ni, anu nasin ante.”\ntenpo ni la, tomo tawa linja li kama. ona li kalama wawa sama wawa sewi, li pana e wawa tawa tomo pi jan pali.\njan lawa lili li toki: “jan ni li wile tawa kepeken tenpo lili lili. ona li alasa e seme?”\njan pali li toki: “jan ala li sona. jan lawa pi tomo tawa linja li sona ala kin.”\nkalama wawa pi tomo tawa linja nanpa tu li kama tan nasin ante.\njan lawa lili li toki: “ona li weka lon tenpo lili la, ona li kama kin lon tenpo lili, anu seme?”\njan pali li toki: “ni li jan ante. tomo wan li weka la, tomo ante li kama.”\n“jan tawa ni li lon ma ona la, ma li ike tawa ona, anu seme?”\njan pali li toki: “tenpo ale la, jan li lon ma la, ma li ike tawa ona.”\nkalama wawa pi tomo tawa linja nanpa tu wan li kama.\njan lawa lili li toki: “jan pi tomo ni li alasa e tomo tawa linja nanpa wan, anu seme?”\n“jan ni li alasa ala. lon insa la, jan li lape. ona li lape ala la, ona li pana e kon lape. jan lili taso li pana e nena lawa ona lon lupa pi tomo tawa.”\njan lawa lili li toki: “jan lili taso li sona e alasa ona. ona li weka e tenpo ona ale tawa ni: ona li musi kepeken ijo musi pi jan lili. ijo musi ona li kama suli mute tawa ona. jan suli li weka e ijo musi la, jan lili li pana e telo oko.”\njan pali li toki: “ale li pona tawa jan lili…”\n<h2 id=\"lipu-nanpa-23\">lipu nanpa 23</h2>\njan lawa lili li toki “toki!”\njan esun li toki “toki!” jan esun li esun e moku ilo ni: tenpo suno pi mute lili la, sina moku e moku ilo ona wan. ni li weka e wile sina pi moku telo.\njan lawa lili li toki: “sina esun e ni tan seme?”\njan esun li toki: “moku ilo ni li pona tawa tenpo sina. jan sona li kama sona e ni kepeken nanpa: sina moku e ona la, tenpo sina li kama suli pi mute mute mute luka luka tu wan.”\n“mi pali e seme kepeken tenpo sin ni?”\n“sina ken pali e wile sina…”\njan lawa lili li toki: “tenpo mi li suli sama ni la, mi tawa ilo telo kepeken tenpo suwi…”\n<img src=\"https://jan-lawa-lili.gitlab.io/img/jll_41.jpg\" alt=\"\">\n<h2 id=\"lipu-nanpa-24\">lipu nanpa 24</h2>\nmi lon ma pi telo ala la, tenpo suno luka tu wan li pini. jan lawa lili li toki e toki pi jan esun tawa mi la, mi moku e pini pi telo ale mi.\nmi toki: “a! toki sina li pona mute! taso, mi pini ala pona e tomo tawa kon mi. mi jo ala e telo. mi ken tawa ilo telo kepeken tenpo suwi la, mi kin li pilin pona mute!”\n“soweli loje mi li…”\n“jan lili o, soweli loje li lili lon tenpo ni!”\n“tan seme?”\n“telo li lon ala la, mi tu li kama moli…”\ntoki mi li nasa tawa ona. ona li toki:\n“jan pona li pona lon tenpo ale. moli li kama la, ona li pona kin. mi pilin pona tan ni: mi sona e soweli loje pona…”\nmi toki insa e ni: “ona li sona ala e ike suli pi tenpo ni. ona li moku lon tenpo ala. ona li wile e suno lili taso…”\nona li lukin e mi la, ona li sona e pilin mi. ona li toki:\n“mi wile e telo kin… mi tu o alasa e lupa telo…”\nike la, mi sona e ni: mi alasa e lupa telo lon ma pi telo ala la, ni li nasa mute. ma ni li suli mute. taso, mi tu li open tawa.\ntenpo suli la, mi tu li tawa. toki ala li lon. pimeja li kama la, mun suno li kama. sijelo mi li pilin nasa tan telo ala la, mi lukin e mun suno sama ni: ona li lon ala, li lon lawa mi taso. toki pi jan lawa lili li tawa musi lon lawa mi.\nmi toki: “ni la, sina wile moku e telo kin, anu seme?”\ntaso, ona li toki ala tawa wile sona mi. ona li toki taso:\n“telo li pona tawa pilin kin…”\nmi sona ala e toki ona. taso, mi toki ala… mi sona e ni: mi o toki ala e wile sona mi tawa ona.\njan lawa lili li kama pilin lape, li awen. mi awen kin lon poka ona. tenpo suli la, mi tu li toki ala. ona li toki:\n“mun li pona lukin tan ni: kasi suwi li lon mun wan. taso, jan li ken ala lukin e ona…”\nmi toki: “lon.” mi toki ala, li lukin e ni: mun li suno e nena pi ko kiwen.\nona li toki kin: “ma pi telo ala li pona lukin…”\ntoki ona li lon. tenpo ale la, ma pi telo ala li pona tawa mi. sina awen lon nena pi ko kiwen. sina lukin e ala. sina kute e kalama ala. taso, lon kalama ala la, pilin suno li lon…\nona li toki kin: “ma pi telo ala li pona lukin tan ni kin: sina lukin pona la, lupa telo li lon…”\nnasa la, mi kama sona e pilin suno pi ma ni. tenpo pi mi lili la, tomo mi li ni: jan li pali e tomo lon tenpo pini suli. jan li toki e ni: ijo suli pi mani mute li lon anpa tomo. lon la, jan ala li kama jo e ijo ni. ken la, jan ala li alasa e ijo ni. taso, ijo suli ni li pana e pilin pona tawa tomo. lon pilin pi tomo mi la, ijo suli li awen…\nmi toki tawa jan lawa lili: “lon. tomo mi anu mun suno anu ma pi telo ala la, oko li ken ala lukin e pona ale ona a!”\n“ni li pona tawa mi: sina pilin sama soweli loje mi.”\njan lawa lili li kama lape la, mi kama jo e ona lon luka mi, li tawa kin. mi lukin e ona la, pilin mute li lon sijelo mi. mi pilin e ni: mi jo e ijo suli pi wawa lili. lon ma la, ale li wawa; ona li lili. suno mun la, mi lukin e sinpin walo ona e oko pini ona. linja lawa ona li tawa lon kon. mi toki insa: “mi lukin e selo taso. oko mi li ken ala lukin e pona ona pi suli nanpa wan…”\nuta ona li open lili, li sama uta lili pi pilin pona. mi toki insa kin: “mi lukin e jan lawa lili lape la, pilin mute li lon sijelo mi tan ni: ona li olin e kasi suwi. kasi suwi li pana e pilin suno lon lawa ona. pilin suno li sama seli pi ilo suno. ona li lape la, pilin li awen…” ni la, mi kama pilin e ni: ona li wawa pi lili mute. jan o awen e ilo suno; kon li ken moli e ona…\nmi awen tawa la, mi lukin e lupa telo lon tenpo pi suno kama.\n<h2 id=\"lipu-nanpa-25\">lipu nanpa 25</h2>\njan lawa lili li toki: “jan li lon tomo tawa linja, taso ona li sona ala e ni: ona li alasa e seme? ni la, pilin ona li kama wawa la, ona li tawa wawa, li tawa sike.”\nona li toki kin:\n“ona o weka ala e wawa ona tawa ni.”\nlupa telo li lon sinpin pi mi tu la, ona li sama ala lupa telo ante pi ma Sawala. lupa telo pi ma Sawala li lupa lili lon insa pi ko kiwen. lupa telo ni li sama lupa telo pi ma tomo. taso, ma tomo li lon ala. mi pilin e ni: ni li lon lawa mi taso.\nmi toki e ni tawa jan lawa lili: “ni li nasa. ilo ale pi lupa telo li lon: ilo sike en poki telo en linja li lon…”\njan lawa lili li musi, li kama jo e linja, li open kepeken ilo sike. ilo sike li pana e kalama sama ni: kon li lili lon tenpo suli la, ilo pi sona kon li awen mute; kon li kama la, ona li open pali, li pana e kalama ike.\njan lawa lili li toki: “sina kute ala kute? lupa telo ni li pini e lape ona tan mi tu. ona li pana e kalama musi.”\n<img src=\"https://jan-lawa-lili.gitlab.io/img/jll_42.jpg\" alt=\"\">\nmi wile ala e ni: ona li kepeken wawa ale ona.\n“mi o pali e ni. poki li suli mute tawa sina.”\nkepeken tenpo suli la, mi sewi e poki telo. mi pana e ona tawa poka pi lupa telo; mi wile e ni: ona li awen lon ni. kute mi la, ilo sike li awen pana e kalama musi ona. telo li awen tawa lili la, mi lukin e ni: suno li tawa lili lon telo.\njan lawa lili li toki: “mi wile mute e telo ni. o pana e ona tawa mi…”\nni la, mi kama sona e alasa ona!\nmi sewi e poki telo tawa uta ona. ona li moku. oko ona li pini. moku ni li suwi. suwi li suli sama suwi pi tenpo musi. telo li suwi tan ni: ona li kama lon tan tawa pi mi tu lon anpa pi mun suno mute, tan kalama musi pi ilo sike, tan wawa pi luka mi. ona li pona tawa pilin, sama ni: jan pona li pana e ijo pona tawa sina. mi lili la, tenpo pi jan sewi Jesu lili la, suno lili li lon kasi. jan pi tomo sewi li pana e kalama musi pona lon tenpo pimeja. jan ale li pilin pona la, uta ona li suwi. ijo ale ni la, jan li pana e ijo pona tawa mi la, ijo ni li pana e pilin suno.\njan lawa lili li toki: “jan pi mun sina li pali e ni: ma kasi ona li jo e kasi loje mute mute… taso, ni li pini ala e alasa ona…”\nmi toki: “lon… alasa li pini ala…”\n“taso, ijo pi alasa ona li ken lon kasi wan, anu telo lili…”\njan lawa lili li toki kin:\n“oko li ken ala lukin. jan o alasa kepeken pilin.”\nmi moku e telo. mi insa e kon. suno li kama la, kule pi ko kiwen li jelo sama ko suwi pi pipi jelo. kule ni li pana e pilin pona tawa mi. ni la, mi pilin ike tan seme?\njan lawa lili li kama lon poka mi, li toki suwi: “sina toki lon tenpo pini la, o pali lon tenpo ni.”\n“mi toki e seme?”\n“sina sona… soweli len mi o jo e len uta… mi o awen pali e pona pi kasi loje mi!”\nmi kama jo e sitelen ale mi. jan lawa lili li lukin e sitelen li musi:\n“lukin la, kasi Pajopa sina li sama kili…”\n“a!”\nmi la, sitelen mi pi kasi Pajopa li pona lukin!\n“soweli loje sina la… kute ona la… ona li sama palisa lawa… kin la, ona li suli ike!”\nona li musi sin.\nmi toki: “jan lili o, sina ike tawa mi. mi sona sitelen e ni taso: akesi pi sijelo open en akesi pi open ala.”\n“a! sitelen sina li pona. jan lili li sona.”\nmi sitelen e len uta tawa soweli len ona. mi pana e sitelen tawa ona la, pilin mi li pakala lili:\n“sina kama pali e ijo mute, anu seme? mi sona ala e ale…”\ntaso, ona li toki ala e wile sona mi. ona li toki:\n“o sona… mi tawa mun ma lon tenpo pini la… tenpo kama lili la, tenpo pi suno sike wan li pini.”\nkalama ala li lon. ona li toki sin:\n“mi anpa tan sewi la, mi lon poka pi ma ni…”\nsinpin ona li kama loje.\nsin la, mi kama pilin e ike nasa. mi sona ala e ni: pilin ni li tan seme. taso, wile sona sin li kama tawa mi:\n“mi kama sona e sina lon tenpo suno pini luka tu wan. sina wan, li lon weka mute pi ma tomo la, ni li tan ala nasa! sina tawa ma pi anpa sina, anu seme?”\nsinpin ona li kama loje sin. tenpo ala la, ona li toki e wile sona mi. taso, sinpin li kama loje la, ni li pana e sona “ni li lon”, anu seme?\nmi toki “a! mi pilin monsuta…”\ntaso, ona li toki:\n“sina o pali. o tawa ilo wawa sina. mi awen lon ma ni. tenpo pimeja kama la, o tawa ma ni…”\ntaso, ni li weka ala e pilin ike mi. mi sona e toki pi soweli loje. jan li linja e sina la, sina ken pana e telo oko lili tan ni…\n<h2 id=\"lipu-nanpa-26\">lipu nanpa 26</h2>\nsinpin kiwen li lon poka pi lupa telo. mi kama tan pali mi lon tenpo pimeja kama la, mi lukin e ni lon weka mi: jan lawa lili mi li lon sewi sinpin. noka ona li lon kon. mi kute e toki ona:\n“sina sona ala, anu seme? ni li ma sama ala! ma li lon poka!”\nken suli la, kalama uta ante li toki. mi sona e ni tan ni: jan lawa lili li toki sin.\n“lon! tenpo li pona! taso, ma li sama ala…!”\nmi awen tawa sinpin kiwen. mi lukin e jan ante ala, li kute e jan ante ala. taso, jan lawa lili li toki sin:\n“… lon. o alasa e ni: lupa linja li lon ko kiwen tan noka mi. o tawa ni, o awen lon ni. tenpo pimeja la, mi kama.”\nmi lon poka pi sinpin kiwen la, mi awen lukin e ala.\njan lawa lili li toki sin:\n“telo moli sina li pona ala pona? mi pilin ike lon tenpo lili lili tan ona, anu seme?”\nmi pini tawa. pilin mi li pakala lili. taso, mi sona ala e ni: seme li lon? jan lawa lili li toki:\n“o weka… mi wile anpa!”\n<img src=\"https://jan-lawa-lili.gitlab.io/img/jll_43.jpg\" alt=\"\">\nmi lukin tawa anpa sinpin la, mi lukin e ike wawa! lon ni la, akesi linja jelo li lukin e jan lawa lili. akesi ni li ken moli e sina kepeken tenpo lili lili. mi alasa e ilo moli mi lon len mi, li kama tawa wawa. taso, mi pana e kalama mute la, akesi li kama weka. ona li anpa suwi lon ko kiwen sama telo, li tawa lon poka kiwen kepeken wawa lili.\nmi kama lon sinpin la, jan lawa lili li anpa tawa luka mi. ona li walo mute, sama ko pi telo lete.\n“ike mute a! sina toki tawa akesi linja!”\ntenpo ale la, ona li jo e len jelo pi anpa lawa. mi weka e ona. mi telo e sinpin ona, li pana e telo tawa uta ona. tenpo ni la, mi wile ala toki e wile sona mi. ona li lukin e mi kepeken pilin suli. ona li pana e luka ona lon sike pi lawa mi. lon sijelo mi la, pilin ona li pali wawa sama ni: waso li kama moli tan ilo moli pi jan alasa. ona li toki:\n“sina pona e ilo sina la, ni li pona tawa mi. sina ken tawa tomo sina…”\n“sina sona e ni kepeken nasin seme?”\nmi kama la, mi wile toki e ni tawa ona: tenpo pini la, tomo tawa kon mi li ike lukin mute, taso mi pona e ona!\nona li toki ala e wile sona mi, taso ona li toki kin:\n“mi sama. mi tawa tomo mi lon tenpo suno ni…”\nona li toki kepeken pilin ike:\n“tomo sina li lon weka lili; tomo mi li lon weka mute… tawa mi li wile e wawa mute…”\nmi pilin e ni: ale pi tenpo ni li suli. luka mi li jo e ona kepeken wawa, sama ni: ona li jan lili lili. taso, pilin mi la, sijelo ona li sama telo, li anpa tawa lupa pimeja. mi ken ala jo e ona…\nlukin ona li suli, li lon weka mute.\n“mi jo e soweli len sina. mi jo e poki pi soweli len. mi jo e len uta…”\nona li pana e uta pi pilin pona, kepeken pilin ike lili.\nmi awen lon tenpo mute. sijelo ona li lete, taso ona li kama seli kepeken tenpo mute.\n“jan lili o, sina pilin monsuta…”\nlon la, ona li pilin monsuta! taso, ona li musi lili:\n“tenpo ni la, mi pilin monsuta lili; tenpo pi kama pimeja la, mi pilin monsuta mute…”\nsin la, sijelo mi li kama pilin lete. mi sona e ni: mi ken ala pona e ijo kama. mi kama sona e ni: mi ken ala kute e kalama musi ona la, ni li ike mute mute tawa mi. kalama ona li sama ni tawa mi: telo li lon ma pi telo ala.\n“jan lili o, mi wile awen kute e kalama musi sina…”\ntaso, ona li toki:\n“tenpo pimeja kama li tenpo ni: mi lon mun ma la, tenpo pi suno sike wan li pini. mun mi li kama lon sewi pi ma ni…”\n“jan lili o, akesi linja en tawa en mun suno la… ike ale ni li lon ala. mi lape taso, anu seme?”\ntaso ona li toki ala e wile sona mi. ona li toki:\n“oko li ken ala lukin e ijo suli.”\n“mi sona…”\n“kasi suwi la, ni li sama. sina olin e kasi la, kasi li lon mun suno la, sina lukin tawa sewi la, pilin suwi li lon. mun suno ale li kasi suwi.”\n“mi sona…”\n“telo la, ni li sama. sina pana e telo tawa mi. telo ni li sama kalama musi tawa mi, tan ilo sike tan linja… sina sona… ona li pona.”\n“mi sona…”\n“o lukin e mun suno ale lon tenpo pimeja. tomo mi li lili mute la, mi ken ala pana lukin e ona tawa sina. taso, ni li pona. sina la, mun mi li lon mun ale. ni la, sina lukin e mun suno ale la, sina pilin pona…sama jan pona la, mun suno ale li pona tawa sina. kin la, mi pana e ijo pona tawa sina.”\nona li kalama musi kin.\n“a! jan lili o, jan lili o, kalama musi ni li pona tawa mi!”\n“lon la, mi pana e ni tawa sina… ni li sama telo…”\n“sina toki e seme?”\n“mun suno li ijo ante tawa jan ante. jan tawa la, mun suno li pana e nasin. jan ante la, mun suno li suno lili taso. jan sona la, mun suno li nasin pi kama sona. jan mani mi la, mun suno li mani mute. taso jan ni la, mun suno ale li toki ala. tenpo kama la, mun sina li sama ala mun pi jan ale…”\n“sina toki e seme?”\n“tenpo pimeja la, sina lukin e sewi la, sina sona e ni: mi lon mun wan. mi kalama musi lon mun wan la, ni li sama ni tawa sina: mun suno ale li kalama musi. sina taso la, mun li ken kalama musi!”\nona li kalama musi sin.\n“tenpo kama la, pilin ike sina pi weka mi li weka (tenpo ale la, pilin ike li weka). ni la, sina kama pilin pona tan ni: sina sona e mi. tenpo ale la, sina awen jan pona mi. sina wile kalama musi lon poka mi. tenpo lili la, sina kama open e lupa tomo sina tawa ni: sina wile musi… jan pona sina li lukin e ni: sina lukin e sewi li kalama musi. ni li nasa tawa ona la, sina toki e ni: ‘mun suno li musi tawa mi!’ kin la, ona li pilin e ni: sina nasa mute. mi pana e ijo musi pi ike lili tawa sina…”\nona li kalama musi sin.\n“ni li sama ni: mi pana ala e mun tawa sina. mi pana e ilo pi kalama musi…”\nona li kalama musi sin. pini musi la, ona li kama pilin suli:\n“tenpo pimeja ni la… sina sona… o kama ala.”\n“mi weka ala.”\n“sina lukin e mi la, sina pilin sama ni: mi pilin ike, li moli. ni li nasin. o lukin ala e ni… ni li pona ala…”\n“mi weka ala.”\ntaso, ni li ike tawa ona.\n“mi toki e ni la… o kama ala tan akesi kin. ona o uta ala e sina… akesi li ike. ona li ken uta e jan tawa ni: ni li musi tawa ona…”\n“mi weka ala.”\ntaso, pilin ona li kama pona lili:\n“lon la, akesi linja li uta e jan wan la, ona li jo ala e telo moli tawa uta nanpa tu…”\ntenpo pimeja ni la, mi sona ala e weka ona. ona li weka kepeken kalama ala. mi tawa ona la, mi kama lon poka ona la, ona li tawa kepeken wawa suli. ona li toki e ni taso:\n“a! sina lon…”\nona li kama jo e luka mi lon luka ona. taso, ona li toki kin kepeken pilin ike:\n“sina kama la, ni li ike mute. sina kama pilin ike. sina lukin la, sina pilin e ni: mi moli. taso, mi moli ala…”\nmi toki ala.\n<img src=\"https://jan-lawa-lili.gitlab.io/img/jll_44.jpg\" alt=\"\">\n“sina sona. tawa mi li suli. sijelo ni li ken ala tawa. suli ona li ike.”\nmi toki ala.\n“ona li kama sama selo kasi. selo kasi li ike ala tawa jan…”\nmi toki ala.\ntenpo ni la, pilin pona ona li kama weka. taso, ona li toki kin:\n“tenpo kama li pona. mi kin li lukin e mun suno. mun suno ale li lupa telo tawa mi. mun suno ale li pana e telo tawa mi…”\nmi toki ala.\n“ni li kama musi mute! mun suno ale li ilo mute mute pi kalama musi tawa sina. mun suno ale li ilo telo mute mute tawa mi.”\ntenpo ni la, ona li toki ala kin tan ni: ona li pana e telo oko.\n“tawa li pini lon ni. o awen; mi taso li tawa.”\nona li anpa lon ma tan ni: ona li pilin monsuta.\n<img src=\"https://jan-lawa-lili.gitlab.io/img/jll_45.jpg\" alt=\"\">\nona li toki sin:\n“sina sona… kasi loje mi… mi o awen pali e pona ona! kin la, ona li wawa ala! kin la, ona li sona lili. ona li jo taso e palisa lili tu tu tawa awen ona…”\nmi anpa lon ma tan ni: mi ken ala awen lon noka mi. ona li toki:\n“a… ni li pini…”\ntenpo lili la, ona li awen li sewi lon noka ona. ona li tawa lili. mi ken ala tawa.\nlinja jelo li suno lili lon poka pi noka ona. tenpo lili la, ona li awen. ona li kalama uta ala. ona li anpa sama kasi suli kepeken wawa lili. ni li pana ala e kalama, tan ko kiwen.\n<h2 id=\"lipu-nanpa-27\">lipu nanpa 27</h2>\ntenpo sike luka wan li weka… tenpo ala la, mi toki e ale ni. jan pona mi li lukin e mi li pilin pona tan ni: mi moli ala. mi pilin ike, taso, mi toki e ni tawa ona: “mi pilin lape taso…”\ntenpo ni la, pilin ike mi li kama pona lili. taso, mi pilin ike kin. taso, mi sona e ni: ona li kama lon mun ona. mi sona tan ni: tenpo pi suno kama la, mi alasa e sijelo ona, li lukin ala e ona. sijelo ona li suli ala… kin la, tenpo pimeja la, kute sewi li pona tawa mi. ni li sama ilo pi kalama musi mute mute mute.\ntenpo ni la, ijo suli pi nasa mute li lon. mi sitelen e len uta tawa jan lawa lili la, mi pana ala e linja lon ona! ona li ken ala linja e len lon uta pi soweli len. mi toki insa e ni: “mun ona la, seme li lon? ken la, soweli len li moku e kasi suwi…”\ntenpo ante la, mi pilin e ni: “ala a! tenpo pimeja ale la, jan lawa lili li awen e kasi ona lon insa pi tomo lili. kin la, ona li lukin e soweli len…” ni la, mi pilin pona. mun ale li kalama musi kepeken pilin suwi.\ntenpo ante la, mi toki insa: “taso sina lukin ala lon tenpo wan taso la, ike li ken kama! ken la, ona li weka e sona, li pana ala e tomo lili. ken ante la, soweli len li weka kepeken kalama lili lon tenpo pimeja…” ni la, ilo ale pi kalama musi li ante tawa telo oko!…\n<img src=\"https://jan-lawa-lili.gitlab.io/img/jll_46.jpg\" alt=\"\">\nni li ijo len suli. sama mi la, sina olin e jan lawa lili la, pilin ale li ken ante tan ni: soweli len li moku ala moku e kasi loje lon ma ante…\no lukin e sewi. o toki e ni tawa sina: soweli len li moku ala moku e kasi suwi? ni la, sina kama pilin e ni: ale li ante.\ntenpo ala la, jan suli li ken sona e suli pi ijo ni!\nmi la, sitelen ma ni li pona lukin mute, li pana e pilin ike mute. ona li sama sitelen pi lipu ante. taso mi sitelen sin e ona tawa ni: sina lukin pona e ona. ma ni la, jan lawa lili li kama lon mun ma li weka.\n<img src=\"https://jan-lawa-lili.gitlab.io/img/jll_47.jpg\" alt=\"\">\no lukin pona e sitelen ma ni tawa ni: sina tawa lon ma Apika lon ma pi telo ala la, sina lukin e ma ni la, sina sona e ona. kin la, sina lon ma ni la, o tawa wawa ala. o awen lon tenpo lili lon anpa pi mun suno ona! tenpo ni la, jan lili li kama tawa sina la, ona li kalama musi la, linja lawa ona li jelo la, ona li toki ala e wile sona sina la, sina sona e ona. o pona a! o pona e pilin ike mi; o toki e ni tawa mi: ona li kama sin…\npini","metadata":{"headings":[{"depth":1,"slug":"jan-lawa-lili","text":"jan lawa lili"},{"depth":2,"slug":"lipu-nanpa-1","text":"lipu nanpa 1"},{"depth":2,"slug":"lipu-nanpa-2","text":"lipu nanpa 2"},{"depth":2,"slug":"lipu-nanpa-3","text":"lipu nanpa 3"},{"depth":2,"slug":"lipu-nanpa-4","text":"lipu nanpa 4"},{"depth":2,"slug":"lipu-nanpa-5","text":"lipu nanpa 5"},{"depth":2,"slug":"lipu-nanpa-6","text":"lipu nanpa 6"},{"depth":2,"slug":"lipu-nanpa-7","text":"lipu nanpa 7"},{"depth":2,"slug":"lipu-nanpa-8","text":"lipu nanpa 8"},{"depth":2,"slug":"lipu-nanpa-9","text":"lipu nanpa 9"},{"depth":2,"slug":"lipu-nanpa-10","text":"lipu nanpa 10"},{"depth":2,"slug":"lipu-nanpa-11","text":"lipu nanpa 11"},{"depth":2,"slug":"lipu-nanpa-12","text":"lipu nanpa 12"},{"depth":2,"slug":"lipu-nanpa-13","text":"lipu nanpa 13"},{"depth":2,"slug":"lipu-nanpa-14","text":"lipu nanpa 14"},{"depth":2,"slug":"lipu-nanpa-15","text":"lipu nanpa 15"},{"depth":2,"slug":"lipu-nanpa-16","text":"lipu nanpa 16"},{"depth":2,"slug":"lipu-nanpa-17","text":"lipu nanpa 17"},{"depth":2,"slug":"lipu-nanpa-18","text":"lipu nanpa 18"},{"depth":2,"slug":"lipu-nanpa-19","text":"lipu nanpa 19"},{"depth":2,"slug":"lipu-nanpa-20","text":"lipu nanpa 20"},{"depth":2,"slug":"lipu-nanpa-21","text":"lipu nanpa 21"},{"depth":2,"slug":"lipu-nanpa-22","text":"lipu nanpa 22"},{"depth":2,"slug":"lipu-nanpa-23","text":"lipu nanpa 23"},{"depth":2,"slug":"lipu-nanpa-24","text":"lipu nanpa 24"},{"depth":2,"slug":"lipu-nanpa-25","text":"lipu nanpa 25"},{"depth":2,"slug":"lipu-nanpa-26","text":"lipu nanpa 26"},{"depth":2,"slug":"lipu-nanpa-27","text":"lipu nanpa 27"}],"localImagePaths":[],"remoteImagePaths":[],"frontmatter":{"title":"jan lawa lili","description":"A translation of Antoine de Saint-Exupéry's \"The Little Prince\"","authors":["jan Kijon","jan Nikola"],"proofreaders":null,"date":"2023-09-23","date-precision":"year","original":{"title":"The Little Prince","authors":["Antoine de Saint-Exupéry"]},"tags":["translation","prose","story"],"license":"CC BY-NC-SA 4.0","sources":["https://jan-lawa-lili.gitlab.io/"],"archives":null,"preprocessing":null,"accessibility-notes":null,"notes":"The newer translation"},"imagePaths":[]}},"collection":"poki"}},"t/music":{"prev":{"id":"2023/09/nasa-tu-wan","data":{"title":"nasa tu wan","description":null,"authors":["kije Enki"],"proofreaders":null,"date":"2023-09-26T00:00:00.000Z","date-precision":"day","original":{"title":"驫麤～とりぷるばか～","authors":["ラマーズP"]},"tags":["translation","music","vocal synth","vocaloid","utau","hatsune miku","kasane teto","akita neru"],"license":null,"sources":["https://www.youtube.com/watch?v=c25rr2UO5mo","https://vocadb.net/S/531803"],"archives":null,"preprocessing":null,"accessibility-notes":null,"notes":null},"body":"a a a\n\ninsa sina li kama kalama \"mu\"!\n\na mi tawa nanpa mi en ni la \"toki a!\"\ntaso tnepo li kama, mi open pilin lape a!\n\na u a u \n\nmi pali mute, taso mi sina li nasa a\nsama mi jan lili ike\n\nlon la sina jo e sona lili~\n\njan seme li toki a?!\n\nmi ken ala pali pona e ni:\nmi sona ala ijo ali;\nmi ken ala pona e ijo suli,\nni la mi pini e ni a!~\n\nnasa nasa nasa (nasa nasa nasa)\nijo seme li lon la, sina kama tawa ona a? (tawa e sina~)\nmi tawa ma ante sona ala\nlon wile mi a (lon wile mi a)\n\nnasa nasa nasa (nasa nasa nasa)\nsina jo e ijo mute ante lon, anu seme? (mute mute a~)\npilin ike pona, ken la, pilin ante...\nmi pali e ni! (mi pali e ni!)\nmi pana e kule mi tawa sina a!\n\naaa","filePath":"poki/plaintext/2023/09/nasa-tu-wan.md","digest":"9ee00800d40bd334","rendered":{"html":"a a a\ninsa sina li kama kalama “mu”!\na mi tawa nanpa mi en ni la “toki a!”\ntaso tnepo li kama, mi open pilin lape a!\na u a u\nmi pali mute, taso mi sina li nasa a\nsama mi jan lili ike\nlon la sina jo e sona lili~\njan seme li toki a?!\nmi ken ala pali pona e ni:\nmi sona ala ijo ali;\nmi ken ala pona e ijo suli,\nni la mi pini e ni a!~\nnasa nasa nasa (nasa nasa nasa)\nijo seme li lon la, sina kama tawa ona a? (tawa e sina~)\nmi tawa ma ante sona ala\nlon wile mi a (lon wile mi a)\nnasa nasa nasa (nasa nasa nasa)\nsina jo e ijo mute ante lon, anu seme? (mute mute a~)\npilin ike pona, ken la, pilin ante…\nmi pali e ni! (mi pali e ni!)\nmi pana e kule mi tawa sina a!\naaa","metadata":{"headings":[],"localImagePaths":[],"remoteImagePaths":[],"frontmatter":{"title":"nasa tu wan","description":null,"authors":["kije Enki"],"proofreaders":null,"date":"2023-09-26T00:00:00.000Z","date-precision":"day","tags":["translation","music","vocal synth","vocaloid","utau","hatsune miku","kasane teto","akita neru"],"original":{"title":"驫麤～とりぷるばか～","authors":["ラマーズP"]},"license":null,"sources":["https://www.youtube.com/watch?v=c25rr2UO5mo","https://vocadb.net/S/531803"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"poki"},"next":{"id":"2023/09/kon-wawa-la-linja-weka","data":{"title":"kon wawa la linja weka","description":null,"authors":["kasi Lija"],"proofreaders":null,"date":"2023-09-15T00:00:00.000Z","date-precision":"day","original":{"title":"強風オールバック","authors":["Yukopi"]},"tags":["translation","music","music synth","utau","openutau","flute","japanese","japan"],"license":null,"sources":["https://www.youtube.com/watch?v=R-nU2P7uT08"],"archives":null,"preprocessing":null,"accessibility-notes":null,"notes":null},"body":"mi weka tan tomo mi \\\nale li pini\n\nsuno li lon \\\ntaso mi ken ala tawa \\\nkon li wawa mute \\\nla mi ken moli\n\nlili lili lili la linja mi li weka\n\nmi wile tawa ma anpa \\\nla mi pilin e ni \\\nkon o kama wawa ala a \\\nla seli li lon\n\nwile awen lon tenpo ali \\\nla mi pilin e ni \\\nwile ala \\\ntaso mi weka a\n\nwaso waso waso waso \\\nona li utala\n\nmi weka tan tomo mi \\\nale li pini\n\nsuno li lon \\\ntaso mi ken ala tawa \\\nkon li wawa mute \\\nla mi ken moli\n\nlili lili lili la linja mi li weka\n\nmi weka tan tomo mi \\\nale li pini\n\nsuno li lon \\\ntaso mi ken ala tawa \\\nkon li wawa mute \\\nla mi ken moli\n\na\n\nmi weka tan tomo mi \\\nale li pini\n\nsuno li lon \\\ntaso mi ken ala tawa \\\nkon li wawa mute \\\nla mi ken moli","filePath":"poki/plaintext/2023/09/kon-wawa-la-linja-weka.md","digest":"5db66ea7934720e2","rendered":{"html":"mi weka tan tomo mi \nale li pini\nsuno li lon \ntaso mi ken ala tawa \nkon li wawa mute \nla mi ken moli\nlili lili lili la linja mi li weka\nmi wile tawa ma anpa \nla mi pilin e ni \nkon o kama wawa ala a \nla seli li lon\nwile awen lon tenpo ali \nla mi pilin e ni \nwile ala \ntaso mi weka a\nwaso waso waso waso \nona li utala\nmi weka tan tomo mi \nale li pini\nsuno li lon \ntaso mi ken ala tawa \nkon li wawa mute \nla mi ken moli\nlili lili lili la linja mi li weka\nmi weka tan tomo mi \nale li pini\nsuno li lon \ntaso mi ken ala tawa \nkon li wawa mute \nla mi ken moli\na\nmi weka tan tomo mi \nale li pini\nsuno li lon \ntaso mi ken ala tawa \nkon li wawa mute \nla mi ken moli","metadata":{"headings":[],"localImagePaths":[],"remoteImagePaths":[],"frontmatter":{"title":"kon wawa la linja weka","description":null,"authors":["kasi Lija"],"proofreaders":null,"date":"2023-09-15T00:00:00.000Z","date-precision":"day","tags":["translation","music","music synth","utau","openutau","flute","japanese","japan"],"original":{"title":"強風オールバック","authors":["Yukopi"]},"license":null,"sources":["https://www.youtube.com/watch?v=R-nU2P7uT08"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"poki"}},"t/meme":{"prev":{"id":"2025/01/nessun-dorma","data":{"title":"Kasane Teto sings Nessun Dorma in toki pona","description":null,"authors":["jan Janpa Onjon"],"proofreaders":null,"date":"2025-01-01T00:00:00.000Z","date-precision":"day","original":{"title":"Nessun dorma","authors":["Giacomo Puccini","Giuseppe Adami","Renato Simoni"]},"tags":["translation","music","vocal synth","utau","japanese","opera","meme"],"license":null,"sources":["https://www.youtube.com/watch?v=hQEcPIwDhGE"],"archives":null,"preprocessing":null,"accessibility-notes":null,"notes":null},"body":"o lape ala \\\no lape ala \\\ninsa mi la, mi awen e sona \\\njan ala li sona e nimi mi \\\ntenpo o tawa \\\nmun lili o weka \\\nsuno li kama la, \\\nmi wawa \\\nmi wawa \\\nmi wawa","filePath":"poki/plaintext/2025/01/nessun-dorma.md","digest":"2bb51bcedab3d60a","rendered":{"html":"o lape ala \no lape ala \ninsa mi la, mi awen e sona \njan ala li sona e nimi mi \ntenpo o tawa \nmun lili o weka \nsuno li kama la, \nmi wawa \nmi wawa \nmi wawa","metadata":{"headings":[],"localImagePaths":[],"remoteImagePaths":[],"frontmatter":{"title":"Kasane Teto sings Nessun Dorma in toki pona","description":null,"authors":["jan Janpa Onjon"],"proofreaders":null,"date":"2025-01-01T00:00:00.000Z","date-precision":"day","tags":["translation","music","vocal synth","utau","japanese","opera","meme"],"original":{"title":"Nessun dorma","authors":["Giacomo Puccini","Giuseppe Adami","Renato Simoni"]},"license":null,"sources":["https://www.youtube.com/watch?v=hQEcPIwDhGE"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"poki"},"next":{"id":"2023/05/jan-pi-si-li-toki-e-ilo-flex-tape","data":{"title":"jan Pi Si li toki e ilo Flex Tape","description":"🚨nimisin alert 🚨 \"taki\" - it means \"sticky\" more or less.\"","authors":["jan Kiwisin"],"proofreaders":null,"date":"2023-05-30T00:00:00.000Z","date-precision":"day","original":{"title":"Flex Tape Commercial (2017)","authors":["Flex Seal"]},"tags":["meme"],"license":null,"sources":["https://www.youtube.com/watch?v=jtzhuAjQQQM"],"archives":null,"preprocessing":null,"accessibility-notes":null,"notes":"According to the video description, jan Kiwisin wrote the translation, while jan Jami narrated it."},"body":"toki! mi jan Pi Si li lon tan ilo Flex Tape \nni li wawa mute li pakala ala tan telo \nli ken pona e ijo ale kepeken tenpo ala! \nilo Flex Tape li sama ala ilo ante. \nken taki ona li ken - \nlon sinpin ijo li pini e tawa telo pi ike nanpa wan. \nilo linja telo li ken pakala suli e tomo. \ntaso, ilo Flex Tape li ken awen pona. \nkin la ken wawa taki pi ilo Flex Tape li wawa mute la, \nona li awen pona lon telo! \nni la sina ken pona e pakala telo lon poki telo musi lon tomo telo lon tomo tawa telo lon tomo tawa ante. \nilo Flex Tape li wawa a. \nona li lon ijo la ona li awen lon. \nale li kama pakala la ilo Flex Tape li awen pona. \ntenpo pi pakala suli kin la ni li awen lon. \ntelo li kama tan sewi la pakala suli li ken lon. \ntaso, ilo Flex Tape li suli a. \nni la sina ken pona e lupa suli. \nmi wile pana e sona pi ilo Flex Tape tawa sina la, \nmi tu e ilo tawa telo ni! \nken taki wawa pi ilo Flex Tape li - \nawen wan taso e ilo tawa telo. taso, ona la lupa ala li lon. \nni la insa pi ilo tawa telo la telo ala li lon. \nmama mi a! \no kipisi, o jo, o lon ijo! \no lukin lawa e ken ale pi wawa pi ilo Flex Tape.","filePath":"poki/plaintext/2023/05/jan-pi-si-li-toki-e-ilo-flex-tape.md","digest":"8569519b9a841b96","rendered":{"html":"toki! mi jan Pi Si li lon tan ilo Flex Tape \nni li wawa mute li pakala ala tan telo \nli ken pona e ijo ale kepeken tenpo ala! \nilo Flex Tape li sama ala ilo ante. \nken taki ona li ken - \nlon sinpin ijo li pini e tawa telo pi ike nanpa wan. \nilo linja telo li ken pakala suli e tomo. \ntaso, ilo Flex Tape li ken awen pona. \nkin la ken wawa taki pi ilo Flex Tape li wawa mute la, \nona li awen pona lon telo! \nni la sina ken pona e pakala telo lon poki telo musi lon tomo telo lon tomo tawa telo lon tomo tawa ante. \nilo Flex Tape li wawa a. \nona li lon ijo la ona li awen lon. \nale li kama pakala la ilo Flex Tape li awen pona. \ntenpo pi pakala suli kin la ni li awen lon. \ntelo li kama tan sewi la pakala suli li ken lon. \ntaso, ilo Flex Tape li suli a. \nni la sina ken pona e lupa suli. \nmi wile pana e sona pi ilo Flex Tape tawa sina la, \nmi tu e ilo tawa telo ni! \nken taki wawa pi ilo Flex Tape li - \nawen wan taso e ilo tawa telo. taso, ona la lupa ala li lon. \nni la insa pi ilo tawa telo la telo ala li lon. \nmama mi a! \no kipisi, o jo, o lon ijo! \no lukin lawa e ken ale pi wawa pi ilo Flex Tape.","metadata":{"headings":[],"localImagePaths":[],"remoteImagePaths":[],"frontmatter":{"title":"jan Pi Si li toki e ilo Flex Tape","description":"🚨nimisin alert 🚨 \"taki\" - it means \"sticky\" more or less.\"","authors":["jan Kiwisin"],"proofreaders":null,"date":"2023-05-30T00:00:00.000Z","date-precision":"day","tags":["meme"],"original":{"title":"Flex Tape Commercial (2017)","authors":["Flex Seal"]},"license":null,"sources":["https://www.youtube.com/watch?v=jtzhuAjQQQM"],"archives":null,"preprocessing":null,"accessibility-notes":null,"notes":"According to the video description, jan Kiwisin wrote the translation, while jan Jami narrated it."},"imagePaths":[]}},"collection":"poki"}},"t/ad":{},"a/jan_Jami":{"prev":{"id":"2023/10/sina-jasima-mi","data":{"title":"sina jasima mi","description":null,"authors":["jan Jami"],"proofreaders":null,"date":"2023-10-09T00:00:00.000Z","date-precision":"day","original":null,"tags":["music"],"license":null,"sources":["https://www.youtube.com/watch?v=oyIvlvVVj-A"],"archives":null,"preprocessing":"transcribed manually","accessibility-notes":null,"notes":null},"body":"tenpo pini la \nla mi pilin ike a \ntaso sina toki tawa mi \nla mi toki insa kin e ni \nni li toki ni:\n\nsina jasima mi \ntan ni la olin mi li kama suli \nkepeken nasin seme la \nmi kama sona e sina \nsina jasima mi \ntenpo mute la mi toki insa e ni: \n\"ni li sitelen lape anu seme\" \ntaso pilin mi li ken ala powe\n\nwile mi o kama lon a \ntawa pilin mi la sina pona \nkin la sina olin e mi \nla mi toki insa sin e ni \nni li toki ni:\n\nsina jasima mi \ntan ni la olin mi li kama suli \nkepeken nasin seme la \nmi kama sona e sina \nsina jasima mi \ntenpo mute la mi toki insa e ni: \n\"ni li sitelen lape anu seme\" \ntaso pilin mi li ken ala powe\n\nmi la sina kama suwi \nweka sina li awen suli \ntaso ni li suli ala a \ntan ni: sina en mi li jasima\n\nni li lon a\n\nsina jasima mi \ntan ni la olin mi li kama suli \nkepeken nasin seme la \nmi kama sona e sina\n\nsina jasima mi","filePath":"poki/plaintext/2023/10/sina-jasima-mi.md","digest":"9e6aa844763a0e69","rendered":{"html":"tenpo pini la \nla mi pilin ike a \ntaso sina toki tawa mi \nla mi toki insa kin e ni \nni li toki ni:\nsina jasima mi \ntan ni la olin mi li kama suli \nkepeken nasin seme la \nmi kama sona e sina \nsina jasima mi \ntenpo mute la mi toki insa e ni: \n“ni li sitelen lape anu seme” \ntaso pilin mi li ken ala powe\nwile mi o kama lon a \ntawa pilin mi la sina pona \nkin la sina olin e mi \nla mi toki insa sin e ni \nni li toki ni:\nsina jasima mi \ntan ni la olin mi li kama suli \nkepeken nasin seme la \nmi kama sona e sina \nsina jasima mi \ntenpo mute la mi toki insa e ni: \n“ni li sitelen lape anu seme” \ntaso pilin mi li ken ala powe\nmi la sina kama suwi \nweka sina li awen suli \ntaso ni li suli ala a \ntan ni: sina en mi li jasima\nni li lon a\nsina jasima mi \ntan ni la olin mi li kama suli \nkepeken nasin seme la \nmi kama sona e sina\nsina jasima mi","metadata":{"headings":[],"localImagePaths":[],"remoteImagePaths":[],"frontmatter":{"title":"sina jasima mi","description":null,"authors":["jan Jami"],"proofreaders":null,"date":"2023-10-09T00:00:00.000Z","date-precision":"day","tags":["music"],"original":null,"license":null,"sources":["https://www.youtube.com/watch?v=oyIvlvVVj-A"],"archives":null,"preprocessing":"transcribed manually","accessibility-notes":null,"notes":null},"imagePaths":[]}},"collection":"poki"}},"o/Whopper_Whopper":{}}

moku moku moku Wapa
lili, suli, moku Wapa
moku pi namako pona
ni li (tenpo) suno mi

kasi en walo en kili en loje
anu ni ala li ken wile
moku soweli anu kasi
li ken wile mi

sina lawa e ale
nasin sina li lon esun Pi Ke
sina lawa!