sona pi lipu toki ni
sina ken pona e ona kepeken ilo poki Kita
ona li toki e ni: jan Ikalusu li kama olin e suno. a.k.a. I started learning toki pona yesterday and wanted to practice, so here’s a ficlet of Icarus falling in love with the sun (pun intended).
kulupu toki la ona li fan fiction
sina ken lukin e ona lon lipu archiveofourown.org
sina ken lukin e ona lon lipu web.archive.org pi moli ala
o sona e ni: mi nasin Markdown e lipu open pi nasin HTML
suno mi
“sina sona ala sona e toki mi?” jan Dedalusu li toki, kepeken kalama moli.
“sona” jan Ikalusu li toki. “mi wile ala tawa sewi.”
“pona” mama mije li toki. “mi lawa e nasin.”
ona li sewi. mama mije li pana e luka waso. jan Ikalusu li len e ona. mije lili li pilin pona.
“sina o tawa lon monsi mi” jan Dedalusu li toki.
ona li tawa lon kon, sama waso wawa, kepeken luka waso ona. kon li pali e kalama suli. jan Ikalusu li ken ala kute e nimi pi mama mije.
jan Ikalusu li lukin e ma anpa e ma sewi. oko ona li lukin e suno.
“a” ona li toki lili.
suno suwi li suno e ona.
ona li pilin e ni: mi wile tawa sewi. suno li pona lukin. jan Ikalusu li mije lili nasa. ona li lawa ala e pilin.
ona li tawa, lon kon. suno li seli e selo ona.
“toki, mi jan Ikalusu!” ona li toki musi. “nimi sina e seme?”
suno li toki ala. oko yelo suli li nasa e jan Ikalusu. mije li open pilin e olin sin. ona li pini sona e nimi mama.
“sina ken toki ala toki?” ona li toki.
suno li kalama ala. taso suno li suwi e pilin ona. ali li pilin pona mute.
“mi wile e ni:,” jan Ikalusu li toki, “mi lukin e sina… toki e sina… sona e sina.”
jan Ikalusu li tawa musi lon kon sewi.
“… pilin mi li jo e wile mute” jan Ikalusu li toki lili. “ken la… ken la pilin sina li sama pilin mi.”
jan Ikalusu li tawa e luka ona. ona li lukin pilin e jan olin. taso ona li pakala. seli suwi li seli e luka waso ona. jan Ikalusu li tawa, lon anpa.
“suno o!” jan Ikalusu li toki kalama. “sina wile weka e mi, anu seme?”
tenpo sin la suno li toki ala. ona li awen li lukin e mije. suno li pilin ala. taso jan Ikalusu sona ala.
“ni li lon la,” jan Ikalusu li toki, “sina wile sona e ni….”
ona li pana e telo oko.
“suno mi o,” ona li toki, “mi olin e sina.”
telo oko li tawa anpa. telo suli li moku e pilin ike ona. tenpo lili la telo suli li moku e ona – moli e ona.
“tenpo ali la, mi olin e sina.”