tawa ma suli Amelika

mi toki e nasin mi. poka ni la, sina ken kama lukin e nasin sina. sina kama lon nasin ante lon tenpo suli ni anu seme?

toki suli mi li open lon tenpo sike 2020. sina sona: jan ale li kama monsuta tan jaki sijelo. mi lon ma tomo Pelin. mi pilin pona lili. kulupu jan tomo mi li wile lili e kulupu pi jan pona mi, li wile e ijo mute. “mi o ni. mi o ni.” a! kin la, jan pona li kama weka tan mi. mi pilin ike. mi kama wile tawa weka. tenpo pini la, mi wile kama sona e toki Epanja. ni li tenpo tawa ni! mi tawa ma suli Amelika a.

tomo tawa kon la, mi sitelen e toki pona tawa jan mi, tawa kulupu mama mi. pilin mi li suli tan ni: tenpo ala la, mi weka tan ma suli Elopa. kepeken sona lili pi toki Epanja la, mi kama jo e jan pona mute. ona en jan lili pi toki lili a li pana e sona toki tawa mi. ni a li nasin pona! mi jo e mani lili. mi kama jo e mani kepeken kalama musi. palisa pi kalama kon li pona tawa jan.

jan pi ma Ulukawi¹ li pona mute tawa jan tawa. jan li toki e ni: “o tawa tomo mi. o pona e tomo mi. mi o pana e pan e tomo.” mi sona ala e nasin. taso jan li pana e nasin tawa mi. mi lukin li pilin e suno wawa, e telo suli, e nena ante e ale pi ma Ulukawi. ale jan pi ma weka li sama jan pi ma mi a! mi jan tawa li kama jo e tomo sin lon tenpo sin, taso tenpo suli poka la, mi kama jo e tomo. nasin ni li pini lon poka pi mije olin mi. mi en ona li olin tan ni: mi tu li tan ma weka, taso mi jo e pilin sama.