telo

mi pini e lape mi la
ijo sina taso li kama lon insa pi lawa mi
sina o lukin e mi
mi ante e nasin pi linja lawa mi tan sina taso
mi len suwi e noka mi
li namako e linja lawa mi
kepeken ona la mi kama suwi
taso lon poka sina la mi kama telo
sijelo mi li kama ko
mi ken ala toki e pilin mi tawa sina
mi kama telo mi ken ala lukin e oko
mi ken ala toki powe tawa pilin mi
ona li tan ni: olin mi li tawa sina taso

ilo sona mi li toki powe tawa mi
telo sewi mute li kama
mi jo e len pi awen telo
taso, ona li lon insa pi poki mi
li lili tawa telo ni
taso, sina kama li toki tawa mi
“sina jo ala e len la
sina ken kama lon anpa pi len mi”
kalama olin ni la, mi kama telo
mi ken ala moku e kon
luka sina li lon poka pi luka mi la
pilin li nasa
mi lon anpa pi len sina
ken la, luka mi li ken tawa sina lon tenpo ni
sina o kama sona e pilin mi

mi ken ala ken kama jo e tenpo tawa telo oko mi
taso, ona li tan ni: mi pilin pona nasa

tenpo ni la, tomo tawa li kama
nasin pi mi tu o kipisi lon tomo ni
mi ken ala ken luka e luka sina lon tenpo lili
mi wile ala weka tan sina lon tenpo ni
sina o luka e mi lon tenpo ni
anu seme