sona pi lipu toki ni
sina ken pona e ona kepeken ilo poki Kita
ona li toki e ni: ma pona ni li lon ala lipu ma. jan pi mute lili li sona e ona.
sina wile kepeken ona la, o kute e nasin MIT
sina ken lukin e ona lon lipu blog.purpureus.net
ma pona lon poka pi telo anpa
nena en kasi en soweli en pipi li pona tawa mi. taso, tenpo mute la, mi lon tomo mi. ona li lon ma tomo Minsen. tenpo la, mi tawa weka tomo. mi tawa nena.
jan pona en mi li tawa. mi tawa nena. tenpo pimeja la, mi wile lape lon poka nena. tenpo suno kama la, mi wile tawa sewi nena.
mi wile lape lon ma pi pona mute. jan pi mute lili li sona e ma ni. ona li lon ala lipu ma. mi kepeken toki pona la, jan mute li ken ala sona e ma. taso, sina jan pi toki pona la, sina ken. mi o toki e nasin.
ma Minsen la, mi tawa nena kepeken ilo tawa linja. ma Pakan la, mi awen. ilo tawa li weka. ona li tawa ma Kami Patenkisen. mi tawa telo linja kepeken noka. telo ni la, nimi ona li Kulu. ona li anpa lon poka nena. ni li pona lukin.
lon poka ante telo la, mi tawa sewi. ni li wile e wawa noka e wawa sijelo. tenpo la, mi kama lon ma lukin. ma ni la, mi ken lukin e ma mute. ma tomo Pakan en ma tomo Kami li lon anpa.
mi tawa noka sin. tenpo lili la, nasin li kama tu. nasin nanpa wan li tawa sewi nena. jan mute li kepeken ona. nasin nanpa tu li tawa ma pona. nasin ni la, mi ken kute e kalama telo.
ma pona la, kiwen mute li lon. jan li pana e kiwen lon sewi pi kiwen ante. mi lukin e kiwen ni la, mi sona e ni: alasa li pini. ma pona la, mi taso li lon. jan ante li lon ala. mi lukin e nena e suno e kiwen. mi pilin pona. utala li lon ala.