mi supa

mi supa.
kon lete li kama lon lupa.
ona li pilin e sinpin mi,
li open e kute mi.
tenpo pimeja li weka la,
kalama pi waso mute li wan.
tan ni la,
mi ken ala kute e waso wan.

sona mute li kama lon lawa mi.
ona li awen ala, li utala.
lape li weka.
sona li suli.
o pilin! mi lon.
tenpo suno sin li kama.

mi supa.
kon lete li kama lon lupa.
ona li uta e len oko mi,
li open e lukin mi.
tenpo suno li kama la,
nena suli li jo e len walo.
tan ni la,
mi ken ala lukin e sinpin kiwen.

sona mute li kama lon lawa mi.
ona li awen ala, li utala.
lape li weka.
sona li suli.
o pilin! mi lon.
tenpo suno sin li kama.

mi supa.
mi ken ala sona e pini e kama.
mi awen taso lon ni: mi lon.
jan li toki. mi kute e ona.
sama la, toki li kama e pilin mi.

sona mute li kama lon lawa mi.
ona li awen ala, li utala.
lape li weka. sona li suli.
o pilin! mi lon.
tenpo suno sin li kama.

sona mute li kama lon lawa mi.
ona li lanpan e lape mi.
mi kute ala kute e sona ni?
o pilin! mi lon.
tenpo suno sin li kama.

mi tawa.