sona pi lipu toki ni
sina ken pona e ona kepeken ilo poki Kita
kulupu toki la ona li poetry
sina wile kepeken ona la, o kute e nasin CC-BY-SA 4.0
sina ken lukin e ona lon lipu liputenpo.org lon lipu liputenpo.org
ona li tan toki ante. toki ante ni li Do not go gentle into that good night li tan Dylan Thomas
o moli ala tawa pimeja pona tenpo
o moli ala tawa pimeja pona tenpo.
majuna1 o seli, o pakala e tenpo suno pini.
o utala, utala tan moli suno.
tenpo pini la, jan li sona e pona pi pimeja tenpo.
taso, nimi ona li wawa suno ala la, ali
o moli ala tawa pimeja pona tenpo.
jan mute pona, pi telo pini, li pana e telo pi oko suno.
ken la, lon telo la, ijo ona li tawa musi.
o utala, utala tan moli suno.
jan nasa li kama li kalama e suno.
tenpo kama la, sona ona li apeja1 kin.
o moli ala tawa pimeja pona tenpo.
jan pi suwi ala, pi moli lukin o,
oko pimeja o pona, o sama mun seli,
o utala, utala tan moli suno.
sina lon sewi pi nena ike, mama mije mi o.
o pakala, o sewi e mi kepeken telo oko seli.
o moli ala tawa pimeja pona tenpo.
o utala, utala tan moli suno.