sona pi lipu toki ni
sina ken pona e ona kepeken ilo poki Kita
ona li toki e ni: kiwen Kute li wile ante e nimi ona, li toki tawa kiwen Kasi (e kiwen Linja)
kulupu toki la ona li ao3 li fan fiction li Steven Universe li nimi
sina ken lukin e ona lon lipu archiveofourown.org
kiwen Kute li kute ala
toki!
ni li nimi ona lon toki pona:
kiwen Linja li kiwen Amethyst tan ni: ona li jo e linja mute, e ilo linja kin.
kiwen Pearl li kiwen Kute (ni li kama ante)
kiwen Kasi li kiwen Rose Quartz tan ni: nasa wawa li jo e sitelen kasi
kulupu pi kiwen kule li kulupu Crystal Gems
”mi wile ante e nimi mi” kiwen Kute li toki, noka ona li lon ko mute. telo li luka wawa e ma pi ko mute. monsi pi kiwen Kasi li lon ko mute. ona li lukin e ona — luka ona li kama lon nena noka ona.
monsi pi kiwen Kute li kama lon supa ko, lon poka kiwen Kasi. kiwen Kasi li toki e ni: “mi kute ala e ni: kiwen li ante e nimi ona. ..nn taso kiwen Linja a li ante e nimi ona..”
kiwen Kasi li kute insa e nimi pi kiwen lawa Jelo: kiwen sina li nimi ala. sina ken ala ‘ante’ e nimi pi kiwen ona. kiwen sina li sina, sina ken ala ante e ni. kiwen Kasi li toki insa e ni: kiwen lawa Jelo li nasa.
kiwen Kasi li lukin e lawa pi pilin ike pi kiwen Kute. kiwen Kute li toki e ni: “jan ala li jo e mi. …sina jo ala e mi.”
”lon.” jan Kasi li toki.
”tenpo kama — n, tenpo ni la, mi kute ala. mi kiwen ‘kute’ ala.”
kiwen Kasi li toki e ni: “a, tenpo ni la mi sona e tan pi wile sina… sina ken kama e ale pi wile sina lon kulupu pi kiwen kule.”
uta pi kiwen Kute li ante — li toki e pilin pona. ni li pana e pilin pona tawa kiwen Kasi.
ona li toki sin: “sina jo e nimi sin la, ona li seme?”
kiwen Kute li toki ala lon tenpo lili. “nn.. mi sona ala-“ toki ona li pini nasa tan ni: kiwen Linja li toki pi kalama suli:
”kiwen Palisa!” kiwen Linja li lon monsi kiwen tu. ona li musi lon ko, li pali e tomo ko lili. monsi ona li lon ko.
kiwen Kute li lukin e ona, li toki e ni: ”kiwen Linja o, tenpo seme la sina lon monsi mi tu?” kiwen Kasi li mu pi pilin musi, taso lawa pi kiwen Kute li toki e pilin ike. mu pi kiwen Kasi li tawa e linja suli ona.
“nn.. tenpo lili. nimi sina o ante tawa kiwen Palisa tan ni: sijelo ona li palisa a!” kiwen Linja li toki.
kiwen Kute li kon wawa lili pi pilin ike. “nimi mi li kama ala e kiwen Palisa.”
“ike a! taso kiwen Palisa li nimi pona!”
“pona ala.. mi wile e nimi pi kon suli.” kiwen Kute li toki. ona li toki insa lon tenpo mute.
kiwen Kasi li toki e ni “nn.. ken la, kiwen Wawa?”
kiwen Kute li mu pi pilin musi, taso kiwen Kasi li mu ala. “sina toki musi ala musi? mi wawa ala”
”lon ala!” kiwen Kasi en kiwen Linja li toki. tan ni, kiwen Linja li mu pi pilin musi.
kiwen Kasi li luka e lawa ona, li toki e ni tawa kiwen Kute: “sina wawa mute a!” kule lawa pi kiwen Kute li ante tawa loje.
“nnn.. a, nimi Wawa li lon!” kiwen Wawa li toki. kiwen ale li pilin pona mute a.
tenpo mute pini la mi toki ala e toki pona, la mi toki ike lon toki pona. taso mi kama sona!
ken la sina toki insa e ni: “mi ken pona e ni“ la o pona e pali mi kepeken toki tawa mi! sina pona e ni, la mi pilin pona li pona e lipu mi.
sina o toki e toki pi lipu mi la mi pilin pona!