sona pi lipu toki ni
sina ken pona e ona kepeken ilo poki Kita
ona li toki e ni: jan Awa li pilin ike tawa sona ike ona la ona li wile pona e ona kepeken toki tawa jan ante. tan ni la ona li sitelen tan pilin
kulupu toki la ona li blog
sina ken lukin e ona lon lipu janawa.bearblog.dev
mi sona ike, la mi wile pana e sona ike mi
jan Awa o.
tan seme la sina pilin e ni: tenpo ale la sina o sona nanpa wan.
tan seme la sina pilin e ni: sina wile ala pana e sona ike li wile ala pakala e pilin jan lon tenpo ale.
tan seme la sina pilin e ni: sina sona ike. taso sina wile ala kama sona li wile ala pona e sona sina.
tan seme la sina wile kama sona kepeken sona pini taso. tan seme la sina wile ala pana e sona ike nasa sina lon tenpo ale.
tenpo pini la, sina jo ala e lipu sona la, sina pali e sona. sina toki e sona ken nasa pi lon ala, li pilin pona taso. tenpo lon la sina pali ala e sona tan ni: sina wile ala e sona ike. sina wile ala toki e ni: mi jo e sona ike lon insa lawa mi.
jan Awa o, sina wile awen pana e sona ike sina. sina wile toki nasa li wile pilin pona tan toki nasa sina.
sina wile kama sona tan sona ike sina, tan alasa sona lon lawa sina taso lon lipu ala.
ni la, o sona: sina sona ike. taso jan ale li sona ike. o awen pana e sona ike sina o awen alasa pali e sona nasa lon lawa sina o toki e ni tawa jan o wile sona e ijo lon tan jan lon.