sona pi lipu toki ni
sina ken pona e ona kepeken ilo poki Kita
sina wile kepeken ona la, o kute e nasin CC-BY-SA 4.0
sina ken lukin e ona lon lipu liputenpo.org lon lipu liputenpo.org
tawa o tawa
mi pakala taso •
seme?
sina sona •
pakala taso li mi •
sina ni tan seme?
mi ni tan ale •
ale li ike, a •
o pini e powe sina •
mi ken ala •
mi toki e lon taso, e lon ike •
taso ona li ike seme?
a •
mi suli ala lon sina •
sina wile e sona sin taso •
tan seme la mi o wile e sona ala?
a •
mi toki ala e ni!
sona taso li ken •
taso sona o lili lon toki ni pi mi tu •
o ni tan seme?
ona li tan ni : mi wile e pona kama ala!
mi wile toki taso e ike •
mi la ni li pona •
mi pona tan ni •
taso mi pakala tan ijo ante •
mi sona •
mi wile moli •
ni li pona •
ijo ike li jaki e lawa mi •
ni li pona •
mi wile ala lon •
ni li pona mute •
sina toki ike tan seme?
a!
sona li weka la ni li nasin ken taso •
sina pana ala e suli •
ni la mi o pilin pona tawa sina
kepeken seme?
a!
taso mi ken ala •
mi ken ala lukin e ona •
sina pilin monsuta la
mi tu li ken lukin lon tenpo sama •
aaaa!
pona!
sina wile sona anu seme?
mi o pana!
mi pona ala lon tomo sona mi •
mi jo ala e jan pona lon tomo sona •
mi ike tawa jan pi pana sona •
mi sona ala e ijo sin ale •
kulupu mama mi li weka tan mi •
soweli mi li weka tan mi •
tomo ni la mi wan taso •
tomo ni la mi pona ala •
ni la apeja li mi •
apeja li mi!
a!
jan li olin pakala e mi, li pakala e mi •
akesi •