sona pi lipu toki ni sina ken pona e ona kepeken ilo poki Kita
sina wile kepeken ona la, o kute e nasin CC-BY-SA-4.0
sina ken lukin e ona lon lipu github.com lon lipu utala.pona.la
o sona e ni: Converted html table to markdown code block for layout.
ma, telo, kon, seli: ijo tu tu pi lon ale tan soweli Lapate sike #2024 ) #8 ) #10 {"/":{"prev":{"id":"2024/08/lon-anpa-pi-sewi-walo-lon-sewi-pi-telo-suno","data":{"title":"lon anpa pi sewi walo lon sewi pi telo suno","description":null,"authors":["jan Ameki"],"proofreaders":null,"date":"2024-08-10T00:00:00.000Z","date-precision":"day","original":null,"tags":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-suli/lon-anpa-pi-sewi-walo-lon-sewi-pi-telo-suno.md","https://utala.pona.la/mamtt/lipu-musi/lipu-suli/lon-anpa-pi-sewi-walo-lon-sewi-pi-telo-suno.html"],"archives":null,"preprocessing":null,"accessibility-notes":null,"notes":null},"body":"***\nlon lipu ni la, toki ni li lon. toki ni li pona ala tawa sina la, sina wile ala lukin e lipu ni. \n* toki pi ike pilin li ken lon. ijo li ken kama pakala li ken kama moli. \n\nmi wile toki e nasin toki mi. sina sona ala e nasin toki ni la, ken la, sina ken ala sona e toki mi. \n* nimi „lon“ anu nimi „tan“ anu nimi „tawa“ anu nimi sama la, mi kepeken nimi ni lon toki ale. mi ken kepeken nimi ni la, mi wile ni, li wile kepeken ala nimi „pi“. mi sitelen e nasin toki ni la, toki « telo lon poki li pona » li ken sama toki « telo li lon poki · telo ni li pona ». toki « mi moku e pan tan tomo » li ken sama toki « pan li lon tomo · mi kama jo e pan tan tomo · mi moku e pan ». \n* lon lipu ni la, mi kepeken nimi „jan“ ala. mi kepeken nimi „ijo“. mi sitelen e nasin toki ni la, lon toki « ijo esun li pana e ijo tawa mi » la, toki « ijo esun » li ken sama toki « jan esun ». \n* mi kepeken nimisin. nasin nimi ni li sama nasin nimi lon lipu Linku. taso, nasin nimi wan li sama ala nasin nimi ni lon lipu Linku. nasin ni li nasin pi nimi „linluwi“. tan lipu Linku la, linja mute li lon; linja ni li kama lon e ijo wawa la, ni li toki « linluwi ». sitelen la, toki « linluwi » li sama sitelen ｢▦｣. tan mi la, linja tu li lon; linja tu ni li kama lon ma sama la, ni li toki « linluwi » kin. sitelen la, toki « linluwi » li ken sama sitelen ｢⊞｣ kin li ken sama sitelen ｢+｣ kin. \n* mi kepeken nimi wan lon tenpo tu la, toki ni li kama suli li kama mute. mi sitelen e nasin toki ni la, toki « kili li suwi suwi » li ken sama toki « kili li suwi mute ». toki « ijo wan wan » li ken sama toki « ijo wan taso » \n* mi kepeken nasin nanpa pona. nanpa LA li nanpa luka ale, li sama nanpa ale ale ale ale ale. \n\n*** \n\n# lon anpa pi sewi walo lon sewi pi telo suno \n\n## toki wan: toki open \n\npalisa kasi li seli, li seli. \nmi luka e palisa ni, li pana e palisa ni lon sinpin pi sitelen sewi. \nmi lukin e sitelen ni. ijo sewi li lon sitelen. ijo sewi ni li kijetewantakalu. lukin la, sinpin pi kijetenitakalu sewi li suwi. luka pi kijetenitakalu sewi li wawa. len pi kijetenitakalu sewi li loje. \nnimi pi kijetenitakalu sewi li nimi sewi Seliwa. kijetesantakalu sewi Seliwa li kijetewantakalu tan tenpo pini. lon tenpo ni la, monsuta mute mute li lon ma lon. kijetesantakalu sewi Seliwa li ijo wawa, li utala e monsuta kepeken usawi, li anpa e monsuta. ni la, ma lon li kama pona li kama suwi. kijetesantakalu sewi Seliwa li ijo pona tawa ma lon. \nmi lukin e sitelen ni. mi toki insa: [ suwi tawa sewi Seliwa. pona tan pali mi. ] \nsitelen ni li pana e kule tawa oko mi, li pana e wawa tawa pilin mi. \n\nmi weka tan tomo sewi. \nkon sewi li pimeja. len li lon mute lon kon sewi. lon tenpo lili la suno li kama lon. sewi li kama walo. \nnasin telo linja wan li lon sinpin pi tomo sewi. nimi pi telo linja ni li nimi Eneli. \nmi tawa noka lon poka pi telo Eneli. telo lon telo Eneli li tawa kin. \ntenpo lon li open pi tenpo sike. kasi palisa lili li kama lon anpa telo. kasi ni li lili li ken ala kama lon sewi telo. tenpo li kama lili la, kon li kama seli lili la, kasi puwa puwa li kama lon telo Eneli lon poka pi kasi palisa ni kin. \nlon poka poka telo la, kasi palisa suli li lon mute. kasi palisa suli ni li lon tenpo ale pi tenpo sike. lon tenpo lete pi tenpo sike la, kasi ni li jelo. lon tenpo lon la, kasi ni li kama laso. \nmi luka e kasi palisa suli, li pilin e kon tan kasi ni. kon ni li kon kasi li pona pilin. \nni la, mi tawa noka lon poka pi telo Eneli tawa tomo utala. \n\ntomo utala li lon insa insa pi ma insa. \nma insa lon li ma insa esun wan. ma ni li suli suli ala. tomo MA li lon ma insa ni. ma insa esun ni li kama lon tan telo Eneli. nimi pi ma insa ni li nimi Newa Tan Eneli. \nlon sewi tan ma Newa Tan Eneli la, nena mute suli li lon. nena mute ni li linja li sama akesi suli. nimi pi nena ni li nimi Akesi Loje. \nlon nena pi akesi loje la, kon li lete lete. telo li lete li kama kiwen lon tenpo ale pi tenpo sike. \nnasin wan taso li lon nena ni. nasin ni li ike li monsuta. taso, kepeken nasin ni la, ijo esun li ken tawa ma lon ante pi nena pi akesi loje. tan toki pi ijo esun la, ma ante ni li suli li pona mute. \ntawa wan lon nasin ni li wile kipisi pi tenpo sike. lon tenpo sike wan la, ijo esun ken taso tawa lon tenpo tu lon nasin ni. \nante la, lon linluwi tan ma Newa Tan Eneli la, ma li kama supa li kama lete ala. telo Eneli li tawa ma supa ni. kasi pi kule mute li lon ma ni. \nijo esun mute li tawa e kili e kasi misikeke tan ma supa ni kepeken nasin telo Eneli tawa ma insa Newa Tan Eneli. ijo esun sin li tawa e ni kepeken nasin nena pi akesi loje tawa ma suli ante. \nlon tawa ni la, ijo esun li lukin e mun lili wan. lon tenpo pimeja la, mun lili ni li suno. mun lili ale li tawa sike tan mun ni. tan ni la, toki pi ijo esun la, mun ni li mun sewi. ma suli lon ante nena li ma suli sewi. \njasima la, ijo esun li tawa e kiwen namako e lipu usawi tan ma suli sewi tawa ma Newa tawa ma supa kepeken nasin nena kepken nasin telo Eneli. \nlon tawa jasima ni lon meso pi tenpo sike la, ijo esun li lukin e mun ante. mun ni li mun lili tu tu, li lon ante pi mun sewi. ijo esun li linja e mun tu tu lon sewi la, linja ni li kama lon e linluwi. linluwi ni li leko leko ala, li kiki. ijo esun li linja tan kiki linluwi la, linja sin ni li kama tawa ma insa Newa Tan Eneli tawa ma supa. tan ni la, toki pi ijo esun la, mun ni li mun linluwi suli. ma supa li ma supa linluwi kin. \nijo esun tan ma Newa li toki musi e ni: \n[ mi tawa ma sewi la, mun sewi li lawa. mun linluwi li kama la, mi tawa mama. ] \n\nnena pi akesi loje li lete. nasin nena li ike. kin la, monsuta wawa wawa li lon nena ni. \ntan ni la, ijo esun li wile tawa lon nasin nena pi akesi loje la, ijo esun li wile e ijo utala wawa lon poka. \nkulupu esun suli la, ijo utala wawa li ken lon insa kulupu lon tenpo ale. taso ijo esun wan wan la, ijo esun ni li wile alasa e ijo utala lon tomo utala lon ma insa Newa Tan Eneli. tomo utala li kama lon tan ni. \ntan tenpo pini la, mi wile utala lon tawa pi nena pi akesi loje. mi wile tawa lon nasin ni li wile tawa lukin e ma suli sewi. taso tawa ni li wile e ijo utala wawa taso. ijo utala li wawa ala la, ijo esun li ken ken kama moli tan monsuta. \nmi ijo utala wawa ala. mi ken ala utala lon tawa ni. \n\n ★ ★ ★ \n\nmi tawa noka lon ma insa Newa Tan Eneli, li tawa tomo utala. \nkon sewi li kama suno taso lon tenpo lon. nasin lon ma insa li kama suno lili. \nmi kama lon sinpin pi tomo utala la, mi open e lupa pi tomo utala. ijo ala li lon tomo utala. \nijo ala li lon ma wan la, mi pilin pi pona lili. \n\ntomo utala li tomo suli. supa anpa pi tomo ni li tan kiwen walo pona. meso pi tomo ni li tan kiwen jelo suli. sewi tomo li tan kiwen lipu pimeja mute. suno usawi lili li lon mute. linja li linja e suno usawi ni tan sewi tomo. \nlon anpa pi suno usawi la, supa kiwen suli wan li lon. lipu sitelen li lon mute lon supa ni. lipu sitelen ni li tan ijo mute lon ma Newa. ijo li wile e ijo utala la, ijo li pana e lipu lon supa ni. \nsupa lili mute li lon ante pi supa ni. lon supa ni la, ijo utala li ken awen li ken toki tawa ijo utala ante tawa ijo ante. \nmi lukin e lipu lon supa suli la, lipu pi kule mute li lon. \nlipu pi kule nanpa wan li lipu suli laso. lipu ni tu wan li lon. lipu ni li tan ijo esun. tenpo lon li open pi tenpo sike. lon tenpo kama lili la, ijo esun lon ma Newa li kama tawa ma suli sewi. \nmi wawa ala. lipu ni li ken ala tawa mi. \nlipu pi kule nanpa tu li lipu lili walo. lipu ni mute li lon. lipu ni li tan ijo pi kule mute. ijo kiwen li wile alasa e kiwen seli e kiwen namako tan nena pi akesi loje la, ijo kiwen li wile e ijo utala lon poka. monsuta li kama lon ma poka la, ijo lon ma poka li wile e anpa pi monsuta ni. len tan monsuta pi kule wan li usawi li pona tawa len ijo la, ijo len li wile kama jo e len ni. lipu sama ni li lon. \nlipu ni mute li kama ken tawa mi lon tenpo sike lon. \nlon tenpo pini lili la, lipu ni ale li ken ala tawa mi. \nlipu pi kule nanpa tu wan li lipu lili jelo. pali lon lipu ni li pona ala. ijo kiwen li wile pakala e kiwen suli lon ma supa. ijo kiwen li wile e ijo utala usawi. ijo utala usawi li ken pakala e kiwen kepeken tenpo lili. tenpo lon li open pi tenpo sike la, ijo kasi li wile e ijo pali mute, li kasi e ma. lipu mute pi kule ni li tawa ijo pi utala ala. mani lili lili li ken kama lon tan pali lon lipu ni. \n\nmi lukin e pali lon lipu mute la, lupa pi tomo utala li kama open. \nmi kute e kalama ni, li lukin monsi tawa lupa la, mi lukin e ijo pona mi. ijo pona mi li lon. \n[ tenpo pona! ] \nijo pona li toki e ni. \nijo pona mi li soweli wan. nimi pi soweli ni li nimi Menaka. \n[ pona Menaka o! tenpo pona kin! ] \nmi toki e ni. \nsoweli pona Menaka li soweli nja. oko pi soweli pona li laso. kule ni li sama kule pi telo Eneli lon meso pi tenpo sike, li pimeja, li jasima. len pi soweli pona li walo walo taso. ijo jaki taso li lon ala soweli pona. \nmi lukin e soweli pona la, uta pi soweli pona li suwi. \n[ kasi lon poka pi nasin suli li kama laso. lipu kasi lili li kama lon. sina sona ala sona e ni? ] \n[ a, mi sona ala! mi wile tawa lukin. ] \nnasin suli li nasin nanpa wan lon ma insa Newa Tan Eneli. nasin ni li tan linluwi pi ma insa Newa tawa ma esun tawa tomo utala. kasi suli li lon poka pi nasin ni. kepeken tenpo la, kasi suli ni li kama kule li kama pona lukin mute. \n[ pona a! mi tu li ken tawa lukin. sina kama lukin e pali pona anu seme? ] \nsoweli pona li tawa poka pi supa kiwen suli. \n[ pali lon lipu ni li ken pona. monsuta usawi tu li kama lon ma. ijo kasi li wile weka li wile anpa e monsuta, li wile kasi e ma ni. ] \nmi luka e lipu walo wan. soweli pona li lukin e lipu ni. \n[ ijo utala li ken weka li anpa e monsuta kepeken tenpo lili lili la, ijo kasi li wile pana e mani mute. ] \nsoweli pona li toki e toki ni tan lipu. mi lukin tawa soweli pona la, oko pi soweli pona li suno. \n[ ni li pona mute a. ] \nsoweli pona li toki: \n[ mi tu li ken kama tawa ma ni lon tenpo lon! ] \nsoweli pona li pana e lipu ni tawa poki la, mi tu li kama weka tan tomo utala. \n\nmi tu li tawa wawa noka lon nasin suli tawa linluwi. \nsoweli pona li lon soto. mi lon teje. \nsuno li suno suli li suno seli lon soto pi mi tu. sewi li laso. \nlen li lon mute lon sewi lon tenpo pini lili la, len mute ni li kama weka. sewi li kama suli. \nkasi suli mute li lon poka pi nasin suli. \nkasi suli ni li kama laso. lipu kasi lili li kama lon. \nijo esun lon nasin suli li toki pona tawa soweli pona. mi tu li toki pona sama. \nkon li tawa tan monsi pi mi tu. mi tu li tawa wawa. \n[ lon tenpo kama ale la mi wile lon poka pi soweli pona. ] \nmi toki insa e ni. \n\n## toki tu: ijo utala wawa \n\nsoweli pona Menaka li ijo utala wawa, li sama ala mi. \n\nsoweli pona li kama sona e usawi tan tenpo pini pini. \nlon tenpo ni la, soweli Menaka li soweli lili taso, li awen lon nena lili wan lon poka pi ma Newa Tan Eneli. \nlon tenpo wan la, soweli usawi wan li wile alasa e kasi usawi lon nena ni. nimi pi soweli usawi ni li nimi Leme. lon tawa lon nena ni la, soweli Leme li kama sona e soweli Menaka. \nsoweli Menaka li suwi tawa soweli Leme. lon tenpo mute la, soweli Menaka li alasa e kasi usawi tawa soweli Leme. jasima la, soweli Leme li pana e sona pi usawi seli utala tawa soweli Menaka. \nsoweli Menaka li ijo wawa. soweli Menaka li kama sona e usawi seli tan soweli Leme la, soweli Menaka li pali mute e usawi ni. usawi pi soweli Menaka li kama pona mute. \ntenpo li tawa. soweli Leme li wile tawa ma weka tan ma Newa la, soweli Leme li pana e sona pi tomo utala tawa soweli Menaka. \ntan tenpo ni la, soweli Menaka li pali mute tan pali tan tomo utala. soweli Menaka li kama jo e mani la, soweli Menaka li esun e lipu usawi tan ijo esun, li pona e usawi pi soweli Menaka. \nsoweli Menaka li kama wawa tan pilin wawa pi soweli Menaka. soweli Menaka ni li ijo wawa lon. \n\nmi toki lape e toki pi soweli pona Menaka la, mi kama lape ala. \nsewi li pimeja. kon li tawa. kon ni li kama lete ala. \ntenpo li tawa lili tan open pi tenpo sike lon. tenpo lon la, kasi puwa puwa li kama lon telo Eneli. kasi palisa suli lon poka pi telo Eneli li kama laso mute. \nmi pana e toki mi tawa sewi Seliwa la, mi weka tan tomo sewi li tawa tomo utala. \nmi wile lukin e soweli pona Menaka. soweli pona li pilin pona la, mi pilin pi pona lili. \n\nmi open e lupa pi tomo utala la, mi lukin e insa pi tomo utala. \nlon tenpo mute la, mi kama lon tomo utala la, ijo ala li lon. mi nanpa wan. taso lon tenpo lon la, ni li ala. \n[ toki a! ] \nijo lon insa pi tomo utala li toki tawa mi. mi lukin e ijo ni la, ijo ni li soweli pona mi, li soweli pona Menaka. \n[ toki! sina nanpa wan a lon tomo utala! ] \n[ a a! lon tenpo la, mi ken kama nanpa wan kin! ] \n[ pona a! ] \nmi toki e ni. sinpin pi soweli pona li musi li pona pilin. soweli pona li toki: \n[ ante la, mi kama sona e lupa anpa. tomo anpa mute li lon anpa pi lupa ni. ijo kasi wan li toki e sona ni tawa mi lon tenpo pimeja pini. ] \n[ tan ni taso la, sina kama nanpa wan lon tomo utala a? ] \nmi toki musi e ni. \n[ ala a. mi wile lukin e sina la, mi tawa kepeken tenpo lili. ] \nsoweli pona li toki musi tawa mi. \n[ tomo anpa ni li ike ala ike a. ] \nmi toki e ni. \n[ ijo kasi li sona ala. taso mi tu li lon la, monsuta seme taso li kama wawa ala. ] \n[ ni la pona a. ] \nmi toki e ni. \n\ntomo anpa li lon mute lon poka pi ma Newa Tan Eneli. tomo anpa ni mute li linluwi li suli. \ntoki pi ijo kiwen la, tomo anpa mute li kama lon tan telo lon anpa. telo li ken pakala e kiwen li kama lon e tomo kiwen kepeken tenpo suli. \nmonsuta mute li ken awen lon tomo anpa. tomo anpa mute li suli ala. ni li ike tawa ijo utala usawi. ijo utala usawi li wile weka tan monsuta. ni la, luka monsuta li ken ala pakala e ijo usawi. usawi tan ijo usawi li ken pakala e monsuta. tomo li lili la, ijo usawi ken ala kama weka tan monsuta. \ntaso soweli pona la, ni li ala. soweli pona li sona e usawi kipisi suli. ijo pi mute ala li sona e usawi ni. \njasima tan ijo utala usawi mute la, soweli pona li ken pakala pakala e monsuta lon tomo lili. usawi kipisi pi soweli pona li suli li wawa. lon tenpo mute la, soweli pona li wile wile utala e monsuta lon poka poka monsuta. ni li wawa. \n\nmi tu li kama lon lupa anpa ni. \nlupa ni li lupa lili, li len lon monsi pi kiwen suli wan. kasi usawi nasa li lon poka pi lupa ni. \nmonsuta li lon insa pi lupa anpa la, kasi usawi li kama lon lon poka lupa. soweli pona en mi li sona e sona ni. \nmi tu li kama jo e kiwen pi usawi suno tan poki. mi tu li pali e usawi tawa kiwen ni la, kiwen ni li kama suno. mi tu li pana e kiwen ni tawa lawa pi mi tu. kin la, soweli pona li kama jo e kiwen usawi. monsuta li kama lon lon tenpo lili la, soweli pona li ken kepeken kiwen ni li weka e monsuta. \nni la, mi tu li tawa insa pi lupa anpa ni. tomo anpa lili li kama lon insa. tomo ni li linja. kasi usawi li lon mute lon tomo ni. \nmi tu li tawa insa pi tomo ni la, tomo linja sin li lon. \ntomo linja sin ni li kama pimeja. suno sewi li ken ala suno e tomo insa ni. \nmi tu li tawa insa pi tomo ni la, tomo suli li kama lon. tomo suli ni li pimeja. kasi usawi li kama weka. mi tu li lukin e sewi tomo kepeken kiwen pi usawi suno la, kiwen leko nasa li lon mute. kiwen leko ni li laso li usawi ala. \ntomo lili linja sin li lon tu wan li linluwi tan tomo suli ni. \nmi tu li kute e kalama telo tan tomo linja wan. monsuta mute li ken lon poka telo. tan ni la, mi sitelen e tomo pini lon sinpin pi tomo suli la, mi tu li tawa insa pi tomo linja ni. tomo linja ni li sama tomo linja pini tu. \ntaso lon meso pi tomo linja ni la, kiwen lon anpa li kama lili. mi tu li lukin e sinpin la, telo wan tawa li lon. \ntelo ni tawa li tawa tan insa pi tomo linja. telo ni li tawa kiwen lili mute ni la, telo li kama anpa li kama weka. \nsoweli pona li tawa poka pi telo ni li lukin e telo lon telo ni. telo li kule ala. \nni la, mi tu li tawa tawa jasima pi telo ni li tawa insa pi tomo linja ni. \nkon lon tomo linja ni li telo mute. mi lukin e poka la, kasi usawi lili li lon. \nsoweli pona li lukin e kasi ni la, soweli pona li toki: \n[ kasi ni li kasi usawi wan. kasi ni li wile ala suno a. kasi ni li mute ala. ] \nsoweli pona li toki kin: \n[ sona mi la, ijo esun usawi li wile e kasi ni. mi tu li ken kama jo e kasi ni. ] \nsoweli pona li toki e ni. mi lukin e soweli pona. taso lon tenpo lili lili la, soweli pona li kama tawa wawa tawa monsi mi. \nmi lukin e monsi mi la, monsuta wan li kama lon! \n\nmonsuta ni li monsuta suli ala, taso monsuta ni li ken wawa. \nkepeken tenpo lili la, soweli pona li pali e usawi seli. seli sike li kama lon li tawa monsuta lon tenpo lili. monsuta li kama moli. \nsoweli pona li lukin tawa mi. soweli pona li toki: \n[ ni li monsuta nanpa wan a. ] \nmi lukin tawa soweli pona. taso monsuta nanpa tu li kama lon monsi pi soweli pona kin! \nmi tawa sinpin, li pali e usawi suno. suno linja ni li kama tawa monsuta. monsuta nanpa tu li kama moli. \ntomo lili lon li awen kalama. lon tenpo lili la, monsuta tu sin – ala – monsuta tu wan sin – ala – monsuta mute sin li kama lon. \n[ mi pali e usawi seli suli. ] \nsoweli pona li toki e ni. \nsoweli pona li sewi e luka. seli sike suli li kama lon. seli sike suli ni li kama suno suno la, soweli pona li tawa e seli sike suli tawa monsuta. monsuta mute li kama moli. \nmonsuta wan taso li len lon monsi pi kiwen wan. soweli pona li tawa sinpin pi kiwen len ni kepeken tenpo lili, li pali e usawi kipisi. luka monsuta li wile pakala e soweli pona. taso soweli pona li pakala e monsuta kepeken usawi kipisi lon tenpo pini. monsuta li kama kipisi li kama moli. \nmi lukin sinpin tawa utala pi soweli pona. utala ni li pona li suli. tawa pi soweli pona li nena ala. usawi pi soweli pona li wawa. \nsoweli pona li lukin monsi tawa mi. soweli pona li toki. \n[ sina pona kin? ] \nmi toki e ni: \n[ sina wawa wawa a. mi pakala ala. ] \n\nutala li pini. kalama pi telo tawa taso li lon, mi tu li kama awen pilin. \n[ mi tu li ken kama kama jo e kasi usawi ni. ] \nsoweli pona li toki la, mi tu li kama jo e kasi usawi lili lon poka pi telo tawa. \nmi wile kama sona e usawi kipisi tan soweli pona. soweli pona li toki e sona tawa mi. taso mi ken ala pali pona e usawi ni. \n[ lon tenpo pini lili la, mi sike e luka mi. tan ni la, usawi kipisi li kama nena ala li kama wawa. ] \nsoweli pona li toki tawa mi la, mi lukin pali e usawi kipisi tawa kiwen poka. usawi ni li kipisi ala. \nsoweli pona li tawa poka mi, li sitelen e nasin pali, li sike e luka mi. mi pali e usawi sin la, usawi ni li kama kipisi. \n[ ni li pona. ] \nsoweli pona li toki. \n\nkepeken tenpo la, mi tu li kama jo e kasi usawi. \nmi tu li tawa insa pi tomo linja ni. tomo linja sin li lon tu li linluwi tan insa. telo tu tawa li tawa tan tomo linja tu ni li kama wan lon tomo linja lon. \n[ tomo anpa ni li linluwi li suli a. ] \nmi toki e ni. \ntenpo li tawa la, mi tu li tawa mute lon tomo anpa ni. \ntelo tawa li ken kama lon tan kiwen len li ken kama weka tan kiwen anpa. \nlon tomo suli wan la, mi tu li kama lukin e kiwen usawi suli unu. kiwen usawi ni li kiwen li kipisi ala. taso kiwen ni li suli mute. mi tu li ken ala pana wan e kiwen ni tawa poki pi mi tu. \nlon tomo suli ante la, mi tu li kama jo e kiwen usawi loje. kiwen usawi ni li pona tawa usawi pi kule mute. mi tu li ken esun e kiwen ni tawa ijo esun. \nmonsuta li kama lon lon tenpo mute. mi tu li anpa e monsuta pi kule mute. \nmonsuta wan li sama ko li ken ante e sijelo. monsuta ni li nasa mute. taso mi tu li anpa e monsuta ni kepeken usawi seli kepeken usawi suno. \nmonsuta wan ante la, luka kiki tan monsuta ni li ken kama misikeke. mi tu li kama jo e luka kiki ni mute. \ntenpo li tawa mute la, mi tu li kama jo e ijo mute. mi tu li wile tawa weka tan tomo anpa ni. \nmi sitelen e sitelen mute lon tomo mute. mi tu li ken kepeken sitelen mute ni li tawa lupa. \nmi tu li musi. tawa lon tomo anpa ni li pona mute. \ntaso mi tu li kama lon tomo suli nanpa wan la, noka pi mi tu li kama pini. \nmi pilin ike. mi ken ala toki e tan. \nmi lukin e soweli pona la, soweli pona li pilin sama. \nmi tu li suno e supa anpa la, kiwen lon supa anpa ni li kiwen li nasa ala. \nmi tu li suno e sewi tomo la, kiwen leko laso taso li lon. kiwen ni li usawi ala li nasa ala. \ntaso lon tenpo ni ni la: \n[ kalama! ] \nmi tu li kute e kalama. \nkiwen lon noka mi li kama tawa lili. \n[ kalama! ] \nmi tu li kute e kalama nanpa tu. \nkiwen lili mute lon sewi li kama tawa anpa. \n[ kalama! ] [ kalama! ] [ kalama! ] \nmi tu li lukin e tan kalama la, mi tu li lukin e monsuta suli! \nmonsuta wan suli li lon! \n\nmonsuta ni li suli mute. len pi monsuta ni li laso li kiwen lukin. sinpin pi monsuta ni li nasa pilin. ni li ike. \nsoweli pona li kama tawa wawa lon tenpo lili. mi kama tawa wawa kin. \nmonsuta li moku e kon mute tawa insa sijelo la, monsuta li pana e kon tawa mi. mi tawa wawa. taso mi ken ala kama weka tan kon ni. \nkon ni li suli mute. kiwen lon noka mi li kama kalama. \nmi tawa wawa tawa kiwen suli wan lon poka li wile len e mi. taso kiwen len ni li kama kalama kin. lon tenpo lili la, sijelo mi li kalama. lawa mi li kama kalama. \nlon tenpo ni ni la, soweli pona li tawa wawa tawa poka monsuta li pali e usawi kipisi lon tenpo lili! pakala en suno li lon kipisi ni. \ntan kipisi ni la, kon monsuta li kama weka lili tan mi. mi tawa wawa tawa poka li kama weka tan monsuta. ni la, mi pali e usawi suno linja tawa monsuta. \nsuno linja ni li nena ala li linja mute. taso lon len monsuta la, suno linja li kama jasima li kama kipisi. \nsoweli pona li tawa poka mi, li toki: \n[ len ni li kiwen. mi ken taso kipisi e len. ] \n[ usawi suno mi li kama jasima kin. ] \nmi toki e ni. \n[ mi lukin pali e usawi seli. ] \nsoweli pona li toki e ni. \n[ pona. o pali. ] \nmi toki e ni la, mi tawa tawa monsuta li pali e usawi suno mute tawa kiwen leko lon sewi tomo. [ kalama! ] kiwen sewi mute li kama tawa anpa tawa monsuta. kiwen ni li pini e noka monsuta. \nlon tenpo ni ni la, tan monsi mi la, sike seli li kama lon. mi tawa poka la, sike seli ni li kama tawa monsuta! \n[ kalama! ] \nmonsuta li kama monsi lili. usawi seli ni li pakala e pakala lon monsuta. \n[ ni li pona! ] \nmi toki e ni la, mi lukin pali e usawi suno suli tawa pakala ni. \ntaso lon tenpo ni ni la, monsuta li moku e kon la, li pana e kon sin tawa mi. kon sin ni li sama ala kon pini. kon sin ni li seli seli li kiki. ni li ike. mi wile tawa weka, taso mi ken ala. kon ni li kama pakala e sijelo mi, li tawa e mi tawa kiwen monsi. \nsijelo mi li kalama ike. lawa mi li nasa nasa. kiwen lon monsi mi li kama pakala li kama lili. \nkepeken tenpo la, kon sin ni li kama pini. \n[ ike a. ] \nsoweli pona li toki, li tawa wawa tawa poka mi. soweli pona li luka e kiwen usawi suli. soweli pona li pali e usawi tawa kiwen ni la, kiwen ni li kama suno. sijelo mi li kama nasa ala. lawa mi li kama pilin. \nni la, mi ken kama tawa sin. \n[ mi wile pali e usawi sewi suli. ] \nsoweli pona li toki tawa mi la, mi tawa sinpin sin. mi lukin e monsuta. monsuta li moku e kon sin lon tenpo lon li wile pana e kon sin. \nni la, mi pali e usawi suno kepeken tenpo lili lili tawa uta monsuta. monsuta li sike e lawa. lon tenpo ni la, monsuta li kama pana e kon. kon ni li kama weka lili tan mi tu. kon ni li tawa kiwen lon poka pi soweli pona. soweli pona li pona li pakala ala. \nlon tenpo ni sama la, soweli pona li kama pali mute e usawi seli. linja seli mute li kama lon tan usawi seli. lon tenpo lili la, linja seli ni ale li kama tawa monsuta. \nmi lon poka, li lukin e linja seli mute ni tan soweli pona. linja seli ale ni li suno li suli. linja seli li tawa wawa tawa monsuta la, seli li kama lon. \nlinja seli mute li kama tawa monsuta la, linja seli sin li kama lon. soweli pona li pali e usawi seli mute lon tenpo lili. usawi seli ale ni li pona lukin li loje suno li tawa wawa tawa monsuta. \ntomo anpa lon li kama suno. kiwen leko lon sewi tomo li kama walo. \n\ntenpo li tawa lili la, seli li kama pini. kalama li kama pini. monsuta li kama tawa ala. \nmi lukin e soweli pona la, sinpin pi soweli pona li wawa pilin. \nmi tu li kama poka monsuta, li lukin e monsuta. monsuta li kama kipisi li kama moli. \n\nkepeken tenpo lili la, mi tu li kama lon lupa pi tomo anpa. \nmi lukin e sewi. suno li kama weka. sewi li kama pimeja. \nkon suwi li tawa. kon kasi en kon telo li lon kon ni tawa. mi pilin e kon. \nsoweli pona en mi li luka e poki pi mi tu, li tawa lon nasin tawa ma insa Newa Tan Eneli. \nkasi suli mute li lon poka nasin. kasi suli ni li laso taso li pona lukin. \n\nusawi seli pi soweli pona li seli, li nasa ala. mi lukin e usawi pi soweli pona lon tenpo wan la, mi ken ala weka sona e lukin ni. \nlon tenpo lape lon tenpo suno ni la, mi awen lukin insa e usawi wawa pi soweli pona. \nsoweli pona li ijo utala wawa. soweli pona li ijo wawa. \nmi wile taso kama sama soweli pona, li kama ijo utala wawa. \nmi toki insa e ni la, mi kama lape. \n\n## toki tu wan: tenpo seli \n\nmi lon tomo sewi. \ntenpo li tawa tan open pi tenpo sike. kon li kama seli. \nmi kama jo e palisa kasi tan poki mi. mi seli e palisa la, mi pana e palisa ni lon sinpin pi sitelen pi kijetesantakalu sewi Seliwa. \nsinpin pi kijetesantakalu sewi Seliwa li suno. oko pi kijetesantakalu sewi Seliwa li suwi. len pi kijetenitakalu sewi Seliwa li loje. \nmi lukin e sitelen pi kijetesantakalu sewi Seliwa. mi toki insa: [ suwi tawa sewi Seliwa. wawa tan pali mi. ] \n\nmi weka tan tomo sewi. \nkon sewi li laso. suno li suno. \ntenpo li tenpo seli pi tenpo sike. kon li kama seli mute. \nlon tenpo mute la, kon sewi li ken telo. taso tenpo lon la, len li lon lili lon kon sewi. sewi li telo ala. \nmi tawa noka lon poka pi telo Eneli tawa ma esun. kasi ale lon poka pi telo Eneli li laso laso. \nkasi sin li kama lon telo Eneli. kasi ni li sama ala kasi palisa lili lon open pi tenpo sike. kasi ni li suli. lipu pi kasi ni li lon sewi telo li sike mute. lon tenpo la, iseki li kama lon sewi lipu. iseki ni li kama open la, iseki ni li pona lukin mute. \nkasi palisa suli lon poka pi telo Eneli li kama suli li kama sewi. kon pi kasi palisa suli ni li suwi li pona pilin. \n\ntenpo li tawa tan open pi tenpo sike la, usawi mi li kama pona lili kin. mi kama kama sona e usawi kipisi tan soweli pona. mi ken ala utala pona kepeken usawi kipisi lon tenpo lon. taso utala mi li kama pona lili. \nante la, soweli pona li kama wawa mute. lon tenpo pini lili la, soweli pona li utala e monsuta telo suli lon telo Eneli li anpa e monsuta ni. ni li suli. ijo mute lon ma insa Newa li toki e utala ni. \n\nmi kama lon ma esun. \nmi lukin e ma esun la, ma esun lon tenpo lon li sama ala ma esun lon tenpo mute. ilo tawa li lon mute lon poka nasin. ijo li lon mute lon tomo poki. \nlon tenpo pini lili la, ijo esun mute tan nasin nena pi akesi loje li kama kama lon ma insa Newa. ijo esun ni li kama tawa tan ma suli sewi lon open pi tenpo sike, li tawa lon nasin nena pi akesi loje lon kipisi pi tenpo sike, li kama lon ma insa Newa lon tenpo seli lon tenpo lon. \nlon tenpo suno pini la, ijo esun sin wan li kama lon. lon suno kama lili la, ijo esun ante mute li wile kama lon. \nijo esun ni mute li tawa e kiwen namako e lipu usawi. ijo esun ni li wile esun e ijo ni lon ma insa Newa. ni la, ijo esun ni li kama esun e ijo sin, li kama tawa e ijo sin ni tawa ma suli sewi lon tenpo kama lili. \n\nmi kama lon insa insa pi ma esun. \nsona pi soweli pona la, ijo esun sin tan tenpo suno pini li tawa e lipu usawi. ijo esun sin ni li wile esun e lipu usawi lon tenpo suno lon. \nlon tenpo kama lili la, soweli pona li kama lon kin. \n[ toki a! ] \nmi toki e ni la, soweli pona li toki: \n[ toki a. sina pilin pona anu seme a lon tenpo. ] \n[ mi pilin pona. mi ken kama jo e sona usawi sin la, mi pilin pona. ] \nmi toki e ni. \n[ sama a. ] \nsoweli pona li toki. \nmi tu li toki musi, li kama tawa tomo esun suli. tomo esun suli li tomo suli nanpa wan lon ma esun. lon tomo esun suli la, supa esun mute li lon. ijo esun ale li ken kama jo e supa esun wan kepeken pali lili, li ken esun e ijo lon supa esun. \nsoweli pona li toki tawa ijo esun ante la, ijo esun ante li toki e supa pi ijo esun sin tawa mi tu. mi tu li kama tawa supa ni. taso ijo esun sin li lon ala. \n\nsuno li kama sewi lon tenpo lon. ijo esun mute li open e esun lon tomo esun suli. \nlon tenpo ni la, waso wan li kama lon supa ni. \nwaso ni li waso suli. sijelo pi waso ni li walo pimeja. taso luka en monsi pi waso ni li laso telo. lukin la, luka pi waso ni li wawa wawa. ken la, waso ni li tawa ma mute. \n[ toki! mi waso Kipo. mi kama lon ma insa Newa lon tenpo suno pini. a. sina soweli Menaka anu seme. ] \nwaso li toki tawa soweli pona. \n[ toki! toki! waso Kipo o. sina sona e mi a! ] \nsoweli pona li toki. \n[ mi kute e sona pi sina anu sina tu lon tomo moku lon tenpo pimeja pini. toki tan ijo ante la, sina tu li ijo usawi pona. sina kama sona e ijo esun pi lipu usawi la, sina wile kama esun e lipu usawi. ] \n[ a. ni li lon. mi tu li wile lukin e lipu usawi mute li wile pona e usawi pi mi tu. ] \n[ pona a. ijo sama sina tu li pona tawa mi. ] \nwaso Kipo li toki la, waso Kipo li kama jo e lipu usawi mute tan poki, li pana e lipu usawi tawa supa. \nwaso Kipo li jo e lipu usawi mute mute! \nlipu usawi mute tan waso Kipo li lipu tan tenpo pini. sona tan lipu ni li suli li mama tawa usawi lon tenpo lon. \nlipu usawi mute kin li lipu sin. mi tu li sona ala e lipu sin ni mute. \nlipu tawa usawi pi kule mute li lon. lon nanpa wan la, mi tu li wile alasa e lipu tawa usawi kipisi. ijo lili li sona e usawi kipisi. lipu tawa usawi kipisi li mute ala mute ala. kepeken tenpo la, mi kama lukin e lipu wan. sinpin pi lipu ni li toki: [ usawi kipisi suli: nasin sin tawa usawi kipisi suli ] lon anpa pi toki suli ni la, toki lili wan li lon: [ tan waso usawi Liniku ] \nmi pana e lipu ni tawa soweli pona la, oko pi soweli pona li kama suno. \n[ a! lipu ni li tan waso usawi Liniku. mi sona ala e lipu ni. taso lipu ale tan waso usawi Liniku li pona. ] \nsoweli pona li toki la, soweli pona li open e lipu. \n[ waso Liniku li pali e lipu ni lon tenpo sike pini. lipu ni li sin sin. ] \nwaso Kipo li toki. \nmi tu li lukin e insa lipu la, nasin usawi en sona usawi li lon mute lon lipu ni. soweli pona li toki: \n[ nasin usawi lon lipu ni li sin. mi sona ala e nasin usawi ni. mi tu li wile esun e lipu ni. ] \nsinpin pi waso Kipo li kama suwi. waso Kipo li toki: \n[ sina tu li wile pona e usawi pi sina tu. ni li pona tawa mi. mi ken esun e lipu ni tawa sina tu. ] \n[ sina pona! ] \nsoweli pona en mi li toki. \n[ sina wile ala wile e lipu ante kin. ] \nwaso Kipo li toki. \n[ mi la, mi wile e lipu usawi tawa usawi seli. taso lipu tawa usawi ante li lon la, mi wile kama sona e usawi ante kin. ] \nsoweli pona li toki e ni. \n[ mi wile e lipu tawa usawi suno. sama soweli pona la, ken la mi wile kama sona e usawi ante kin. ] \nmi toki e ni. \nwaso Kipo li toki: \n[ sina tu li pona a. lipu mute tawa usawi seli tawa usawi suno li lon. sina ken alasa e lipu pona. ] \n\ntenpo li tawa lili la, mi tu li kama lukin e lipu pona mute. \nmi tu li esun e lipu mute ni tan waso Kipo. ni la, mi tu li kama weka tan tomo esun. \n[ waso Kipo li jo e lipu mute mute a. ] \nmi toki e ni. \n[ lon a. lipu mute pi waso Kipo li pona. waso Kipo li sona e lipu pona. ] \nsoweli pona li toki. \n[ ken la, waso Kipo li ijo utala kin. ] \n[ ni li ken a. ] \nsoweli pona li toki musi. \nmi tu li tawa noka lon ma insa Newa tawa poka pi telo Eneli. lon poka telo la, mi tu li ken lukin e lipu, li ken lukin pali e usawi tan lipu. \ntaso mi tu li tawa lon poka pi tomo utala la, mi tu li kute e kalama mute lon tomo utala. \n[ kalama ni li seme a. ] \nsoweli pona li toki e ni. \nkute la, ijo mute mute li lon tomo utala li toki. ni li nasa. \nmi tu li tawa tomo utala li tawa lukin. \n\nlon tomo utala la, ijo utala mute mute li lon. \nlon insa insa pi tomo utala la, ijo esun tu li lon. \nijo esun tu ni li ike lukin. len pi ijo esun tu ni li pakala. oko pi ijo esun tu ni li suno ala. ni li nasa. \nijo utala mute li kama lukin e soweli pona la, li tawa toki tawa soweli pona. \ntan toki pi ijo utala mute la, ike li lon: \nakesi loje suli wan li kama lon poka lon nasin nena pi akesi loje. akesi loje ni li anpa e kulupu pi ijo esun ni. ijo utala tu wan lon kulupu ni li kama moli. ijo esun tu ante li kama moli. ijo esun tu ni taso li ken kama weka tan akesi loje li kama moli ala. \n\nakesi loje la, mi sona. mi ale li sona. akesi loje li monsuta wawa nanpa wan. \nakesi li suli suli. sijelo pi akesi wan li ken sama ma insa lili wan. akesi li tawa lon kon sewi la, sewi ale li ken kama len. suno li ken kama pimeja. usawi pi akesi loje li ike. akesi loje li pali e usawi tawa ijo wan la, ijo ni li ken ala tawa weka lon tenpo lili lili la, ijo ni li moli. \nakesi loje li lon poka pi ma insa Newa Tan Eneli. toki ni li toki pi ike mute. ken la, akesi li kama tawa ma insa la, ma insa ale li ken kama pakala. \nkin la, ijo esun mute li lon nasin nena pi akesi loje li wile kama lon ma insa Newa lon tenpo kama lili. ijo esun ni ale li ken kama moli tan akesi loje ni. ni li toki ike. \nlon tenpo lon la, ijo utala wawa mute li kama lon tomo utala. ijo utala wawa ni li wile kama kulupu li tawa anpa e akesi loje. lon kulupu ni la, ijo utala wawa tan ma Newa Tan Eneli li lon. mi sona e ijo utala ni mute. taso ijo utala mute tan ma suli sewi li lon kin. ijo utala ni li kama lon ma insa Newa lon tenpo pini lili la, li wile tawa utala sin e akesi loje. ijo utala mute ni li wawa wawa kin. \nijo utala li toki tawa soweli pona: \n[ soweli Menaka o. sina kama sona e toki a. sina wile la, mi ale li wile e ni: sina tawa utala e akesi loje kin lon kulupu. ] \nkepeken tenpo lili lili la, soweli pona li toki wawa jasima: \n[ ken! mi wile kama lon insa pi kulupu ni li wile utala e akesi loje. ] \nsoweli pona li ijo wawa. akesi loje li monsuta wawa wawa, taso soweli pona li awen pilin ala, li toki jasima kepeken tenpo lili. \nmi wile utala lon poka pi soweli pona kin. mi toki: \n[ a. mi ken ala ken utala kin? ] \nmi toki e ni la, ijo utala li lukin e mi, li toki tawa mi: \n[ mi ike a. mi sona e wile sina. sina wile utala lon poka pi ijo pona sina. taso akesi loje li monsuta ike nanpa wan. mi la mi tawa utala e akesi loje la, mi ken kama moli. sina la sina ken ken kama pakala. sina wile utala lon kulupu. mi ale li pilin pona. taso, ni li ken ala. mi ike. ] \nsoweli pona li kute e ni la, soweli pona li wile toki e toki seme tawa ijo utala. taso soweli pona li toki e toki ala. \nmi lukin e soweli pona la, oko pi soweli pona li nasa pilin. soweli pona li kama toki tawa mi: \n[ mi wile mute e ni: sina tawa utala lon poka mi. taso akesi suli la, ken la mi ken ala len e sina lon tenpo ale. sina kama moli la, ni li ike ike ike tawa mi. mi wile ala e ni. ] \n[ mi sona. ] \nmi toki tawa soweli pona li pana e uta pona tawa soweli pona. \nmi sona. mi ijo utala wawa ala. mi wile utala lon poka pi soweli pona lon tenpo ale. taso lon tenpo mute la, ni li ken ala. soweli pona li wan li utala e monsuta. \n\n ★ ★ ★ \n\ntenpo li tawa li tenpo pimeja. \nmi lon tomo moku. \nlon tenpo pini lili la, kulupu utala li kama weka tan ma insa Newa Tan Eneli. \nijo utala LLLTW li lon kulupu utala. mi lon ala kulupu la, mi awen lon ma insa Newa. \nmi moku e moku lon tomo moku, li toki insa e ijo pini. \n\ntan tomo utala la, soweli pona en mi li tawa tomo pi soweli pona. \nsoweli pona li pana e lipu usawi sin tawa supa lipu. ni la, soweli pona li kama jo e poki suli. soweli pona li kama jo e kiwen usawi pi kule mute tan supa usawi, li pana e kiwen usawi ni tawa poki. \nsoweli pona li kama kepeken len usawi wawa. soweli pona li pana e len seli kin tawa poki. lukin pi soweli pona li pona wawa. \nsoweli pona li kama jo kin e misikeke e moku e ijo ante mute, li pana e ijo ni tawa poki. ni la, soweli pona li kama pona. \n\nlon tomo utala la, kulupu li kama pona. ijo utala ale li pona. \nlon tenpo lili la, kulupu ni li kama tawa. \nkasi palisa lon poka pi telo Eneli li suli. sewi li kama telo lili. taso sewi li kama telo lon tenpo lili. suno li kama lon. \n\nlon open pi nasin nena pi akesi loje, kulupu en mi li kama weka. \nakesi loje li monsuta wawa. mi ken taso wile e pona tawa soweli pona tawa kulupu. \nmi toki e ni tawa soweli pona: \n[ sina o len pona e sina. sina o utala pona, o kama ala pakala tan akesi loje. ] \n[ sina pona. mi ken pona. ] \nsoweli pona li toki. \n[ utala li pini la, sina o tawa pona tawa ma insa Newa. mi awen lon ma insa Newa li awen tawa sina. ] \n[ pona. sina ken kama pilin pona. mi o tawa pona. ] \nsoweli pona li toki pona. \n\nmi lon tomo moku wan. \nsoweli pona li tawa utala li kama weka. mi ken taso awen tan soweli pona lon ma insa. mi wile taso e pona pi soweli pona. \n\nlon tenpo lon la, toki li kama tawa mi. \n[ toki! sina ijo usawi lon poka pi soweli Menaka anu seme. ] \nmi kama lukin e ijo toki la, waso Kipo li lon. \n[ toki! ni li lon. ] \nwaso Kipo li toki: \n[ seme li lon a. lukin mi la, pilin sina li pona ala a. ] \nmi toki e ni: \n[ a. lon tenpo pini la, toki pi ijo esun tu la, akesi loje li kama lon nasin nena pi akesi loje. ijo utala mute li kama utala e akesi loje. ] \n[ ni li ike! soweli Menaka li tawa utala kin anu seme. ] \n[ ni li lon. mi ijo utala wawa ala la, mi ken ala. ] \nmi toki pi wawa ala e ni. \n[ a. mi kama sona. ] \nwaso Kipo li toki. \n\nni la, mi kama toki ala. waso Kipo li lukin e ni la, li toki sin: \n[ ijo utala lon ma insa Newa li pona a. ijo utala li anpa e akesi loje la, ijo esun sama mi li ken tawa pona lon nasin nena pi akesi loje. ] \n[ ni li lon. ] \nmi toki. \nwaso Kipo li toki: \n[ soweli Menaka li ijo pona tawa sina anu seme. sina tu li suwi a. ] \nmi toki: \n[ soweli Menaka li soweli pona tawa mi. lon tenpo pini la, mi lon poka moli tan monsuta la, taso pona Menaka li kama len e mi li kama moli e monsuta. tan pona Menaka la, mi kama moli ala. tan tenpo ni la, pona Menaka li pana e sona usawi mute tawa mi. mi kama ijo utala tan pona Menaka kin. ] \nwaso Kipo li kute e toki mi. mi awen toki: \n[ lon tenpo lon la, pona Menaka li kama ijo utala wawa wawa. taso mi ijo utala pi wawa ala. mi wile utala lon poka pi pona Menaka. taso ni li ken ala. ] \nwaso Kipo li kute la, waso Kipo li toki: \n[ ni li ala. sina ken kama ijo utala wawa lon tenpo kama lili. mi ken toki e ni. ] \n[ sina pona. ] \nwaso Kipo li toki kin: \n[ kin la, sina tu li sona e usawi kipisi a. ijo mute li sona ala e usawi ni. ] \n[ a. ] mi toki: [ tan tenpo pini la, pona Menaka li wile pona mute e usawi pi pona Menaka. pona Menaka li kama jo e lipu usawi mute li lukin e lipu mute. pona Menaka li kama sona e usawi kipisi tan lipu wan. ] \n[ ni li pona a. sina ken pali e usawi kipisi kin anu seme. ] \nwaso Kipo li toki. \n[ mi kama pali e usawi kipisi lon tenpo sike lon. taso lon tenpo lon la, mi ken ala pali pona e usawi kipisi. pona Menaka li ken pali pona. ] \n[ a. lukin mi la, usawi kipisi sina li ken kama pona kin. ] \n[ sina pona. a kin la ] mi toki sin: [ pona Menaka li toki e ni a. lukin la, sina sona mute e usawi. ken la, sina ijo utala usawi kin. ] \nwaso Kipo li toki: \n[ a. oko pi soweli Menaka li pona a. lon la, mi ijo utala usawi kin. ] \nmi toki e ni: \n[ ni li wawa a. sina kama ijo utala usawi la, sina ken kama ijo esun kin. ] \n[ a a. ni li ala. mi esun ike. ] \nwaso Kipo li toki. \n[ kin la, ] waso Kipo li toki: [ sina sona ala tomo sona suli lon ma insa Silon a. ] \nmi sona e nimi ni: \n[ a. mi sona e ni. tomo sona ni li tomo sona nanpa wan lon ma suli sewi. ] \n[ lon. soweli Menaka en sina li wile pona pona e usawi pi sina tu la, sina tu li ken tawa tomo sona suli ni. ] \n[ mi kama sona. ijo ante lon tenpo pini li toki e ni tawa mi tu kin. mi tu li kama jo e mani mute li ken tawa ma suli sewi lon nasin nena pi akesi loje la, mi tu li wile tawa tomo sona ni. ] \n[ ni li pona. ] \nwaso Kipo li toki. \n\nwaso Kipo li toki e toki mute tawa mi lon tomo moku. waso Kipo li toki ala e wawa pi waso Kipo. taso tan toki la, waso Kipo li ken taso ijo wawa wawa. waso Kipo li sona mute e usawi, li tawa ma mute lon tenpo pini. \nmi tu li pini e moku la, waso Kipo en mi li kama weka. waso Kipo li tawa tomo lape pi waso Kipo. mi tawa tomo mi. \n\nmi lon supa lape lon tomo mi. mi toki insa e soweli pona e waso Kipo. \nwaso Kipo li tawa suli lon nasin nena pi akesi loje tawa ma insa Newa. \nlon tenpo lon la, soweli pona li lon nasin nena pi akesi loje kin. \nmi wile e pona taso tawa utala pi soweli pona. \nmi open e oko mi, li lukin e sitelen pi soweli Seliwa lon supa poka. \n[ sewi tawa sewi Seliwa. pona taso tawa soweli pona mi. ] \nni la, mi kama lape. \n\n ★ ★ ★ \n\nsuno li kama, li weka, li kama. \nkon li kama seli, li kama lete, li kama seli sin. \ntenpo suno tu li weka. \nkulupu pona li kama ala lon ma insa Newa. soweli pona li kama ala lon ma insa Newa. \nmi awen lon ma insa Newa lon poka pi nasin nena pi akesi loje. \nmi lukin e lipu usawi sin tan waso Kipo, li lukin pali e usawi tan lipu ni. \ntelo lon telo Eneli li tawa. kalama telo li lon. \nmi lukin tawa nasin nena pi akesi loje la, ijo ala li kama lon. \n\nlon tenpo lon tenpo pimeja la, mi toki tawa waso Kipo lon tomo moku. waso Kipo li sona e sona usawi mute, li pona tawa mi. \nlon tenpo lape la, mi toki e toki e wile mi tawa sewi Seliwa. sinpin pi sewi Seliwa li suwi. \n\n ★ ★ ★ \n\nsuno li weka, li kama sin, li weka sin, li kama sin. \ntenpo suno tu tu li kama weka. \nsona pi kulupu utala li lon ala. ijo ala li kama lon tan nasin nena pi akesi loje. ijo utala li kama lon ala. ijo esun li kama lon ala kin. \n\nmi lon poka pi nasin nena pi akesi loje, li lon poka pi telo Eneli. \nmi lukin e lipu usawi mi. telo li tawa lon telo Eneli. \nkon li tawa la, mi ken pilin e kon pi kasi palisa e kon telo. \nmi lukin tawa sewi la. len li lon mute lon sewi. lon tenpo lon la, suno li tawa len. sewi li kama pimeja. \n[ ni li ike! ] mi toki insa e ni. \nmi tawa wawa tawa tomo, li wile pana e lipu usawi tawa tomo. lipu li wile ala telo. \nni la, mi tawa sin tawa poka pi nasin nena pi akesi loje. \n\nsewi li kama telo lon tenpo lili. \nmi moku e telo tan sewi la, telo ni li pona. mi pilin e kon la, kon telo li suwi. \nmi lukin tawa nasin nena pi akesi loje la, ijo ala li lon. \nmi pini e oko mi. kalama telo taso li lon. \n\nmi lape lili lon ma ni. taso lon tenpo kama ni ni la, mi ken kute e kalama mute. \nmi open e oko mi lon tenpo lili li lukin tawa kalama ni. \nkalama ni li tan nena pi akesi loje. \nmi tawa nasin nena pi akesi loje la, mi ken lukin e ijo mute lon weka. \nijo mute ni li kulupu utala! \nmi tawa wawa tawa ijo mute ni. \nmi kama lon poka pi ijo mute ni la, nasa li kama lon: mi ken ala kama lukin e soweli pona mi. \nni li nasa mute. \nni li ken ala. \nmi pini e oko mi, li open sin li oko mi, li kama lukin. \ntaso soweli pona li lon ala. \nmi wile toki tawa ijo ante la, lon tenpo lon la, mi kama lukin e sinpin pi ijo ante. \npilin pi ijo ale li ike li nasa. \nmi lukin e ijo ale la, ijo LL taso li lon. sona mi la, ijo utala LLLTW li lon kulupu utala. \na! mi sona! ni li ken. kulupu ni li kama kulupu tu lon utala. ijo utala LL li lon kulupu nanpa wan. kulupu ni li kama lon ma insa Newa lon tenpo lon. taso lon tenpo kama lili la, kulupu nanpa tu li kama lon kin. \nni li ken. \n\ntaso ijo utala wan lon kulupu ni li lukin e mi la, li tawa sinpin mi. ijo utala ni li pana e poki suli tawa mi. \npoki ni li poki pi soweli pona. \n\n## toki tu tu: lon anpa pi sewi walo lon sewi pi telo suno \n\nmi lon… mi sona ala e lon mi. \nmi open e oko mi la, mi ken taso lukin e pimeja. ijo ala li lon pimeja. \nmi pini e oko mi la, mi kute e kalama ala. kalama ala li lon. \n\nken la, tenpo li tawa lon tenpo lon. mi sona ala. tawa mi la, tenpo li tawa ala. \n\nmi kama lape ala la, mi kama lape. mi kama lape la, mi kama lape ala. \nmi sona ala e nasin lape. \nmi sona ala e sona mi. \n\nlon tenpo wan la, kalama suli wan li kama lon. kalama suli wan li lon. \n[ kalama! ] \nlon mi li kama suno mute lon tenpo lili. oko mi li kama pini tan suno ni. kepeken tenpo la, mi open sin e oko mi. \nmi kama lukin e sewi. sewi tomo li lon. lukin la, sewi tomo ni li sama sewi pi tomo mi. mi sona ala. \nmi lukin e poka la, ijo wan li lon. ijo ni li sama ala soweli pona. mi ken ala sona. \nlon tenpo la, ijo ni li pana e kalama: \n[ … pona … moku … ] \n[ … wile sina … soweli pona sina … ] \nmi kute e kalama. taso mi sona ala e kalama ni. \nijo ni li kama luka e mi. mi sona ala e luka ni \n\nlon tenpo la, luka ni li kama weka. kalama ni li kama weka. \nmi pini e oko mi, li kama lape. \ntenpo li tawa lili la, mi kama lape ala sin. \nijo sin li lon poka mi. mi open e oko mi, li lukin e ijo lon poka mi. mi sona ala e ijo ni. \n\nmi lukin lukin e ijo ni la, ijo ni li sama moku. \nmi ken moku e moku ni. \nlon poka ijo ni la, ijo sama telo li lon. \nmi ken moku e telo ni. \nmi kama sona e ni. \n\nmi kama moku e moku e telo. lon tenpo ni la, mi kama lukin e sitelen lon supa poka. \nmi lukin e sitelen ni la, kijetesantakalu wan li lon sitelen ni. \nlen pi kijetesantakalu ni li loje. luka pi kijetesantakalu ni li kiwen. oko pi kijetesantakalu ni li suno. \nkijetesantakalu ni li kijetesantakalu sewi Seliwa. mi kama sona e ni. \nmi lukin e mi la, len mi li pona ala. luka mi li nasa. mi ken ala lukin e oko mi. \n\nmi moku e moku e telo la, mi kama lape sin. taso lon tenpo lili la, mi kama lape ala. sin li kama lon lawa mi. \nkule mute li kama lon li tawa sike lon lawa mi. kule ni li tawa sike li tawa sike. \nkepeken tenpo la, mi kama lukin e kule ni. mi kama kama sona sin e mi. \nmi kama sona sin e wile mi. \n\nmi wile kama ijo wawa. mi wile kama ijo utala wawa. \nmi wile tawa lon poka pi soweli pona mi. mi wile utala lon poka pi soweli pona mi. \n\nni li wile mi. \nmi open e oko mi. mi lukin e tomo lon. tomo lon li tomo mi taso. mi lon tomo mi. \nmi kama weka tan supa lape. sitelen pi sewi Seliwa li lon supa poka. \nmi lukin e sewi Seliwa. sinpin pi sewi Seliwa li suwi. \nmi kama sona sin e lon mi. \nmi awen lape lon tomo mi tan tenpo pini. \nlon tenpo pini ni la, mi kama sona e toki ike. soweli pona mi – soweli pona Menaka – li kama moli tan utala. \nmi kama sona sin e toki ike ni la, pilin mi li kama ike ike. oko mi li kama telo. \nni li ala a. \nken la. \nken la, mi wawa la, mi ken tawa utala lon poka pi soweli pona. \nken la, mi lon poka la, mi ken pona e utala pi soweli pona, li ken len e soweli pona. \nken la, lon tenpo lon la, soweli pona li awen lon poka mi, li kama moli ala. \npilin ni li pilin ike. taso pilin ni li pilin mi. \nmi kama sona sin e pilin mi. \n\nmi toki insa mute. \nlon tenpo la, mi kama wile pilin e kon tan telo Eneli. mi wile lukin e telo lon telo Eneli. \nmi open e lupa pi tomo mi. kon li kama tawa insa pi tomo mi. kon ni li lete ala li pona. \n\nmi kama tawa noka lon poka pi telo Eneli. \nmi lukin sewi la, suno li kama kama weka. sewi li kama pimeja. \nmi lukin anpa mi la, telo lon telo Eneli li tawa li kama pimeja kin. \nkon li tawa la, mi ken pilin e kon telo e kon kasi. kon tan kasi palisa suli lon poka pi telo Eneli li suwi pilin mute. tenpo lon li ken tenpo pona. mi pilin pi pona lili. \n\nmi kama lon sinpin pi tomo moku. kon moku li kama lon. mi open e lupa pi tomo moku ni, li lukin e insa pi tomo moku ni. \nijo mute li lon tomo moku. ijo wan li lukin e mi la, ijo ni li kama tawa sinpin mi. \nmi lukin e ijo ni la, mi toki: \n[ a! waso Kipo o! ] \nwaso Kipo li toki tawa mi. \n[ toki! sina awen lon tomo sina lon tenpo mute. ni li ike. sina ken kama lon tomo moku la, ni li pona. ] \nmi toki e ni: \n[ sina pona. a! ijo lon tomo mi lon tenpo pini li sina anu seme a. mi ken ala kama sona e ijo lon tenpo ni. ] \n[ ni li mi. mi lon. sina lon tenpo ni li ike mute. taso sina kama pona la, ni li pona tawa mi kin. o kama lon insa o kama moku mute! ] \n[ sina pona. ] \nmi toki e ni. \n\nsuno lon tomo moku li suno. ijo pi kule mute li kama lon tomo moku ni, li moku e moku mute, li kama pona, li kama weka. \nmi pana e moku tawa uta mi. moku ni li pona mute. \nmi toki insa mute la, mi kama sona e wile mi sin. wile mi sin li sama wile mi lon tenpo pini. \nmi wile ala e ni: toki sama toki pi soweli pona li kama lon sin. \nmi ken taso kama ijo utala wawa. mi wile taso kama ijo utala wawa. \n\nmi toki tawa waso Kipo: \n[ mi ike a. sina wile ala wile tawa noka lon poka pi telo Eneli lon poka mi a. ] \nwaso Kipo li pona, li toki: \n[ ken a. sina moku pona la, mi ken kama tawa noka. ] \n\nsewi li kama pimeja. telo lon telo Eneli li kama pimeja kin. \nkon li tawa la, kasi palisa suli lon poka telo li kalama. \nwaso Kipo en mi li kama tawa noka lon poka pi telo Eneli. \nmi toki tawa waso Kipo: \n[ mi wile taso kama ijo utala wawa, li sama pona Menaka li sama sina. mi wile tawa tomo sona suli lon ma insa Silon li pona e usawi mi. sina ken la, mi wile e ni: sina ken tawa e mi tawa ma suli sewi. ] \nwaso Kipo li toki: \n[ sina ante ala e wile sina, li awen wile kama ijo utala wawa la, ni li pona. ken! mi ken tawa e sina tawa tomo suli sewi. ] \n[ sina pona! pona mute tawa sina. ] \nmi toki e ni tawa waso Kipo. \n\n ★ ★ ★ \n\ntenpo li tawa lili. \n\nlon tenpo ni la, mi ijo mute mute. \nmi toki tawa ijo sitelen wan la, ijo sitelen ni li sitelen e soweli pona tawa mi. \nni la, mi tawa tomo pi soweli pona. mi pona e ijo lon tomo, li pana e sitelen ni lon insa insa tomo. mi toki e toki pini, li pana e pilin pona tawa soweli pona mi. \nmi kama jo e ijo mute tan soweli pona mi. mi kama jo e sona usawi, e wawa pilin, e tenpo suwi tan soweli pona. mi wile weka sona ala, li ken weka sona ala e sona pi soweli pona mi, e sona pi soweli pona Menaka lon tenpo kama ale. \n\nmi toki tawa ijo utala ante. toki pi ijo utala la, utala pi akesi loje li ike ike. \nsoweli pona li wawa li utala pona. lon tenpo ni la, akesi loje li kama tawa anpa, li tawa utala e kulupu pi soweli pona. soweli pona li len e ijo utala ante, li kama moli tan ni. \nmi toki e pona tawa ijo utala ale lon ma insa Newa Tan Eneli. ijo utala lon ma insa Newa li suwi tawa soweli pona li suwi tawa mi. \n\nmi kama sona mute e waso Kipo lon tenpo ni. lon la, waso Kipo li ijo utala usawi wawa wawa. waso Kipo li wile kama jo e mani mute. tan ni la, waso Kipo li kama ijo esun lon nasin nena pi akesi loje. waso Kipo li jo e mani la, waso Kipo li wile tawa ma supa linluwi tawa ma ante mute. \ntan ni la, waso Kipo li sama ala ijo esun ante. lon nasin nena pi akesi loje la, waso Kipo li wile ala e ijo utala wawa lon poka. waso Kipo li ijo utala wawa. \nwaso Kipo li kama lon ma insa Newa la, waso Kipo li lukin e soweli pona e mi. linluwi pi mi tu li pona mute tawa waso Kipo. waso Kipo li ijo wan wan lon tenpo mute. \nkin la, mi tu li wile wile pona e usawi pi mi tu. waso Kipo li wile pona pona u usawi pi waso Kipo lon tenpo ale, li pilin sama kin. \nsoweli pona li kama moli la, ni li ike tawa waso Kipo. waso Kipo li wile tawa e mi tawa tomo sona suli. ni li pona tan waso Kipo, li suwi tan waso Kipo. \nwaso Kipo li waso pi pona mute. \n\n ★ ★ ★ \n\ntenpo li tawa la, tenpo suno tawa li kama lon. \ntenpo li open pi tenpo suno. mi kama lape ala tan supa lape. mi kama kepeken len usawi, li luka e poki suli mi. \nlon poki suli ni la, sitelen pi soweli pona en sitelen pi sewi Seliwa li lon. mi pana e moku mute e kasi misikeke e len seli e lipu usawi tawa lipu suli ni. \nmi open e lupa pi tomo lape lon la, waso Kipo li open e lupa pi tomo pi waso Kipo. \nwaso Kipo en mi li toki pona. mi tu li lukin e poki pi mi tu. ijo ale li lon poki. mi tu li pona. \n\nkon li kama suno. telo li kama walo. \nlon sinpin pi tomo lape la, waso Kipo li luka e mi. ni la, waso Kipo li kama tawa kon tawa sewi. \nmi lukin e anpa. tomo li lon mute lon ma insa Newa Tan Eneli. \nlon poka la, telo Eneli li linja li tawa. suno li kama lon. telo Eneli li kama suno. \nwaso Kipo li luka e mi, li tawa kon tawa nena suli tawa ma suli sewi, li tawa lon anpa pi sewi walo lon sewi pi telo suno. \n\n## toki tan jan pali. \n\nmi jan pali. mi pali e lipu ni. \nsina wile lukin e lipu suli ni la, ni li pona mute. pona tawa sina. \ntoki pona li sin tawa mi. nasin toki mi li ken ike. \nlon tenpo sike lon la, sitelen tawa Mushoku Tensei II li kama lon. sitelen pi sitelen ni tawa li pona ala tawa mi. taso toki pi sitelen ni tawa li pona mute. mi pali e lipu ni tan toki Mushoku Tensei. taso mi sona e ni: lipu mi li pona ala li sama ala toki pona Mushoku Tensei. \nsina wile toki e nasin toki pona e nasin toki e toki Mushoku Tensei tawa mi la, sina ken. utala pona li pini la, sina ken toki tawa mi. \n\nante la, mi wile toki e pona tawa ijo ale lon ma pona. mijun Niwe anu kala Asi anu soko Miselija anu jan Likipi anu ijo ante. \nmi wile toki e pona tawa ijo ale lon ma sona pi toki pona. jan Ke Tami anu moku ala Samo anu ilo Tani anu sike Sapi anu ijo Wen. \nkin la, mi wile toki e pona tawa jan lakuse kin. \nsina ale li suwi mute tawa mi. pona tawa sina ale. \n\npini!","filePath":"poki/plaintext/2024/08/lon-anpa-pi-sewi-walo-lon-sewi-pi-telo-suno.md","digest":"274ed863de8d85a9","rendered":{"html":"<hr>\n<p>lon lipu ni la, toki ni li lon. toki ni li pona ala tawa sina la, sina wile ala lukin e lipu ni.</p>\n<ul>\n<li>toki pi ike pilin li ken lon. ijo li ken kama pakala li ken kama moli.</li>\n</ul>\n<p>mi wile toki e nasin toki mi. sina sona ala e nasin toki ni la, ken la, sina ken ala sona e toki mi.</p>\n<ul>\n<li>nimi „lon“ anu nimi „tan“ anu nimi „tawa“ anu nimi sama la, mi kepeken nimi ni lon toki ale. mi ken kepeken nimi ni la, mi wile ni, li wile kepeken ala nimi „pi“. mi sitelen e nasin toki ni la, toki « telo lon poki li pona » li ken sama toki « telo li lon poki · telo ni li pona ». toki « mi moku e pan tan tomo » li ken sama toki « pan li lon tomo · mi kama jo e pan tan tomo · mi moku e pan ».</li>\n<li>lon lipu ni la, mi kepeken nimi „jan“ ala. mi kepeken nimi „ijo“. mi sitelen e nasin toki ni la, lon toki « ijo esun li pana e ijo tawa mi » la, toki « ijo esun » li ken sama toki « jan esun ».</li>\n<li>mi kepeken nimisin. nasin nimi ni li sama nasin nimi lon lipu Linku. taso, nasin nimi wan li sama ala nasin nimi ni lon lipu Linku. nasin ni li nasin pi nimi „linluwi“. tan lipu Linku la, linja mute li lon; linja ni li kama lon e ijo wawa la, ni li toki « linluwi ». sitelen la, toki « linluwi » li sama sitelen ｢▦｣. tan mi la, linja tu li lon; linja tu ni li kama lon ma sama la, ni li toki « linluwi » kin. sitelen la, toki « linluwi » li ken sama sitelen ｢⊞｣ kin li ken sama sitelen ｢+｣ kin.</li>\n<li>mi kepeken nimi wan lon tenpo tu la, toki ni li kama suli li kama mute. mi sitelen e nasin toki ni la, toki « kili li suwi suwi » li ken sama toki « kili li suwi mute ». toki « ijo wan wan » li ken sama toki « ijo wan taso »</li>\n<li>mi kepeken nasin nanpa pona. nanpa LA li nanpa luka ale, li sama nanpa ale ale ale ale ale.</li>\n</ul>\n<hr>\n<h1 id=\"lon-anpa-pi-sewi-walo-lon-sewi-pi-telo-suno\">lon anpa pi sewi walo lon sewi pi telo suno</h1>\n<h2 id=\"toki-wan-toki-open\">toki wan: toki open</h2>\n<p>palisa kasi li seli, li seli.<br>\nmi luka e palisa ni, li pana e palisa ni lon sinpin pi sitelen sewi.<br>\nmi lukin e sitelen ni. ijo sewi li lon sitelen. ijo sewi ni li kijetewantakalu. lukin la, sinpin pi kijetenitakalu sewi li suwi. luka pi kijetenitakalu sewi li wawa. len pi kijetenitakalu sewi li loje.<br>\nnimi pi kijetenitakalu sewi li nimi sewi Seliwa. kijetesantakalu sewi Seliwa li kijetewantakalu tan tenpo pini. lon tenpo ni la, monsuta mute mute li lon ma lon. kijetesantakalu sewi Seliwa li ijo wawa, li utala e monsuta kepeken usawi, li anpa e monsuta. ni la, ma lon li kama pona li kama suwi. kijetesantakalu sewi Seliwa li ijo pona tawa ma lon.<br>\nmi lukin e sitelen ni. mi toki insa: [ suwi tawa sewi Seliwa. pona tan pali mi. ]<br>\nsitelen ni li pana e kule tawa oko mi, li pana e wawa tawa pilin mi.</p>\n<p>mi weka tan tomo sewi.<br>\nkon sewi li pimeja. len li lon mute lon kon sewi. lon tenpo lili la suno li kama lon. sewi li kama walo.<br>\nnasin telo linja wan li lon sinpin pi tomo sewi. nimi pi telo linja ni li nimi Eneli.<br>\nmi tawa noka lon poka pi telo Eneli. telo lon telo Eneli li tawa kin.<br>\ntenpo lon li open pi tenpo sike. kasi palisa lili li kama lon anpa telo. kasi ni li lili li ken ala kama lon sewi telo. tenpo li kama lili la, kon li kama seli lili la, kasi puwa puwa li kama lon telo Eneli lon poka pi kasi palisa ni kin.<br>\nlon poka poka telo la, kasi palisa suli li lon mute. kasi palisa suli ni li lon tenpo ale pi tenpo sike. lon tenpo lete pi tenpo sike la, kasi ni li jelo. lon tenpo lon la, kasi ni li kama laso.<br>\nmi luka e kasi palisa suli, li pilin e kon tan kasi ni. kon ni li kon kasi li pona pilin.<br>\nni la, mi tawa noka lon poka pi telo Eneli tawa tomo utala.</p>\n<p>tomo utala li lon insa insa pi ma insa.<br>\nma insa lon li ma insa esun wan. ma ni li suli suli ala. tomo MA li lon ma insa ni. ma insa esun ni li kama lon tan telo Eneli. nimi pi ma insa ni li nimi Newa Tan Eneli.<br>\nlon sewi tan ma Newa Tan Eneli la, nena mute suli li lon. nena mute ni li linja li sama akesi suli. nimi pi nena ni li nimi Akesi Loje.<br>\nlon nena pi akesi loje la, kon li lete lete. telo li lete li kama kiwen lon tenpo ale pi tenpo sike.<br>\nnasin wan taso li lon nena ni. nasin ni li ike li monsuta. taso, kepeken nasin ni la, ijo esun li ken tawa ma lon ante pi nena pi akesi loje. tan toki pi ijo esun la, ma ante ni li suli li pona mute.<br>\ntawa wan lon nasin ni li wile kipisi pi tenpo sike. lon tenpo sike wan la, ijo esun ken taso tawa lon tenpo tu lon nasin ni.<br>\nante la, lon linluwi tan ma Newa Tan Eneli la, ma li kama supa li kama lete ala. telo Eneli li tawa ma supa ni. kasi pi kule mute li lon ma ni.<br>\nijo esun mute li tawa e kili e kasi misikeke tan ma supa ni kepeken nasin telo Eneli tawa ma insa Newa Tan Eneli. ijo esun sin li tawa e ni kepeken nasin nena pi akesi loje tawa ma suli ante.<br>\nlon tawa ni la, ijo esun li lukin e mun lili wan. lon tenpo pimeja la, mun lili ni li suno. mun lili ale li tawa sike tan mun ni. tan ni la, toki pi ijo esun la, mun ni li mun sewi. ma suli lon ante nena li ma suli sewi.<br>\njasima la, ijo esun li tawa e kiwen namako e lipu usawi tan ma suli sewi tawa ma Newa tawa ma supa kepeken nasin nena kepken nasin telo Eneli.<br>\nlon tawa jasima ni lon meso pi tenpo sike la, ijo esun li lukin e mun ante. mun ni li mun lili tu tu, li lon ante pi mun sewi. ijo esun li linja e mun tu tu lon sewi la, linja ni li kama lon e linluwi. linluwi ni li leko leko ala, li kiki. ijo esun li linja tan kiki linluwi la, linja sin ni li kama tawa ma insa Newa Tan Eneli tawa ma supa. tan ni la, toki pi ijo esun la, mun ni li mun linluwi suli. ma supa li ma supa linluwi kin.<br>\nijo esun tan ma Newa li toki musi e ni:<br>\n[ mi tawa ma sewi la, mun sewi li lawa. mun linluwi li kama la, mi tawa mama. ]</p>\n<p>nena pi akesi loje li lete. nasin nena li ike. kin la, monsuta wawa wawa li lon nena ni.<br>\ntan ni la, ijo esun li wile tawa lon nasin nena pi akesi loje la, ijo esun li wile e ijo utala wawa lon poka.<br>\nkulupu esun suli la, ijo utala wawa li ken lon insa kulupu lon tenpo ale. taso ijo esun wan wan la, ijo esun ni li wile alasa e ijo utala lon tomo utala lon ma insa Newa Tan Eneli. tomo utala li kama lon tan ni.<br>\ntan tenpo pini la, mi wile utala lon tawa pi nena pi akesi loje. mi wile tawa lon nasin ni li wile tawa lukin e ma suli sewi. taso tawa ni li wile e ijo utala wawa taso. ijo utala li wawa ala la, ijo esun li ken ken kama moli tan monsuta.<br>\nmi ijo utala wawa ala. mi ken ala utala lon tawa ni.</p>\n<p> ★ ★ ★ </p>\n<p>mi tawa noka lon ma insa Newa Tan Eneli, li tawa tomo utala.<br>\nkon sewi li kama suno taso lon tenpo lon. nasin lon ma insa li kama suno lili.<br>\nmi kama lon sinpin pi tomo utala la, mi open e lupa pi tomo utala. ijo ala li lon tomo utala.<br>\nijo ala li lon ma wan la, mi pilin pi pona lili.</p>\n<p>tomo utala li tomo suli. supa anpa pi tomo ni li tan kiwen walo pona. meso pi tomo ni li tan kiwen jelo suli. sewi tomo li tan kiwen lipu pimeja mute. suno usawi lili li lon mute. linja li linja e suno usawi ni tan sewi tomo.<br>\nlon anpa pi suno usawi la, supa kiwen suli wan li lon. lipu sitelen li lon mute lon supa ni. lipu sitelen ni li tan ijo mute lon ma Newa. ijo li wile e ijo utala la, ijo li pana e lipu lon supa ni.<br>\nsupa lili mute li lon ante pi supa ni. lon supa ni la, ijo utala li ken awen li ken toki tawa ijo utala ante tawa ijo ante.<br>\nmi lukin e lipu lon supa suli la, lipu pi kule mute li lon.<br>\nlipu pi kule nanpa wan li lipu suli laso. lipu ni tu wan li lon. lipu ni li tan ijo esun. tenpo lon li open pi tenpo sike. lon tenpo kama lili la, ijo esun lon ma Newa li kama tawa ma suli sewi.<br>\nmi wawa ala. lipu ni li ken ala tawa mi.<br>\nlipu pi kule nanpa tu li lipu lili walo. lipu ni mute li lon. lipu ni li tan ijo pi kule mute. ijo kiwen li wile alasa e kiwen seli e kiwen namako tan nena pi akesi loje la, ijo kiwen li wile e ijo utala lon poka. monsuta li kama lon ma poka la, ijo lon ma poka li wile e anpa pi monsuta ni. len tan monsuta pi kule wan li usawi li pona tawa len ijo la, ijo len li wile kama jo e len ni. lipu sama ni li lon.<br>\nlipu ni mute li kama ken tawa mi lon tenpo sike lon.<br>\nlon tenpo pini lili la, lipu ni ale li ken ala tawa mi.<br>\nlipu pi kule nanpa tu wan li lipu lili jelo. pali lon lipu ni li pona ala. ijo kiwen li wile pakala e kiwen suli lon ma supa. ijo kiwen li wile e ijo utala usawi. ijo utala usawi li ken pakala e kiwen kepeken tenpo lili. tenpo lon li open pi tenpo sike la, ijo kasi li wile e ijo pali mute, li kasi e ma. lipu mute pi kule ni li tawa ijo pi utala ala. mani lili lili li ken kama lon tan pali lon lipu ni.</p>\n<p>mi lukin e pali lon lipu mute la, lupa pi tomo utala li kama open.<br>\nmi kute e kalama ni, li lukin monsi tawa lupa la, mi lukin e ijo pona mi. ijo pona mi li lon.<br>\n[ tenpo pona! ]<br>\nijo pona li toki e ni.<br>\nijo pona mi li soweli wan. nimi pi soweli ni li nimi Menaka.<br>\n[ pona Menaka o! tenpo pona kin! ]<br>\nmi toki e ni.<br>\nsoweli pona Menaka li soweli nja. oko pi soweli pona li laso. kule ni li sama kule pi telo Eneli lon meso pi tenpo sike, li pimeja, li jasima. len pi soweli pona li walo walo taso. ijo jaki taso li lon ala soweli pona.<br>\nmi lukin e soweli pona la, uta pi soweli pona li suwi.<br>\n[ kasi lon poka pi nasin suli li kama laso. lipu kasi lili li kama lon. sina sona ala sona e ni? ]<br>\n[ a, mi sona ala! mi wile tawa lukin. ]<br>\nnasin suli li nasin nanpa wan lon ma insa Newa Tan Eneli. nasin ni li tan linluwi pi ma insa Newa tawa ma esun tawa tomo utala. kasi suli li lon poka pi nasin ni. kepeken tenpo la, kasi suli ni li kama kule li kama pona lukin mute.<br>\n[ pona a! mi tu li ken tawa lukin. sina kama lukin e pali pona anu seme? ]<br>\nsoweli pona li tawa poka pi supa kiwen suli.<br>\n[ pali lon lipu ni li ken pona. monsuta usawi tu li kama lon ma. ijo kasi li wile weka li wile anpa e monsuta, li wile kasi e ma ni. ]<br>\nmi luka e lipu walo wan. soweli pona li lukin e lipu ni.<br>\n[ ijo utala li ken weka li anpa e monsuta kepeken tenpo lili lili la, ijo kasi li wile pana e mani mute. ]<br>\nsoweli pona li toki e toki ni tan lipu. mi lukin tawa soweli pona la, oko pi soweli pona li suno.<br>\n[ ni li pona mute a. ]<br>\nsoweli pona li toki:<br>\n[ mi tu li ken kama tawa ma ni lon tenpo lon! ]<br>\nsoweli pona li pana e lipu ni tawa poki la, mi tu li kama weka tan tomo utala.</p>\n<p>mi tu li tawa wawa noka lon nasin suli tawa linluwi.<br>\nsoweli pona li lon soto. mi lon teje.<br>\nsuno li suno suli li suno seli lon soto pi mi tu. sewi li laso.<br>\nlen li lon mute lon sewi lon tenpo pini lili la, len mute ni li kama weka. sewi li kama suli.<br>\nkasi suli mute li lon poka pi nasin suli.<br>\nkasi suli ni li kama laso. lipu kasi lili li kama lon.<br>\nijo esun lon nasin suli li toki pona tawa soweli pona. mi tu li toki pona sama.<br>\nkon li tawa tan monsi pi mi tu. mi tu li tawa wawa.<br>\n[ lon tenpo kama ale la mi wile lon poka pi soweli pona. ]<br>\nmi toki insa e ni.</p>\n<h2 id=\"toki-tu-ijo-utala-wawa\">toki tu: ijo utala wawa</h2>\n<p>soweli pona Menaka li ijo utala wawa, li sama ala mi.</p>\n<p>soweli pona li kama sona e usawi tan tenpo pini pini.<br>\nlon tenpo ni la, soweli Menaka li soweli lili taso, li awen lon nena lili wan lon poka pi ma Newa Tan Eneli.<br>\nlon tenpo wan la, soweli usawi wan li wile alasa e kasi usawi lon nena ni. nimi pi soweli usawi ni li nimi Leme. lon tawa lon nena ni la, soweli Leme li kama sona e soweli Menaka.<br>\nsoweli Menaka li suwi tawa soweli Leme. lon tenpo mute la, soweli Menaka li alasa e kasi usawi tawa soweli Leme. jasima la, soweli Leme li pana e sona pi usawi seli utala tawa soweli Menaka.<br>\nsoweli Menaka li ijo wawa. soweli Menaka li kama sona e usawi seli tan soweli Leme la, soweli Menaka li pali mute e usawi ni. usawi pi soweli Menaka li kama pona mute.<br>\ntenpo li tawa. soweli Leme li wile tawa ma weka tan ma Newa la, soweli Leme li pana e sona pi tomo utala tawa soweli Menaka.<br>\ntan tenpo ni la, soweli Menaka li pali mute tan pali tan tomo utala. soweli Menaka li kama jo e mani la, soweli Menaka li esun e lipu usawi tan ijo esun, li pona e usawi pi soweli Menaka.<br>\nsoweli Menaka li kama wawa tan pilin wawa pi soweli Menaka. soweli Menaka ni li ijo wawa lon.</p>\n<p>mi toki lape e toki pi soweli pona Menaka la, mi kama lape ala.<br>\nsewi li pimeja. kon li tawa. kon ni li kama lete ala.<br>\ntenpo li tawa lili tan open pi tenpo sike lon. tenpo lon la, kasi puwa puwa li kama lon telo Eneli. kasi palisa suli lon poka pi telo Eneli li kama laso mute.<br>\nmi pana e toki mi tawa sewi Seliwa la, mi weka tan tomo sewi li tawa tomo utala.<br>\nmi wile lukin e soweli pona Menaka. soweli pona li pilin pona la, mi pilin pi pona lili.</p>\n<p>mi open e lupa pi tomo utala la, mi lukin e insa pi tomo utala.<br>\nlon tenpo mute la, mi kama lon tomo utala la, ijo ala li lon. mi nanpa wan. taso lon tenpo lon la, ni li ala.<br>\n[ toki a! ]<br>\nijo lon insa pi tomo utala li toki tawa mi. mi lukin e ijo ni la, ijo ni li soweli pona mi, li soweli pona Menaka.<br>\n[ toki! sina nanpa wan a lon tomo utala! ]<br>\n[ a a! lon tenpo la, mi ken kama nanpa wan kin! ]<br>\n[ pona a! ]<br>\nmi toki e ni. sinpin pi soweli pona li musi li pona pilin. soweli pona li toki:<br>\n[ ante la, mi kama sona e lupa anpa. tomo anpa mute li lon anpa pi lupa ni. ijo kasi wan li toki e sona ni tawa mi lon tenpo pimeja pini. ]<br>\n[ tan ni taso la, sina kama nanpa wan lon tomo utala a? ]<br>\nmi toki musi e ni.<br>\n[ ala a. mi wile lukin e sina la, mi tawa kepeken tenpo lili. ]<br>\nsoweli pona li toki musi tawa mi.<br>\n[ tomo anpa ni li ike ala ike a. ]<br>\nmi toki e ni.<br>\n[ ijo kasi li sona ala. taso mi tu li lon la, monsuta seme taso li kama wawa ala. ]<br>\n[ ni la pona a. ]<br>\nmi toki e ni.</p>\n<p>tomo anpa li lon mute lon poka pi ma Newa Tan Eneli. tomo anpa ni mute li linluwi li suli.<br>\ntoki pi ijo kiwen la, tomo anpa mute li kama lon tan telo lon anpa. telo li ken pakala e kiwen li kama lon e tomo kiwen kepeken tenpo suli.<br>\nmonsuta mute li ken awen lon tomo anpa. tomo anpa mute li suli ala. ni li ike tawa ijo utala usawi. ijo utala usawi li wile weka tan monsuta. ni la, luka monsuta li ken ala pakala e ijo usawi. usawi tan ijo usawi li ken pakala e monsuta. tomo li lili la, ijo usawi ken ala kama weka tan monsuta.<br>\ntaso soweli pona la, ni li ala. soweli pona li sona e usawi kipisi suli. ijo pi mute ala li sona e usawi ni.<br>\njasima tan ijo utala usawi mute la, soweli pona li ken pakala pakala e monsuta lon tomo lili. usawi kipisi pi soweli pona li suli li wawa. lon tenpo mute la, soweli pona li wile wile utala e monsuta lon poka poka monsuta. ni li wawa.</p>\n<p>mi tu li kama lon lupa anpa ni.<br>\nlupa ni li lupa lili, li len lon monsi pi kiwen suli wan. kasi usawi nasa li lon poka pi lupa ni.<br>\nmonsuta li lon insa pi lupa anpa la, kasi usawi li kama lon lon poka lupa. soweli pona en mi li sona e sona ni.<br>\nmi tu li kama jo e kiwen pi usawi suno tan poki. mi tu li pali e usawi tawa kiwen ni la, kiwen ni li kama suno. mi tu li pana e kiwen ni tawa lawa pi mi tu. kin la, soweli pona li kama jo e kiwen usawi. monsuta li kama lon lon tenpo lili la, soweli pona li ken kepeken kiwen ni li weka e monsuta.<br>\nni la, mi tu li tawa insa pi lupa anpa ni. tomo anpa lili li kama lon insa. tomo ni li linja. kasi usawi li lon mute lon tomo ni.<br>\nmi tu li tawa insa pi tomo ni la, tomo linja sin li lon.<br>\ntomo linja sin ni li kama pimeja. suno sewi li ken ala suno e tomo insa ni.<br>\nmi tu li tawa insa pi tomo ni la, tomo suli li kama lon. tomo suli ni li pimeja. kasi usawi li kama weka. mi tu li lukin e sewi tomo kepeken kiwen pi usawi suno la, kiwen leko nasa li lon mute. kiwen leko ni li laso li usawi ala.<br>\ntomo lili linja sin li lon tu wan li linluwi tan tomo suli ni.<br>\nmi tu li kute e kalama telo tan tomo linja wan. monsuta mute li ken lon poka telo. tan ni la, mi sitelen e tomo pini lon sinpin pi tomo suli la, mi tu li tawa insa pi tomo linja ni. tomo linja ni li sama tomo linja pini tu.<br>\ntaso lon meso pi tomo linja ni la, kiwen lon anpa li kama lili. mi tu li lukin e sinpin la, telo wan tawa li lon.<br>\ntelo ni tawa li tawa tan insa pi tomo linja. telo ni li tawa kiwen lili mute ni la, telo li kama anpa li kama weka.<br>\nsoweli pona li tawa poka pi telo ni li lukin e telo lon telo ni. telo li kule ala.<br>\nni la, mi tu li tawa tawa jasima pi telo ni li tawa insa pi tomo linja ni.<br>\nkon lon tomo linja ni li telo mute. mi lukin e poka la, kasi usawi lili li lon.<br>\nsoweli pona li lukin e kasi ni la, soweli pona li toki:<br>\n[ kasi ni li kasi usawi wan. kasi ni li wile ala suno a. kasi ni li mute ala. ]<br>\nsoweli pona li toki kin:<br>\n[ sona mi la, ijo esun usawi li wile e kasi ni. mi tu li ken kama jo e kasi ni. ]<br>\nsoweli pona li toki e ni. mi lukin e soweli pona. taso lon tenpo lili lili la, soweli pona li kama tawa wawa tawa monsi mi.<br>\nmi lukin e monsi mi la, monsuta wan li kama lon!</p>\n<p>monsuta ni li monsuta suli ala, taso monsuta ni li ken wawa.<br>\nkepeken tenpo lili la, soweli pona li pali e usawi seli. seli sike li kama lon li tawa monsuta lon tenpo lili. monsuta li kama moli.<br>\nsoweli pona li lukin tawa mi. soweli pona li toki:<br>\n[ ni li monsuta nanpa wan a. ]<br>\nmi lukin tawa soweli pona. taso monsuta nanpa tu li kama lon monsi pi soweli pona kin!<br>\nmi tawa sinpin, li pali e usawi suno. suno linja ni li kama tawa monsuta. monsuta nanpa tu li kama moli.<br>\ntomo lili lon li awen kalama. lon tenpo lili la, monsuta tu sin – ala – monsuta tu wan sin – ala – monsuta mute sin li kama lon.<br>\n[ mi pali e usawi seli suli. ]<br>\nsoweli pona li toki e ni.<br>\nsoweli pona li sewi e luka. seli sike suli li kama lon. seli sike suli ni li kama suno suno la, soweli pona li tawa e seli sike suli tawa monsuta. monsuta mute li kama moli.<br>\nmonsuta wan taso li len lon monsi pi kiwen wan. soweli pona li tawa sinpin pi kiwen len ni kepeken tenpo lili, li pali e usawi kipisi. luka monsuta li wile pakala e soweli pona. taso soweli pona li pakala e monsuta kepeken usawi kipisi lon tenpo pini. monsuta li kama kipisi li kama moli.<br>\nmi lukin sinpin tawa utala pi soweli pona. utala ni li pona li suli. tawa pi soweli pona li nena ala. usawi pi soweli pona li wawa.<br>\nsoweli pona li lukin monsi tawa mi. soweli pona li toki.<br>\n[ sina pona kin? ]<br>\nmi toki e ni:<br>\n[ sina wawa wawa a. mi pakala ala. ]</p>\n<p>utala li pini. kalama pi telo tawa taso li lon, mi tu li kama awen pilin.<br>\n[ mi tu li ken kama kama jo e kasi usawi ni. ]<br>\nsoweli pona li toki la, mi tu li kama jo e kasi usawi lili lon poka pi telo tawa.<br>\nmi wile kama sona e usawi kipisi tan soweli pona. soweli pona li toki e sona tawa mi. taso mi ken ala pali pona e usawi ni.<br>\n[ lon tenpo pini lili la, mi sike e luka mi. tan ni la, usawi kipisi li kama nena ala li kama wawa. ]<br>\nsoweli pona li toki tawa mi la, mi lukin pali e usawi kipisi tawa kiwen poka. usawi ni li kipisi ala.<br>\nsoweli pona li tawa poka mi, li sitelen e nasin pali, li sike e luka mi. mi pali e usawi sin la, usawi ni li kama kipisi.<br>\n[ ni li pona. ]<br>\nsoweli pona li toki.</p>\n<p>kepeken tenpo la, mi tu li kama jo e kasi usawi.<br>\nmi tu li tawa insa pi tomo linja ni. tomo linja sin li lon tu li linluwi tan insa. telo tu tawa li tawa tan tomo linja tu ni li kama wan lon tomo linja lon.<br>\n[ tomo anpa ni li linluwi li suli a. ]<br>\nmi toki e ni.<br>\ntenpo li tawa la, mi tu li tawa mute lon tomo anpa ni.<br>\ntelo tawa li ken kama lon tan kiwen len li ken kama weka tan kiwen anpa.<br>\nlon tomo suli wan la, mi tu li kama lukin e kiwen usawi suli unu. kiwen usawi ni li kiwen li kipisi ala. taso kiwen ni li suli mute. mi tu li ken ala pana wan e kiwen ni tawa poki pi mi tu.<br>\nlon tomo suli ante la, mi tu li kama jo e kiwen usawi loje. kiwen usawi ni li pona tawa usawi pi kule mute. mi tu li ken esun e kiwen ni tawa ijo esun.<br>\nmonsuta li kama lon lon tenpo mute. mi tu li anpa e monsuta pi kule mute.<br>\nmonsuta wan li sama ko li ken ante e sijelo. monsuta ni li nasa mute. taso mi tu li anpa e monsuta ni kepeken usawi seli kepeken usawi suno.<br>\nmonsuta wan ante la, luka kiki tan monsuta ni li ken kama misikeke. mi tu li kama jo e luka kiki ni mute.<br>\ntenpo li tawa mute la, mi tu li kama jo e ijo mute. mi tu li wile tawa weka tan tomo anpa ni.<br>\nmi sitelen e sitelen mute lon tomo mute. mi tu li ken kepeken sitelen mute ni li tawa lupa.<br>\nmi tu li musi. tawa lon tomo anpa ni li pona mute.<br>\ntaso mi tu li kama lon tomo suli nanpa wan la, noka pi mi tu li kama pini.<br>\nmi pilin ike. mi ken ala toki e tan.<br>\nmi lukin e soweli pona la, soweli pona li pilin sama.<br>\nmi tu li suno e supa anpa la, kiwen lon supa anpa ni li kiwen li nasa ala.<br>\nmi tu li suno e sewi tomo la, kiwen leko laso taso li lon. kiwen ni li usawi ala li nasa ala.<br>\ntaso lon tenpo ni ni la:<br>\n[ kalama! ]<br>\nmi tu li kute e kalama.<br>\nkiwen lon noka mi li kama tawa lili.<br>\n[ kalama! ]<br>\nmi tu li kute e kalama nanpa tu.<br>\nkiwen lili mute lon sewi li kama tawa anpa.<br>\n[ kalama! ] [ kalama! ] [ kalama! ]<br>\nmi tu li lukin e tan kalama la, mi tu li lukin e monsuta suli!<br>\nmonsuta wan suli li lon!</p>\n<p>monsuta ni li suli mute. len pi monsuta ni li laso li kiwen lukin. sinpin pi monsuta ni li nasa pilin. ni li ike.<br>\nsoweli pona li kama tawa wawa lon tenpo lili. mi kama tawa wawa kin.<br>\nmonsuta li moku e kon mute tawa insa sijelo la, monsuta li pana e kon tawa mi. mi tawa wawa. taso mi ken ala kama weka tan kon ni.<br>\nkon ni li suli mute. kiwen lon noka mi li kama kalama.<br>\nmi tawa wawa tawa kiwen suli wan lon poka li wile len e mi. taso kiwen len ni li kama kalama kin. lon tenpo lili la, sijelo mi li kalama. lawa mi li kama kalama.<br>\nlon tenpo ni ni la, soweli pona li tawa wawa tawa poka monsuta li pali e usawi kipisi lon tenpo lili! pakala en suno li lon kipisi ni.<br>\ntan kipisi ni la, kon monsuta li kama weka lili tan mi. mi tawa wawa tawa poka li kama weka tan monsuta. ni la, mi pali e usawi suno linja tawa monsuta.<br>\nsuno linja ni li nena ala li linja mute. taso lon len monsuta la, suno linja li kama jasima li kama kipisi.<br>\nsoweli pona li tawa poka mi, li toki:<br>\n[ len ni li kiwen. mi ken taso kipisi e len. ]<br>\n[ usawi suno mi li kama jasima kin. ]<br>\nmi toki e ni.<br>\n[ mi lukin pali e usawi seli. ]<br>\nsoweli pona li toki e ni.<br>\n[ pona. o pali. ]<br>\nmi toki e ni la, mi tawa tawa monsuta li pali e usawi suno mute tawa kiwen leko lon sewi tomo. [ kalama! ] kiwen sewi mute li kama tawa anpa tawa monsuta. kiwen ni li pini e noka monsuta.<br>\nlon tenpo ni ni la, tan monsi mi la, sike seli li kama lon. mi tawa poka la, sike seli ni li kama tawa monsuta!<br>\n[ kalama! ]<br>\nmonsuta li kama monsi lili. usawi seli ni li pakala e pakala lon monsuta.<br>\n[ ni li pona! ]<br>\nmi toki e ni la, mi lukin pali e usawi suno suli tawa pakala ni.<br>\ntaso lon tenpo ni ni la, monsuta li moku e kon la, li pana e kon sin tawa mi. kon sin ni li sama ala kon pini. kon sin ni li seli seli li kiki. ni li ike. mi wile tawa weka, taso mi ken ala. kon ni li kama pakala e sijelo mi, li tawa e mi tawa kiwen monsi.<br>\nsijelo mi li kalama ike. lawa mi li nasa nasa. kiwen lon monsi mi li kama pakala li kama lili.<br>\nkepeken tenpo la, kon sin ni li kama pini.<br>\n[ ike a. ]<br>\nsoweli pona li toki, li tawa wawa tawa poka mi. soweli pona li luka e kiwen usawi suli. soweli pona li pali e usawi tawa kiwen ni la, kiwen ni li kama suno. sijelo mi li kama nasa ala. lawa mi li kama pilin.<br>\nni la, mi ken kama tawa sin.<br>\n[ mi wile pali e usawi sewi suli. ]<br>\nsoweli pona li toki tawa mi la, mi tawa sinpin sin. mi lukin e monsuta. monsuta li moku e kon sin lon tenpo lon li wile pana e kon sin.<br>\nni la, mi pali e usawi suno kepeken tenpo lili lili tawa uta monsuta. monsuta li sike e lawa. lon tenpo ni la, monsuta li kama pana e kon. kon ni li kama weka lili tan mi tu. kon ni li tawa kiwen lon poka pi soweli pona. soweli pona li pona li pakala ala.<br>\nlon tenpo ni sama la, soweli pona li kama pali mute e usawi seli. linja seli mute li kama lon tan usawi seli. lon tenpo lili la, linja seli ni ale li kama tawa monsuta.<br>\nmi lon poka, li lukin e linja seli mute ni tan soweli pona. linja seli ale ni li suno li suli. linja seli li tawa wawa tawa monsuta la, seli li kama lon.<br>\nlinja seli mute li kama tawa monsuta la, linja seli sin li kama lon. soweli pona li pali e usawi seli mute lon tenpo lili. usawi seli ale ni li pona lukin li loje suno li tawa wawa tawa monsuta.<br>\ntomo anpa lon li kama suno. kiwen leko lon sewi tomo li kama walo.</p>\n<p>tenpo li tawa lili la, seli li kama pini. kalama li kama pini. monsuta li kama tawa ala.<br>\nmi lukin e soweli pona la, sinpin pi soweli pona li wawa pilin.<br>\nmi tu li kama poka monsuta, li lukin e monsuta. monsuta li kama kipisi li kama moli.</p>\n<p>kepeken tenpo lili la, mi tu li kama lon lupa pi tomo anpa.<br>\nmi lukin e sewi. suno li kama weka. sewi li kama pimeja.<br>\nkon suwi li tawa. kon kasi en kon telo li lon kon ni tawa. mi pilin e kon.<br>\nsoweli pona en mi li luka e poki pi mi tu, li tawa lon nasin tawa ma insa Newa Tan Eneli.<br>\nkasi suli mute li lon poka nasin. kasi suli ni li laso taso li pona lukin.</p>\n<p>usawi seli pi soweli pona li seli, li nasa ala. mi lukin e usawi pi soweli pona lon tenpo wan la, mi ken ala weka sona e lukin ni.<br>\nlon tenpo lape lon tenpo suno ni la, mi awen lukin insa e usawi wawa pi soweli pona.<br>\nsoweli pona li ijo utala wawa. soweli pona li ijo wawa.<br>\nmi wile taso kama sama soweli pona, li kama ijo utala wawa.<br>\nmi toki insa e ni la, mi kama lape.</p>\n<h2 id=\"toki-tu-wan-tenpo-seli\">toki tu wan: tenpo seli</h2>\n<p>mi lon tomo sewi.<br>\ntenpo li tawa tan open pi tenpo sike. kon li kama seli.<br>\nmi kama jo e palisa kasi tan poki mi. mi seli e palisa la, mi pana e palisa ni lon sinpin pi sitelen pi kijetesantakalu sewi Seliwa.<br>\nsinpin pi kijetesantakalu sewi Seliwa li suno. oko pi kijetesantakalu sewi Seliwa li suwi. len pi kijetenitakalu sewi Seliwa li loje.<br>\nmi lukin e sitelen pi kijetesantakalu sewi Seliwa. mi toki insa: [ suwi tawa sewi Seliwa. wawa tan pali mi. ]</p>\n<p>mi weka tan tomo sewi.<br>\nkon sewi li laso. suno li suno.<br>\ntenpo li tenpo seli pi tenpo sike. kon li kama seli mute.<br>\nlon tenpo mute la, kon sewi li ken telo. taso tenpo lon la, len li lon lili lon kon sewi. sewi li telo ala.<br>\nmi tawa noka lon poka pi telo Eneli tawa ma esun. kasi ale lon poka pi telo Eneli li laso laso.<br>\nkasi sin li kama lon telo Eneli. kasi ni li sama ala kasi palisa lili lon open pi tenpo sike. kasi ni li suli. lipu pi kasi ni li lon sewi telo li sike mute. lon tenpo la, iseki li kama lon sewi lipu. iseki ni li kama open la, iseki ni li pona lukin mute.<br>\nkasi palisa suli lon poka pi telo Eneli li kama suli li kama sewi. kon pi kasi palisa suli ni li suwi li pona pilin.</p>\n<p>tenpo li tawa tan open pi tenpo sike la, usawi mi li kama pona lili kin. mi kama kama sona e usawi kipisi tan soweli pona. mi ken ala utala pona kepeken usawi kipisi lon tenpo lon. taso utala mi li kama pona lili.<br>\nante la, soweli pona li kama wawa mute. lon tenpo pini lili la, soweli pona li utala e monsuta telo suli lon telo Eneli li anpa e monsuta ni. ni li suli. ijo mute lon ma insa Newa li toki e utala ni.</p>\n<p>mi kama lon ma esun.<br>\nmi lukin e ma esun la, ma esun lon tenpo lon li sama ala ma esun lon tenpo mute. ilo tawa li lon mute lon poka nasin. ijo li lon mute lon tomo poki.<br>\nlon tenpo pini lili la, ijo esun mute tan nasin nena pi akesi loje li kama kama lon ma insa Newa. ijo esun ni li kama tawa tan ma suli sewi lon open pi tenpo sike, li tawa lon nasin nena pi akesi loje lon kipisi pi tenpo sike, li kama lon ma insa Newa lon tenpo seli lon tenpo lon.<br>\nlon tenpo suno pini la, ijo esun sin wan li kama lon. lon suno kama lili la, ijo esun ante mute li wile kama lon.<br>\nijo esun ni mute li tawa e kiwen namako e lipu usawi. ijo esun ni li wile esun e ijo ni lon ma insa Newa. ni la, ijo esun ni li kama esun e ijo sin, li kama tawa e ijo sin ni tawa ma suli sewi lon tenpo kama lili.</p>\n<p>mi kama lon insa insa pi ma esun.<br>\nsona pi soweli pona la, ijo esun sin tan tenpo suno pini li tawa e lipu usawi. ijo esun sin ni li wile esun e lipu usawi lon tenpo suno lon.<br>\nlon tenpo kama lili la, soweli pona li kama lon kin.<br>\n[ toki a! ]<br>\nmi toki e ni la, soweli pona li toki:<br>\n[ toki a. sina pilin pona anu seme a lon tenpo. ]<br>\n[ mi pilin pona. mi ken kama jo e sona usawi sin la, mi pilin pona. ]<br>\nmi toki e ni.<br>\n[ sama a. ]<br>\nsoweli pona li toki.<br>\nmi tu li toki musi, li kama tawa tomo esun suli. tomo esun suli li tomo suli nanpa wan lon ma esun. lon tomo esun suli la, supa esun mute li lon. ijo esun ale li ken kama jo e supa esun wan kepeken pali lili, li ken esun e ijo lon supa esun.<br>\nsoweli pona li toki tawa ijo esun ante la, ijo esun ante li toki e supa pi ijo esun sin tawa mi tu. mi tu li kama tawa supa ni. taso ijo esun sin li lon ala.</p>\n<p>suno li kama sewi lon tenpo lon. ijo esun mute li open e esun lon tomo esun suli.<br>\nlon tenpo ni la, waso wan li kama lon supa ni.<br>\nwaso ni li waso suli. sijelo pi waso ni li walo pimeja. taso luka en monsi pi waso ni li laso telo. lukin la, luka pi waso ni li wawa wawa. ken la, waso ni li tawa ma mute.<br>\n[ toki! mi waso Kipo. mi kama lon ma insa Newa lon tenpo suno pini. a. sina soweli Menaka anu seme. ]<br>\nwaso li toki tawa soweli pona.<br>\n[ toki! toki! waso Kipo o. sina sona e mi a! ]<br>\nsoweli pona li toki.<br>\n[ mi kute e sona pi sina anu sina tu lon tomo moku lon tenpo pimeja pini. toki tan ijo ante la, sina tu li ijo usawi pona. sina kama sona e ijo esun pi lipu usawi la, sina wile kama esun e lipu usawi. ]<br>\n[ a. ni li lon. mi tu li wile lukin e lipu usawi mute li wile pona e usawi pi mi tu. ]<br>\n[ pona a. ijo sama sina tu li pona tawa mi. ]<br>\nwaso Kipo li toki la, waso Kipo li kama jo e lipu usawi mute tan poki, li pana e lipu usawi tawa supa.<br>\nwaso Kipo li jo e lipu usawi mute mute!<br>\nlipu usawi mute tan waso Kipo li lipu tan tenpo pini. sona tan lipu ni li suli li mama tawa usawi lon tenpo lon.<br>\nlipu usawi mute kin li lipu sin. mi tu li sona ala e lipu sin ni mute.<br>\nlipu tawa usawi pi kule mute li lon. lon nanpa wan la, mi tu li wile alasa e lipu tawa usawi kipisi. ijo lili li sona e usawi kipisi. lipu tawa usawi kipisi li mute ala mute ala. kepeken tenpo la, mi kama lukin e lipu wan. sinpin pi lipu ni li toki: [ usawi kipisi suli: nasin sin tawa usawi kipisi suli ] lon anpa pi toki suli ni la, toki lili wan li lon: [ tan waso usawi Liniku ]<br>\nmi pana e lipu ni tawa soweli pona la, oko pi soweli pona li kama suno.<br>\n[ a! lipu ni li tan waso usawi Liniku. mi sona ala e lipu ni. taso lipu ale tan waso usawi Liniku li pona. ]<br>\nsoweli pona li toki la, soweli pona li open e lipu.<br>\n[ waso Liniku li pali e lipu ni lon tenpo sike pini. lipu ni li sin sin. ]<br>\nwaso Kipo li toki.<br>\nmi tu li lukin e insa lipu la, nasin usawi en sona usawi li lon mute lon lipu ni. soweli pona li toki:<br>\n[ nasin usawi lon lipu ni li sin. mi sona ala e nasin usawi ni. mi tu li wile esun e lipu ni. ]<br>\nsinpin pi waso Kipo li kama suwi. waso Kipo li toki:<br>\n[ sina tu li wile pona e usawi pi sina tu. ni li pona tawa mi. mi ken esun e lipu ni tawa sina tu. ]<br>\n[ sina pona! ]<br>\nsoweli pona en mi li toki.<br>\n[ sina wile ala wile e lipu ante kin. ]<br>\nwaso Kipo li toki.<br>\n[ mi la, mi wile e lipu usawi tawa usawi seli. taso lipu tawa usawi ante li lon la, mi wile kama sona e usawi ante kin. ]<br>\nsoweli pona li toki e ni.<br>\n[ mi wile e lipu tawa usawi suno. sama soweli pona la, ken la mi wile kama sona e usawi ante kin. ]<br>\nmi toki e ni.<br>\nwaso Kipo li toki:<br>\n[ sina tu li pona a. lipu mute tawa usawi seli tawa usawi suno li lon. sina ken alasa e lipu pona. ]</p>\n<p>tenpo li tawa lili la, mi tu li kama lukin e lipu pona mute.<br>\nmi tu li esun e lipu mute ni tan waso Kipo. ni la, mi tu li kama weka tan tomo esun.<br>\n[ waso Kipo li jo e lipu mute mute a. ]<br>\nmi toki e ni.<br>\n[ lon a. lipu mute pi waso Kipo li pona. waso Kipo li sona e lipu pona. ]<br>\nsoweli pona li toki.<br>\n[ ken la, waso Kipo li ijo utala kin. ]<br>\n[ ni li ken a. ]<br>\nsoweli pona li toki musi.<br>\nmi tu li tawa noka lon ma insa Newa tawa poka pi telo Eneli. lon poka telo la, mi tu li ken lukin e lipu, li ken lukin pali e usawi tan lipu.<br>\ntaso mi tu li tawa lon poka pi tomo utala la, mi tu li kute e kalama mute lon tomo utala.<br>\n[ kalama ni li seme a. ]<br>\nsoweli pona li toki e ni.<br>\nkute la, ijo mute mute li lon tomo utala li toki. ni li nasa.<br>\nmi tu li tawa tomo utala li tawa lukin.</p>\n<p>lon tomo utala la, ijo utala mute mute li lon.<br>\nlon insa insa pi tomo utala la, ijo esun tu li lon.<br>\nijo esun tu ni li ike lukin. len pi ijo esun tu ni li pakala. oko pi ijo esun tu ni li suno ala. ni li nasa.<br>\nijo utala mute li kama lukin e soweli pona la, li tawa toki tawa soweli pona.<br>\ntan toki pi ijo utala mute la, ike li lon:<br>\nakesi loje suli wan li kama lon poka lon nasin nena pi akesi loje. akesi loje ni li anpa e kulupu pi ijo esun ni. ijo utala tu wan lon kulupu ni li kama moli. ijo esun tu ante li kama moli. ijo esun tu ni taso li ken kama weka tan akesi loje li kama moli ala.</p>\n<p>akesi loje la, mi sona. mi ale li sona. akesi loje li monsuta wawa nanpa wan.<br>\nakesi li suli suli. sijelo pi akesi wan li ken sama ma insa lili wan. akesi li tawa lon kon sewi la, sewi ale li ken kama len. suno li ken kama pimeja. usawi pi akesi loje li ike. akesi loje li pali e usawi tawa ijo wan la, ijo ni li ken ala tawa weka lon tenpo lili lili la, ijo ni li moli.<br>\nakesi loje li lon poka pi ma insa Newa Tan Eneli. toki ni li toki pi ike mute. ken la, akesi li kama tawa ma insa la, ma insa ale li ken kama pakala.<br>\nkin la, ijo esun mute li lon nasin nena pi akesi loje li wile kama lon ma insa Newa lon tenpo kama lili. ijo esun ni ale li ken kama moli tan akesi loje ni. ni li toki ike.<br>\nlon tenpo lon la, ijo utala wawa mute li kama lon tomo utala. ijo utala wawa ni li wile kama kulupu li tawa anpa e akesi loje. lon kulupu ni la, ijo utala wawa tan ma Newa Tan Eneli li lon. mi sona e ijo utala ni mute. taso ijo utala mute tan ma suli sewi li lon kin. ijo utala ni li kama lon ma insa Newa lon tenpo pini lili la, li wile tawa utala sin e akesi loje. ijo utala mute ni li wawa wawa kin.<br>\nijo utala li toki tawa soweli pona:<br>\n[ soweli Menaka o. sina kama sona e toki a. sina wile la, mi ale li wile e ni: sina tawa utala e akesi loje kin lon kulupu. ]<br>\nkepeken tenpo lili lili la, soweli pona li toki wawa jasima:<br>\n[ ken! mi wile kama lon insa pi kulupu ni li wile utala e akesi loje. ]<br>\nsoweli pona li ijo wawa. akesi loje li monsuta wawa wawa, taso soweli pona li awen pilin ala, li toki jasima kepeken tenpo lili.<br>\nmi wile utala lon poka pi soweli pona kin. mi toki:<br>\n[ a. mi ken ala ken utala kin? ]<br>\nmi toki e ni la, ijo utala li lukin e mi, li toki tawa mi:<br>\n[ mi ike a. mi sona e wile sina. sina wile utala lon poka pi ijo pona sina. taso akesi loje li monsuta ike nanpa wan. mi la mi tawa utala e akesi loje la, mi ken kama moli. sina la sina ken ken kama pakala. sina wile utala lon kulupu. mi ale li pilin pona. taso, ni li ken ala. mi ike. ]<br>\nsoweli pona li kute e ni la, soweli pona li wile toki e toki seme tawa ijo utala. taso soweli pona li toki e toki ala.<br>\nmi lukin e soweli pona la, oko pi soweli pona li nasa pilin. soweli pona li kama toki tawa mi:<br>\n[ mi wile mute e ni: sina tawa utala lon poka mi. taso akesi suli la, ken la mi ken ala len e sina lon tenpo ale. sina kama moli la, ni li ike ike ike tawa mi. mi wile ala e ni. ]<br>\n[ mi sona. ]<br>\nmi toki tawa soweli pona li pana e uta pona tawa soweli pona.<br>\nmi sona. mi ijo utala wawa ala. mi wile utala lon poka pi soweli pona lon tenpo ale. taso lon tenpo mute la, ni li ken ala. soweli pona li wan li utala e monsuta.</p>\n<p> ★ ★ ★ </p>\n<p>tenpo li tawa li tenpo pimeja.<br>\nmi lon tomo moku.<br>\nlon tenpo pini lili la, kulupu utala li kama weka tan ma insa Newa Tan Eneli.<br>\nijo utala LLLTW li lon kulupu utala. mi lon ala kulupu la, mi awen lon ma insa Newa.<br>\nmi moku e moku lon tomo moku, li toki insa e ijo pini.</p>\n<p>tan tomo utala la, soweli pona en mi li tawa tomo pi soweli pona.<br>\nsoweli pona li pana e lipu usawi sin tawa supa lipu. ni la, soweli pona li kama jo e poki suli. soweli pona li kama jo e kiwen usawi pi kule mute tan supa usawi, li pana e kiwen usawi ni tawa poki.<br>\nsoweli pona li kama kepeken len usawi wawa. soweli pona li pana e len seli kin tawa poki. lukin pi soweli pona li pona wawa.<br>\nsoweli pona li kama jo kin e misikeke e moku e ijo ante mute, li pana e ijo ni tawa poki. ni la, soweli pona li kama pona.</p>\n<p>lon tomo utala la, kulupu li kama pona. ijo utala ale li pona.<br>\nlon tenpo lili la, kulupu ni li kama tawa.<br>\nkasi palisa lon poka pi telo Eneli li suli. sewi li kama telo lili. taso sewi li kama telo lon tenpo lili. suno li kama lon.</p>\n<p>lon open pi nasin nena pi akesi loje, kulupu en mi li kama weka.<br>\nakesi loje li monsuta wawa. mi ken taso wile e pona tawa soweli pona tawa kulupu.<br>\nmi toki e ni tawa soweli pona:<br>\n[ sina o len pona e sina. sina o utala pona, o kama ala pakala tan akesi loje. ]<br>\n[ sina pona. mi ken pona. ]<br>\nsoweli pona li toki.<br>\n[ utala li pini la, sina o tawa pona tawa ma insa Newa. mi awen lon ma insa Newa li awen tawa sina. ]<br>\n[ pona. sina ken kama pilin pona. mi o tawa pona. ]<br>\nsoweli pona li toki pona.</p>\n<p>mi lon tomo moku wan.<br>\nsoweli pona li tawa utala li kama weka. mi ken taso awen tan soweli pona lon ma insa. mi wile taso e pona pi soweli pona.</p>\n<p>lon tenpo lon la, toki li kama tawa mi.<br>\n[ toki! sina ijo usawi lon poka pi soweli Menaka anu seme. ]<br>\nmi kama lukin e ijo toki la, waso Kipo li lon.<br>\n[ toki! ni li lon. ]<br>\nwaso Kipo li toki:<br>\n[ seme li lon a. lukin mi la, pilin sina li pona ala a. ]<br>\nmi toki e ni:<br>\n[ a. lon tenpo pini la, toki pi ijo esun tu la, akesi loje li kama lon nasin nena pi akesi loje. ijo utala mute li kama utala e akesi loje. ]<br>\n[ ni li ike! soweli Menaka li tawa utala kin anu seme. ]<br>\n[ ni li lon. mi ijo utala wawa ala la, mi ken ala. ]<br>\nmi toki pi wawa ala e ni.<br>\n[ a. mi kama sona. ]<br>\nwaso Kipo li toki.</p>\n<p>ni la, mi kama toki ala. waso Kipo li lukin e ni la, li toki sin:<br>\n[ ijo utala lon ma insa Newa li pona a. ijo utala li anpa e akesi loje la, ijo esun sama mi li ken tawa pona lon nasin nena pi akesi loje. ]<br>\n[ ni li lon. ]<br>\nmi toki.<br>\nwaso Kipo li toki:<br>\n[ soweli Menaka li ijo pona tawa sina anu seme. sina tu li suwi a. ]<br>\nmi toki:<br>\n[ soweli Menaka li soweli pona tawa mi. lon tenpo pini la, mi lon poka moli tan monsuta la, taso pona Menaka li kama len e mi li kama moli e monsuta. tan pona Menaka la, mi kama moli ala. tan tenpo ni la, pona Menaka li pana e sona usawi mute tawa mi. mi kama ijo utala tan pona Menaka kin. ]<br>\nwaso Kipo li kute e toki mi. mi awen toki:<br>\n[ lon tenpo lon la, pona Menaka li kama ijo utala wawa wawa. taso mi ijo utala pi wawa ala. mi wile utala lon poka pi pona Menaka. taso ni li ken ala. ]<br>\nwaso Kipo li kute la, waso Kipo li toki:<br>\n[ ni li ala. sina ken kama ijo utala wawa lon tenpo kama lili. mi ken toki e ni. ]<br>\n[ sina pona. ]<br>\nwaso Kipo li toki kin:<br>\n[ kin la, sina tu li sona e usawi kipisi a. ijo mute li sona ala e usawi ni. ]<br>\n[ a. ] mi toki: [ tan tenpo pini la, pona Menaka li wile pona mute e usawi pi pona Menaka. pona Menaka li kama jo e lipu usawi mute li lukin e lipu mute. pona Menaka li kama sona e usawi kipisi tan lipu wan. ]<br>\n[ ni li pona a. sina ken pali e usawi kipisi kin anu seme. ]<br>\nwaso Kipo li toki.<br>\n[ mi kama pali e usawi kipisi lon tenpo sike lon. taso lon tenpo lon la, mi ken ala pali pona e usawi kipisi. pona Menaka li ken pali pona. ]<br>\n[ a. lukin mi la, usawi kipisi sina li ken kama pona kin. ]<br>\n[ sina pona. a kin la ] mi toki sin: [ pona Menaka li toki e ni a. lukin la, sina sona mute e usawi. ken la, sina ijo utala usawi kin. ]<br>\nwaso Kipo li toki:<br>\n[ a. oko pi soweli Menaka li pona a. lon la, mi ijo utala usawi kin. ]<br>\nmi toki e ni:<br>\n[ ni li wawa a. sina kama ijo utala usawi la, sina ken kama ijo esun kin. ]<br>\n[ a a. ni li ala. mi esun ike. ]<br>\nwaso Kipo li toki.<br>\n[ kin la, ] waso Kipo li toki: [ sina sona ala tomo sona suli lon ma insa Silon a. ]<br>\nmi sona e nimi ni:<br>\n[ a. mi sona e ni. tomo sona ni li tomo sona nanpa wan lon ma suli sewi. ]<br>\n[ lon. soweli Menaka en sina li wile pona pona e usawi pi sina tu la, sina tu li ken tawa tomo sona suli ni. ]<br>\n[ mi kama sona. ijo ante lon tenpo pini li toki e ni tawa mi tu kin. mi tu li kama jo e mani mute li ken tawa ma suli sewi lon nasin nena pi akesi loje la, mi tu li wile tawa tomo sona ni. ]<br>\n[ ni li pona. ]<br>\nwaso Kipo li toki.</p>\n<p>waso Kipo li toki e toki mute tawa mi lon tomo moku. waso Kipo li toki ala e wawa pi waso Kipo. taso tan toki la, waso Kipo li ken taso ijo wawa wawa. waso Kipo li sona mute e usawi, li tawa ma mute lon tenpo pini.<br>\nmi tu li pini e moku la, waso Kipo en mi li kama weka. waso Kipo li tawa tomo lape pi waso Kipo. mi tawa tomo mi.</p>\n<p>mi lon supa lape lon tomo mi. mi toki insa e soweli pona e waso Kipo.<br>\nwaso Kipo li tawa suli lon nasin nena pi akesi loje tawa ma insa Newa.<br>\nlon tenpo lon la, soweli pona li lon nasin nena pi akesi loje kin.<br>\nmi wile e pona taso tawa utala pi soweli pona.<br>\nmi open e oko mi, li lukin e sitelen pi soweli Seliwa lon supa poka.<br>\n[ sewi tawa sewi Seliwa. pona taso tawa soweli pona mi. ]<br>\nni la, mi kama lape.</p>\n<p> ★ ★ ★ </p>\n<p>suno li kama, li weka, li kama.<br>\nkon li kama seli, li kama lete, li kama seli sin.<br>\ntenpo suno tu li weka.<br>\nkulupu pona li kama ala lon ma insa Newa. soweli pona li kama ala lon ma insa Newa.<br>\nmi awen lon ma insa Newa lon poka pi nasin nena pi akesi loje.<br>\nmi lukin e lipu usawi sin tan waso Kipo, li lukin pali e usawi tan lipu ni.<br>\ntelo lon telo Eneli li tawa. kalama telo li lon.<br>\nmi lukin tawa nasin nena pi akesi loje la, ijo ala li kama lon.</p>\n<p>lon tenpo lon tenpo pimeja la, mi toki tawa waso Kipo lon tomo moku. waso Kipo li sona e sona usawi mute, li pona tawa mi.<br>\nlon tenpo lape la, mi toki e toki e wile mi tawa sewi Seliwa. sinpin pi sewi Seliwa li suwi.</p>\n<p> ★ ★ ★ </p>\n<p>suno li weka, li kama sin, li weka sin, li kama sin.<br>\ntenpo suno tu tu li kama weka.<br>\nsona pi kulupu utala li lon ala. ijo ala li kama lon tan nasin nena pi akesi loje. ijo utala li kama lon ala. ijo esun li kama lon ala kin.</p>\n<p>mi lon poka pi nasin nena pi akesi loje, li lon poka pi telo Eneli.<br>\nmi lukin e lipu usawi mi. telo li tawa lon telo Eneli.<br>\nkon li tawa la, mi ken pilin e kon pi kasi palisa e kon telo.<br>\nmi lukin tawa sewi la. len li lon mute lon sewi. lon tenpo lon la, suno li tawa len. sewi li kama pimeja.<br>\n[ ni li ike! ] mi toki insa e ni.<br>\nmi tawa wawa tawa tomo, li wile pana e lipu usawi tawa tomo. lipu li wile ala telo.<br>\nni la, mi tawa sin tawa poka pi nasin nena pi akesi loje.</p>\n<p>sewi li kama telo lon tenpo lili.<br>\nmi moku e telo tan sewi la, telo ni li pona. mi pilin e kon la, kon telo li suwi.<br>\nmi lukin tawa nasin nena pi akesi loje la, ijo ala li lon.<br>\nmi pini e oko mi. kalama telo taso li lon.</p>\n<p>mi lape lili lon ma ni. taso lon tenpo kama ni ni la, mi ken kute e kalama mute.<br>\nmi open e oko mi lon tenpo lili li lukin tawa kalama ni.<br>\nkalama ni li tan nena pi akesi loje.<br>\nmi tawa nasin nena pi akesi loje la, mi ken lukin e ijo mute lon weka.<br>\nijo mute ni li kulupu utala!<br>\nmi tawa wawa tawa ijo mute ni.<br>\nmi kama lon poka pi ijo mute ni la, nasa li kama lon: mi ken ala kama lukin e soweli pona mi.<br>\nni li nasa mute.<br>\nni li ken ala.<br>\nmi pini e oko mi, li open sin li oko mi, li kama lukin.<br>\ntaso soweli pona li lon ala.<br>\nmi wile toki tawa ijo ante la, lon tenpo lon la, mi kama lukin e sinpin pi ijo ante.<br>\npilin pi ijo ale li ike li nasa.<br>\nmi lukin e ijo ale la, ijo LL taso li lon. sona mi la, ijo utala LLLTW li lon kulupu utala.<br>\na! mi sona! ni li ken. kulupu ni li kama kulupu tu lon utala. ijo utala LL li lon kulupu nanpa wan. kulupu ni li kama lon ma insa Newa lon tenpo lon. taso lon tenpo kama lili la, kulupu nanpa tu li kama lon kin.<br>\nni li ken.</p>\n<p>taso ijo utala wan lon kulupu ni li lukin e mi la, li tawa sinpin mi. ijo utala ni li pana e poki suli tawa mi.<br>\npoki ni li poki pi soweli pona.</p>\n<h2 id=\"toki-tu-tu-lon-anpa-pi-sewi-walo-lon-sewi-pi-telo-suno\">toki tu tu: lon anpa pi sewi walo lon sewi pi telo suno</h2>\n<p>mi lon… mi sona ala e lon mi.<br>\nmi open e oko mi la, mi ken taso lukin e pimeja. ijo ala li lon pimeja.<br>\nmi pini e oko mi la, mi kute e kalama ala. kalama ala li lon.</p>\n<p>ken la, tenpo li tawa lon tenpo lon. mi sona ala. tawa mi la, tenpo li tawa ala.</p>\n<p>mi kama lape ala la, mi kama lape. mi kama lape la, mi kama lape ala.<br>\nmi sona ala e nasin lape.<br>\nmi sona ala e sona mi.</p>\n<p>lon tenpo wan la, kalama suli wan li kama lon. kalama suli wan li lon.<br>\n[ kalama! ]<br>\nlon mi li kama suno mute lon tenpo lili. oko mi li kama pini tan suno ni. kepeken tenpo la, mi open sin e oko mi.<br>\nmi kama lukin e sewi. sewi tomo li lon. lukin la, sewi tomo ni li sama sewi pi tomo mi. mi sona ala.<br>\nmi lukin e poka la, ijo wan li lon. ijo ni li sama ala soweli pona. mi ken ala sona.<br>\nlon tenpo la, ijo ni li pana e kalama:<br>\n[ … pona … moku … ]<br>\n[ … wile sina … soweli pona sina … ]<br>\nmi kute e kalama. taso mi sona ala e kalama ni.<br>\nijo ni li kama luka e mi. mi sona ala e luka ni</p>\n<p>lon tenpo la, luka ni li kama weka. kalama ni li kama weka.<br>\nmi pini e oko mi, li kama lape.<br>\ntenpo li tawa lili la, mi kama lape ala sin.<br>\nijo sin li lon poka mi. mi open e oko mi, li lukin e ijo lon poka mi. mi sona ala e ijo ni.</p>\n<p>mi lukin lukin e ijo ni la, ijo ni li sama moku.<br>\nmi ken moku e moku ni.<br>\nlon poka ijo ni la, ijo sama telo li lon.<br>\nmi ken moku e telo ni.<br>\nmi kama sona e ni.</p>\n<p>mi kama moku e moku e telo. lon tenpo ni la, mi kama lukin e sitelen lon supa poka.<br>\nmi lukin e sitelen ni la, kijetesantakalu wan li lon sitelen ni.<br>\nlen pi kijetesantakalu ni li loje. luka pi kijetesantakalu ni li kiwen. oko pi kijetesantakalu ni li suno.<br>\nkijetesantakalu ni li kijetesantakalu sewi Seliwa. mi kama sona e ni.<br>\nmi lukin e mi la, len mi li pona ala. luka mi li nasa. mi ken ala lukin e oko mi.</p>\n<p>mi moku e moku e telo la, mi kama lape sin. taso lon tenpo lili la, mi kama lape ala. sin li kama lon lawa mi.<br>\nkule mute li kama lon li tawa sike lon lawa mi. kule ni li tawa sike li tawa sike.<br>\nkepeken tenpo la, mi kama lukin e kule ni. mi kama kama sona sin e mi.<br>\nmi kama sona sin e wile mi.</p>\n<p>mi wile kama ijo wawa. mi wile kama ijo utala wawa.<br>\nmi wile tawa lon poka pi soweli pona mi. mi wile utala lon poka pi soweli pona mi.</p>\n<p>ni li wile mi.<br>\nmi open e oko mi. mi lukin e tomo lon. tomo lon li tomo mi taso. mi lon tomo mi.<br>\nmi kama weka tan supa lape. sitelen pi sewi Seliwa li lon supa poka.<br>\nmi lukin e sewi Seliwa. sinpin pi sewi Seliwa li suwi.<br>\nmi kama sona sin e lon mi.<br>\nmi awen lape lon tomo mi tan tenpo pini.<br>\nlon tenpo pini ni la, mi kama sona e toki ike. soweli pona mi – soweli pona Menaka – li kama moli tan utala.<br>\nmi kama sona sin e toki ike ni la, pilin mi li kama ike ike. oko mi li kama telo.<br>\nni li ala a.<br>\nken la.<br>\nken la, mi wawa la, mi ken tawa utala lon poka pi soweli pona.<br>\nken la, mi lon poka la, mi ken pona e utala pi soweli pona, li ken len e soweli pona.<br>\nken la, lon tenpo lon la, soweli pona li awen lon poka mi, li kama moli ala.<br>\npilin ni li pilin ike. taso pilin ni li pilin mi.<br>\nmi kama sona sin e pilin mi.</p>\n<p>mi toki insa mute.<br>\nlon tenpo la, mi kama wile pilin e kon tan telo Eneli. mi wile lukin e telo lon telo Eneli.<br>\nmi open e lupa pi tomo mi. kon li kama tawa insa pi tomo mi. kon ni li lete ala li pona.</p>\n<p>mi kama tawa noka lon poka pi telo Eneli.<br>\nmi lukin sewi la, suno li kama kama weka. sewi li kama pimeja.<br>\nmi lukin anpa mi la, telo lon telo Eneli li tawa li kama pimeja kin.<br>\nkon li tawa la, mi ken pilin e kon telo e kon kasi. kon tan kasi palisa suli lon poka pi telo Eneli li suwi pilin mute. tenpo lon li ken tenpo pona. mi pilin pi pona lili.</p>\n<p>mi kama lon sinpin pi tomo moku. kon moku li kama lon. mi open e lupa pi tomo moku ni, li lukin e insa pi tomo moku ni.<br>\nijo mute li lon tomo moku. ijo wan li lukin e mi la, ijo ni li kama tawa sinpin mi.<br>\nmi lukin e ijo ni la, mi toki:<br>\n[ a! waso Kipo o! ]<br>\nwaso Kipo li toki tawa mi.<br>\n[ toki! sina awen lon tomo sina lon tenpo mute. ni li ike. sina ken kama lon tomo moku la, ni li pona. ]<br>\nmi toki e ni:<br>\n[ sina pona. a! ijo lon tomo mi lon tenpo pini li sina anu seme a. mi ken ala kama sona e ijo lon tenpo ni. ]<br>\n[ ni li mi. mi lon. sina lon tenpo ni li ike mute. taso sina kama pona la, ni li pona tawa mi kin. o kama lon insa o kama moku mute! ]<br>\n[ sina pona. ]<br>\nmi toki e ni.</p>\n<p>suno lon tomo moku li suno. ijo pi kule mute li kama lon tomo moku ni, li moku e moku mute, li kama pona, li kama weka.<br>\nmi pana e moku tawa uta mi. moku ni li pona mute.<br>\nmi toki insa mute la, mi kama sona e wile mi sin. wile mi sin li sama wile mi lon tenpo pini.<br>\nmi wile ala e ni: toki sama toki pi soweli pona li kama lon sin.<br>\nmi ken taso kama ijo utala wawa. mi wile taso kama ijo utala wawa.</p>\n<p>mi toki tawa waso Kipo:<br>\n[ mi ike a. sina wile ala wile tawa noka lon poka pi telo Eneli lon poka mi a. ]<br>\nwaso Kipo li pona, li toki:<br>\n[ ken a. sina moku pona la, mi ken kama tawa noka. ]</p>\n<p>sewi li kama pimeja. telo lon telo Eneli li kama pimeja kin.<br>\nkon li tawa la, kasi palisa suli lon poka telo li kalama.<br>\nwaso Kipo en mi li kama tawa noka lon poka pi telo Eneli.<br>\nmi toki tawa waso Kipo:<br>\n[ mi wile taso kama ijo utala wawa, li sama pona Menaka li sama sina. mi wile tawa tomo sona suli lon ma insa Silon li pona e usawi mi. sina ken la, mi wile e ni: sina ken tawa e mi tawa ma suli sewi. ]<br>\nwaso Kipo li toki:<br>\n[ sina ante ala e wile sina, li awen wile kama ijo utala wawa la, ni li pona. ken! mi ken tawa e sina tawa tomo suli sewi. ]<br>\n[ sina pona! pona mute tawa sina. ]<br>\nmi toki e ni tawa waso Kipo.</p>\n<p> ★ ★ ★ </p>\n<p>tenpo li tawa lili.</p>\n<p>lon tenpo ni la, mi ijo mute mute.<br>\nmi toki tawa ijo sitelen wan la, ijo sitelen ni li sitelen e soweli pona tawa mi.<br>\nni la, mi tawa tomo pi soweli pona. mi pona e ijo lon tomo, li pana e sitelen ni lon insa insa tomo. mi toki e toki pini, li pana e pilin pona tawa soweli pona mi.<br>\nmi kama jo e ijo mute tan soweli pona mi. mi kama jo e sona usawi, e wawa pilin, e tenpo suwi tan soweli pona. mi wile weka sona ala, li ken weka sona ala e sona pi soweli pona mi, e sona pi soweli pona Menaka lon tenpo kama ale.</p>\n<p>mi toki tawa ijo utala ante. toki pi ijo utala la, utala pi akesi loje li ike ike.<br>\nsoweli pona li wawa li utala pona. lon tenpo ni la, akesi loje li kama tawa anpa, li tawa utala e kulupu pi soweli pona. soweli pona li len e ijo utala ante, li kama moli tan ni.<br>\nmi toki e pona tawa ijo utala ale lon ma insa Newa Tan Eneli. ijo utala lon ma insa Newa li suwi tawa soweli pona li suwi tawa mi.</p>\n<p>mi kama sona mute e waso Kipo lon tenpo ni. lon la, waso Kipo li ijo utala usawi wawa wawa. waso Kipo li wile kama jo e mani mute. tan ni la, waso Kipo li kama ijo esun lon nasin nena pi akesi loje. waso Kipo li jo e mani la, waso Kipo li wile tawa ma supa linluwi tawa ma ante mute.<br>\ntan ni la, waso Kipo li sama ala ijo esun ante. lon nasin nena pi akesi loje la, waso Kipo li wile ala e ijo utala wawa lon poka. waso Kipo li ijo utala wawa.<br>\nwaso Kipo li kama lon ma insa Newa la, waso Kipo li lukin e soweli pona e mi. linluwi pi mi tu li pona mute tawa waso Kipo. waso Kipo li ijo wan wan lon tenpo mute.<br>\nkin la, mi tu li wile wile pona e usawi pi mi tu. waso Kipo li wile pona pona u usawi pi waso Kipo lon tenpo ale, li pilin sama kin.<br>\nsoweli pona li kama moli la, ni li ike tawa waso Kipo. waso Kipo li wile tawa e mi tawa tomo sona suli. ni li pona tan waso Kipo, li suwi tan waso Kipo.<br>\nwaso Kipo li waso pi pona mute.</p>\n<p> ★ ★ ★ </p>\n<p>tenpo li tawa la, tenpo suno tawa li kama lon.<br>\ntenpo li open pi tenpo suno. mi kama lape ala tan supa lape. mi kama kepeken len usawi, li luka e poki suli mi.<br>\nlon poki suli ni la, sitelen pi soweli pona en sitelen pi sewi Seliwa li lon. mi pana e moku mute e kasi misikeke e len seli e lipu usawi tawa lipu suli ni.<br>\nmi open e lupa pi tomo lape lon la, waso Kipo li open e lupa pi tomo pi waso Kipo.<br>\nwaso Kipo en mi li toki pona. mi tu li lukin e poki pi mi tu. ijo ale li lon poki. mi tu li pona.</p>\n<p>kon li kama suno. telo li kama walo.<br>\nlon sinpin pi tomo lape la, waso Kipo li luka e mi. ni la, waso Kipo li kama tawa kon tawa sewi.<br>\nmi lukin e anpa. tomo li lon mute lon ma insa Newa Tan Eneli.<br>\nlon poka la, telo Eneli li linja li tawa. suno li kama lon. telo Eneli li kama suno.<br>\nwaso Kipo li luka e mi, li tawa kon tawa nena suli tawa ma suli sewi, li tawa lon anpa pi sewi walo lon sewi pi telo suno.</p>\n<h2 id=\"toki-tan-jan-pali\">toki tan jan pali.</h2>\n<p>mi jan pali. mi pali e lipu ni.<br>\nsina wile lukin e lipu suli ni la, ni li pona mute. pona tawa sina.<br>\ntoki pona li sin tawa mi. nasin toki mi li ken ike.<br>\nlon tenpo sike lon la, sitelen tawa Mushoku Tensei II li kama lon. sitelen pi sitelen ni tawa li pona ala tawa mi. taso toki pi sitelen ni tawa li pona mute. mi pali e lipu ni tan toki Mushoku Tensei. taso mi sona e ni: lipu mi li pona ala li sama ala toki pona Mushoku Tensei.<br>\nsina wile toki e nasin toki pona e nasin toki e toki Mushoku Tensei tawa mi la, sina ken. utala pona li pini la, sina ken toki tawa mi.</p>\n<p>ante la, mi wile toki e pona tawa ijo ale lon ma pona. mijun Niwe anu kala Asi anu soko Miselija anu jan Likipi anu ijo ante.<br>\nmi wile toki e pona tawa ijo ale lon ma sona pi toki pona. jan Ke Tami anu moku ala Samo anu ilo Tani anu sike Sapi anu ijo Wen.<br>\nkin la, mi wile toki e pona tawa jan lakuse kin.<br>\nsina ale li suwi mute tawa mi. pona tawa sina ale.</p>\n<p>pini!</p>","metadata":{"headings":[{"depth":1,"slug":"lon-anpa-pi-sewi-walo-lon-sewi-pi-telo-suno","text":"lon anpa pi sewi walo lon sewi pi telo suno"},{"depth":2,"slug":"toki-wan-toki-open","text":"toki wan: toki open"},{"depth":2,"slug":"toki-tu-ijo-utala-wawa","text":"toki tu: ijo utala wawa"},{"depth":2,"slug":"toki-tu-wan-tenpo-seli","text":"toki tu wan: tenpo seli"},{"depth":2,"slug":"toki-tu-tu-lon-anpa-pi-sewi-walo-lon-sewi-pi-telo-suno","text":"toki tu tu: lon anpa pi sewi walo lon sewi pi telo suno"},{"depth":2,"slug":"toki-tan-jan-pali","text":"toki tan jan pali."}],"localImagePaths":[],"remoteImagePaths":[],"frontmatter":{"title":"lon anpa pi sewi walo lon sewi pi telo suno","description":null,"authors":["jan Ameki"],"proofreaders":null,"date":"2024-08-10T00:00:00.000Z","date-precision":"day","tags":null,"original":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-suli/lon-anpa-pi-sewi-walo-lon-sewi-pi-telo-suno.md","https://utala.pona.la/mamtt/lipu-musi/lipu-suli/lon-anpa-pi-sewi-walo-lon-sewi-pi-telo-suno.html"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"poki"},"next":{"id":"2024/08/mi-jan","data":{"title":"mi jan","description":null,"authors":["jan Seko"],"proofreaders":null,"date":"2024-08-10T00:00:00.000Z","date-precision":"day","original":null,"tags":["moku","ma li kama jaki moli tan pali jan","pilin ike tawa jan","wan taso","utala","moli"],"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-suli/mi-jan.md","https://utala.pona.la/mamtt/lipu-musi/lipu-suli/mi-jan.html"],"archives":null,"preprocessing":null,"accessibility-notes":null,"notes":null},"body":"<style>\n .weka-open {\n text-indent: 40px;\n }\n\n</style>\n\nmi soweli. \n\nseme? mi soweli ala. mi jan. soweli li lon ala. jan li lon. seme? \n\nseme li lon? lon li seme? soweli ala li seme? jan li seme? \n\nmi wile soweli. \n\na. mi jan lon ni. \n\nmi seme? mi soweli ala lon ni. \n\nmi jan. \n\n\n***\n\n\nijo li lon. ijo ni li <u>toki.</u> \n\nmi jan. mi *toki.* sina jan. sina *toki.* <u>jan li toki.</u>\n\nsoweli li toki ala. ona li jan ala. \n\ntoki li seme? mi wile e ijo mute. \n\n… mi wile moku. \n\n\n***\n\n\ntoki li lon. toki ni li <u>pana.</u> \n\nsina *pana* e moku. mi moku e ni. mi wile ala lon ni. <u>jan li pana li toki.</u> \n\nsina toki e ni: “o moku! mi pana e moku mute tawa sina.” toki “tawa” li seme? \n\nmi wile toki. toki li lon e ijo mute. mi wile e ijo mute. \n\n\n***\n\n\ntoki li lon. toki ni li <u>sona.</u> \n\njan li toki. toki li pana e *sona.* sona li suli a. <u>jan li sona li pana li toki.</u> \n\nmi soweli… ala. mi jan. mi sona ala… \n\n… sona suli li lon ala. sona lili li lon. \n\nmi wile sona. jan li seme? sona suli li seme? mi wile ala e moku lon ni. mi wile ala e lape lon ni. mi wile e sona. \n\n\n***\n\n\ntoki sona li lon. toki ni li <u>nimi.</u> \n\ntoki lili mi li *nimi.* sona toki li lon nimi. mi toki e nimi. \n\nnimi mute li lon. mi sona ala e nimi mute. mi wile sona. \n\nmi wile sona e nimi “tawa.” ni li seme? \n\n\n***\n\n\nnimi li lon. ni li <u>tawa</u> li <u>ma</u>, li <u>tan.</u> \n\na! soweli li *tawa.* jan li *tawa.* ijo mute li *tawa.* sina tawa e moku… a, sina *pana* e moku *tawa* mi. mi wile e sona mute. \n\nijo mute li tawa lon *ma* mute. ma li lon. ni li ma. mi lon ma. moku li lon ma. jan li lon ma. ijo mute li lon ma. \n\nkasi li lon ma mi. mi *tan* ma mi. sina tan ma jan. sina jan tan ma ni. mi jan tan soweli tawa ma jan… \n\na… ijo mute li lon. mi wile lape. \n\n\n***\n\n\nnimi li lon. ni li <u>pona.</u> \n\nmi lape ala. sina toki. “sina pona ala pona?” mi toki. “pona li seme?” \n\nsina toki e ijo mute. sina pana e sona lili. mi sona e ni: \n\nmi wile moku. mi moku. mi *pona* tan ni. \n\nmi wile lape. mi lape. mi *pona* tan ni. \n\nmi wile toki. mi toki. mi *pona* tan ni. \n\npona li ijo suli. mi wile e pona. <u>jan li wile e pona, li sona, li pana, li toki.</u> \n\nmi wile sona e pona. o toki e pona tawa mi. \n\n\n***\n\n\nnimi li lon. ni li <u>sin.</u> \n\nmi lukin ala li kute ala e ijo mute. ijo mute ni li *sin* tawa mi. \n\nsina sin. sina toki e nimi sin tawa mi. \n\nsina toki. “jan li wile e sona sin.” mi jan ala jan? \n\nmi soweli ala lon ni. mi jan sin. tan seme? mi sona ala. \n\nsona mute li sin tawa mi. mi wile sona e ijo mute. ona li pona ala pona? \n\n… mi sona ala. mi wile. \n\n\n***\n\n\nnimi sin li lon. ni li <u>sama.</u> \n\nmi wile sona. mi jan ala jan? mi toki tawa sina. sina toki e ni: “sina jan. sina sama mi.” mi sona ala e nimi ni. \n\nsina toki. “o kute: ni! li! mi! pi! nimi ni li kalama sama. ni en mi en li. sona en pona…” mi sona lili e ni. \n\nsina toki. “ni la, mi en sina li *sama.* mi jan. sina jan. mi toki. sina toki. mi pona. sina pona!” \n\nmi pona. seme? mi wile toki e nimi. mi sona ala e nimi ni. mi wile sona e ona. \n\nmi wile sona e ijo mute a. mi wile sona e mi. sina wile e ni: mi jan. \n\n\n***\n\n\nnimi sin li lon. ni li <u>len</u> li <u>luka.</u> \n\nsina pana e ijo tawa mi. ona li sama sijelo sin mi tawa lukin. ijo ni li *len.* \n\nsina toki. “o len e sina! jan li wile ala lukin e sijelo pi len ala.” \n\nmi toki. “tan seme?” \n\nsina toki. “pilin jaki, anu seme? ni li nasin jan.” mi sona ala e toki ni. \n\nsina toki. “kin la, len li ken seli e sijelo sina.” \n\nmi wile e len. selo mi li lete. len li selo sin mi. linja lili li lon ona. ni li sama soweli li pona tawa mi. \n\nlen li lon sijelo lon noka mi. noka sinpin mi li *luka.* sona sin li lon. \n\n\n***\n\n\nnimi sin li lon. ni li <u>kama.</u> \n\nsina toki. “o kama!” mi sona ala e nimi ni. \n\nsina toki. “nimi kama en nimi tawa li sama lili. sina kama la, mi tu li tawa ma sin, li tawa ijo sin.” \n\nsona sin ni li lili. mi wile e sona mute. sina sona mute. mi sama ala sama sina? \n\nmi tawa ma sin. mi *kama* lon ma sin ni. \n\n\n***\n\n\nnimi sin li lon. ni li <u>pali</u> li <u>tomo.</u> \n\nijo suli a li lon ma sin ni. mi kama lon ona. \n\nsina toki. “ijo suli ni li *tomo.* tomo mute li lon ma ni. jan li pali e ona.” \n\nmi toki. “pali li seme?” sina toki. “jan li lon e ona tan ijo mute. ijo li suli la, *pali* ona li suli. ijo li lili la, *pali* ona li lili.” \n\ntomo mute li lon ma ni. jan li pali mute. <u>jan li pali li wile e pona li sona li pana li toki.</u> \n\nmi sona lili e toki sina. mi wile ala wile pali? toki mi li pona ala pona? sona mi li pona ala pona? mi sona ala. \n\nmi tawa tomo. sina toki. “tomo ni li tomo sona. o kama sona e pona ale!” mi sona ala e nimi “ale”. \n\nsina tawa lon tomo. “o kama insa!” \n\n\n***\n\n\nnimi sin li lon. ni li <u>insa</u> li <u>sitelen.</u> \n\nmi kama lon *insa* tomo. mi lukin ala e kasi e sewi e kiwen e telo lon ni. selo tomo li len e ma suli tan lukin mi. \n\na! mi lukin e ijo! … ala. mi lukin e ijo lon sinpin tomo. ona li sama ijo mute. ona li ni ala. \n\nsina toki. “ni li *sitelen.* jan li pali e ona.” \n\nmi toki. “tan seme?” \n\nsina toki e ijo mute. mi sona lili e toki sina. mi sona ala e ijo mute. \n\nmi lukin e sitelen. kasi li lon. soweli li lon. waso li lon. pipi li lon. akesi li lon. kala li lon. jan li lon. ona mute li lon sitelen. \n\n*sitelen* ni li pona tawa mi. tan seme? mi sona ala e nimi. \n\n***\n\n\n\nnimi sin li lon. ni li <u>pilin</u> li <u>nasa</u> li <u>musi.</u> \n\nsina toki. “sina pilin seme?” mi sona ala e nimi ni. \n\nsina toki. “pilin li toki lon insa sina. sina ken pilin pona, li ken pilin lete, li ken pilin nasa…” \n\nmi toki. “nasa li seme?” \n\nsina toki “a! o kute: sina soweli. taso, sina kama jan. sina sona ala sona e ijo mute?” \n\nmi sona ala. \n\nsina toki. “sina sona ala a! ijo ni li nasa tawa sina.” \n\nnimi ni li suli tawa mi. mi lukin e ijo mute sin a, li sona ala e nimi ona. mi toki. “mi pilin *nasa.*” \n\nsina toki. “seme li nasa?” \n\nmi toki. \"ijo mute, a a a. mi lukin e sitelen ni. toki insa mi… *pilin* mi? … li toki e ni: ni li pona. sitelen ni li nasa ala tawa mi. mi lukin e ijo mute lon ona. mi sona e ona.” \n\nsina toki. “a, ona li kama e pilin suli lon sina. ona li sitelen musi. musi li pona tawa sina.” \n\n*musi.* ni li nimi suli lon pilin mi. mi lukin e sitelen li pilin musi. ni li suli ala suli tawa jan? mi pilin e ni: ona li suli a. \n\n***\n\n\n\nnimi sin li lon. ni li <u>kule.</u> \n\nlukin soweli li sona e suno e walo e pimeja. kule li suli ala. \n\njan li lukin e ijo mute a! ijo ni li *kule.* mi wile sona e ona. \n\nmi lukin e sitelen musi. waso li lon sitelen ni. mi luka e ona li toki. “ni li seme?” \n\nsina toki. “ni li waso. kule ona li loje.” \n\nmi luka e telo li toki. “ni li seme?” \n\nsina toki. “ni li telo. kule ona li laso.” \n\nmi luka e sike lon sewi laso. “ni li seme?” \n\nsina toki. “ni li suno. kule ona li jelo.” \n\nmi toki. “mi wile sona e kule ale ni. ni li pona ala pona?” sina toki suli. “pona a! o ni.” mi pilin pona tan ni. \n\n\n\n***\n\nnimi sin li lon. ni li <u>ilo</u> li <u>kepeken.</u> \n\nsina pana e palisa tawa mi. “ni li *ilo* musi. o kepeken!” \n\nmi sona ala e ni. “mi o seme?” \n\nsina toki. “sina *kepeken* la, sina kama pali e musi pi wile sina. o kepeken kule. o pana e ona kepeken ilo ni. sina pona!” \n\nilo li lon luka mi. mi lukin e ona. mi pana e ona tawa kule mute. mi pana e ilo kule tawa sinpin, tawa kiwen, tawa kasi. mi pali. \n\nkule li lon tomo. sitelen mi li lon ma mute lon tomo. ni li pona ala pona? ni li musi ala musi? \n\nsina toki. “jaki a! taso, sina kama sona. o musi kepeken ni!” \n\n\n\n***\n\nnimi sin li lon. ni li <u>lipu</u> li <u>supa.</u> \n\nijo walo lili li lon ijo suli. mi lukin e ona. sina toki. “o musi lon lipu! sina wile e lipu mute la mi ken pana e ona tawa *supa* ni.” \n\nmi lili e tawa mi, li pona e tawa mi. mi sitelen lon ijo lili ni… a, lon *lipu* ni. mi sitelen e mi. mi soweli lon sitelen ni. \n\nsina toki. “sina kama pona! o pali a. pali li pona e musi sina.” \n\nsina musi lon poka mi. sina sitelen e ijo. mi sona ala e ijo ni. \n\nsina toki. “a mi pakala!... a, sitelen mi li pona ala.” \n\nmi sona ala. sitelen sina li pona tawa mi. ona li musi. mi musi ala. mi… *kama* musi. \n\nmi toki. “pali sina li pona a.” \n\nsina lukin e mi. mi lukin e uta sina. sina seme? \n\nsina toki. “mi pilin pona tan toki sina. mi kama sona. sina pona.” a… mi kama sona e nimi. mi *pilin* pona tan ni. \n\n***\n\n\n\nnimi sin li lon. ni li <u>jo</u> li <u>ken.</u> \n\nsina pana e sitelen musi mi tan supa. “o jo, ni li sitelen sina.” mi toki. “jo li seme?” \n\nsina toki. “ijo li lon sina la, sina *jo* e ijo ni. sitelen sina li sitelen sina. ni la, sina jo e ona. len li lon sijelo sina. ni la, sina jo e len. mi lon poka sina li toki tawa sina. ni la, sina jo e mi. kin la, mi jo e sina.” \n\ntoki sina li suli. mi wile e sona mute. “mi jo ala jo e sona?” \n\nsina toki. “jo! jo li suli. sina ken jo e ijo mute pi wile sina.” \n\nnimi “ken” li seme? mi wile e sona. \n\nsina toki. “o kute. sina jo e moku la, sina *ken* moku e ona. sina jo ala la, sina *ken* ala. sina jo e ilo la, sina *ken* kepeken ona. sina jo e sona la, sina *ken* kepeken ona!” \n\nsona a. <u>jan li ken li jo li musi li pali li wile e pona li sona li pana li toki.</u>\n\njo li pona. mi wile jo. mi ken jo tan pali mute. \n\nsina toki. “o kama! mi o tawa ma ante.” \n\nmi wile e sona ni. mi kama. \n\n\n***\n\n\nnimi sin li lon. ni li <u>nasin</u> li <u>ante.</u> \n\nmi tawa ma sin. mi lon kiwen suli. ona li sama linja. \n\nsina toki. “ni li *nasin.* jan li pali e ona. ni la, jan mute li ken tawa ma ante kepeken tomo tawa.” \n\nnasin ni li suli a! mi toki. “nasin li mute ala mute?” \n\nsina toki. “mute a! kin la, jan li lon nasin pilin mute. ona li pilin ante tawa ijo ante.” \n\nmi wile e sona. mi wile sona e nimi “ante”. \n\nsina toki. “ijo li *ante* la, ona li kama ijo sin. taso, ante li ken ni: ijo tu li sama ala.” \n\na. nimi ni li nasa. mi wile e sona mute. \n\nsina toki. “o sona e sitelen mi e sitelen sina! ona tu li ante. sina pali e ijo wan la, mi pali e ijo ante. \n\n“sina ante. sina soweli. lon ni la, sina kama jan. ni li ante.” \n\nni li lon. mi ante tawa jan. sina sona ala sona e tan? mi kama sona e ijo mute a. ante mi li tan seme? \n\nsina toki. “mi sona ala e tan. pilin mi la, mi ken ala sona lon ale. taso, mi wile e ni: sina jan la, sina o kama sona e ale. ni la, sina ken pilin pona.” \n\n\n***\n\n\nnimi sin li lon. ni li <u>ale.</u> \n\nmi wile sona e nimi 'ale.' sina toki. “*ale* li ijo suli. nimi ‘mute’ li jo e ijo mute la, nimi ‘ale’ li jo e ijo mute mute mute a!” \n\nnasa a. suli ni li ken ala ken? mi sona ala e ale. mi pilin ala e ale. \n\nsina toki. “sina sona ala e ni la, o pona. mi en jan mute li lukin sona e ale. taso, mi pali mute la, mi ken ala jo e ale. ale li suli a. mi lili.” \n\nsina toki ala. sina lukin tawa nasin. sina lukin tawa mi. \n\nsina toki. “mi ken ala sona e ale. taso la, mi ken sona e ijo mute ante. ni li pona. ni la, ale li pona.” \n\nseme? ale li pona. sina toki e ni. taso, (taso?) sina sona ala e ale. sina toki e ni tan seme? \n\nmi lukin sona… sina jan. jan li sona, li jo, li musi, li wile e pona. a. sina wile e pona. pona li lon moku, li lon lape, li lon ijo mute. sina lukin e pona lon ale. ale li ijo mute a. sina lukin e pona lon ijo mute a… \n\nsina toki e ni: nasin pilin li lon. sina pilin e ni: pona li lon ma mute a lon ijo mute a. ni li nasin ala nasin pilin? ni li… \n\npilin pona li lon. mi lukin e ni lon sina: sina pilin pona. mi kama sona. mi toki e ni: \n\n“ale li pona.” \n\nsina toki e ni: “pona a. sina kama jan pona. sina pona.” mi pilin pona tan ni. \n\n***\n\n\n\nnimi sin li lon. ni li <u>kon</u> li <u>mu</u>. \n\nmi toki. “jan li ken sona e ale pona kepeken seme?” \n\nsina toki. “sina kama sona e nimi. sina kama sona e kon ona.” mi sona ala e nimi ni. \n\nsina toki. “*kon* li ijo lon sewi. mute la sina ken ala lukin e ona. taso, sina ken pilin e ona. sina moku e ona. ona li lon toki sina, li pana e sona tawa nimi. sina sona ala sona?” \n\nmi sona ala. mi ken ala lukin e ona tan seme? seme li len e ona? \n\nsina toki. “mi ale li ken ala lukin e ijo ale. ni la, mi ken nimi ‘kon’ e ijo ni. \n\n“kin la, mi ale li ken ala toki e ijo ale. ni la, mi nimi ‘mu’ e ijo ni. ‘mu’ li nimi musi.” \n\nkalama nasa li lon nimi ni. mi toki e nimi ni. mi *mu.* \n\nsina toki. “sina soweli la, sina kalama la, mi toki e ni: kalama sina li mu. mi ken ala sona e mu sina. sina jan la, mi ken sona.” \n\nmi ken kama sona mute e kon. mi mu lon ni. mu! \n\n\n***\n\n\nnimi sin li lon. ni li <u>anu.</u> \n\nnasin li kama tu. sina toki. “mi tawa lon ni. sina wile lon nasin mi anu nasin ante?” \n\nmi kama sona. “nimi *anu* li sin tawa mi. mi ken ala lon nasin tu ni. mi wile lon nasin wan. mi ken lon poka sina. mi ken lon nasin ante. ni li anu ala anu?” \n\nsina toki. “sina kama sona mute a! ni li anu. sina wile la, sina ken tawa lon poka pi jan ante.” \n\nmi toki. “sina tawa seme?” sina toki. “mi wile pali e ijo sin. mi ken ala pana e sona ale tawa sina. taso, jan ante li sona e ijo ante. o toki tawa ona. o kama sona suli lon taso.” \n\nnimi “taso” li seme? pilin nasa li kama. pilin ni li seme?... mi wile sona e ni. mi wile toki tawa jan ante. \n\nsina toki. “jan o tawa pona! mi tawa.” mi toki. “o tawa pona.” sina tawa lon nasin sina. sina kama lili lon lukin mi. mi ken ala lukin e sina lon ma ni. \n\nmi lukin e nasin sin. mi kama sona suli. mi wile e ijo mute. mi o tawa. \n\n\n***\n\n\nnimi sin li lon. ni li <u>taso</u>. \n\nmi *taso*. jan wan li lon. mi jan ni. mi lon nasin suli ni, li taso. \n\nmoku li lili. lape li lili. mi ken ala toki tawa jan ante. jan ante ala li lon. mi wile tawa lon nasin. \n\nni li pilin mi: nasin ni li tawa ale. mi ken ala ken lukin e jan ante? jan ante li lon ala lon? \n\nmi wile tawa. mi wile toki. \n\nmi taso. \n\n\n***\n\n\nnimi sin li lon. ni li <u>pini</u> li <u>open</u>. \n\nmi lukin e jan ante mute a! ona li lon ma tomo suli. mi kama lon ma ni la, ona li toki tawa mi. “sina tan seme?” \n\nmi toki. “mi tan ma kasi.” \n\nona li toki mute. “sina tawa lon nasin suli a! sina taso anu seme?” \n\nmi toki kepeken pona lili. “a… mi taso.” \n\nona li toki mute a. “tawa sina li pini la, sina pilin pona ala pona?” \n\nmi wile sona e nimi ni. “tawa mi li seme?” \n\nona li toki. “li pini! sina lon ma ni la, tawa sina li *pini.* sina pona ala pona?” \n\nmi ken kama sona e ni. mi wile e sona mute e pali mute. taso, mi o ante. “mi pona. mi wile e moku e lape.” \n\nona li sona e wile mi. “o kama pona lon ma tomo mi! o open pona sin lon ni.” \n\nni li pilin mi: mi kama sin lon ijo la, mi *open* e ona. mi sona ala. taso, mi ken kama sona. \n\nmi tawa lape. mi wile kama pona lon ma ni. \n\n\n***\n\n<div class=\"weka-open\" markdown=\"1\">\n\nnimi sin li lon. ni li <u>tenpo</u> li <u>mama</u>. \n\npilin mi la, *tenpo* li ijo kon. mi ken ala lukin e ona. taso, mi ken pilin e ona. suno suli li kama sewi, li tawa anpa. mun suli en mun lili li sama. jan lili li kama suli. mi soweli la, mi lukin ala e ona. mi jan la, mi wile lukin e ijo ale tan tenpo. \n\nmun suli li ante. ale ona li pimeja, li kama suno, li kama pimeja sin. ona li ni lon tenpo mute la, mi kama sona e ijo mute. mi kama sona e nasin sitelen. mi wile sitelen e pilin mi lon lipu la, mi kama jo e lipu ni. mi sitelen e nimi ni. sina lukin e toki mi. o toki a! \n\ntenpo ni la, mi wile toki sin e open mi kepeken nimi sin mi. tenpo open la, mi soweli lon ma kasi. tan ijo nasa pi sona mi ala, mi kama jan. mi jan sin la, mi sona ala e ijo mute. taso, jan li toki tawa mi. ona li pana e moku e len tawa mi, li pana e sona pi ijo mute. tan ona la, mi wile kama sona e sona jan. pilin li kama lon mi. ale li pona. \n\nona li tawa lon nasin. mi wile kama e sona tan jan ante la, mi tawa lon nasin ante. mi kama lon ma tomo ni, mi lon ma ni lon tenpo ni. mi wile e moku e lape e pali. mi tawa tomo pi jan wile. ona li jo ala e moku mute, e pali mute. jan pi pana sona li lon la mi kama sona e ijo sin. mi jan la, mi wile jo e sona mute e ijo mute. mi o pali a! \n\njan pi ma ni li *mama* e mi. ona li pana e moku e sona tawa mi. lili la jan mama li sama soweli mama. ona li mama e jan lili. jan lili li kama suli la mama li lukin e ona li pilin pona. mi wile pilin e pilin pona pi jan mute. ni la, mi ken kama sona e lon jan. \n\n… sina lukin e toki mi pi tenpo pini la, mi toki e nimi “sina”. tan li ni: mi wile toki tawa jan mama open mi. sina pana e sona mute tawa mi, li tawa ma ante, li toki ala tawa mi. sina lon seme? mi sona ala e ijo mute. sina sona e seme pi sona mi ala? \n\n\n***\n\n\nnimi sin li lon. ni li <u>mani</u> li <u>esun</u>. \n\nmi pali mute lon tomo pali. ni la, mi kule e ilo kiwen palisa kepeken ko pimeja. seme la jan li wile e ilo ni? mi sona ala. \n\ntaso, mi ken kama jo e *mani* tan pali mi. mani ni li sike kiwen lili. ona li jo e lawa lon sinpin ona. nasa a. mi toki. “jan ni li seme?” jan li toki. “ona li jan lawa. ona li lawa e ma ni. ona li wile pona e ale lon ma ni.” mi kama sona. \n\nmani li ijo pona tawa jan. sina jo e mani mute la, sina ken kama jo e ijo mute. ale li toki e ni: jan li ken ala kama jo e pona tan jan ante la, ona li wile ala pona tawa jan ante. ni la, jan li pana e ijo mani ona tawa ante, li kama jo e ijo pi wile ona. nimi ni li *esun.* <u>jan li esun li ken li jo li musi li pali li wile e pona li sona li pana li toki.</u> \n\npali mi li kama e mani lili tawa mi. ni la, mi wile esun e ijo pi wile mi. mi wile moku. tenpo ni la, mi esun e moku tan tomo esun. tomo esun ante li wile e ante. tomo wan li wile e mani mute. tomo ante li wile e mani lili. mi esun e moku tan tomo pi wile lili. taso, mi wile sona e moku pi tomo ante. ona li pona ala pona? \n\nale ni li sin tawa mi li nasa lili. taso, mi kama sona e ona. mi wile lon poka jan. mi wile jan. mi o jo e mani. mi o esun. ni li pona tawa mi. \n\n\n***\n\n\nnimi sin li lon. ni li <u>poki</u> li <u>wawa.</u> \n\ntenpo li tawa. mi kama jo e mani lili mute. mi ken jo e ona kepeken esun ala. mi pana e ona tawa insa *poki.* \n\npoki li ilo jo. ona li ken jo e ijo lon insa ona. sijelo pi poki mi li kiwen kon: mi ken lukin e insa ona. taso, mi ken ala jo e ijo lon insa ona. mi open e lupa ona la, mi ken jo. poki mute ante li lon, li ken kama tan pali ante. poki kon li poki mi. ona li jo e mani mi. \n\npoki ante li lon. ona li tan kiwen kasi, li jo e len mi. supa poki len li jo e poki mani mi. jan li toki e ni tawa mi: mi lon poki kin. poki ni li suli, li jo e mi, e supa lape mi, e supa poki len mi. ijo li jo e insa e ijo lon insa ni la, ona li poki. \n\npoki ante li lon tomo mi. ona li ilo sitelen. ona li pana e sitelen tawa e kalama tan insa ona a! ni li nasa a tawa mi. mi wile sona. “ona li ken ni tan seme?” jan li toki. “jan ni li lon tomo ante. sitelen ona li kama tan ilo kepeken wawa.” \n\nmi kama sona tan jan. *wawa* li ijo suli tawa ijo ale. ona li ken tawa e tomo, li ken pana e suno lon ilo suno, li ken pana e sitelen lon ilo ni pi sitelen tawa. mi la, ona li sama moku: ijo li wile tawa anu pana anu ante la, ona li wile e wawa. \n\nlukin wawa li ken ante. kon suli pimeja li lon sewi la, linja walo suno ona li ken wawa. suno suli jelo li pana e wawa kin. telo li ken pana e wawa. tenpo mute la, jan pi ma tomo ni li seli e kiwen pimeja. kon pimeja li kama lon sewi. ni li ken ala ken pimeja e sewi ale? … \n\n***\n\n\n</div>\n<strong>toki insa nanpa 28 (mute luka tu wan)</strong>\n<div class=\"weka-open\" markdown=\"1\">\n \nnimi sin li lon. ni li <u>nanpa</u>. \n\njan li wile sona e ijo *nanpa.* ona li wile sona e ni: “nanpa mani pi ijo ni li seme?” li kama sona e ni: “nanpa mani ona li tu. o esun e sike mani tu.” nanpa li nasa a tawa mi. taso, mi ken kama sona tan jan ante. \n\nnasin pi sona nanpa li lon. mi lukin sona e ona. “wan en wan li tu.” a. ijo wan en ijo ante li kama ijo tu. “tu en tu en wan li nanpa luka.” luka jan li jo e palisa pi mute ni. mi kama sona. “luka en luka en luka en luka li nanpa mute.” nasin nanpa ni la, nimi mute li nanpa. jan li wile sona e nanpa la, mi o kama sona e nanpa. \n\nmi ken pali e ni kepeken ni: mi pana e nanpa tawa toki insa mi. tenpo kama la mi o sitelen e ni. o lukin! nanpa pi lipu ni li jo e nimi ale pi kama sona mi: mute luka tu wan (28). musi a. \n\n\n***\n\n\n</div>\n<strong>toki insa nanpa 29 (mute luka tu tu)</strong>\n<div class=\"weka-open\" markdown=\"1\">\n \nnimi sin li lon. ni li <u>kulupu</u> li <u>suwi</u>. \n\nijo mute li lon ale. ijo mute li lon *kulupu.* kulupu li jo e ijo sama mute. \n\njan li kulupu e ijo mute. ni li pona tawa ona. ona li kulupu e ijo lon ma ale la, ona li ken pali e ijo sin. ijo li ken kiwen, li ken telo, li ken kon, li ken ko. ona li ken linja, li ken palisa, li ken lupa, li ken nena, li ken seli, li ken lete, li ken suno, li ken pimeja, li ken ante. mi kama sona e ijo mute li ken sona e nimi ona. ni li pona tawa mi. \n\nmi soweli la, moku ale li “moku” tawa mi. jan la, ona li pana e nimi tawa moku mute ante. ona li moku e pan, e kili, e soweli, e kala, e waso, e telo, e akesi, e pipi. ni ale li lon “kulupu moku”. tenpo ale la, jan li wile moku e mute tan ona. kin la, moku ante li ken kulupu lon moku suli wan. ona li ken kama e pilin *suwi*. ni li pona tawa mi. \n\nmi sona e kule. mi sona e jelo e laso e loje, e walo e pimeja. taso la, kule li ken kulupu li ken kama e kule sin. loje li ken walo. laso li ken loje. telo li anpa tan sewi la, suno li ken kama e sike pi kule mute lon sewi a. jan mute li kule mute. jan mute pi kulupu mi li jo e kule ma lon len ona. ona li jo e mani lili la, ona li jo e kule lili. \n\nmi wile pali mute. mi wile e mani mute. mi wile esun e mute. ni la, mi ken kama jo e kule mute, e moku mute, e ante mute. ni li kama pona tawa mi. \n\n***\n\n</div>\n<strong>toki insa nanpa 30 (mute luka luka)</strong>\n<div class=\"weka-open\" markdown=\"1\">\n \nnimi li lon. ni li <u>sewi</u>. ni li nimi sin ala tawa mi. tenpo la mi toki e ni. taso, jan li toki e sona pi ante lili tawa nimi ni. mi o toki e ante. \n\nmi toki e *sewi* la, mi toki e sewi lon sewi ma. ona li jo e suno, e mun, e waso, e sike kule. mi kama jan la, mi lukin e sewi li pilin pona. ona li suwi. mi wile sitelen e ona. mi ken pali e musi tan ona. \n\njan pi kulupu mi li toki e *sewi* la, ona li toki e ijo wawa pona. lili la ijo ni li sama jan. taso, ijo ni li wawa li pana e pona tawa jan. mi ken ala lukin e sewi wawa ni. taso, jan li pilin pona tan ona, li toki e ijo pona tawa ona. \n\njan mi li lon nasin sewi. ona li pilin e kon tan sewi ona. mi sona e nimi kon. sina toki e ona tawa mi. mi ken ala lukin e kon. taso, mi ken pilin e ona. jan mi li toki e ni: *kon* li wawa kin tawa jan pi ma ni. kin la, sina pilin pona tan kon. ken la kon pi sona mi en kon pi sona jan li sama lili. \n\njan li wile kulupu. jan mi li lon kulupu sewi, li tawa tomo sewi, li toki e ijo sewi. ona li pilin pona li pilin wawa tan sewi. ona li toki e ni tawa mi: “o kama lon kulupu musi pi kulupu sewi mi!” mi kama la, mi ale li moku, li kalama e musi, li mu e pilin pona. mi pilin pona tan ni. \n\nsona pi sewi jan li nasa tawa mi. mi ken ala lukin e ona, li ken ala kute e ona, li sona e lili pi nasin ona. taso, jan mi li ken pilin pona tan ona la, ale li pona tawa jan mi. \n\n***\n\n</div>\n<strong>toki insa nanpa 31 (mute luka luka wan)</strong>\n<div class=\"weka-open\" markdown=\"1\">\n\n\nnimi sin li lon. ona li <u>olin</u>. \n\njan li wile kulupu. ona li wile e pilin pona *olin*. pilin ni li pilin wawa a. jan ante li pilin e ona lon tenpo ante. pilin mi la mi wile e olin kin. \n\njan mama li pilin e ni tawa jan lili ona. jan lili li moku tan mama ona, li kama sona tan mama ona, li kama toki tan mama ona. tenpo mute la, jan tu ni li sona suli e ona sama. pilin olin pi ona tu ni li kama suli. jan olin li pilin e pona mute. ni li suwi li pona tawa mi. \n\njan lili li kama suli la, ona li lukin tawa jan ante. ona li wile kama sona e jan ante, li wile lon poka ona. ona li ken toki, li ken sona, li ken musi, li ken ijo ante. tenpo mute li kama e pilin olin tawa jan ni kin. mi sona e jan ante, li olin e ona. \n\ntaso kin la, olin li ken suli a. jan li kama sona e jan ante, li wile lon poka sama lon tenpo ale la, ona li ken kama kulupu olin. jan olin li ken musi, li ken sona e ona sama, li ken pali mute, li ken unpa, li ken ijo ante. jan lili sin li ken kama tan unpa. ni la, sike olin li open sin. \n\ntenpo mute la, mi lukin e jan olin. mi olin e olin. <u>jan li olin li kulupu li esun li ken li jo li musi li pali li wile e pona li sona li pana li toki.</u> ni li pona tawa mi. \n\n… sina olin ala olin e mi? \n\n***\n\n</div>\n<strong>toki insa nanpa 32 (mute luka luka tu)</strong>\n<div class=\"weka-open\" markdown=\"1\">\n\n\nnimi sin li lon. ni li <u>awen</u>. \n\ntenpo mute la mi *awen* lon ma tomo ni. mi tawa ala ma ante. jan pi ma ni li pona tawa mi. mi kama jo e ijo mute, e mani mute, li kama sona e ijo mute a. mi pilin pona tan ni. taso, mi awen tan ni: mi wile toki tawa sina. sina seme? mi wile sona e pona sina. \n\nmi wile e kama sina. sina ken lukin e ijo mi, li ken toki tawa jan pona mi, li ken pana e sona mute tawa mi. mi sona e mute. taso, mi sona e ale ala. mi wile sona e ale. tenpo pini la, sina toki e ni: jan li sona. mi sona e ale ala la, mi sona e seme? jan li wile. jan li jo. jan li wile jo. mi jan. mi wile, li jo, li ijo ante ale. seme li kama lon mi? \n\n… taso, tenpo pini la, sina toki e ni: “mi ken ala sona e ale.” pilin mi la, sina wile toki e awen pona tawa mi. jan li ken ala ken sona e ale? tan toki pi jan ante la, mi ale li ken lukin sona. ni li pona tawa mi. \n\ntenpo li tawa la, mi awen. sina ken kama. mi sona e ni. mi ken musi sin lon ma ni, li ken moku li ken lape li ken lukin tawa sewi pimeja. tenpo mute la mun li pimeja. taso, sewi li awen pona tawa mi. \n\n***\n\n\n</div>\n<strong>toki insa nanpa 33 (mute luka luka tu wan)</strong>\n<div class=\"weka-open\" markdown=\"1\">\n\n\nnimi sin li lon. ni li <u>weka</u>. \n\nweka li seme? weka li lon la, sina jo ala. jan sona li toki e ni. mi o toki e weka. \n\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\nsina weka. \n\nmi pilin pona ala tan ni. \n\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n\n***\n\n</div>\n<strong>toki insa nanpa 34 (mute luka luka tu tu)</strong>\n<div class=\"weka-open\" markdown=\"1\">\n\nnimi sin li lon. ni li <u>ike.</u> \n\nIKE ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike <em>ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike </em><strong>ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE A.<strong> \n\nseme la mi sona ala e nimi ni? seme la sina pana ala e nimi ni? \n\nike li pona ala. pona li ike ala. nimi ni li suli. mi kute e ona tan jan ante. tenpo pini la mi sona lili e ona, li wile ala toki e ona. pilin mi la, ona li wile weka e pona tan ma. \n\ntenpo ni taso la mi sona e nimi *ike.* ona li wawa a. ona li weka e suno tan lukin mi. ona li weka e kalama tan kute mi. ona li weka e pilin pona mi pi ijo mute. tan tenpo open mi la, ike li lon. \n\ntenpo open mi la, mi kama jan. mi pilin nasa, li pilin ike. mi wile ala e ni. seme la mi jan? mi sona ala e jan. mi sona ala e ale pi sona ona. lawa mi li pilin ike tan sona mute. sijelo mi li pilin ike li wile e sijelo soweli mi. taso, mi kama jan, li wile sona e jan. \n\ntenpo ante la, mi tu li lon nasin. nasin li kama tu. sina weka tan mi. mi pilin ike tan ni. mi sona ala e nimi ike lon tenpo ni. mi sitelen e lipu pini poka la, mi pilin ike kin. taso, sina pana ala e ona tawa mi. \n\ntan seme? seme la sina pana ala a? \n\n… sina wile ala e pilin ike mi, anu seme? sina wile awen e pona mi, anu seme? ni li nasa a. mi ken ala pilin ike la, mi sona ala sona e pona? jan mute pi ma tomo ni li pilin ike. mi wile ala pilin ike sama jan ni la, mi lukin ala e ona. mi toki ala tawa ona. wile ni mi li kama ala kama tan sina? mi wile olin e jan. mi wile sona e ale jan. ni li wile mi anu wile sina anu seme? sona ike li weka la, mi ken ala ken kama sona? \n\no sona e ni: mi sona e pilin ike e nimi ike. wile sina pi pona mi li weka. sina pilin ala pilin ike tan ni? \n\n… seme kin li weka tan sona mi? \n\n***\n\n</div>\n<strong>toki insa nanpa 35 (mute luka luka luka)</strong>\n<div class=\"weka-open\" markdown=\"1\">\n\n\n\nnimi sin li lon. ni li <u>pakala</u>. \n\nijo li *pakala* la, ike li lon ona. pali ona li ken pakala. pona ona li ken pakala. ni li ike tawa mi. \n\nlon ma tomo nanpa wan mi la, tomo mute li pakala. tenpo ni la mi sona e nimi ni. ona li pakala tan seme? mi en sina li taso lon ma ni. jan ante li lon seme? lon tomo sona pi ma ni la, sina toki e ni lon musi sina: “a mi pakala!” musi sina li pakala ala. ona li pakala la, ona li pakala lili. pakala suli li lon ma suli. \n\nmi lukin e jan lon ma tomo ni. ona li pakala e jan ante. ona li wile jo e mani tan ona. tenpo ni la, mi sona e nimi ni. sinpin pi jan ante li kama pakala tan ni. mi wile ala toki mute e ona, mi pilin ike tan ona. <u>jan li pakala.</u> \n\nmi lukin e ilo pi sitelen tawa. ona li toki e ijo mute. mi kama sona e ni tan lukin mi: pakala suli li lon ma ante. ni li tan ma tomo ni anu seme? … mi pilin e ike suli. \n\nma kasi mi li kama pakala. \n\n\n\n***\n\n</div>\n<strong>toki insa nanpa 36 (mute luka luka luka wan)</strong>\n<div class=\"weka-open\" markdown=\"1\">\n\nnimi sin li lon. ni li <u>jaki</u>. \n\n*jaki* li seme? jaki li wile e telo. jaki li suwi ala. jaki li ken ike tawa mi. \n\njan poka mi li jo e sijelo jaki. mi jo e sijelo jaki. mi mute li jo ala e telo mute. ni li tan mani lili mi. weka telo li kama ike tawa mi. jan li toki tawa mi “a! sina jaki a!” ike li kama lon pilin mi. mi wile weka e jaki mi. \n\njaki li lon sewi, li lon ma kasi mi. tenpo ni la mi ken ala lukin e mun. kon pimeja pi kiwen pimeja seli li len e sewi pimeja, li pimeja e ale pi ma tomo. kon ni li jaki. mi moku e ona, taso, mi wile ala ni. kasi li ken ala kama lon kon ni. kon li pakala e ma kasi mi. wawa pi ma tomo ni li jaki. <u>jan li jaki.</u>\n\n… sina toki e nimi jaki lon tenpo tu. \n\ntenpo nanpa wan la, sina pana e len tawa mi, tan “pilin jaki, anu seme?” mi sona e nimi jaki lon tenpo ni la, toki sina li nasa tawa mi. seme la jan li wile lukin e sijelo pi len ala? ken la, ona li pilin sama kasi lon ma mi. ni li nasa mute a. <u>jan li nasa a.</u> \n\ntenpo nanpa tu la… sina toki e seme? sitelen musi mi li jaki anu seme? mi jaki anu seme? sina wile ala toki e nimi ike tawa mi, taso, sina toki e nimi “jaki” lon tenpo tu. mi sona e ni: jaki li ken ike. musi mi li ken ike. mi sona ala, ni li tenpo nanpa wan mi. taso, sina toki tawa mi la… \n\nmi o pilin ala e ike ni. sona pi nimi *jaki* li kama tan ni: mi jan. mi soweli la, jaki li lon. taso, mi pilin ike ala tawa ona. mi sona e ona lon tenpo ni, li ken lukin e ike pi kon jaki lon ma mi… nimi ni li jaki. jaki li jaki. mi pilin ike tawa sina tan ala. \n\nmi awen pilin ike. ike li lon. \n\n\n***\n\n</div>\n<strong>toki insa nanpa 37 (mute luka luka luka tu)</strong>\n<div class=\"weka-open\" markdown=\"1\">\n \nnimi li lon. ni li <u>anpa</u>. \n\ntenpo suli la, mi sona e nimi *anpa.* mi wile toki e anpa ike. \n\nijo li anpa la, ona li tawa ma. mun en suno li anpa kepeken tenpo suli, li kama sewi sin lon tenpo kama poka. ni li ike ala. taso, mi ken ala lukin e ona. kon jaki li lon sewi, li len e mun e suno. \n\ntelo li ken anpa tan kon walo lon sewi. ni li ike ala. taso, kon pimeja jaki li lon la, telo anpa li jaki kin, li seli e selo. tenpo pi jaki ni la mi wile awen lon tomo. \n\nijo mute li anpa tan pakala. kasi pi ma mi li anpa tan seli. tomo suli li anpa tan pakala pi tawa ma. jan li anpa tan jan wawa ante. \n\njan li wile kama wawa la, ona li anpa e jan ante, li pakala e ona, li ike e ona. jan li lon anpa, li pona ala tawa jan wawa la, pakala suli li kama. mi pilin ike tan ni. mi wawa ala. jan li wile anpa e mi, anu seme? \n\n\n\n\n\n***\n\n</div>\n<strong>toki insa nanpa 38 (mute luka luka luka tu wan)</strong>\n<div class=\"weka-open\" markdown=\"1\">\n \nnimi sin li lon. ni li <u>alasa.</u> \n\nijo li *alasa* la, ona li lukin. ona li wile e ijo, li wile kama jo e ona. ona li ken alasa e moku. ona li ken alasa e wawa. ona li ken alasa e ilo pakala. \n\nmi soweli la, mi alasa e moku. wile mi pi tenpo pini ni li moku taso li lape taso. sina pana e sona pi nimi *jo*. ni la, mi wile alasa jo e ijo mute. jo li wawa. <u>jan li jo.</u> \n\nmi taso lon nasin la, mi alasa moku. mi alasa lape. mi alasa e pini nasin. mi pilin ike lon ni, tan ni: nasin li suli. mi ken ala lukin e pini ona. moku li lili. lape li lili. sina weka. mi taso. \n\nmi lukin e jan pi ma tomo ni. ona li alasa jo e mani, e pona, e ijo mute. mani li wawa e jan. jan li wile e mani. ni la, ona li ken alasa e jan ante, li ken pakala e ona, li ken kama jo e mani. jo li ijo suli. jo li wawa e nasin jan. ni la, ona li alasa. <u>jan li alasa</u>. \n\nmi lukin e ilo pi sitelen tawa. mi kama sona e ni tan lukin mi: jan li jo ala e ijo la, ona li ken kama pali e ike. ona li ken pakala e jan ante, li kama jo tan jan ante. ona li ken pakala e kasi, e tomo. jan li ken pakala kepeken ilo pakala. \n\nmi kule e ilo pakala ni lon pali mani mi. ona li anpa e jan ante. ni li ike tawa mi. \n\n\n\n\n\n***\n\n</div>\n<strong>toki insa nanpa 39 (mute luka luka luka tu tu)</strong>\n<div class=\"weka-open\" markdown=\"1\">\n \nnimi sin li lon. ni li <u>utala</u>. \n\n*utala* li pakala suli. utala li tenpo pakala. utala li pakala e tomo, e jan, e pona. utala li ike tawa mi. \n\nmi kule e ilo utala lon pali mani mi. mani mi li tan utala. jan li pakala e jan ante kepeken ilo ni. mi lukin e jan utala lon ilo pi sitelen tawa. jan pi ma ni li utala e jan pi ma ante. jan lawa li jo e wawa utala. ona li alasa e wawa tan jan pi ma ante. <u>jan li utala</u>. \n\nseme la jan li wile utala? ona li wile wawa e jan ante. kin la, jan li jo. jo li wawa. jan li wile jo e ijo tan jan ante. jan li anpa e jan ante la, jan anpa li ken ala utala, li ken ala jo. ni la, jan utala li ken pali e ilo pakala, e ilo alasa, e ilo utala. ona li toki esun ala tawa jan ante ni. jan pi ma mi la, jan ante li jan ike. nasin pilin en nasin sewi pi jan ante li ike. mi kama lon ma ni la, ona li pilin ala pilin e ni: mi jan ike? \n\n… mi wile ala ike. ike li ike. \n\nmi kama jan la, mi kama sona. sona li pona. sona mute ante li ike. mi kama sona e ijo ike mute. utala li ike. jaki kon li ike. anpa jan li ike. mani mi li ike. jo li kama e ike. mi wile ala sona e ike ale ni. mi wile ala jan. mi wile soweli. mi wile mu. mu li pona. \n\nmi ken ala mu. mi jan. mi toki taso. mi sitelen taso. mi pali taso. mi olin taso. mi pilin taso. mi sona taso. sona ni li ike e mi. mi ken seme? mi wile ala e ike ni. mi wile ala jaki. mi wile ala pakala. mi wile ala utala. mi wile ala jo. olin li lon seme? suwi li lon seme? pona li lon seme? \n\nsina lon seme? mi lon seme? jan li lon seme? \n\n\n\n***\n\n</div>\n<strong>toki insa nanpa 40 (mute mute)</strong>\n<div class=\"weka-open\" markdown=\"1\">\n\n\nnimi sin li lon. ni li <u>moli</u>. \n\n*moli* li seme? tenpo pi mi soweli la, mi sona. mi kama sona sin e nimi moli lon tenpo ni, tan jan ante, tan ilo pi sitelen tawa. moli li suli. moli li kama lon tenpo ale. \n\nmoli li pini e soweli, e jan, e ijo ante. ona li kama lape lon tenpo ale. ni li tan tenpo suli, li tan pilin jaki, li tan moku ala, li tan telo ala, li tan kon ala, li tan pakala, li tan alasa, li tan utala. moli li lon ale. moli li ken ala moli. \n\nmi soweli la, mi wile ala moli. mi wile ala kama moku pi soweli suli. mi jan la, mi pilin sama. mi taso lon nasin la, mi wile alasa e moku, e lape. mi wile ala moli lon tenpo pini ni. \n\ntenpo li tawa, li kama suli. jan lili li kama suli. jan suli li kama moli. mi lukin e moli pi jan suli lon kulupu mi. ona li pilin ike, li jo e wawa ala. tenpo moli ona li kama. jan sama ona li pilin ike tan moli ona. ona li toki e ni: “jan mi li pona lon tenpo ale pini. o lape pona lon tenpo ale kama.” mi pilin ike tan ni. \n\nmi lukin e ilo pi sitelen tawa. mi lukin e ni: ilo utala mi li alasa e jan ante. ona li moli e jan ni. <u>jan li moli e jan ante.</u> utala li kama e moli. jan ante li ken pona lon tenpo mute. jan pi utala ni li moli taso. moli ni li ike tawa mi. mi pilin ike tan ni. \n\nmi lukin mute. jan pi ma ni li moli. jan pi ma ante li moli. ona li kepeken ilo utala, li kepeken ilo pakala suli, li kepeken ilo moli ante. pali mi li kama e moli. mi pilin ike tan ni. mi sona e ni lon tenpo open la, mi o pali ni ala. \n\nmi lukin mute. ilo li pana e sitelen pi jan mute. ona li anpa tan moli, li moli e jan ante. mi lukin la, mi kama pilin e ike mi pi suli nanpa wan. \n\nmi lukin e sina. \n\nsina moli. \n\n\n\n\n***\n\n</div>\n<strong>toki insa nanpa 41 (mute mute wan)</strong>\n<div class=\"weka-open\" markdown=\"1\">\n\ntenpo li tawa. mi toki ala tawa sina. sina moli. \n\nmi kama sona e ijo mute. lon open la, sina toki e ni: “sina pona. ale li pona.” tenpo suli la mi kama sona e toki ni, li pilin suli e ni. sina mama e mi. nasin mama sina li pona ala pona e mi? mi wile sona e pona jan. mi tawa ma sin, li kama sona e jan. tenpo mute li pini la, mi kama sona e ni: ike li lon kin. mi pilin ike tan weka sona ni pi tenpo open mi. \n\nmi wile kama sona e ike lon open pi mi jan. sina toki ala e ni tawa mi la, mi sona ala e wile sina. mi kama pilin e ijo mute. mi kama pilin e ken mute pi wile sina. \n\n<strong>ken nanpa wan li ni</strong>: sina wile sona e soweli. sina ante e mi tawa jan la, jan li ken lukin e mi li ken kama sona e pilin mi. mi toki li musi li pali ante la, mi ken pana e sona pi wile sina. mi lon jan ante la, mi ken pana e sona pi wile sina. mi taso lon alasa sona mi la, mi ken pana e sona pi wile sina. ni li lon la, mi wile ala e ni. o lukin ala e mi. mi wile e taso mi. \n\n<strong>ken nanpa tu li ni</strong>: sina wile ike e mi. sona li ijo suli. sina toki e pona taso tawa mi, li pona ala e mi lon tenpo ike la, sina ken kama e pona nasa tan ni. pona pi jan wan li ken ike tawa jan ante. ken la, sina pana e sona suli tawa mi tan wile nasa sina. jan ike mute li lon. ken la, sina jan ike wan. kin la, mi lukin e sina lon utala suli ni. ni li lon la, pakala o tawa sina. o moli ike. \n\n<strong>ken nanpa tu wan li ni</strong>: ale ni li tan pali sina ala. mi kama jan, sina lukin e mi, li wile pona e mi. mi ante tan ijo ante. tenpo pi ante mi la, sina kama. mi tu li wile sona e ale jan la, mi moku. mi pali. mi musi. mi toki. tan ijo nasa pi sona mi ala la, sona ike li ike tawa sina. ante la, sina sona ala e ike. ni la, sina ken ala toki e ona tawa mi. mi taso li wile sona e ona. ken la, ni li nasin pilin sina. nasin sina en nasin mi li ante. \n\nken seme ni li lon? mi sona ala. mi wile kama sona e ijo mute. mi wile e tenpo. ken la, tenpo li pona e pilin mi. mi wile sona e jan. mi wile pana e pona pi ken mi. mi wile lukin e ale. mi ken ala sona e ale, sina toki e ni. taso, mi wile alasa sona e ona. mi ken alasa. \n\n\n\n***\n\n</div>\n<strong>toki insa nanpa 42 (mute mute tu)</strong>\n<div class=\"weka-open\" markdown=\"1\">\n\ntenpo suli li pini. mi lukin e ijo mute. mi o sitelen e ona. mi pini la, mi o awen e lipu ni lon tomo ni. jan lukin o, sina lukin e ni la, sina pona la, sina ken pana e ona tawa jan ante. mi o toki, mi o pana e sona mi tawa jan ante. mi jo e lipu sin, mi o toki e pilin sin mi lon ona. \n\nutala pi ma tu ni li pini. jan mute li pilin pona tan ni: moli pi utala ni li pini. jan mute ante li pilin ike tan ni: jan ante ni li wile ala e utala lon tenpo open. mi ken sona e pilin tu ni. pilin li ken pona, li ken ike. \n\nmi pilin mute lon tenpo suli ni. pilin pona, en pilin suwi, en pilin olin li kama, li pini. pilin ike, en pilin jaki, en pilin utala li kama, li pini. pilin li ijo wawa. pilin ale li suli, ona li wawa e pali jan. musi mute li kama tan pilin ni. sitelen musi, en kalama musi, en ilo musi. jan li toki e musi mute ona. \n\njan li toki e ni la, mi pilin pona. pilin mi li nasa lili tawa mi. jan wan li toki e pona tawa musi ni. jan ante li toki e ike. mi kama sona e ni: toki ale li pona tawa jan. jan li ken kama pona tan toki ale ni. mi pilin pona tan toki ike. kin la, mi pilin pona tan toki pona. pilin mi la, ante li ken kin. mi ken pilin ike tan ike, li ken pilin ike tan pona. \n\nijo musi li lon. jan la, pona en ike li ken utala, li ken lon poka lon pona. ken la, mi kama sona a e toki ni: “*ale li pona*.” \n\nmi wile kama sona e ale pona jan la, mi wile tawa ma ante. mi lon ma tomo ni lon tenpo suli a. mi ken ala sona e ale jan lon ma wan taso. jan ante mute li lon ma suli. mi wile toki tawa jan ante. mi wile kama sona e jan, e ma, e toki, e nasin, e ijo ante mute. \n\nni la, mi tawa. mi o tawa ma sin ante. mi ken kama sona e ni ale, li ken alasa e pona pi jan ante. mi ken alasa pona e ma kasi mi, li ken alasa pini e kon jaki. mi ken pali e musi sin, li ken lukin e sewi pona. mi ken pana e sona tawa jan ante, li ken kama sona e mi kin. mi ken ijo mute. mi o weka, mi o tawa, mi o pona. \n\n<u>jan li ken pona, li ken ike. jan li ken pali e mute, li ken sona e mute. mi wile li olin li kulupu li esun li ken li jo li musi li pali li pona li sona li pana li toki.</u> ni ale li pona tawa mi. \n\nmi jan. \n\n</div>","filePath":"poki/plaintext/2024/08/mi-jan.md","digest":"0c1fd7b9b60696de","rendered":{"html":"<style>\n .weka-open {\n text-indent: 40px;\n }\n\n</style>\n<p>mi soweli.</p>\n<p>seme? mi soweli ala. mi jan. soweli li lon ala. jan li lon. seme?</p>\n<p>seme li lon? lon li seme? soweli ala li seme? jan li seme?</p>\n<p>mi wile soweli.</p>\n<p>a. mi jan lon ni.</p>\n<p>mi seme? mi soweli ala lon ni.</p>\n<p>mi jan.</p>\n<hr>\n<p>ijo li lon. ijo ni li <u>toki.</u></p>\n<p>mi jan. mi <em>toki.</em> sina jan. sina <em>toki.</em> <u>jan li toki.</u></p>\n<p>soweli li toki ala. ona li jan ala.</p>\n<p>toki li seme? mi wile e ijo mute.</p>\n<p>… mi wile moku. </p>\n<hr>\n<p>toki li lon. toki ni li <u>pana.</u></p>\n<p>sina <em>pana</em> e moku. mi moku e ni. mi wile ala lon ni. <u>jan li pana li toki.</u></p>\n<p>sina toki e ni: “o moku! mi pana e moku mute tawa sina.” toki “tawa” li seme?</p>\n<p>mi wile toki. toki li lon e ijo mute. mi wile e ijo mute.</p>\n<hr>\n<p>toki li lon. toki ni li <u>sona.</u></p>\n<p>jan li toki. toki li pana e <em>sona.</em> sona li suli a. <u>jan li sona li pana li toki.</u></p>\n<p>mi soweli… ala. mi jan. mi sona ala…</p>\n<p>… sona suli li lon ala. sona lili li lon.</p>\n<p>mi wile sona. jan li seme? sona suli li seme? mi wile ala e moku lon ni. mi wile ala e lape lon ni. mi wile e sona. </p>\n<hr>\n<p>toki sona li lon. toki ni li <u>nimi.</u></p>\n<p>toki lili mi li <em>nimi.</em> sona toki li lon nimi. mi toki e nimi.</p>\n<p>nimi mute li lon. mi sona ala e nimi mute. mi wile sona.</p>\n<p>mi wile sona e nimi “tawa.” ni li seme?</p>\n<hr>\n<p>nimi li lon. ni li <u>tawa</u> li <u>ma</u>, li <u>tan.</u></p>\n<p>a! soweli li <em>tawa.</em> jan li <em>tawa.</em> ijo mute li <em>tawa.</em> sina tawa e moku… a, sina <em>pana</em> e moku <em>tawa</em> mi. mi wile e sona mute.</p>\n<p>ijo mute li tawa lon <em>ma</em> mute. ma li lon. ni li ma. mi lon ma. moku li lon ma. jan li lon ma. ijo mute li lon ma.</p>\n<p>kasi li lon ma mi. mi <em>tan</em> ma mi. sina tan ma jan. sina jan tan ma ni. mi jan tan soweli tawa ma jan…</p>\n<p>a… ijo mute li lon. mi wile lape.</p>\n<hr>\n<p>nimi li lon. ni li <u>pona.</u></p>\n<p>mi lape ala. sina toki. “sina pona ala pona?” mi toki. “pona li seme?”</p>\n<p>sina toki e ijo mute. sina pana e sona lili. mi sona e ni:</p>\n<p>mi wile moku. mi moku. mi <em>pona</em> tan ni.</p>\n<p>mi wile lape. mi lape. mi <em>pona</em> tan ni.</p>\n<p>mi wile toki. mi toki. mi <em>pona</em> tan ni.</p>\n<p>pona li ijo suli. mi wile e pona. <u>jan li wile e pona, li sona, li pana, li toki.</u></p>\n<p>mi wile sona e pona. o toki e pona tawa mi.</p>\n<hr>\n<p>nimi li lon. ni li <u>sin.</u></p>\n<p>mi lukin ala li kute ala e ijo mute. ijo mute ni li <em>sin</em> tawa mi.</p>\n<p>sina sin. sina toki e nimi sin tawa mi.</p>\n<p>sina toki. “jan li wile e sona sin.” mi jan ala jan?</p>\n<p>mi soweli ala lon ni. mi jan sin. tan seme? mi sona ala.</p>\n<p>sona mute li sin tawa mi. mi wile sona e ijo mute. ona li pona ala pona?</p>\n<p>… mi sona ala. mi wile.</p>\n<hr>\n<p>nimi sin li lon. ni li <u>sama.</u></p>\n<p>mi wile sona. mi jan ala jan? mi toki tawa sina. sina toki e ni: “sina jan. sina sama mi.” mi sona ala e nimi ni.</p>\n<p>sina toki. “o kute: ni! li! mi! pi! nimi ni li kalama sama. ni en mi en li. sona en pona…” mi sona lili e ni.</p>\n<p>sina toki. “ni la, mi en sina li <em>sama.</em> mi jan. sina jan. mi toki. sina toki. mi pona. sina pona!”</p>\n<p>mi pona. seme? mi wile toki e nimi. mi sona ala e nimi ni. mi wile sona e ona.</p>\n<p>mi wile sona e ijo mute a. mi wile sona e mi. sina wile e ni: mi jan.</p>\n<hr>\n<p>nimi sin li lon. ni li <u>len</u> li <u>luka.</u></p>\n<p>sina pana e ijo tawa mi. ona li sama sijelo sin mi tawa lukin. ijo ni li <em>len.</em></p>\n<p>sina toki. “o len e sina! jan li wile ala lukin e sijelo pi len ala.”</p>\n<p>mi toki. “tan seme?”</p>\n<p>sina toki. “pilin jaki, anu seme? ni li nasin jan.” mi sona ala e toki ni.</p>\n<p>sina toki. “kin la, len li ken seli e sijelo sina.”</p>\n<p>mi wile e len. selo mi li lete. len li selo sin mi. linja lili li lon ona. ni li sama soweli li pona tawa mi.</p>\n<p>len li lon sijelo lon noka mi. noka sinpin mi li <em>luka.</em> sona sin li lon.</p>\n<hr>\n<p>nimi sin li lon. ni li <u>kama.</u></p>\n<p>sina toki. “o kama!” mi sona ala e nimi ni.</p>\n<p>sina toki. “nimi kama en nimi tawa li sama lili. sina kama la, mi tu li tawa ma sin, li tawa ijo sin.”</p>\n<p>sona sin ni li lili. mi wile e sona mute. sina sona mute. mi sama ala sama sina?</p>\n<p>mi tawa ma sin. mi <em>kama</em> lon ma sin ni.</p>\n<hr>\n<p>nimi sin li lon. ni li <u>pali</u> li <u>tomo.</u></p>\n<p>ijo suli a li lon ma sin ni. mi kama lon ona.</p>\n<p>sina toki. “ijo suli ni li <em>tomo.</em> tomo mute li lon ma ni. jan li pali e ona.”</p>\n<p>mi toki. “pali li seme?” sina toki. “jan li lon e ona tan ijo mute. ijo li suli la, <em>pali</em> ona li suli. ijo li lili la, <em>pali</em> ona li lili.”</p>\n<p>tomo mute li lon ma ni. jan li pali mute. <u>jan li pali li wile e pona li sona li pana li toki.</u></p>\n<p>mi sona lili e toki sina. mi wile ala wile pali? toki mi li pona ala pona? sona mi li pona ala pona? mi sona ala.</p>\n<p>mi tawa tomo. sina toki. “tomo ni li tomo sona. o kama sona e pona ale!” mi sona ala e nimi “ale”.</p>\n<p>sina tawa lon tomo. “o kama insa!”</p>\n<hr>\n<p>nimi sin li lon. ni li <u>insa</u> li <u>sitelen.</u></p>\n<p>mi kama lon <em>insa</em> tomo. mi lukin ala e kasi e sewi e kiwen e telo lon ni. selo tomo li len e ma suli tan lukin mi.</p>\n<p>a! mi lukin e ijo! … ala. mi lukin e ijo lon sinpin tomo. ona li sama ijo mute. ona li ni ala.</p>\n<p>sina toki. “ni li <em>sitelen.</em> jan li pali e ona.”</p>\n<p>mi toki. “tan seme?”</p>\n<p>sina toki e ijo mute. mi sona lili e toki sina. mi sona ala e ijo mute.</p>\n<p>mi lukin e sitelen. kasi li lon. soweli li lon. waso li lon. pipi li lon. akesi li lon. kala li lon. jan li lon. ona mute li lon sitelen.</p>\n<p><em>sitelen</em> ni li pona tawa mi. tan seme? mi sona ala e nimi.</p>\n<hr>\n<p>nimi sin li lon. ni li <u>pilin</u> li <u>nasa</u> li <u>musi.</u></p>\n<p>sina toki. “sina pilin seme?” mi sona ala e nimi ni.</p>\n<p>sina toki. “pilin li toki lon insa sina. sina ken pilin pona, li ken pilin lete, li ken pilin nasa…”</p>\n<p>mi toki. “nasa li seme?”</p>\n<p>sina toki “a! o kute: sina soweli. taso, sina kama jan. sina sona ala sona e ijo mute?”</p>\n<p>mi sona ala.</p>\n<p>sina toki. “sina sona ala a! ijo ni li nasa tawa sina.”</p>\n<p>nimi ni li suli tawa mi. mi lukin e ijo mute sin a, li sona ala e nimi ona. mi toki. “mi pilin <em>nasa.</em>”</p>\n<p>sina toki. “seme li nasa?”</p>\n<p>mi toki. “ijo mute, a a a. mi lukin e sitelen ni. toki insa mi… <em>pilin</em> mi? … li toki e ni: ni li pona. sitelen ni li nasa ala tawa mi. mi lukin e ijo mute lon ona. mi sona e ona.”</p>\n<p>sina toki. “a, ona li kama e pilin suli lon sina. ona li sitelen musi. musi li pona tawa sina.”</p>\n<p><em>musi.</em> ni li nimi suli lon pilin mi. mi lukin e sitelen li pilin musi. ni li suli ala suli tawa jan? mi pilin e ni: ona li suli a.</p>\n<hr>\n<p>nimi sin li lon. ni li <u>kule.</u></p>\n<p>lukin soweli li sona e suno e walo e pimeja. kule li suli ala.</p>\n<p>jan li lukin e ijo mute a! ijo ni li <em>kule.</em> mi wile sona e ona.</p>\n<p>mi lukin e sitelen musi. waso li lon sitelen ni. mi luka e ona li toki. “ni li seme?”</p>\n<p>sina toki. “ni li waso. kule ona li loje.”</p>\n<p>mi luka e telo li toki. “ni li seme?”</p>\n<p>sina toki. “ni li telo. kule ona li laso.”</p>\n<p>mi luka e sike lon sewi laso. “ni li seme?”</p>\n<p>sina toki. “ni li suno. kule ona li jelo.”</p>\n<p>mi toki. “mi wile sona e kule ale ni. ni li pona ala pona?” sina toki suli. “pona a! o ni.” mi pilin pona tan ni.</p>\n<hr>\n<p>nimi sin li lon. ni li <u>ilo</u> li <u>kepeken.</u></p>\n<p>sina pana e palisa tawa mi. “ni li <em>ilo</em> musi. o kepeken!”</p>\n<p>mi sona ala e ni. “mi o seme?”</p>\n<p>sina toki. “sina <em>kepeken</em> la, sina kama pali e musi pi wile sina. o kepeken kule. o pana e ona kepeken ilo ni. sina pona!”</p>\n<p>ilo li lon luka mi. mi lukin e ona. mi pana e ona tawa kule mute. mi pana e ilo kule tawa sinpin, tawa kiwen, tawa kasi. mi pali.</p>\n<p>kule li lon tomo. sitelen mi li lon ma mute lon tomo. ni li pona ala pona? ni li musi ala musi?</p>\n<p>sina toki. “jaki a! taso, sina kama sona. o musi kepeken ni!”</p>\n<hr>\n<p>nimi sin li lon. ni li <u>lipu</u> li <u>supa.</u></p>\n<p>ijo walo lili li lon ijo suli. mi lukin e ona. sina toki. “o musi lon lipu! sina wile e lipu mute la mi ken pana e ona tawa <em>supa</em> ni.”</p>\n<p>mi lili e tawa mi, li pona e tawa mi. mi sitelen lon ijo lili ni… a, lon <em>lipu</em> ni. mi sitelen e mi. mi soweli lon sitelen ni.</p>\n<p>sina toki. “sina kama pona! o pali a. pali li pona e musi sina.”</p>\n<p>sina musi lon poka mi. sina sitelen e ijo. mi sona ala e ijo ni.</p>\n<p>sina toki. “a mi pakala!… a, sitelen mi li pona ala.”</p>\n<p>mi sona ala. sitelen sina li pona tawa mi. ona li musi. mi musi ala. mi… <em>kama</em> musi.</p>\n<p>mi toki. “pali sina li pona a.”</p>\n<p>sina lukin e mi. mi lukin e uta sina. sina seme?</p>\n<p>sina toki. “mi pilin pona tan toki sina. mi kama sona. sina pona.” a… mi kama sona e nimi. mi <em>pilin</em> pona tan ni.</p>\n<hr>\n<p>nimi sin li lon. ni li <u>jo</u> li <u>ken.</u></p>\n<p>sina pana e sitelen musi mi tan supa. “o jo, ni li sitelen sina.” mi toki. “jo li seme?”</p>\n<p>sina toki. “ijo li lon sina la, sina <em>jo</em> e ijo ni. sitelen sina li sitelen sina. ni la, sina jo e ona. len li lon sijelo sina. ni la, sina jo e len. mi lon poka sina li toki tawa sina. ni la, sina jo e mi. kin la, mi jo e sina.”</p>\n<p>toki sina li suli. mi wile e sona mute. “mi jo ala jo e sona?”</p>\n<p>sina toki. “jo! jo li suli. sina ken jo e ijo mute pi wile sina.”</p>\n<p>nimi “ken” li seme? mi wile e sona.</p>\n<p>sina toki. “o kute. sina jo e moku la, sina <em>ken</em> moku e ona. sina jo ala la, sina <em>ken</em> ala. sina jo e ilo la, sina <em>ken</em> kepeken ona. sina jo e sona la, sina <em>ken</em> kepeken ona!”</p>\n<p>sona a. <u>jan li ken li jo li musi li pali li wile e pona li sona li pana li toki.</u></p>\n<p>jo li pona. mi wile jo. mi ken jo tan pali mute.</p>\n<p>sina toki. “o kama! mi o tawa ma ante.”</p>\n<p>mi wile e sona ni. mi kama.</p>\n<hr>\n<p>nimi sin li lon. ni li <u>nasin</u> li <u>ante.</u></p>\n<p>mi tawa ma sin. mi lon kiwen suli. ona li sama linja.</p>\n<p>sina toki. “ni li <em>nasin.</em> jan li pali e ona. ni la, jan mute li ken tawa ma ante kepeken tomo tawa.”</p>\n<p>nasin ni li suli a! mi toki. “nasin li mute ala mute?”</p>\n<p>sina toki. “mute a! kin la, jan li lon nasin pilin mute. ona li pilin ante tawa ijo ante.”</p>\n<p>mi wile e sona. mi wile sona e nimi “ante”.</p>\n<p>sina toki. “ijo li <em>ante</em> la, ona li kama ijo sin. taso, ante li ken ni: ijo tu li sama ala.”</p>\n<p>a. nimi ni li nasa. mi wile e sona mute.</p>\n<p>sina toki. “o sona e sitelen mi e sitelen sina! ona tu li ante. sina pali e ijo wan la, mi pali e ijo ante.</p>\n<p>“sina ante. sina soweli. lon ni la, sina kama jan. ni li ante.”</p>\n<p>ni li lon. mi ante tawa jan. sina sona ala sona e tan? mi kama sona e ijo mute a. ante mi li tan seme?</p>\n<p>sina toki. “mi sona ala e tan. pilin mi la, mi ken ala sona lon ale. taso, mi wile e ni: sina jan la, sina o kama sona e ale. ni la, sina ken pilin pona.”</p>\n<hr>\n<p>nimi sin li lon. ni li <u>ale.</u></p>\n<p>mi wile sona e nimi ‘ale.’ sina toki. “<em>ale</em> li ijo suli. nimi ‘mute’ li jo e ijo mute la, nimi ‘ale’ li jo e ijo mute mute mute a!”</p>\n<p>nasa a. suli ni li ken ala ken? mi sona ala e ale. mi pilin ala e ale.</p>\n<p>sina toki. “sina sona ala e ni la, o pona. mi en jan mute li lukin sona e ale. taso, mi pali mute la, mi ken ala jo e ale. ale li suli a. mi lili.”</p>\n<p>sina toki ala. sina lukin tawa nasin. sina lukin tawa mi.</p>\n<p>sina toki. “mi ken ala sona e ale. taso la, mi ken sona e ijo mute ante. ni li pona. ni la, ale li pona.”</p>\n<p>seme? ale li pona. sina toki e ni. taso, (taso?) sina sona ala e ale. sina toki e ni tan seme?</p>\n<p>mi lukin sona… sina jan. jan li sona, li jo, li musi, li wile e pona. a. sina wile e pona. pona li lon moku, li lon lape, li lon ijo mute. sina lukin e pona lon ale. ale li ijo mute a. sina lukin e pona lon ijo mute a…</p>\n<p>sina toki e ni: nasin pilin li lon. sina pilin e ni: pona li lon ma mute a lon ijo mute a. ni li nasin ala nasin pilin? ni li…</p>\n<p>pilin pona li lon. mi lukin e ni lon sina: sina pilin pona. mi kama sona. mi toki e ni:</p>\n<p>“ale li pona.”</p>\n<p>sina toki e ni: “pona a. sina kama jan pona. sina pona.” mi pilin pona tan ni.</p>\n<hr>\n<p>nimi sin li lon. ni li <u>kon</u> li <u>mu</u>.</p>\n<p>mi toki. “jan li ken sona e ale pona kepeken seme?”</p>\n<p>sina toki. “sina kama sona e nimi. sina kama sona e kon ona.” mi sona ala e nimi ni.</p>\n<p>sina toki. “<em>kon</em> li ijo lon sewi. mute la sina ken ala lukin e ona. taso, sina ken pilin e ona. sina moku e ona. ona li lon toki sina, li pana e sona tawa nimi. sina sona ala sona?”</p>\n<p>mi sona ala. mi ken ala lukin e ona tan seme? seme li len e ona?</p>\n<p>sina toki. “mi ale li ken ala lukin e ijo ale. ni la, mi ken nimi ‘kon’ e ijo ni.</p>\n<p>“kin la, mi ale li ken ala toki e ijo ale. ni la, mi nimi ‘mu’ e ijo ni. ‘mu’ li nimi musi.”</p>\n<p>kalama nasa li lon nimi ni. mi toki e nimi ni. mi <em>mu.</em></p>\n<p>sina toki. “sina soweli la, sina kalama la, mi toki e ni: kalama sina li mu. mi ken ala sona e mu sina. sina jan la, mi ken sona.”</p>\n<p>mi ken kama sona mute e kon. mi mu lon ni. mu!</p>\n<hr>\n<p>nimi sin li lon. ni li <u>anu.</u></p>\n<p>nasin li kama tu. sina toki. “mi tawa lon ni. sina wile lon nasin mi anu nasin ante?”</p>\n<p>mi kama sona. “nimi <em>anu</em> li sin tawa mi. mi ken ala lon nasin tu ni. mi wile lon nasin wan. mi ken lon poka sina. mi ken lon nasin ante. ni li anu ala anu?”</p>\n<p>sina toki. “sina kama sona mute a! ni li anu. sina wile la, sina ken tawa lon poka pi jan ante.”</p>\n<p>mi toki. “sina tawa seme?” sina toki. “mi wile pali e ijo sin. mi ken ala pana e sona ale tawa sina. taso, jan ante li sona e ijo ante. o toki tawa ona. o kama sona suli lon taso.”</p>\n<p>nimi “taso” li seme? pilin nasa li kama. pilin ni li seme?… mi wile sona e ni. mi wile toki tawa jan ante.</p>\n<p>sina toki. “jan o tawa pona! mi tawa.” mi toki. “o tawa pona.” sina tawa lon nasin sina. sina kama lili lon lukin mi. mi ken ala lukin e sina lon ma ni.</p>\n<p>mi lukin e nasin sin. mi kama sona suli. mi wile e ijo mute. mi o tawa.</p>\n<hr>\n<p>nimi sin li lon. ni li <u>taso</u>.</p>\n<p>mi <em>taso</em>. jan wan li lon. mi jan ni. mi lon nasin suli ni, li taso.</p>\n<p>moku li lili. lape li lili. mi ken ala toki tawa jan ante. jan ante ala li lon. mi wile tawa lon nasin.</p>\n<p>ni li pilin mi: nasin ni li tawa ale. mi ken ala ken lukin e jan ante? jan ante li lon ala lon?</p>\n<p>mi wile tawa. mi wile toki.</p>\n<p>mi taso.</p>\n<hr>\n<p>nimi sin li lon. ni li <u>pini</u> li <u>open</u>.</p>\n<p>mi lukin e jan ante mute a! ona li lon ma tomo suli. mi kama lon ma ni la, ona li toki tawa mi. “sina tan seme?”</p>\n<p>mi toki. “mi tan ma kasi.”</p>\n<p>ona li toki mute. “sina tawa lon nasin suli a! sina taso anu seme?”</p>\n<p>mi toki kepeken pona lili. “a… mi taso.”</p>\n<p>ona li toki mute a. “tawa sina li pini la, sina pilin pona ala pona?”</p>\n<p>mi wile sona e nimi ni. “tawa mi li seme?”</p>\n<p>ona li toki. “li pini! sina lon ma ni la, tawa sina li <em>pini.</em> sina pona ala pona?”</p>\n<p>mi ken kama sona e ni. mi wile e sona mute e pali mute. taso, mi o ante. “mi pona. mi wile e moku e lape.”</p>\n<p>ona li sona e wile mi. “o kama pona lon ma tomo mi! o open pona sin lon ni.”</p>\n<p>ni li pilin mi: mi kama sin lon ijo la, mi <em>open</em> e ona. mi sona ala. taso, mi ken kama sona.</p>\n<p>mi tawa lape. mi wile kama pona lon ma ni.</p>\n<hr>\n<div class=\"weka-open\" markdown=\"1\">\n<p>nimi sin li lon. ni li <u>tenpo</u> li <u>mama</u>.</p>\n<p>pilin mi la, <em>tenpo</em> li ijo kon. mi ken ala lukin e ona. taso, mi ken pilin e ona. suno suli li kama sewi, li tawa anpa. mun suli en mun lili li sama. jan lili li kama suli. mi soweli la, mi lukin ala e ona. mi jan la, mi wile lukin e ijo ale tan tenpo.</p>\n<p>mun suli li ante. ale ona li pimeja, li kama suno, li kama pimeja sin. ona li ni lon tenpo mute la, mi kama sona e ijo mute. mi kama sona e nasin sitelen. mi wile sitelen e pilin mi lon lipu la, mi kama jo e lipu ni. mi sitelen e nimi ni. sina lukin e toki mi. o toki a!</p>\n<p>tenpo ni la, mi wile toki sin e open mi kepeken nimi sin mi. tenpo open la, mi soweli lon ma kasi. tan ijo nasa pi sona mi ala, mi kama jan. mi jan sin la, mi sona ala e ijo mute. taso, jan li toki tawa mi. ona li pana e moku e len tawa mi, li pana e sona pi ijo mute. tan ona la, mi wile kama sona e sona jan. pilin li kama lon mi. ale li pona.</p>\n<p>ona li tawa lon nasin. mi wile kama e sona tan jan ante la, mi tawa lon nasin ante. mi kama lon ma tomo ni, mi lon ma ni lon tenpo ni. mi wile e moku e lape e pali. mi tawa tomo pi jan wile. ona li jo ala e moku mute, e pali mute. jan pi pana sona li lon la mi kama sona e ijo sin. mi jan la, mi wile jo e sona mute e ijo mute. mi o pali a!</p>\n<p>jan pi ma ni li <em>mama</em> e mi. ona li pana e moku e sona tawa mi. lili la jan mama li sama soweli mama. ona li mama e jan lili. jan lili li kama suli la mama li lukin e ona li pilin pona. mi wile pilin e pilin pona pi jan mute. ni la, mi ken kama sona e lon jan.</p>\n<p>… sina lukin e toki mi pi tenpo pini la, mi toki e nimi “sina”. tan li ni: mi wile toki tawa jan mama open mi. sina pana e sona mute tawa mi, li tawa ma ante, li toki ala tawa mi. sina lon seme? mi sona ala e ijo mute. sina sona e seme pi sona mi ala?</p>\n<hr>\n<p>nimi sin li lon. ni li <u>mani</u> li <u>esun</u>.</p>\n<p>mi pali mute lon tomo pali. ni la, mi kule e ilo kiwen palisa kepeken ko pimeja. seme la jan li wile e ilo ni? mi sona ala.</p>\n<p>taso, mi ken kama jo e <em>mani</em> tan pali mi. mani ni li sike kiwen lili. ona li jo e lawa lon sinpin ona. nasa a. mi toki. “jan ni li seme?” jan li toki. “ona li jan lawa. ona li lawa e ma ni. ona li wile pona e ale lon ma ni.” mi kama sona.</p>\n<p>mani li ijo pona tawa jan. sina jo e mani mute la, sina ken kama jo e ijo mute. ale li toki e ni: jan li ken ala kama jo e pona tan jan ante la, ona li wile ala pona tawa jan ante. ni la, jan li pana e ijo mani ona tawa ante, li kama jo e ijo pi wile ona. nimi ni li <em>esun.</em> <u>jan li esun li ken li jo li musi li pali li wile e pona li sona li pana li toki.</u></p>\n<p>pali mi li kama e mani lili tawa mi. ni la, mi wile esun e ijo pi wile mi. mi wile moku. tenpo ni la, mi esun e moku tan tomo esun. tomo esun ante li wile e ante. tomo wan li wile e mani mute. tomo ante li wile e mani lili. mi esun e moku tan tomo pi wile lili. taso, mi wile sona e moku pi tomo ante. ona li pona ala pona?</p>\n<p>ale ni li sin tawa mi li nasa lili. taso, mi kama sona e ona. mi wile lon poka jan. mi wile jan. mi o jo e mani. mi o esun. ni li pona tawa mi.</p>\n<hr>\n<p>nimi sin li lon. ni li <u>poki</u> li <u>wawa.</u></p>\n<p>tenpo li tawa. mi kama jo e mani lili mute. mi ken jo e ona kepeken esun ala. mi pana e ona tawa insa <em>poki.</em></p>\n<p>poki li ilo jo. ona li ken jo e ijo lon insa ona. sijelo pi poki mi li kiwen kon: mi ken lukin e insa ona. taso, mi ken ala jo e ijo lon insa ona. mi open e lupa ona la, mi ken jo. poki mute ante li lon, li ken kama tan pali ante. poki kon li poki mi. ona li jo e mani mi.</p>\n<p>poki ante li lon. ona li tan kiwen kasi, li jo e len mi. supa poki len li jo e poki mani mi. jan li toki e ni tawa mi: mi lon poki kin. poki ni li suli, li jo e mi, e supa lape mi, e supa poki len mi. ijo li jo e insa e ijo lon insa ni la, ona li poki.</p>\n<p>poki ante li lon tomo mi. ona li ilo sitelen. ona li pana e sitelen tawa e kalama tan insa ona a! ni li nasa a tawa mi. mi wile sona. “ona li ken ni tan seme?” jan li toki. “jan ni li lon tomo ante. sitelen ona li kama tan ilo kepeken wawa.”</p>\n<p>mi kama sona tan jan. <em>wawa</em> li ijo suli tawa ijo ale. ona li ken tawa e tomo, li ken pana e suno lon ilo suno, li ken pana e sitelen lon ilo ni pi sitelen tawa. mi la, ona li sama moku: ijo li wile tawa anu pana anu ante la, ona li wile e wawa.</p>\n<p>lukin wawa li ken ante. kon suli pimeja li lon sewi la, linja walo suno ona li ken wawa. suno suli jelo li pana e wawa kin. telo li ken pana e wawa. tenpo mute la, jan pi ma tomo ni li seli e kiwen pimeja. kon pimeja li kama lon sewi. ni li ken ala ken pimeja e sewi ale? …</p>\n<hr>\n</div>\n<strong>toki insa nanpa 28 (mute luka tu wan)</strong>\n<div class=\"weka-open\" markdown=\"1\">\n<p>nimi sin li lon. ni li <u>nanpa</u>.</p>\n<p>jan li wile sona e ijo <em>nanpa.</em> ona li wile sona e ni: “nanpa mani pi ijo ni li seme?” li kama sona e ni: “nanpa mani ona li tu. o esun e sike mani tu.” nanpa li nasa a tawa mi. taso, mi ken kama sona tan jan ante.</p>\n<p>nasin pi sona nanpa li lon. mi lukin sona e ona. “wan en wan li tu.” a. ijo wan en ijo ante li kama ijo tu. “tu en tu en wan li nanpa luka.” luka jan li jo e palisa pi mute ni. mi kama sona. “luka en luka en luka en luka li nanpa mute.” nasin nanpa ni la, nimi mute li nanpa. jan li wile sona e nanpa la, mi o kama sona e nanpa.</p>\n<p>mi ken pali e ni kepeken ni: mi pana e nanpa tawa toki insa mi. tenpo kama la mi o sitelen e ni. o lukin! nanpa pi lipu ni li jo e nimi ale pi kama sona mi: mute luka tu wan (28). musi a.</p>\n<hr>\n</div>\n<strong>toki insa nanpa 29 (mute luka tu tu)</strong>\n<div class=\"weka-open\" markdown=\"1\">\n<p>nimi sin li lon. ni li <u>kulupu</u> li <u>suwi</u>.</p>\n<p>ijo mute li lon ale. ijo mute li lon <em>kulupu.</em> kulupu li jo e ijo sama mute.</p>\n<p>jan li kulupu e ijo mute. ni li pona tawa ona. ona li kulupu e ijo lon ma ale la, ona li ken pali e ijo sin. ijo li ken kiwen, li ken telo, li ken kon, li ken ko. ona li ken linja, li ken palisa, li ken lupa, li ken nena, li ken seli, li ken lete, li ken suno, li ken pimeja, li ken ante. mi kama sona e ijo mute li ken sona e nimi ona. ni li pona tawa mi.</p>\n<p>mi soweli la, moku ale li “moku” tawa mi. jan la, ona li pana e nimi tawa moku mute ante. ona li moku e pan, e kili, e soweli, e kala, e waso, e telo, e akesi, e pipi. ni ale li lon “kulupu moku”. tenpo ale la, jan li wile moku e mute tan ona. kin la, moku ante li ken kulupu lon moku suli wan. ona li ken kama e pilin <em>suwi</em>. ni li pona tawa mi.</p>\n<p>mi sona e kule. mi sona e jelo e laso e loje, e walo e pimeja. taso la, kule li ken kulupu li ken kama e kule sin. loje li ken walo. laso li ken loje. telo li anpa tan sewi la, suno li ken kama e sike pi kule mute lon sewi a. jan mute li kule mute. jan mute pi kulupu mi li jo e kule ma lon len ona. ona li jo e mani lili la, ona li jo e kule lili.</p>\n<p>mi wile pali mute. mi wile e mani mute. mi wile esun e mute. ni la, mi ken kama jo e kule mute, e moku mute, e ante mute. ni li kama pona tawa mi.</p>\n<hr>\n</div>\n<strong>toki insa nanpa 30 (mute luka luka)</strong>\n<div class=\"weka-open\" markdown=\"1\">\n<p>nimi li lon. ni li <u>sewi</u>. ni li nimi sin ala tawa mi. tenpo la mi toki e ni. taso, jan li toki e sona pi ante lili tawa nimi ni. mi o toki e ante.</p>\n<p>mi toki e <em>sewi</em> la, mi toki e sewi lon sewi ma. ona li jo e suno, e mun, e waso, e sike kule. mi kama jan la, mi lukin e sewi li pilin pona. ona li suwi. mi wile sitelen e ona. mi ken pali e musi tan ona.</p>\n<p>jan pi kulupu mi li toki e <em>sewi</em> la, ona li toki e ijo wawa pona. lili la ijo ni li sama jan. taso, ijo ni li wawa li pana e pona tawa jan. mi ken ala lukin e sewi wawa ni. taso, jan li pilin pona tan ona, li toki e ijo pona tawa ona.</p>\n<p>jan mi li lon nasin sewi. ona li pilin e kon tan sewi ona. mi sona e nimi kon. sina toki e ona tawa mi. mi ken ala lukin e kon. taso, mi ken pilin e ona. jan mi li toki e ni: <em>kon</em> li wawa kin tawa jan pi ma ni. kin la, sina pilin pona tan kon. ken la kon pi sona mi en kon pi sona jan li sama lili.</p>\n<p>jan li wile kulupu. jan mi li lon kulupu sewi, li tawa tomo sewi, li toki e ijo sewi. ona li pilin pona li pilin wawa tan sewi. ona li toki e ni tawa mi: “o kama lon kulupu musi pi kulupu sewi mi!” mi kama la, mi ale li moku, li kalama e musi, li mu e pilin pona. mi pilin pona tan ni.</p>\n<p>sona pi sewi jan li nasa tawa mi. mi ken ala lukin e ona, li ken ala kute e ona, li sona e lili pi nasin ona. taso, jan mi li ken pilin pona tan ona la, ale li pona tawa jan mi.</p>\n<hr>\n</div>\n<strong>toki insa nanpa 31 (mute luka luka wan)</strong>\n<div class=\"weka-open\" markdown=\"1\">\n<p>nimi sin li lon. ona li <u>olin</u>.</p>\n<p>jan li wile kulupu. ona li wile e pilin pona <em>olin</em>. pilin ni li pilin wawa a. jan ante li pilin e ona lon tenpo ante. pilin mi la mi wile e olin kin.</p>\n<p>jan mama li pilin e ni tawa jan lili ona. jan lili li moku tan mama ona, li kama sona tan mama ona, li kama toki tan mama ona. tenpo mute la, jan tu ni li sona suli e ona sama. pilin olin pi ona tu ni li kama suli. jan olin li pilin e pona mute. ni li suwi li pona tawa mi.</p>\n<p>jan lili li kama suli la, ona li lukin tawa jan ante. ona li wile kama sona e jan ante, li wile lon poka ona. ona li ken toki, li ken sona, li ken musi, li ken ijo ante. tenpo mute li kama e pilin olin tawa jan ni kin. mi sona e jan ante, li olin e ona.</p>\n<p>taso kin la, olin li ken suli a. jan li kama sona e jan ante, li wile lon poka sama lon tenpo ale la, ona li ken kama kulupu olin. jan olin li ken musi, li ken sona e ona sama, li ken pali mute, li ken unpa, li ken ijo ante. jan lili sin li ken kama tan unpa. ni la, sike olin li open sin.</p>\n<p>tenpo mute la, mi lukin e jan olin. mi olin e olin. <u>jan li olin li kulupu li esun li ken li jo li musi li pali li wile e pona li sona li pana li toki.</u> ni li pona tawa mi.</p>\n<p>… sina olin ala olin e mi?</p>\n<hr>\n</div>\n<strong>toki insa nanpa 32 (mute luka luka tu)</strong>\n<div class=\"weka-open\" markdown=\"1\">\n<p>nimi sin li lon. ni li <u>awen</u>.</p>\n<p>tenpo mute la mi <em>awen</em> lon ma tomo ni. mi tawa ala ma ante. jan pi ma ni li pona tawa mi. mi kama jo e ijo mute, e mani mute, li kama sona e ijo mute a. mi pilin pona tan ni. taso, mi awen tan ni: mi wile toki tawa sina. sina seme? mi wile sona e pona sina.</p>\n<p>mi wile e kama sina. sina ken lukin e ijo mi, li ken toki tawa jan pona mi, li ken pana e sona mute tawa mi. mi sona e mute. taso, mi sona e ale ala. mi wile sona e ale. tenpo pini la, sina toki e ni: jan li sona. mi sona e ale ala la, mi sona e seme? jan li wile. jan li jo. jan li wile jo. mi jan. mi wile, li jo, li ijo ante ale. seme li kama lon mi?</p>\n<p>… taso, tenpo pini la, sina toki e ni: “mi ken ala sona e ale.” pilin mi la, sina wile toki e awen pona tawa mi. jan li ken ala ken sona e ale? tan toki pi jan ante la, mi ale li ken lukin sona. ni li pona tawa mi.</p>\n<p>tenpo li tawa la, mi awen. sina ken kama. mi sona e ni. mi ken musi sin lon ma ni, li ken moku li ken lape li ken lukin tawa sewi pimeja. tenpo mute la mun li pimeja. taso, sewi li awen pona tawa mi.</p>\n<hr>\n</div>\n<strong>toki insa nanpa 33 (mute luka luka tu wan)</strong>\n<div class=\"weka-open\" markdown=\"1\">\n<p>nimi sin li lon. ni li <u>weka</u>.</p>\n<p>weka li seme? weka li lon la, sina jo ala. jan sona li toki e ni. mi o toki e weka.</p>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\nsina weka. \n<p>mi pilin pona ala tan ni.</p>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<br>\n<hr>\n</div>\n<strong>toki insa nanpa 34 (mute luka luka tu tu)</strong>\n<div class=\"weka-open\" markdown=\"1\">\n<p>nimi sin li lon. ni li <u>ike.</u></p>\n<p>IKE ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike <em>ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike </em><strong>ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike ike IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE IKE A.<strong></strong></strong></p><strong><strong>\n<p>seme la mi sona ala e nimi ni? seme la sina pana ala e nimi ni?</p>\n<p>ike li pona ala. pona li ike ala. nimi ni li suli. mi kute e ona tan jan ante. tenpo pini la mi sona lili e ona, li wile ala toki e ona. pilin mi la, ona li wile weka e pona tan ma.</p>\n<p>tenpo ni taso la mi sona e nimi <em>ike.</em> ona li wawa a. ona li weka e suno tan lukin mi. ona li weka e kalama tan kute mi. ona li weka e pilin pona mi pi ijo mute. tan tenpo open mi la, ike li lon.</p>\n<p>tenpo open mi la, mi kama jan. mi pilin nasa, li pilin ike. mi wile ala e ni. seme la mi jan? mi sona ala e jan. mi sona ala e ale pi sona ona. lawa mi li pilin ike tan sona mute. sijelo mi li pilin ike li wile e sijelo soweli mi. taso, mi kama jan, li wile sona e jan.</p>\n<p>tenpo ante la, mi tu li lon nasin. nasin li kama tu. sina weka tan mi. mi pilin ike tan ni. mi sona ala e nimi ike lon tenpo ni. mi sitelen e lipu pini poka la, mi pilin ike kin. taso, sina pana ala e ona tawa mi.</p>\n<p>tan seme? seme la sina pana ala a?</p>\n<p>… sina wile ala e pilin ike mi, anu seme? sina wile awen e pona mi, anu seme? ni li nasa a. mi ken ala pilin ike la, mi sona ala sona e pona? jan mute pi ma tomo ni li pilin ike. mi wile ala pilin ike sama jan ni la, mi lukin ala e ona. mi toki ala tawa ona. wile ni mi li kama ala kama tan sina? mi wile olin e jan. mi wile sona e ale jan. ni li wile mi anu wile sina anu seme? sona ike li weka la, mi ken ala ken kama sona?</p>\n<p>o sona e ni: mi sona e pilin ike e nimi ike. wile sina pi pona mi li weka. sina pilin ala pilin ike tan ni?</p>\n<p>… seme kin li weka tan sona mi?</p>\n<hr>\n</strong></strong></div><strong><strong>\n<strong>toki insa nanpa 35 (mute luka luka luka)</strong>\n<div class=\"weka-open\" markdown=\"1\">\n<p>nimi sin li lon. ni li <u>pakala</u>.</p>\n<p>ijo li <em>pakala</em> la, ike li lon ona. pali ona li ken pakala. pona ona li ken pakala. ni li ike tawa mi.</p>\n<p>lon ma tomo nanpa wan mi la, tomo mute li pakala. tenpo ni la mi sona e nimi ni. ona li pakala tan seme? mi en sina li taso lon ma ni. jan ante li lon seme? lon tomo sona pi ma ni la, sina toki e ni lon musi sina: “a mi pakala!” musi sina li pakala ala. ona li pakala la, ona li pakala lili. pakala suli li lon ma suli.</p>\n<p>mi lukin e jan lon ma tomo ni. ona li pakala e jan ante. ona li wile jo e mani tan ona. tenpo ni la, mi sona e nimi ni. sinpin pi jan ante li kama pakala tan ni. mi wile ala toki mute e ona, mi pilin ike tan ona. <u>jan li pakala.</u></p>\n<p>mi lukin e ilo pi sitelen tawa. ona li toki e ijo mute. mi kama sona e ni tan lukin mi: pakala suli li lon ma ante. ni li tan ma tomo ni anu seme? … mi pilin e ike suli.</p>\n<p>ma kasi mi li kama pakala.</p>\n<hr>\n</div>\n<strong>toki insa nanpa 36 (mute luka luka luka wan)</strong>\n<div class=\"weka-open\" markdown=\"1\">\n<p>nimi sin li lon. ni li <u>jaki</u>.</p>\n<p><em>jaki</em> li seme? jaki li wile e telo. jaki li suwi ala. jaki li ken ike tawa mi.</p>\n<p>jan poka mi li jo e sijelo jaki. mi jo e sijelo jaki. mi mute li jo ala e telo mute. ni li tan mani lili mi. weka telo li kama ike tawa mi. jan li toki tawa mi “a! sina jaki a!” ike li kama lon pilin mi. mi wile weka e jaki mi.</p>\n<p>jaki li lon sewi, li lon ma kasi mi. tenpo ni la mi ken ala lukin e mun. kon pimeja pi kiwen pimeja seli li len e sewi pimeja, li pimeja e ale pi ma tomo. kon ni li jaki. mi moku e ona, taso, mi wile ala ni. kasi li ken ala kama lon kon ni. kon li pakala e ma kasi mi. wawa pi ma tomo ni li jaki. <u>jan li jaki.</u></p>\n<p>… sina toki e nimi jaki lon tenpo tu.</p>\n<p>tenpo nanpa wan la, sina pana e len tawa mi, tan “pilin jaki, anu seme?” mi sona e nimi jaki lon tenpo ni la, toki sina li nasa tawa mi. seme la jan li wile lukin e sijelo pi len ala? ken la, ona li pilin sama kasi lon ma mi. ni li nasa mute a. <u>jan li nasa a.</u></p>\n<p>tenpo nanpa tu la… sina toki e seme? sitelen musi mi li jaki anu seme? mi jaki anu seme? sina wile ala toki e nimi ike tawa mi, taso, sina toki e nimi “jaki” lon tenpo tu. mi sona e ni: jaki li ken ike. musi mi li ken ike. mi sona ala, ni li tenpo nanpa wan mi. taso, sina toki tawa mi la…</p>\n<p>mi o pilin ala e ike ni. sona pi nimi <em>jaki</em> li kama tan ni: mi jan. mi soweli la, jaki li lon. taso, mi pilin ike ala tawa ona. mi sona e ona lon tenpo ni, li ken lukin e ike pi kon jaki lon ma mi… nimi ni li jaki. jaki li jaki. mi pilin ike tawa sina tan ala.</p>\n<p>mi awen pilin ike. ike li lon.</p>\n<hr>\n</div>\n<strong>toki insa nanpa 37 (mute luka luka luka tu)</strong>\n<div class=\"weka-open\" markdown=\"1\">\n<p>nimi li lon. ni li <u>anpa</u>.</p>\n<p>tenpo suli la, mi sona e nimi <em>anpa.</em> mi wile toki e anpa ike.</p>\n<p>ijo li anpa la, ona li tawa ma. mun en suno li anpa kepeken tenpo suli, li kama sewi sin lon tenpo kama poka. ni li ike ala. taso, mi ken ala lukin e ona. kon jaki li lon sewi, li len e mun e suno.</p>\n<p>telo li ken anpa tan kon walo lon sewi. ni li ike ala. taso, kon pimeja jaki li lon la, telo anpa li jaki kin, li seli e selo. tenpo pi jaki ni la mi wile awen lon tomo.</p>\n<p>ijo mute li anpa tan pakala. kasi pi ma mi li anpa tan seli. tomo suli li anpa tan pakala pi tawa ma. jan li anpa tan jan wawa ante.</p>\n<p>jan li wile kama wawa la, ona li anpa e jan ante, li pakala e ona, li ike e ona. jan li lon anpa, li pona ala tawa jan wawa la, pakala suli li kama. mi pilin ike tan ni. mi wawa ala. jan li wile anpa e mi, anu seme?</p>\n<hr>\n</div>\n<strong>toki insa nanpa 38 (mute luka luka luka tu wan)</strong>\n<div class=\"weka-open\" markdown=\"1\">\n<p>nimi sin li lon. ni li <u>alasa.</u></p>\n<p>ijo li <em>alasa</em> la, ona li lukin. ona li wile e ijo, li wile kama jo e ona. ona li ken alasa e moku. ona li ken alasa e wawa. ona li ken alasa e ilo pakala.</p>\n<p>mi soweli la, mi alasa e moku. wile mi pi tenpo pini ni li moku taso li lape taso. sina pana e sona pi nimi <em>jo</em>. ni la, mi wile alasa jo e ijo mute. jo li wawa. <u>jan li jo.</u></p>\n<p>mi taso lon nasin la, mi alasa moku. mi alasa lape. mi alasa e pini nasin. mi pilin ike lon ni, tan ni: nasin li suli. mi ken ala lukin e pini ona. moku li lili. lape li lili. sina weka. mi taso.</p>\n<p>mi lukin e jan pi ma tomo ni. ona li alasa jo e mani, e pona, e ijo mute. mani li wawa e jan. jan li wile e mani. ni la, ona li ken alasa e jan ante, li ken pakala e ona, li ken kama jo e mani. jo li ijo suli. jo li wawa e nasin jan. ni la, ona li alasa. <u>jan li alasa</u>.</p>\n<p>mi lukin e ilo pi sitelen tawa. mi kama sona e ni tan lukin mi: jan li jo ala e ijo la, ona li ken kama pali e ike. ona li ken pakala e jan ante, li kama jo tan jan ante. ona li ken pakala e kasi, e tomo. jan li ken pakala kepeken ilo pakala.</p>\n<p>mi kule e ilo pakala ni lon pali mani mi. ona li anpa e jan ante. ni li ike tawa mi.</p>\n<hr>\n</div>\n<strong>toki insa nanpa 39 (mute luka luka luka tu tu)</strong>\n<div class=\"weka-open\" markdown=\"1\">\n<p>nimi sin li lon. ni li <u>utala</u>.</p>\n<p><em>utala</em> li pakala suli. utala li tenpo pakala. utala li pakala e tomo, e jan, e pona. utala li ike tawa mi.</p>\n<p>mi kule e ilo utala lon pali mani mi. mani mi li tan utala. jan li pakala e jan ante kepeken ilo ni. mi lukin e jan utala lon ilo pi sitelen tawa. jan pi ma ni li utala e jan pi ma ante. jan lawa li jo e wawa utala. ona li alasa e wawa tan jan pi ma ante. <u>jan li utala</u>.</p>\n<p>seme la jan li wile utala? ona li wile wawa e jan ante. kin la, jan li jo. jo li wawa. jan li wile jo e ijo tan jan ante. jan li anpa e jan ante la, jan anpa li ken ala utala, li ken ala jo. ni la, jan utala li ken pali e ilo pakala, e ilo alasa, e ilo utala. ona li toki esun ala tawa jan ante ni. jan pi ma mi la, jan ante li jan ike. nasin pilin en nasin sewi pi jan ante li ike. mi kama lon ma ni la, ona li pilin ala pilin e ni: mi jan ike?</p>\n<p>… mi wile ala ike. ike li ike.</p>\n<p>mi kama jan la, mi kama sona. sona li pona. sona mute ante li ike. mi kama sona e ijo ike mute. utala li ike. jaki kon li ike. anpa jan li ike. mani mi li ike. jo li kama e ike. mi wile ala sona e ike ale ni. mi wile ala jan. mi wile soweli. mi wile mu. mu li pona.</p>\n<p>mi ken ala mu. mi jan. mi toki taso. mi sitelen taso. mi pali taso. mi olin taso. mi pilin taso. mi sona taso. sona ni li ike e mi. mi ken seme? mi wile ala e ike ni. mi wile ala jaki. mi wile ala pakala. mi wile ala utala. mi wile ala jo. olin li lon seme? suwi li lon seme? pona li lon seme?</p>\n<p>sina lon seme? mi lon seme? jan li lon seme?</p>\n<hr>\n</div>\n<strong>toki insa nanpa 40 (mute mute)</strong>\n<div class=\"weka-open\" markdown=\"1\">\n<p>nimi sin li lon. ni li <u>moli</u>.</p>\n<p><em>moli</em> li seme? tenpo pi mi soweli la, mi sona. mi kama sona sin e nimi moli lon tenpo ni, tan jan ante, tan ilo pi sitelen tawa. moli li suli. moli li kama lon tenpo ale.</p>\n<p>moli li pini e soweli, e jan, e ijo ante. ona li kama lape lon tenpo ale. ni li tan tenpo suli, li tan pilin jaki, li tan moku ala, li tan telo ala, li tan kon ala, li tan pakala, li tan alasa, li tan utala. moli li lon ale. moli li ken ala moli.</p>\n<p>mi soweli la, mi wile ala moli. mi wile ala kama moku pi soweli suli. mi jan la, mi pilin sama. mi taso lon nasin la, mi wile alasa e moku, e lape. mi wile ala moli lon tenpo pini ni.</p>\n<p>tenpo li tawa, li kama suli. jan lili li kama suli. jan suli li kama moli. mi lukin e moli pi jan suli lon kulupu mi. ona li pilin ike, li jo e wawa ala. tenpo moli ona li kama. jan sama ona li pilin ike tan moli ona. ona li toki e ni: “jan mi li pona lon tenpo ale pini. o lape pona lon tenpo ale kama.” mi pilin ike tan ni.</p>\n<p>mi lukin e ilo pi sitelen tawa. mi lukin e ni: ilo utala mi li alasa e jan ante. ona li moli e jan ni. <u>jan li moli e jan ante.</u> utala li kama e moli. jan ante li ken pona lon tenpo mute. jan pi utala ni li moli taso. moli ni li ike tawa mi. mi pilin ike tan ni.</p>\n<p>mi lukin mute. jan pi ma ni li moli. jan pi ma ante li moli. ona li kepeken ilo utala, li kepeken ilo pakala suli, li kepeken ilo moli ante. pali mi li kama e moli. mi pilin ike tan ni. mi sona e ni lon tenpo open la, mi o pali ni ala.</p>\n<p>mi lukin mute. ilo li pana e sitelen pi jan mute. ona li anpa tan moli, li moli e jan ante. mi lukin la, mi kama pilin e ike mi pi suli nanpa wan.</p>\n<p>mi lukin e sina.</p>\n<p>sina moli.</p>\n<hr>\n</div>\n<strong>toki insa nanpa 41 (mute mute wan)</strong>\n<div class=\"weka-open\" markdown=\"1\">\n<p>tenpo li tawa. mi toki ala tawa sina. sina moli.</p>\n<p>mi kama sona e ijo mute. lon open la, sina toki e ni: “sina pona. ale li pona.” tenpo suli la mi kama sona e toki ni, li pilin suli e ni. sina mama e mi. nasin mama sina li pona ala pona e mi? mi wile sona e pona jan. mi tawa ma sin, li kama sona e jan. tenpo mute li pini la, mi kama sona e ni: ike li lon kin. mi pilin ike tan weka sona ni pi tenpo open mi.</p>\n<p>mi wile kama sona e ike lon open pi mi jan. sina toki ala e ni tawa mi la, mi sona ala e wile sina. mi kama pilin e ijo mute. mi kama pilin e ken mute pi wile sina.</p>\n<p><strong>ken nanpa wan li ni</strong>: sina wile sona e soweli. sina ante e mi tawa jan la, jan li ken lukin e mi li ken kama sona e pilin mi. mi toki li musi li pali ante la, mi ken pana e sona pi wile sina. mi lon jan ante la, mi ken pana e sona pi wile sina. mi taso lon alasa sona mi la, mi ken pana e sona pi wile sina. ni li lon la, mi wile ala e ni. o lukin ala e mi. mi wile e taso mi.</p>\n<p><strong>ken nanpa tu li ni</strong>: sina wile ike e mi. sona li ijo suli. sina toki e pona taso tawa mi, li pona ala e mi lon tenpo ike la, sina ken kama e pona nasa tan ni. pona pi jan wan li ken ike tawa jan ante. ken la, sina pana e sona suli tawa mi tan wile nasa sina. jan ike mute li lon. ken la, sina jan ike wan. kin la, mi lukin e sina lon utala suli ni. ni li lon la, pakala o tawa sina. o moli ike.</p>\n<p><strong>ken nanpa tu wan li ni</strong>: ale ni li tan pali sina ala. mi kama jan, sina lukin e mi, li wile pona e mi. mi ante tan ijo ante. tenpo pi ante mi la, sina kama. mi tu li wile sona e ale jan la, mi moku. mi pali. mi musi. mi toki. tan ijo nasa pi sona mi ala la, sona ike li ike tawa sina. ante la, sina sona ala e ike. ni la, sina ken ala toki e ona tawa mi. mi taso li wile sona e ona. ken la, ni li nasin pilin sina. nasin sina en nasin mi li ante.</p>\n<p>ken seme ni li lon? mi sona ala. mi wile kama sona e ijo mute. mi wile e tenpo. ken la, tenpo li pona e pilin mi. mi wile sona e jan. mi wile pana e pona pi ken mi. mi wile lukin e ale. mi ken ala sona e ale, sina toki e ni. taso, mi wile alasa sona e ona. mi ken alasa.</p>\n<hr>\n</div>\n<strong>toki insa nanpa 42 (mute mute tu)</strong>\n<div class=\"weka-open\" markdown=\"1\">\n<p>tenpo suli li pini. mi lukin e ijo mute. mi o sitelen e ona. mi pini la, mi o awen e lipu ni lon tomo ni. jan lukin o, sina lukin e ni la, sina pona la, sina ken pana e ona tawa jan ante. mi o toki, mi o pana e sona mi tawa jan ante. mi jo e lipu sin, mi o toki e pilin sin mi lon ona.</p>\n<p>utala pi ma tu ni li pini. jan mute li pilin pona tan ni: moli pi utala ni li pini. jan mute ante li pilin ike tan ni: jan ante ni li wile ala e utala lon tenpo open. mi ken sona e pilin tu ni. pilin li ken pona, li ken ike.</p>\n<p>mi pilin mute lon tenpo suli ni. pilin pona, en pilin suwi, en pilin olin li kama, li pini. pilin ike, en pilin jaki, en pilin utala li kama, li pini. pilin li ijo wawa. pilin ale li suli, ona li wawa e pali jan. musi mute li kama tan pilin ni. sitelen musi, en kalama musi, en ilo musi. jan li toki e musi mute ona.</p>\n<p>jan li toki e ni la, mi pilin pona. pilin mi li nasa lili tawa mi. jan wan li toki e pona tawa musi ni. jan ante li toki e ike. mi kama sona e ni: toki ale li pona tawa jan. jan li ken kama pona tan toki ale ni. mi pilin pona tan toki ike. kin la, mi pilin pona tan toki pona. pilin mi la, ante li ken kin. mi ken pilin ike tan ike, li ken pilin ike tan pona.</p>\n<p>ijo musi li lon. jan la, pona en ike li ken utala, li ken lon poka lon pona. ken la, mi kama sona a e toki ni: “<em>ale li pona</em>.”</p>\n<p>mi wile kama sona e ale pona jan la, mi wile tawa ma ante. mi lon ma tomo ni lon tenpo suli a. mi ken ala sona e ale jan lon ma wan taso. jan ante mute li lon ma suli. mi wile toki tawa jan ante. mi wile kama sona e jan, e ma, e toki, e nasin, e ijo ante mute.</p>\n<p>ni la, mi tawa. mi o tawa ma sin ante. mi ken kama sona e ni ale, li ken alasa e pona pi jan ante. mi ken alasa pona e ma kasi mi, li ken alasa pini e kon jaki. mi ken pali e musi sin, li ken lukin e sewi pona. mi ken pana e sona tawa jan ante, li ken kama sona e mi kin. mi ken ijo mute. mi o weka, mi o tawa, mi o pona.</p>\n<p><u>jan li ken pona, li ken ike. jan li ken pali e mute, li ken sona e mute. mi wile li olin li kulupu li esun li ken li jo li musi li pali li pona li sona li pana li toki.</u> ni ale li pona tawa mi.</p>\n<p>mi jan.</p>\n</div></strong></strong>","metadata":{"headings":[],"localImagePaths":[],"remoteImagePaths":[],"frontmatter":{"title":"mi jan","description":null,"authors":["jan Seko"],"proofreaders":null,"date":"2024-08-10T00:00:00.000Z","date-precision":"day","tags":["moku","ma li kama jaki moli tan pali jan","pilin ike tawa jan","wan taso","utala","moli"],"original":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-suli/mi-jan.md","https://utala.pona.la/mamtt/lipu-musi/lipu-suli/mi-jan.html"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"poki"}},"c/utala_musi_lipu_(2024)":{"prev":{"id":"2024/08/laso-poki","data":{"title":"laso poki","description":null,"authors":["jan Elasa"],"proofreaders":null,"date":"2024-08-10T00:00:00.000Z","date-precision":"day","original":null,"tags":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-lili.md","https://utala.pona.la/mamtt/lipu-musi/lipu-lili.html"],"archives":null,"preprocessing":null,"accessibility-notes":null,"notes":null},"body":"tomo pipi la \no kute e kalama \npi telo suli.","filePath":"poki/plaintext/2024/08/laso-poki.md","digest":"c472b987bfe71e18","rendered":{"html":"<p>tomo pipi la<br>\no kute e kalama<br>\npi telo suli.</p>","metadata":{"headings":[],"localImagePaths":[],"remoteImagePaths":[],"frontmatter":{"title":"laso poki","description":null,"authors":["jan Elasa"],"proofreaders":null,"date":"2024-08-10T00:00:00.000Z","date-precision":"day","tags":null,"original":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-lili.md","https://utala.pona.la/mamtt/lipu-musi/lipu-lili.html"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"poki"},"next":{"id":"2024/08/mi-tawa","data":{"title":"mi tawa","description":null,"authors":["akesi Nu"],"proofreaders":null,"date":"2024-08-10T00:00:00.000Z","date-precision":"day","original":null,"tags":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-lili.md","https://utala.pona.la/mamtt/lipu-musi/lipu-lili.html"],"archives":null,"preprocessing":null,"accessibility-notes":null,"notes":null},"body":"sina toki e ni: mi tawa\n\nmi sona e tawa pi ijo ale \nkasi li tawa tan kon wawa \nsoweli li alasa e moku mute \njan li tawa tan wile tawa\n\nnoka en ilo pi pali jan kin \nla jan li tawa lon tenpo jan \nona li ken tawa ma weka sin \nli ken tawa sike lon ma wan \n\ninsa sijelo li tawa e telo \nli sewi li anpa lon esun kon \nkalama musi en kule jelo \nli pilin tawa pi ijo lon \n\nmun weka li tawa lon sewi pimeja \nsuno ona li tawa lukin mi \nmi tawa lon lipu e palisa \nli sitelen e mun nimi \n\nijo ale li pini e tawa ona \nlon tenpo weka la \nmi awen pilin pona \ntawa la mi kama lon poka sina \n\nmi toki e ni: tawa pona","filePath":"poki/plaintext/2024/08/mi-tawa.md","digest":"4fc52d944126efa2","rendered":{"html":"<p>sina toki e ni: mi tawa</p>\n<p>mi sona e tawa pi ijo ale<br>\nkasi li tawa tan kon wawa<br>\nsoweli li alasa e moku mute<br>\njan li tawa tan wile tawa</p>\n<p>noka en ilo pi pali jan kin<br>\nla jan li tawa lon tenpo jan<br>\nona li ken tawa ma weka sin<br>\nli ken tawa sike lon ma wan</p>\n<p>insa sijelo li tawa e telo<br>\nli sewi li anpa lon esun kon<br>\nkalama musi en kule jelo<br>\nli pilin tawa pi ijo lon</p>\n<p>mun weka li tawa lon sewi pimeja<br>\nsuno ona li tawa lukin mi<br>\nmi tawa lon lipu e palisa<br>\nli sitelen e mun nimi</p>\n<p>ijo ale li pini e tawa ona<br>\nlon tenpo weka la<br>\nmi awen pilin pona<br>\ntawa la mi kama lon poka sina</p>\n<p>mi toki e ni: tawa pona</p>","metadata":{"headings":[],"localImagePaths":[],"remoteImagePaths":[],"frontmatter":{"title":"mi tawa","description":null,"authors":["akesi Nu"],"proofreaders":null,"date":"2024-08-10T00:00:00.000Z","date-precision":"day","tags":null,"original":null,"license":"CC-BY-SA-4.0","sources":["https://github.com/raacz/utala/blob/main/mamtt/lipu-musi/lipu-lili.md","https://utala.pona.la/mamtt/lipu-musi/lipu-lili.html"],"archives":null,"preprocessing":null,"accessibility-notes":null,"notes":null},"imagePaths":[]}},"collection":"poki"}},"a/soweli_Lapate":{}} toki ale utala musi lipu (2024) la soweli Lapate li sitelen **ma** ni li pona, lon poka sina. **ma** seme la sina lon? o pini e lupa, o awen lon ni, weka sina li nasa e mi. lon supa monsi suli lon poka mi. mi kama sona e sina la, tawa mi tu la, mi pali e **seli**. pilin mi li kama **seli**. **telo** nasa pona li lon poki. **telo** li kama tan sewi la, o moku e ona! tenpo li sina awen lon poka lupa. tawa, taso olin li awen. mi kama lukin e sina. mi la o pona, o alasa ala e **kon**! sina suno lon lete **kon**. **kon** lete li tawa e kasi suli **kon** pi olin ni la, lawa pi ma walo lete. mi tu li mi li ken ala sona pona. lon insa tomo; tawa poki suli mi sama kiwen tawa sina; la, mi pana suli e **telo**. tawa mi la, sina sama **telo**. **seli**. lon ona la, mi tu li **seli** pilin li ken kama lete ken pona e sijelo. mi uta sin; tan suli lete mi la, olin e sina; mi tu li awen lon mi kama anpa tawa poka pi seli pona, lon **ma**. ma, sama ma, lon **ma**. 